Чөлөөт цаг
Бэлгээ аваад 3 сая төгрөг хожоорой
Хараад л нүд алдаж, шохоорхол төрөм гайхамшигтай сайхан баглаа боодол бүхий энэ сайхан бэлгийг та хаанаас авч болох вэ гэж үү? Тэгвэл маш амархан та ердөө 9402-8181болон 9503-8181 утас руу залгахад л хангалттай. Таны хүссэн газар тань үнэгүй хүргэж өгнө.
Хэдийгээр бүсгүйчүүдийн дуртай Олон улсын эмэгтэйчүүдийн баярын өдөр болж байгаа ч дэлхий даяар тархсан халдварт өвчнөөс болоод баяр наадам тэмдэглэх, олноороо цугларахыг хориглоод байгаа ч гэсэн бүсгүйчүүдээ баярлуулж яагаад болохгүй гэж. “Олноороо цугларахыг л хориглосон болохоос бэлэг өгөхийг хориглоогүй шүү” гэж бүсгүйчүүд жуумалзаж байгаа бол эрчүүд ч гэсэн хайртай сайхан бүсгүйчүүдээ боломжийнхоо хэрээр баярлуулахыг хүсч буй нь тодорхой.
Тэгэхээр хорио цээрийн дэглэм тогтоогоод байгаа энэ үед хүргэлтийн бэлэг хамгийн тохиромжтой. Тэр тусмаа амин дэмээр баялаг энэ гоёмсог бэлэг.
Дашрамд сануулахад амтлаг, чанартай жимс, ногоогоор хэрэглэгчдээ хангадаг олны танил “Хос Билгүүн Зул” компанийнхан худалдан авагчдадаа зориулан 3 сая төгрөгийн азтан шалгаруулж байгаа юм. Тэгэхээр та бэлгээ аваад 3 сая төгрөгний азтан болох боломжтой гэсэн үг. Гоё байгаа биз.
Дээр нь олон нийтийн газар цугларахыг хориглож байгаа энэ үед хүргэлт гэдэг бол жинхэнэ тохиромжтой үйлчилгээ. Ер нь халдвар тархах магадлалтай энэ үед дэлгүүр, зах олон хүнтэй газар очих хэрэггүй гэж зөвлөж байгаа шүү дээ. Тэгэхээр та залгаад хайртай бүсгүй, ээж, эхнэрийнхээ ажил дээр амин дэмээр баялаг, сэтгэл татам гоёмсог бэлгийг нь хүргүүл. Хэрвээ та өөрөө ч юм уу, эхнэр тань гэртээ хүүхдүүдээ харж байгаа бол бүр ч гоё сюрприз болно.
Хөл хорио тогтоосноос болж гадагшаа гарч чадахгүй, уйдаж суугаа бяцхан үрс тань ч гэсэн бөөн баяр хөөр болно гэдгийг төсөөлөөд үз дээ. Утсаа аваад залга, тэд таны хүссэн газар тань аз жаргал, баяр хөөрийг бэлэглэхээр яаран очно. Бэлгийг тань авсан хүмүүсийн нүд баяр хөөрөөр гэрэлтэн талархана гээд бод доо.
Дахин сануулья.
Утас: 9402-8181, 9503-8181
Бас ЭНД дараад илүү дэлгэрэнгүй мэдээллийг авч болно.
Чөлөөт цаг
Хүүхдийн бэлэгт агуулагдах сахар зохист хэмжээнээс 16 дахин их байна
Мэргэжлийн хяналтын байгууллагаас Олон улсын хүүхдийн эрхийг хамгаалах өдөр буюу эх үрсийн баярын хүрээнд урьдчилан сэргийлэх хяналт шалгалтыг хийгээд байна. Нийт 309 аж ахуйн нэгж байгууллага, 140 иргэнийг уг шалгалтад хамруулсан юм. 449 газрыг хамруулсан тус хяналт шалгалтаар 560 орчим зөрчлийг илрүүллээ. Иймд хүүхдийн бэлэг сонгохдоо сав баглаа боодлын бүрэн бүтэн байдал, хадгалах хугацаа, хадгалалтын горим алдагдсан эсэх, хаяг шошгыг сайтар нягтлахыг анхааруулж байна.
