Бидэнтэй нэгдэх

Урлаг спорт

Олон улсын жишигт нийцсэн хөлбөмбөг, хоккейн талбайтай болно

Огноо:

,

Дархан-Уул аймгийн Найрамдлын Дархан хөлбөмбөг, хоккейн ахмадын холбоо, Бурхантын зүтгүүрчид хоккейн клуб, Монголын хөнгөн атлетикийн холбоо, Монголын мастеруудын холбоо, Дархан спорт ногоон орчин нөхөрлөл зэрэг холбоодын удирдах зөвлөлийн гишүүд өнөөдөр аймгийн Засаг дарга С.Насанбат, аймгийн Засаг даргын орлогч А.Түвшинбат нартай уулзалт хийлээ.

Ууулзалтаар хүүхэд багачуудын биеийн тамир спортоор хичээллэх, хөлбөмбөг тоглох, зөв тэгш хүмүүжилтэй, эрүүл Монгол хүн болгох зорилгын дор ирэх оны төсөвт УИХ-ын гишүүдийн дэмжлэгтэйгээр олон улсын жишигт нийцсэн хөлбөмбөгийн талбай, хөнгөний 6 замтай иж бүрэн цогцолборыг барихад дээрх холбоод, клубууд хэрхэн хамтарч оролцох, Хоккейн талбайг шинээр тохижуулж олон улсын стандартад нийцсэн болгоход УИХ-ын гишүүн Б.Жавхлан болон орон нутгийн төсвөөс тодорхой зардлыг төсөвлөсөн бөгөөд энэхүү асуудалд хамтран оролцох, Дархан сумын 4 дүгээр багийн нутаг дэвсгэрт орших УБТЗ-ын Дархан зангилааны барьж байгуулсан Төмөр замчдын гэрэлт хөшөөний дэргэд Хоккейн талбай бүхий ногоон байгууламжит цогцолборыг барихад газрын асуудлыг шийдвэрлэх гэсэн үндсэн 3 асуудлыг ярилцлаа.

Олон холбоод, клубууд нэгдсэн нэг удирдлагатай болж хамтдаа дээрх ажлуудыг хийхээр болсон юм. Мөн энэ үеэр Дархан-Уул аймгийн Засаг дарга С.Насанбатад Найрамдлын Дархан хөлбөмбөг, хоккейн ахмадын холбооны зүгээс талархал дэвшүүллээ. 

Эх сурвалж: Дархан-Уул аймгийн ЗДТГ

Дэлгэрэнгүй унших
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Урлаг спорт

Германы тамирчин Гиидо Кунзе Монголд дугуйгаар аялж, Гиннесийн амжилтыг тогтооно

Огноо:

,

ХБНГУ-ын экстрим спортын тамирчин Гиидо Кунзе нь Гиннесийн дээд амжилтыг шинээр тогтоох зорилгоор Монгол орны баруун хязгаараас зүүн хил хүртэл 2600 км замд дугуйн аялал хийхээр төлөвлөсөн билээ.

Тэгвэл тэрбээр уг аяллынхаа зургаа дахь өдөртэй золгож буй бөгөөд өдөрт 350-400 км замыг туулсаар өнөөдөр Улаанбаатар хотод ирээд байна. Гиннесийн олон дээд амжилтын эзэн болсон уг тамирчныг Улаанбаатар хотноо саатах үеэр УИХ-ын гишүүн, Монголын дугуйн холбооны дэд ерөнхийлөгч Ц.Мөнхцэцэг, БОАЖ-ын сайд Б.Бат-Эрдэнэ, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө нар уулзаж, амжилт хүслээ.

Нийслэлийн Засаг даргын орлогч З.Төмөртөмөө “Дэлхийд алдартай хүмүүс олон дагагч, шүтэн бишрэгчтэй учраас тэднийг Монгол Улсад аялж, зочлох үеэр дэмжин ажиллах нь зүйтэй. Ингэснээр тэдний сувгаар дамжуулан дэлхий дахинд эх орноо сурталчилж, үзэсгэлэнт байгалиа үзүүлэх боломжтой. Энэ нь цаашлаад аялал жуулчлалыг хөгжүүлэхэд хувь нэмэр оруулна” гэсэн юм.

