Бидэнтэй нэгдэх

Улстөр нийгэм

Төсвийн тогтвортой байдлын зөвлөлд 2025 оны төсвийн төслийг танилцууллаа

Огноо:

2 жил.өмнө

,

Сангийн сайд Б.Жавхлан, ТНБД Ж.Ганбат болон газар, хэлтсийн дарга нар УИХ-ын дэргэдэх Төсвийн тогтвортой байдлын зөвлөлийн гишүүдтэй уулзаж, 2025 оны төсвийн төслийг танилцууллаа.
 
Сангийн сайд Б.Жавхлан "Ирэх оны төсвийн төсөөллөөр эдийн засаг уул уурхай, хөдөө аж ахуй, боловсруулах үйлдвэрлэл сайжирч, улмаар эдийн засаг 8 орчим хувиар өсөх төлөв ажиглагдаж байна. Мөн хамтарсан Засгийн газрын үйл ажиллагааны хөтөлбөрт тусгагдсан мега төслүүдийг хэрэгжүүлэхэд бүтээн байгуулалт, үйлдвэрлэлтэй холбоотой импортын хэмжээ нэмэгдэх төлөв ажиглагдаж байна. Сангийн яамны тооцооллоор ирэх онд импорт 13,9 тэрбум ам.долларт хүрч, 18 хувиар өсөх төсөөлөл бий.
 
Боомтуудын хүчин чадлыг нэмэгдүүлсэн учраас экспортын дүнг 2025 онд 18,9 тэрбум ам.долларт хүргэх зорилтыг төсвийн төсөлд тусгасан гэв. Мөн тэрбээр үргэлжлүүлэн эрчим хүчний салбарын либералчлал, үйлдвэрлэлийн хүчин чадлыг тэлэх зорилгоор хэрэгжүүлэх ажлуудыг онцоллоо. Эдгээр бүтээн байгуулалтууд 2025 онтой золгоод эхлэх учраас хэрэглээний үнийн индекс нэмэгдэх, инфляцд бага зэргийн өөрчлөлт үзүүлэх нөлөө бий. Тиймээс инфляцын түвшинг тогтвортой, 6 хувиас хэтрүүлэхгүй байхыг зорьж, 2025 оны төсвийн төслийг зурагласан" гэв.
 
Харин хүн амын амьдралын чанарыг дээшлүүлэхийн тулд ипотекийн санхүүжилтийг нэмэгдүүлэхээр төлөвлөж буй талаараа танилцууллаа. Тиймээс нийт ипотекийн зээлийн санхүүжилтийн 60 орчим хувийг гэр хорооллын иргэдэд олгох бодлого хэрэгжих юм. Үндсэн агуулгаараа 2025 оны төсөв мега төслүүдэд зориулагдсан зарлагын дүн өндөртэй ч угтан буй 30 жилийн хөгжлийн гарааг товчлон төлөвлөгдсөн учраас өмнөх жилүүдийн төсөвтэй харьцуулахад ач холбогдол өндөртэй төсвийн жил болно хэмээн танилцуулав.
 
Төсвийн төслийн танилцуулгын дараа УИХ-ын дэргэдэх Төсвийн тогтвортой байдлын зөвлөлийн гишүүд ирэх оны төсвийн төсөлд санал зөвлөмж өглөө гэж Монгол Улсын Сангийн яамнаас мэдээллээ. 
Уншсан:1250
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Хаягийн нэгдсэн тогтолцоог бүрдүүлсэн Солонгосын сайн туршлагыг Монголд нэвтрүүлнэ

Огноо:

5 өдрийн өмнө

,

ЗГХЭГ-ын дарга Б.Энхбаяр Бүгд Найрамдах Солонгос Улс (БНСУ)-ын  Дотоод хэрэг, аюулгүй байдлын дэд сайд Ким Мин Жэ тэргүүтэй төлөөлөгчдийг хүлээн авч уулзлаа.

Уулзалтын эхэнд Б.Энхбаяр сайд хэлэхдээ Монгол Солонгосын харилцаа, хамтын ажиллагаа бүх салбарт  өргөжин тэлж буйг онцлоод үүний нэг илрэл нь хоёр орны хамтран хэрэгжүүлж буй “Хаягийн  мэдээллийн системийг шинэчлэх замаар Монгол Улсын цахим төрийн удирдлагыг бэхжүүлэх” төсөл гэдгийг онцлон тэмдэглэв.

Монгол Улсын Засгийн газраас төрийн үйлчилгээг иргэдэд шуурхай хүргэх, төрийн байгууллагуудын мэдээллийн уялдаа холбоог сайжруулах цахим шилжилтийн бодлогод онцгой анхаарал хандуулж буйг танилцуулаад хаягийн системийг боловсронгуй болгоход чиглэсэн дээрх төслийг амжилттай хэрэгжүүлэхэд бүх талаар идэвхтэй хамтран ажиллахаа илэрхийлэв.