Мөн хүүхдийн бэлэгний сахарын агууламжид анхаарлаа хандуулахыг зөвлөж байна. Нэг ширхэг жүүс, нэг жигнэмэг, 3 төрлийн чихэр, түүнтэй төст бүтээгдэхүүн, нэг ширхэг шоколад буюу 6 ширхэг бүтээгдэхүүн орсон дундаж бэлэгний сахарын агууламжийг тооцож үзэхэд ойролцоогоор 412 грамм сахар агуулагддаг гэсэн судалгаа бий. Энэ нь ЭМЯ-аас гаргасан зөвлөмжөөр насанд хүрсэн хүний өдрийн сахарын хэрэглээ 25 грамм байдагтай харьцуулан үзэхэд даруй 16.5 дахин их байна. Сахарын агууламж өндөртэй хүнсний бүтээгдэхүүнийг нэг дор их хэмжээгээр хэрэглэх нь хүүхдийн шүдийг өвчлүүлэх эрсдэлтэйгээс гадна хүүхдэд цатгалан мэдрэмжийг төрүүлж улмаар хоолны дуршлыг бууруулдаг. Энэ байдал удаан хугацаанд үргэлжилбэл хүүхэд шим тэжээлийн дутагдалд орох эрсдэлтэй юм.
Иймээс сахарын агууламж багатай, эрүүл, тэжээллэг, баталгаатай хүнсний бүтээгдэхүүн худалдан авахыг зөвлөж байна.
Эх сурвалж: НМХГ
Чөлөөт цаг
Төвийн нутгуудаар олон жилийн дунджаас ахиу хур тунадас орно
Урин дулаан цаг буюу зуны сар айлчлан ирлээ. УЦУОШГ-ын цаг уурч Ш.Тэргэлээс цэцэг жимс, нар хур тэгширдэг зургадугаар сарын цаг агаарын урьдчилсан мэдээллийг тодрууллаа.
-Зургадугаар сард цаг агаарын урьдчилсан төлөв байдал ямар байх вэ?
-Ирэх зургадугаар сарын агаарын температурын хувьд баруун аймгуудын нутгийн ихэнхи хэсгээр олон жилийн дунджаас дулаан байхаар байна. Бусад нутгаар олон жилийн дунджаар байна. Хур тунадасны хувьд баруун аймгуудын нутгийн хойд хэсгээр олон жилийн дунджаас бага. Төвийн аймгуудын нутгийн зүүн болон говийн аймгуудын өмнөд хэсгээр олон жилийн дунджаас ахиу хур тунадас орох төлөвтэй байна. Бусад нутгаараа олон жилийн дундажтай адил байна. Агаарын температур, хур тунадасны явцын хувьд ихэнхи нутгаараа ирэх сарын нэгдүгээр 10 хоногийн дунд үеэр мөн хоёрдугаар 10 хоногийн эхэн болон гуравдугаар 10 хоногийн дунд үеүдэд агаарын температур сэрүүсэх төлөвтэй байна. Сарын эхэнд буюу нэгдүгээр 10 хоногийн эхэн болон сүүлээр мөн хоёрдугаар 10 хоногийн эхэн болон сүүлээр, гуравдугаар 10 хоногийн эхээр ихэнхи нутгаар агаарын температур өмнөх өдрөөсөө 2-5 хэмээр дулаарах төлөвтэй байна. Хур тунадасны хувьд сарын эхэнд буюу нэгдүгээр 10 хоногийнхоо эхэнд баруун болон төвийн аймгуудын нутгаар, нэгдүгээр 10 хоногийн дунд үед төв болон зүүн аймгуудын нутгаар, мөн нэгдүгээр 10 хоногийн дунд үед баруун аймгуудын нутгаар, нэгдүгээр 10 хоногийнхоо сүүлчээр төвийн болон зүүн аймгуудын нутгаар хур тунадас орно. Сарын дундуур буюу хоёрдугаар 10 хоногтоо төвийн болон зүүн аймгуудын нутгаар бага зэргийн тунадас орох бол гуравдугаар 10 хоногтоо нийт нутгаараа хур тунадас ахиу орох төлөвтэй байна.
