Бидэнтэй нэгдэх

Урлаг спорт

СПОРТ клубт нэг, нэг удаа ҮНЭГҮЙ хичээллэж үзэх үү?

Огноо:

,

Спорт клубуудын сарын дундаж төлбөр 150 мянган төгрөг гэж тооцвол төлбөрөө сараар нь бүтэн төлөөд 14 хоног яваад орхих нь хайран биш гэж үү?

Спортуудын талаар хангалттай мэдээлэлгүй, завгүй амьдралын хэв маяг, замын түгжрэл, цаг заваа зохицуулах гэх мэт олон асуудлаас гадна өөрийн биеийн онцлогт тохирсон, хобби болгох спортоо сонгож туршиж хичээллэх боломж хязгаарлагдмал байдгаас бүтэн сарын төлбөр төлөөд 14 хоног яваад больсон хүмүүс бидний эргэн тойронд олон байдаг.

Нөгөө талаас биеийн тамирын клуб, сургалтууд эхний 6 сарын дотор нийт шинэ гишүүдийн 60 орчим хувийг алддаг гэсэн тоон судалгаа ч бий.

Тийм учраас спорт клубүүд болон Msports хамтран Plus гишүүддээ жилийн туршид спортын байгууллагуудад нэг удаа үнэгүй болон байнгын хөнгөлөлттэй үйлчлүүлэх боломжийг бий болголоо. Энэхүү цоо шинэ үйлчилгээг нэвтрүүлж буйтай холбоотойгоор https://www.facebook.com/msports.mn / бүх гишүүддээ дөрөвдүгээр сарын 29-нөөс тавдугаар сарын 31-нийг дуустал "Plus" жилийн эрхийг ЕРДӨӨ 24 мянган төгрөг болгон хямдруулсан байна.

Монголын хамгийн том спортын нэгдсэн платформ Msports нь аппликейшний PLUS эрхийг идэвхжүүлсэн гишүүддээ бүтэн жилийн турш биллиард, теннис, таэквондо, кросфит, фитнес, иога, усан спорт гэх мэт 50 гаруй сургалтын төвүүд, үйлчилгээний газруудаар хүссэн цагтаа нэг нэг удаа үнэгүй үйлчлүүлж, өөрт тохирох спортоо олох, цагийг хөгжилтэй өнгөрөөх гайхалтай боломжийг санал болгож байна.

Msports app-ийн PLUS гишүүн болсноор танд:

  1. Msports аппликейшний тусламжтайгаар олон төрлийн спорт сургалтууд, 500 гаруй клубийн хаяг байршил, үнийн дэлгэрэнгүй мэдээллийг нэг дороос авч, өөрт сонирхолтой спортын төрлөөр танд ойрхон клубийг хайлт хийн цаг алдалгүй бүртгүүлэх боломжтой.
  2. Спортын дэлгүүр, лаунж, эмнэлэг зэрэг спортын чиглэлээр үйл ажиллагаа явуулдаг байгууллагуудын бүх төрлийн мэдээллийг нэг дороос авна.
  3. Та Msports аппликейшний гишүүн болж бүртгүүлснээр зөвлөгөө, видео хичээл зэргийг үнэ төлбөргүй үзэж, гишүүн байгууллагуудаас 5-65% хүртэлх хөнгөлөлт, урамшуулалд хамрагдана
  4. Хэрвээ та клуб, сургалтын үйл ажиллагаа явуулдаг бол танд зориулсан гишүүдийн бүртгэлийн системийг бид санал болгож байна. Тус системээр үйлчлүүлэгчдийн ирцийн бүртгэл, дэлгэрэнгүй мэдээллийг авч, санхүүгийн тайлан болон явуулж буй үйл ажиллагааны мэдээлэл оруулах, хянах боломжтой.
  5. Та ямар нэгэн спорт тэмцээн уралдаан зохион байгуулах бол тэмцээний мэдүүлгийг Msports аппликейшнээр дамжуулан цахимаар түргэн шуурхай хайж, бүртгүүлэгчдийн төлбөр тооцоогоо саадгүй хүлээн авах боломжтой.
  6. Спортын ертөнц дэх цоо шинэ мэдээ мэдээлэл, спортын фактууд, сонирхолтой контентуудыг нэг дороос үзнэ.

Plus гишүүн болохыг хүсвэл https://onelink.to/wvgkqe энэхүү линкээр орж, апп татаж бүртгүүлээрэй.

