Бидэнтэй нэгдэх

Шударга мэдээ

Нийтийн тээврийн 36 чиглэлийн үйлчилгээ 05:20-05:40 цагт эхэлж байна

Огноо:

,

Нийслэлийн нутгийн захиргааны байгууллагуудын ажлын цагийн хуваарьт өөрчлөлт орсонтой холбогдуулан 2024 оны зургаадугаар сарын 3-ны өдрөөс
М:1 “5 шар-Офицеруулын ордон”
М:2 “Зунжин худалдааны төв-МУБИС-Сүхбаатарын талбай”
М:3 “Архивын ерөнхий газар-120 мянгат-Сүхбаатарын талбай”
Ч:79 “Монгол хьюндай киа компани-Яармагийн 1-р буудал”
Ч:80 “ХӨСҮТ-Яармагийн 1-р буудал”
Ч:81 “3,4-р хороолол Яармагийн 1-р буудал” чиглэлүүдийн үйлчилгээг 05:40 цагаас эхлүүлсэн.
 
Нийтийн тээврийн бодлогын газраас иргэд зорчигчдын санал, хүсэлтийг үндэслэн өнөөдрөөс буюу 2024 оны зургаадугаар сарын 5-ны өдрөөс дахин доорх 30 чиглэлийн үйлчилгээг 05:20-05:40 цагт эхлүүллээ. 
Үүнд:
Х:1 “Санзайн эцэс-Их тамир-Зунжин худалдааны төв - 7 буудал”
Х:2 “Шарга морьт - Зунжин худалдааны төв-7 буудал “
Х:3 “Городок – Налайх”
Х:4 “Тэрэлж - Офицеруудын ордон”
Х:5 “Налайх - Офицеруудын ордон”
Х:6 “Өлзийт хороолол - Яармагийн 3-р буудал”, Х:7 “Туул тосгон - Биокомбинат- Яармагийн 3-р буудал”
Х:8 “Найрамдал зуслан - 5 шар”
Х:9 “Био комбинат - Яармагийн 3-р буудал”
Х:10 “Эмээлт /хурган/ - 5 шар”
Х:11 “Хүй 7 худаг - Эмээлт /хурган/ - 5 шар”
Х:12 “Хонхор - Офицеруудын ордон”
Х:13 “Хонхор - Офицеруудын ордон”
Х:14 “Баруун туруу - 5 шар”
Х:15 “Жаргалант тосгон /Партизан/ – 5 шар“
Х:16 “Налайх-Нарлагийн зам-Нарангийн эцсийн зогсоол”
Х:21 “Ногоон толгойн эцэс-5 шар”
М:5 “10-р хороолол - Нарны зам – Ботаник”
М:6 “ТЭЦ-3-Баянмонгол хороолол-Шинэ зуун айл-Монгол тэмүүлэл сургууль”
Ч:8 "Хайлааст-МУБИС-Цэцэг төв"
Ч:23 "Чингэлтэй/Зүрх уул/ - Хүнсний 4-р дэлгүүр-Бөмбөгөр худалдааны төв"
Ч:26 "Тоосгоны үйлдвэр - Ботаник - Жанжин клуб"
Ч:31 "Улиастай - Баянбүрд - Зам гүүрийн автобааз"
Ч:32б "Офицеруудын ордон-Баянмонгол хороолол-ТЭЦ-3"
Ч:33 "Шадивлан - 7 буудал - Сансарын тойрог", Ч:41"Баруун салаа - Их тойруу - Халдвартын эмнэлэг”
Ч:43 "Баянхошуу - Ард кинотеатр - Бөмбөгөр худалдааны төв"
Ч:62 "Алтан овоо 48-р гудамж/СХД 26-р хороо/-Саппоро-10-р хороолол" /дунд овор/
Ч:67Z "Морин 11- Нисэх" /дунд овор/
Ч:70 “ТЭЦ3-Нарны гүүр-Бөмбөгөр худалдааны төв-Ард кино театр” чиглэл багтаж байна гэж Нийтийн тээврийн бодлогын газраас мэдээллээ. 
Дэлгэрэнгүй унших

Сэтгэгдэл

Шударга мэдээ

Цэцийн үйл ажиллагаа олон нийтэд нээлттэй, ил тод болно

Огноо:

,

Монгол Улсын Үндсэн хуулийн цэцийн нийт гишүүний хуралдаанаар Цэц, түүний Тамгын газрын үйл ажиллагааг боловсронгуй болгох асуудлыг хэлэлцэж, тодорхой саналууд дэвшүүллээ.

Ялангуяа Цэцийн үйл ажиллагаа олон нийтэд нээлттэй, ил тод байх, үнэн бодит мэдээллээр хангахад онцгой анхаарахыг гишүүд чухалчиллаа.

Үүнтэй холбоотой зарим арга хэмжээг Цэц авч хэрэгжүүлж эхэлсэн бөгөөд үйл ажиллагааныхаа талаарх мэдээ, мэдээллийг өөрийн байгууллагын цахим хуудаст тогтмол байршуулж, олон нийтийн сүлжээнд Монгол Улсын Үндсэн хуулийн цэц,   Conscourt Mongolia (@conscourtmongolia),  Монгол Улсын Үндсэн хуулийн цэц,  Mонгол Улсын Үндсэн хуулийн цэц гэсэн албан ёсны хаягуудаараа дамжуулан түгээж эхэллээ.

Мөн Цэцийн дунд, их суудлын хуралдааны явцыг шууд дамжуулахаар техник, зохион байгуулалтын бэлтгэл ажлыг хангаж байна гэж Монгол Улсын Үндсэн хуулийн цэцээс мэдээллээ.