БНСУ-ын Дотоод хэрэг, Аюулгүй байдлын дэд сайд Ким  Мин Жэ энэ үеэр Солонгос Улс хаягийн нэгдсэн систем, тогтолцоог бүрдүүлэх шинэчлэлийн хүрээнд бие даасан хууль, эрх зүйн орчныг бүрдүүлсэн. Энэ чиглэлд олон улсад тэргүүлэх сайн туршлага нэвтрүүлсэн орны нэг. Хаягжилт бол эдийн засгийг тэлэх амин “судас” хэмээгээд өөрсдийн мэдлэг, туршлагаа хуваалцаж, төслийг амжилттай хэрэгжүүлэхэд анхаарч ажиллана гэлээ.

Монгол Солонгосын хамтран хэрэгжүүлж буй дээрх төслийн хүрээнд улсын хэмжээнд хаягийн мэдээллийг нэгдсэн стандартад оруулж, үнэн зөв, давхардалгүй болгож бусад төрийн үйлчилгээтэй уялдуулж, хүртээмж, бүтээмжийг нэмэгдүүлэх юм.

Хаягийн систем сайжирснаар цахим худалдаа, хөрөнгө оруулалт, хүргэлт болон эрүүл мэнд, шуудан, такси үйлчилгээ зэрэг иргэдийн өдөр тутмын үйлчилгээний чанар, хүртээмж эрс сайжрах нөхцөл бүрдэнэ.

Дэлгэрэнгүй унших

Улстөр нийгэм

УИХ-ын гишүүд улс төрийн хилс хэрэгт хэлмэгдэгсдийн дурсгалыг хүндэтгэж цэцэг өргөв

Огноо:

5 өдрийн өмнө

,

“Улс төрийн хилс хэрэгт хэлмэгдэгсдийн дурсгалыг хүндэтгэх өдөр”-өөр (2026.09.10) Улсын Их Хурлын гишүүд улс төрийн намууд, төрийн болон төрийн бус байгууллагуудын төлөөлөл, хэлмэгдэгсдийн төрөл төрөгсөд, үр ач нар, иргэд хэлмэгдэгсдийн хөшөөнд цэцэг өргөж, хүндэтгэл үзүүллээ.

Хөшөөнд цэцэг өргөх үеэр хүндэт харуул жагсаж, үлээвэр хөгжимчид гашуудлын ая эгшиглүүлэв. Цэцэг өргөсний дараа Монгол Улсын Төрийн дуулалыг эгшиглүүллээ.







Улсын Их Хурал 1996 оны 33 дугаар тогтоолоороо жил бүрийн 9 дүгээр сарын 10-ны өдрийг “Улс төрийн хилс хэрэгт хэлмэгдэгсдийн дурсгалыг хүндэтгэх өдөр” болгон шийдвэрлэсэн хэмээн Улсын Их Хурлын Нээлттэй парламентын газраас мэдээллээ.

 
Дэлгэрэнгүй унших

Улстөр нийгэм

Бүгд Найрамдах Социалист Вьетнам Улсын Үндэсний Ассамблейн даргыг албан ёсоор угтаж авлаа

Огноо:

6 өдөр.өмнө

,

Монгол Улсын Их Хурлын дарга С.Бямбацогтын урилгаар Бүгд Найрамдах Социалист Вьетнам Улсын Үндэсний Ассамблейн дарга Чан Тань Ман 2026 оны 09 дүгээр сарын 09-11-ний өдрүүдэд албан ёсны айлчлал хийхээр гэргий Нгуен Ти Тань Нга-гийн хамт хүрэлцэн ирээд байна.







Монгол Улсын Их Хурлын дарга С.Бямбацогт, гэргий Ц.Ганцэцэгийн хамт Бүгд Найрамдах Социалист Вьетнам Улсын Үндэсний Ассамблейн дарга Чан Тань Ман, гэргий Нгуен Ти Тань Нга нарыг өнөөдөр (2026.09.10) Жанжин Д.Сүхбаатарын талбайд албан ёсоор угтан мэндчиллээ.





Монгол Улсын Их Хурлын дарга С.Бямбацогт, гэргий Ц.Ганцэцэг болон эрхэм зочид Их Эзэн Чингис хааны хөшөөнд хүндэтгэл үзүүлсний дараа Төрийн ордны Ёслол хүндэтгэлийн өргөөний Баганат танхимд саатан, Эрхэмсэг ноён Чан Тань Ман хүндэт зочны дэвтэрт сэтгэгдлээ үлдээн, гарын үсэг зурав. 

Үргэлжлүүлэн Монгол Улсын Их Хурлын дарга С.Бямбацогт, Бүгд Найрамдах Социалист Вьетнам Улсын Үндэсний Ассамблейн дарга Чан Тань Ман нарын албан ёсны хэлэлцээ Төрийн ордонд эхэллээ хэмээн Улсын Их Хурлын Нээлттэй парламентын газраас мэдээлэв.
Дэлгэрэнгүй унших
сурталчилгаа

Санал болгох