Msports.mn хамт олны зүгээс гурван жил гаруйн хугацаанд Улаанбаатар хот дахь клубүүдийн хаяг, байршил датаг цуглуулж, спортоор хичээллэхийг хүссэн хүн бүрд нэг дороос мэдээлэл авах, хөнгөлөлттэй үйлчлүүлэх боломжийг бий болгоод байна. Энэ ажлын хүрээнд Монголын анхны спортын аппликейшнийг хэрэглэгчдийн гарт 2022 оны 12 сард хүргэж, шинэчлэгдсэн VERSION-2 хувилбар 2023 оны 9-р сард цацагдсан. Одоогийн байдлаар msports.mn аппликейшн-д 500 орчим клуб, спортын дэлгүүр, эмнэлэг зэрэг байгууллагуудын мэдээлэл, гэрээт 200 орчим байгууллагууд бүртгэгдээд байна.

Өөрт таарах зүйлээ олсон хүний амьдрал өөрчлөгдөж, зорилго тэмүүлэл зөвөөр тодорхойлогдсон түүхүүдийг олон уншдаг. Та ч өөрийн түүхийг бүтээхэд оройтоогүй байна. Хичээллээд үзэхэд, оролдоод үзэхэд ердөө ганц алхам л хэрэгтэй. СПОРТЫН аппликейшнд бүртгүүлээд өөрт таарсан газраа олоорой.

Msports Спорт хэрэглэгчдийн группт нэгдэхийг хүсвэл: https://www.facebook.com/groups/402558735996474

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Урлаг спорт

“Даншиг наадам-Хүрээ цам 2024” ирэх сарын 3, 4-ний өдрүүдэд болно

Огноо:

,

“Даншиг наадам-Хүрээ цам” нь Монголын соёл, шашны зан үйл, уламжлалт хэв шинжийг хадгалсан, өвөрмөц онцлогтой наадам юм. Тус наадмыг НИТХ, НЗДТГ болон Монголын Бурханы шашинтны төв Гандантэгчэнлин хийд хамтран зохион байгуулдаг уламжлалтай.  Энэ жил тус наадам ирэх сарын 3, 4-ний өдрүүдэд Хүй долоо худагт болно.

Өнөөдрийн байдлаар 2000 гаруй жуулчин “Даншиг наадам-Хүрээ цам 2024” наадмыг үзэхээр захиалга өгсөн байна. “Даншиг наадам-Хүрээ цам 2024”  үеэр дараах арга хэмжээг зохион байгуулна.

  • Хурдан морины уралдаан /Хязаалан, Их нас/
  • Цам харайх ёслол
  • Мандал өргөх ёслол
  • Урлагийн тоглолт
  • Морьтны үзүүлбэр
  • Балин, тосон урлалын тэмцээн
  • Унзад, голч лам нарын тэмцээн
  • Номын мэтгэлцээний тэмцээн
  • Хүчит бөхийн барилдаан /Үндэсний бөх, Буриад, Өвөрмонгол/
  • Монгол үндэсний хувцасны үзүүлбэр
  • Үндэсний сур харвааны тэмцээн
  • Уухай шагайн харвааны тойром
  • Морьт харвааны тэмцээн
  • Морьтон баатрын үзүүлбэр
  • Сээр цохих тэмцээн зэрэг арга хэмжээ болно.

Дэлгэрэнгүй унших

Урлаг спорт

“Парис-2024” тэтгэлэгт хөтөлбөрт хамрагдсан тамирчдаас 9 нь Олимпын эрхээ авчээ

Огноо:

,

“Парис-2024” олимпын тэтгэлэгт хөтөлбөрт хамрагдсан баг тамирчдыг ОУ-ын олимпын холбооны гишүүн, МҮОХ-ны ерөнхийлөгч Б.Баттүшиг, Тэргүүн дэд ерөнхийлөгч Ч.Наранбаатар, Ерөнхий нарийн бичгийн дарга Э.Бадар-Ууган нар хүлээн авч уулзав.
 
“Парис 2024” тэтгэлэгт хөтөлбөрт спортын 8 төрөлд 15 тамирчин хамрагдсан бөгөөд доорх нэр бүхий 9 тамирчин Олимпын эрхээ хүртэж, цаашлаад Олимпын медалын төлөө өрсөлдөхөөр бэлэн болоод байна. Үүнд:
 
Чөлөөт бөхийн тамирчин- Д.Отгонжаргал, Т.Тулга, М.Лхагвагэрэл
Жүдо бөхийн тамирчин- Л. Сосорбарам, Ё. Басхүү
Буудлага спортын тамирчин- Э.Даваахүү
Боксын тамирчин- О.Есүгэн
Хүндийг өргөлтийн тамирчин- М.Анхцэцэг
Хөнгөн атлетик- Г.Хишигсайхан нарын 9 тамирчин Олимпын эрхээ хүртсэн нь хөтөлбөрийг 60 хувийн амжилттай дүүргэлээ.
 