Дэлгэрэнгүй унших

Шударга мэдээ

Монголбанкны Зээлийн мэдээллийн сангийн тохируулгыг хийж дуусав

Огноо:

,

Монголбанкны Ерөнхийлөгчийн тушаалаар Монгол Улсад орчин цагийн банкны тогтолцоо үүсэж, бэхэжсэний 100 жилийн ойг тохиолдуулж зудад нэрвэгдсэн зээлдэгч малчдад үүсээд буй санхүүгийн хүндрэлтэй нөхцөл байдал болон Ковид-19 цар тахлаас үүдэн Монгол Улсын нийгэм-эдийн засагт үзүүлсэн урт хугацааны сөрөг нөлөөг бууруулах, санхүүгийн үйлчилгээний тэгш, хүртээмжтэй байдлыг хадгалах, эдийн засгийн сэргэлтийг дэмжих зорилгоор 2024 оны 04 дүгээр сарын 01-ний өдрийн байдлаар анхаарал хандуулах, хэвийн бус, эргэлзээтэй болон муу зээлийн ангилалтай, зээл нь бүрэн төлөгдөж дууссан зээлдэгч, төлбөр хариуцагчийн зээлийн мэдээллийг Монголбанкны зээлийн мэдээллийн санд тусгахгүй байх тохируулгыг хийхээр болсон билээ.

Энэхүү шийдвэр нь 2024 оны 04 дүгээр сарын 01-ний өдрөөс эхлэн хэрэгжиж эхэлсэн бөгөөд анхаарал хандуулах (хугацаа хэтэрсэн) болон чанаргүй зээлийн ангилалд орсон зээл, өр төлбөрөө 2024 оны 06 дугаар сарын 02-ны өдөрт багтаан бүрэн барагдуулсан тохиолдолд дээрх арга хэмжээнд хамрагдах боломжийг иргэн, аж ахуйн нэгжүүдэд олгосон.

Тэгвэл дээрх шийдвэрийн хэрэгжилт нь хоёр үе шаттайгаар хэрэгжсэн бөгөөд эхний ээлжид 2024 оны 04 дүгээр сарын 01-ний өдрийн байдлаарх бүх ангилагдсан, үлдэгдэлгүй зээлийг (үүнд санхүүгийн түрээс, зээлийн шугам болон гэрээгээр баталгаажсан бүх өр төлбөр хамаарав) хамруулж, зээлийн мэдээллийн лавлагаанд тусгагдахгүй байх тохиргоог хийсэн. Ингэхдээ, 2024 оны 04 дүгээр сарын 01-ний өдрийн байдлаарх зээлийн муу ангилалтай ч зээл, өр, төлбөрийн үлдэгдэлгүй байх шаардлагад нийцтэй нийт 127,761 иргэн, ААН-ын мэдээллийг тохируулгад хамруулав.

Харин шийдвэрийн хэрэгжилтийн хоёр дахь шатанд буюу 2024 оны 04 дүгээр сарын 01-ээс 06 дугаар сарын 02-ны өдрийн хооронд өр, төлбөрөө бүрэн барагдуулж хаасан бүх ангилагдсан зээл, төлбөрийн үүргийг 06 дугаар сарын 02-ны өдрөөр тасалбар болгон нэгдсэн байдлаар зээлийн мэдээллийн лавлагаанд тусгагдахгүй байх тохиргоог хийв. 2024 оны 06 дугаар сарын 06-ны өдөр хийгдсэн энэхүү нэгдсэн тохируулгад нийт 27,554 иргэн, ААН-ийн хугацаа хэтэрсэн ангилалтай, үйлдэгдэлгүй төлбөрийн үүргүүд хамрагдаж зээлийн мэдээллийн лавлагаанд тусгагдахгүй боллоо. 

Ингэснээр, Монголбанкны Ерөнхийлөгчийн 2024 оны 04 дүгээр сарын 12-ны өдрийн А-74 тоот тушаалаар ангилагдсан, үлдэгдэлгүй зээлийг (үүнд санхүүгийн түрээс, зээлийн шугам болон гэрээгээр баталгаажсан бүх өр төлбөр хамаарна) хамруулж, нийт 155,315 иргэн, ААН-ийн зээлийн мэдээлэл Монголбанкны зээлийн мэдээллийн лавлагаанд тусгагдахгүй байх тохируулгад хамрагдлаа гэж Монголбанкнаас мэдээллээ.

Дэлгэрэнгүй унших

Шударга мэдээ

“Эхийн алдар” одонтой эхэд олгодог мөнгөн тусламжийн хэмжээг нэмэв

Огноо:

,

Засгийн газрын ээлжит хуралдаан 2024 оны зургаадугаар сарын 6-нд болж, дараах асуудлыг хэлэлцэн шийдвэрлэлээ.

“Эхийн алдар” I зэргийн одонтой эхэд жилд нэг удаа олгох мөнгөн тусламжийн хэмжээг 400 зуун мянга, II зэргийн одонтой эхэд 200 мянган төгрөг олгохоор шинэчлэн баталлаа.

Тогтоолыг 2025 оны нэгдүгээр сарын 1-нээс дагаж мөрдөх бөгөөд шаардагдах хөрөнгийг Монгол Улсын 2025 оны төсөвт тусган шийдвэрлэхийг Сангийн сайд Б.Жавхлан, Хөдөлмөр, нийгмийн хамгааллын сайд Х.Булгантуяа нарт даалгалаа.

Дэлгэрэнгүй унших

Санал болгох