-Өмнөх жилүүдтэй харьцуулахад хур тунадас хэр их орох вэ?
-Ихэнхи нутгаараа хур тунадас олон жилийн дунджаар байна. Төвийн аймгуудын зүүн, говийн аймгуудын өмнөд хэсгээрээ олон жилийн дунджаас арай ахиу хур тунадас орно. Өнгөрсөн жил хур тунадас олон жилийн дунджаасаа бага байсан бол агаарын температурын хувьд олон жилийн дунджаасаа дулаан байсан.
-Ирэх сард ямар бүс нутгуудад хур тунадас бага байх төлөвтэй байна вэ?
-Хур тунадас багатай нутгууд гэвэл Алтайн өвөр говь, говийн аймгуудын нутгаар тодруулбал Өмнөговь аймгийн өмнөд хэсэг, Дорноговь аймгийн ихэнхи нутгаар хур тунадас багатай байхаар урьдчилсан төлөв гарсан.
Эх сурвалж: ОБЕГ
Чөлөөт цаг
ОХУ-д оршин сууж буй монгол оюутнуудын анхааралд
Монгол Улсаас ОХУ-д суугаа Элчин сайдын яам, Эрхүү, Улаан-Үд, Кызыл хотууд дахь Ерөнхий консулын газрууд хамтран Улсын Онцгой комиссын шийдвэрийн дагуу иргэдийг эх оронд нь хүргэх ажлыг 2020 оны 03 дугаар сараас ээлж дараалан, нэгдсэн удирдлагын дор зохион байгуулж байгаа билээ.
2020 оны 05 дугаар сарын 25-27-ны өдрүүдэд Москва-Улаанбаатарын чиглэлийн тусгай үүргийн нислэг, Хиагт-Алтанбулаг хилийн боомтоор нийтдээ 760 Монгол Улсын иргэн эх орондоо очоод байна.
ОХУ-д үлдсэн иргэдийн тоо, байршилыг нарийвчлан дахин тогтоох, тэдний тус улсад үлдсэн учир шалтгаан, эх орон руугаа явах боломжит тов, чиглэл зэргийг тодруулах, улмаар иргэдийг нутагт нь хүргэх, татан авах ажиллагааг цаашид хэрхэн үргэлжлүүлэн зохион байгуулах талаар санал боловсруулж Улсын Онцгой комисст уламжлах зорилгоор Монгол Улсаас ОХУ-д суугаа Элчин сайдын яам оюутнуудаас санал асуулга авахаар шийдвэрлэсэн юм.
Иймд, нутаг буцаагүй оюутан Та https://forms.gle/RshNb9WS9tokX2oUA холбоосоор орж санал асуулгын асуултуудад үнэн зөв хариулна уу.
Санал асуулгад ОХУ-д оршин байгаа оюутан оролцсон эсэхийг нягтлах зорилгоор Элчин сайдын яамны суурин утаснаас судалгаанд оролцогч Таны үүрэн утас руу залгаж тодруулга, баталгаажуулалт хийх тул дуудлагад шуурхай хариу өгөхийг хүсье.
Жич: Хотуудын болон сургуулиудын Оюутны холбооны төлөөлөгчид үлдсэн оюутнуудынхаа мэдээлэлийг oyutan.burtgel@mail.ru шууданд ирүүлнэ үү.
Холбоос: https://forms.gle/RshNb9WS9tokX2oUA