Энэхүү амжилт нь “Лос Анжелес 2028” тэтгэлэгт хөтөлбөрийг хэрэгжүүлэх боломжийг нээж байна гэж Монголын Үндэсний Олимпын Хорооноос мэдээллээ. 
Дэлгэрэнгүй унших

Урлаг спорт

“Чингис хаан: Монголчууд дэлхийг өөрчилсөн нь” үзэсгэлэн нээлтээ хийлээ

Огноо:

,

Монгол Улсын Ерөнхийлөгчийн ивээл дор “Чингис хаан: Монголчууд дэлхийг өөрчилсөн нь” үзэсгэлэн “Чингис хаан” үндэсний музейд нээлтээ хийлээ.

Монгол Улсын Ерөнхийлөгч Ухнаагийн Хүрэлсүхийн илгээсэн мэндчилгээг Гадаад бодлогын зөвлөх Э.Одбаяр уншиж сонордууллаа.

Их түүхээ түмэн олондоо сурталчилан таниулахаар алдарт Луврын музей тэргүүтэй Европын томоохон музей, архивын сан хөмрөгт буй дурсгалуудыг эх орондоо дэлгэн үзүүлж буй байгууллага, хамт олонд Ерөнхийлөгч талархал илэрхийлж, цаашид түүх, соёлтой холбоотой дурсгалуудаар олон үзэсгэлэн гаргахыг онцгойлон дэмжихээ илэрхийлжээ.

Ирэх наймдугаар сарын 25-ныг хүртэл хугацаанд дэлгэх үзэсгэлэн нь монголчууд дэлхийд хэрхэн нөлөө үзүүлж, амар амгаланг тогтоон, соёл, худалдаа, эдийн засаг, улс төрийн хувьд хэрхэн өөрчилснийг илтгэх эртний улсуудын түүхтэй холбоотой дурсгалууд, Монголын эзэнт гүрний дурсгал, хаад, түүний угсааныхны дурсгал хэсгээс бүрджээ.

Тухайлбал Монголын эзэнт гүрэн, Ил хант, Юань, Кидан Улстай холбоотой дурсгалуудыг хадгалж буй Луврын музей, Францын Үндэсний Архив, Севрийн Үндэсний Керамикийн музей, Чимэглэлийн Урлагийн музей болон Швейцарийн Ритберг музей, цуглуулагч Сэм ба Мирна Майэрсын цуглуулга зэрэг Европын таван томоохон музей, архиваас татаж авчирсан үзмэрүүдийг толилуулж байна.

Ил хаант, Юань, Кидан Улс, Хүннү үеийн ховор чухал дурсгалууд нь Монгол нутгаас олдоогүй бөгөөд Чингис хааны байгуулсан Их Монгол Улсын бүх харьяа улсуудын дурсгалуудыг анх удаа нэг дор дэлгэжээ.

Үзэсгэлэнгийн онцлох гол дурсгал нь 1305 онд Ил хаан Өлзийтөөс Францын хаан Гоо Филиппт илгээсэн монгол бичгийн захидал юм. Энэ захидал нь монгол хаадын бичиг соёлын дахин давтагдашгүй үнэт өв, төрт ёсны аугаа уламжлал, монгол бичгийн гайхамшиг, монголын их амар амгаланг бүрэн илэрхийлдэг, үнэлж баршгшй түүхэн баримтад тооцогддог.

Үзэсгэлэнг 2025 оны гуравдугаар сард Прага хот дахь Үндэсний музей, 10 дугаар сард Цюрих хотын Ритберг музей, 2026 онд Берлиний түүхийн музей, Канад, АНУ зэрэг улсад дэлгэхээр төлөвлөж байна.

Өнгөрсөн жил Монгол Улс, БНФУ-ын Ерөнхийлөгчийн ивээл дор Францын Нант хотод дэлгэсэн үзэсгэлэнг зургаан сарын хугацаанд 250 гаруй мянган хүн үзэж сонирхжээ.

Дэлгэрэнгүй унших
сурталчилгаа

Санал болгох