Экстрим спортын тамирчин Гиидо Кунзе “Том газар нутагтай, цөөн хүн амтай Монгол Улсад анх удаа ирлээ. Монголчууд найрсаг хүмүүс байна. Монгол, Герман хоёр улсын хооронд олон ялгаа бий ч аяллынхаа үеэр хоёр улс юун дээр хамтарч ажиллаж болох талаар их зүйл анзаарч харлаа” хэмээн сэтгэгдлээ хуваалцлаа. Шпаркассэ банкны Олон улсын хамтын ажиллагааны сангийн суурин төлөөлөгч  Маркус Лох уг аяллын үеэр Монгол орны тухай баримтат кино хийж байгаа бөгөөд дуусмагц нь нийслэлийн удирдлагууд болон Байгаль орчин, аялал жуулчлалын яаманд хүлээлгэж өгнө гэдгийг хэлж байв.

Гиидо Кунзе нь 1967 онд төрсөн бөгөөд 2005 онд автомашины бизнесээ орхин дугуйн экстрим спортоор дэлхийн дээд амжилтыг эвдэхээр шийджээ. Тэрбээр дэлхийн хэд хэдэн дээд амжилтыг эзэмшдэг байна. Тухайлбал,

-Австралийн баруун хязгаараас зүүн хязгаар хүртэлх 4200 км замыг хамгийн богино хугацаанд туулсан.

-Дэлхийн хамгийн өндөр галт уул болох Чилийн Атакама цөл дэх Ожо де Саладо галт уул хүртэл 6233 метрийн өндөрт дугуйгаар гарсан.

-Альпийн нурууг 100 мянган босоо метрийг 14 хоногийн дотор туулсан.

-Хятадын Цагаан хэрэм дээр дугуйгаар хамгийн хол зайд явсан зэрэг амжилтын эзэн ажээ.

Монгол Улсад хийж буй түүний аяллын маршрут:

-Гараа – Боршоо хилийн боомт

-Увс аймгийн Улаангом сум

-Архангай аймгийн Цэцэрлэг хот

-Улаанбаатар хот

-Багануур дүүрэг

-Сүхбаатар аймгийн Баруун-Урт хот

-Бариа – Бичигтийн боомт

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

Дэлгэрэнгүй унших

Урлаг спорт

50 жилийн дараах “Зуурдын сэтгэл”

Огноо:

,

1970-аад оны эхээр Монголд хит болсон "Зуурдын сэтгэл" киноны дуу нь 1968 Японд анх худалдаанд гарснаас хойш маш их алдаршиж 2 сая 700 мянган ширхэг пянз зарагдсан аж. Энэ дууг дуулсан Пинки буюу Кон Ёоко хатагтай 2021 онд Монголд тоглолтоо хийхээр төлөвлөж байсан ч цар тахлын улмаас хойшилсон юм.

Япон Улс, Монгол Улс хооронд дипломат харилцаа тогтоосны 50 жилийн ойн хүрээнд Кон Ёокогийн тоглолтыг наймдугаар сарын 20-нд Улаанбаатар хотноо зохион байгуулахаар болжээ. "White Rock Center"-д үнэ төлбөргүй болох энэхүү тоглолтод дуучин Д.Оюунтүлхүүр, Увертура хамтлаг, О.Солонго нар оролцоно. 

Дэлгэрэнгүй унших

Урлаг спорт

Сувилагч Б.Алтантуяа хавдрын эсрэг 650 км зам туулах холын зайн гүйлтээ эхлүүллээ

Огноо:

,

Дорнод аймаг дахь Бүсийн оношилгоо, эмчилгээний төвийн Хавдар, химийн эмчилгээний тасгийн сувилагч Балчинбавуугийн Алтантуяа "Хавдаргүй ирээдүй өнөөдрөөс" уриан дор Дорнод аймгийн төвөөс Улаанбаатар хот хүртэл 650 км зам туулах холын зайн гүйлтээ энэ сарын 20-ны өдрийн 08:00 цагт эхлүүлсэн байна.

Тэрбээр ирэх наймдугаар сарын 13-нд Улаанбаатар хотод бариандаа орохоор төлөвлөсөн бөгөөд 650 км зам туулах хугацаандаа зам дагуух аймаг, сумдын иргэдэд хорт хавдраас урьдчилан сэргийлэх зөвлөгөө мэдээлэл хүргэж, дасгал хөдөлгөөн, спортоор хичээллэн эрүүл мэндээ бэхжүүлэх эрүүл амьдралын хэв маягийг сурталчлах ажээ.

Дэлгэрэнгүй унших
сурталчилгаа

Санал болгох