Бидэнтэй нэгдэх

Шударга мэдээ

Шинэчилсэн хамгаалалтын элемент бүхий мөнгөн тэмдэгтүүдийг гүйлгээнд гаргана

Огноо:

18 өдрийн өмнө

,

Монголбанк нөөцийг нь дахин бүрдүүлэх шаардлагатай болсон 50, 20000 төгрөгийн дэвсгэртүүдэд орчин үеийн технологи бүхий хамгаалалтын шинэ элементүүдийг оруулан шинэчлэн сайжруулж, гүйлгээнд гаргахаар боллоо.

Шинэчилсэн хамгаалалтын элементүүд нь иргэд энгийн нүдээр хараад хуурамч дэвсгэртээс төвөггүй ялгаж, таних боломжтой байх бөгөөд 3 хэмжээст, микро оптик, хөдөлгөөнт гадаргуутай тууз болон 3 хэмжээст өнгө нь хувирагч элемент, харааны бэрхшээлтэй иргэдэд зориулсан товгор таних тэмдэг зэргийг дурдаж болно. Шинэ 20,000 төгрөгийн дэвсгэрт нь түүхэн болон үндэсний уламжлалт хэв маягийг хамгийн сүүлийн үеийн технологитой төгс хослуулснаараа онцлог юм.

Шинэчлэн сайжруулсан 50-т болон 20000 төгрөгийн мөнгөн дэвсгэртүүдийг хоёрдугаар сарын 10-наас эхлэн банкуудад гаргаж, банкууд харилцагчдадаа олгох замаар гүйлгээнд гаргана. 

Монголбанк нь үндэсний мөнгөн тэмдэгтийн зохистой бүтцийг хангаж, нөөцийг дахин бүрдүүлэх, хадгалах, тээвэрлэх үндсэн үүргээ хэрэгжүүлэхийн зэрэгцээ мөнгөн тэмдэгт хуурамчаар үйлдэх явдалтай тэмцэхэд анхаарал хандуулж, үндэсний мөнгөн тэмдэгтүүдийн хамгаалалтын элементийг сайжруулж, шинэчлэхэд анхаарал хандуулан ажиллаж байна.

 

Дэлгэрэнгүй унших
сурталчилгаа

Сэтгэгдэл

Шударга мэдээ

Булган аймгийн Ардчилсан намын удирдлагууд 1000 хонь хандивлана

Огноо:

6 цаг 2 минут

,

Монгол Улсын Ерөнхийлөгч Х.Баттулга коронавирусний халдвартай тэмцэж буй Бүгд Найрамдах Хятад Ард Улс /БНХАУ/-д  айлчилж, 30 мянган хонь хандивлахаар болсон.

Ерөнхийлөгчийн энэ үйлдлийг монгол түмэн дэмжиж, сайн дураар хандив өргөхөө мэдэгдсээр байна. Тодруулбал, Булган аймгийн Ардчилсан намын хорооноос 1000 хонь хандивлахаар шийдвэрлэжээ. Энэ талаар Булган аймгийн Ардчилсан намын удирдлагууд мэдэгдлээ.

Дэлгэрэнгүй унших

Шударга мэдээ

БНСУ-д оршин суугаа иргэдийн визийн талаар

Огноо:

1 өдрийн өмнө

,

Коронавирусын COVID-19 тархалтаас урьдчилан сэргийлэх, эрсдлийг бууруулах хүрээнд Монгол Улсын Засгийн газар, Улсын онцгой комисс 2 дугаар сарын 26-ны хуралдаанаар Монгол Улс, БНСУ хооронд зорчигч тээврийн бүх нислэгийг түр цуцалсан хугацааг 3 дугаар сарын 11-ний өдөр дуустал сунгасан.

Энэ хугацаанд БНСУ-д оршин суух визийн хугацаа дуусаж буй аялал жуулчлалын  “C-3” виз, транзит “В-2” визтэй иргэд дараах баримт бичгийг бүрдүүлж өөрийн биеэр ЭСЯ-ны Консулын хэлтэст ирнэ үү.

- Гадаад пасспорт

- 2/25-3/11-ний хооронд явах нисэх онгоцны тийз /урьдчилсан байдлаар/

- Өргөдөл

Дээрх бичиг баримтад үндэслэн ЭСЯ-ны Консулын хэлтсээс олгох албан бичгийг /ноот/ ИРГЭН Та өөрийн биеэр БНСУ-ын Гадаадын иргэн, харьяатын газарт эх хувиар нь аваачиж өгнө. БНСУ-ын Гадаадын иргэн харьяатын газар Таны визийг ямар хугацаагаар сунгахыг шийднэ.

- Сөүл, Генги мужаас бусад хол хөдөө, орон нутагт амьдарч буй иргэд ЭХЛЭЭД ЭСЯ-ны ШУУРХАЙ УТАС 010-8205-3464 утсаар холбогдоно уу.

- Гэрээт ажилчид виз болон бусад асуудлаар Хөдөлмөр, нийгмийн хамгааллын үйлчилгээний төвд хандаж, (02) 2266-9229, (02) 2278-8030 утсаар холбогдоно уу.

- Дэгү хот, том Гванжу хот, Умард Гёнсан, Өмнөд Гёнсан, Өмнөд Чолла мужид оршин суугаа иргэд Пусан дах Консулын газарт хандаж, (051)465-9996, 010-4966-7103 утсаар холбогдоно уу.

Танд харьяалагдах БНСУ-ын Гадаадын иргэн харьяатын газрын байршлыг дараах холбоосоос авна уу. Дэлгэрэнгүй мэдээллийг Гадаад иргэдийн мэдээллийн нэгдсэн лавлах болох 1345, мөн цагаачлалын албаны бусад бүх газар нэгжээс тодруулна уу. https://www.hikorea.go.kr

МОНГОЛ УЛСААС БНСУ-Д СУУГАА ЭЛЧИН САЙДЫН ЯАМ

Дэлгэрэнгүй унших

Шударга мэдээ

Японд монгол иргэдийн визийн хугацааг сунгуулах чиглэлээр ажиллаж байна

Огноо:

1 өдрийн өмнө

,

Шинэ төрлийн коронавирусний халдварын тархалтаас урьдчилан сэргийлэх хүрээнд Монгол Улс, Япон Улс хоорондын хоёр талын нислэгийг түр хугацаанд зогсоосонтой холбогдуулан Монгол Улсаас Япон Улсад суугаа ЭСЯ-ны зүгээс Япон Улсын Гадаад хэргийн яам, Хууль зүйн яам, Цагаачлалын алба зэрэгт хандаж дээрх хугацаанд визийн хүчинтэй хугацаа нь дуусгавар болох монгол иргэдийн визийн хугацааг сунгуулах чиглэлээр ажиллаж байна.

Уг асуудлаар монгол иргэд ажлын бус цагаар нэн яаралтай, онц шаардлагатай асуудал гарвал дараах дугаараар бидэнтэй холбогдоно уу.

090-2754-2775
090-3319-1397
080-4352-8757
070-2183-0707

Эх сурвалж: Монгол Улсаас Япон Улсад суугаа Элчин сайдын яам

Дэлгэрэнгүй унших

Санал болгох