Улстөр нийгэм
НҮБ-ын Хүүхдийн сангийн суурин төлөөлөгч Беате Дастел итгэмжлэх захидлаа гардуулав
НҮБ-ын Хүүхдийн сангийн Суурин төлөөлөгч Беате Дастел хоёрдугаар сарын 23-ны өдөр Гадаад харилцааны яамны Төрийн нарийн бичгийн дарга Л.Мөнхтүшигт Итгэмжлэх захидлаа гардуулж, үүрэгт ажилдаа албан ёсоор оров.
Төрийн нарийн бичгийн дарга Л.Мөнхтүшиг Монгол Улсын нийгэм, эдийн засгийн зорилтууд, ялангуяа хүүхдийн хөгжил, эрх ашгийг хамгаалах үйлсэд НҮБ-ын Хүүхдийн сан олон жилийн турш үнэтэй хувь нэмэр оруулсныг онцлон тэмдэглэж, эх, хүүхдийн эрүүл мэндийг сайжруулах, боловсролын хүртээмжийг нэмэгдүүлэх, нийгмийн хамгааллыг бэхжүүлэх, эмзэг бүлгийн хүүхдүүдийн эрхийг хамгаалах чиглэлээр бодитой, үр дүнтэй хамтын ажиллагааг тууштай хэрэгжүүлж ирсэнд сэтгэл хангалуун байгаагаа илэрхийлэв.
Суурин төлөөлөгч Беате Дастел НҮБ-ын Хүүхдийн сангаас Монгол Улсад амжилттай хэрэгжүүлж буй төсөл, хөтөлбөрүүдийг тууштай үргэлжлүүлэн хэрэгжүүлэхээ тэмдэглэж, монгол хүүхдийн сайн сайхан байдлыг хангахын төлөө НҮБ-ын Хүүхдийн сан бүхий л талаар хамтран ажиллахад бэлэн байгааг илэрхийллээ.
Суурин төлөөлөгч Беате Дастел нь Австри Улсын иргэн бөгөөд олон улсын хөгжил ба стратеги төлөвлөлтийн асуудлаар мэргэшсэн, манай улсад томилогдохын өмнө Бүгд Найрамдах Джибути Улс дахь Суурин төлөөлөгч, мөн Бүгд Найрамдах Ардчилсан Лаос Ард Улс, Бутаны Хаант Улсад тус тус Суурин төлөөлөгчийн орлогчоор ажиллаж байсан туршлагатай болно.
Улстөр нийгэм
Цагдаагийн байгууллагад бүртгэгдсэн дуудлага, мэдээлэл өнгөрсөн оны мөн үеийнхээс буурчээ
Нийслэлд Сар шинийн баярын өдрүүдэд цагдаагийн байгууллагад бүртгэгдсэн дуудлага, мэдээлэл өнгөрсөн оны мөн үеэс 9.8 хувиар буурсан байна.
Цагдаа, дотоодын цэргийн байгууллагын алба хаагчид өндөржүүлсэн бэлэн байдлын нэгдүгээр зэрэгт шилжин үүрэг гүйцэтгэлээ гэж Нийслэлийн Цагдаагийн удирдах газраас мэдээллээ.
Улстөр нийгэм
Бүх цэргийн Их хар сүлдний цагаалах тайлга боллоо
Улстөр нийгэм
ЕБС-иудын Захирлуудын Үндэсний Зөвлөлийн гишүүдийн төлөөллийг хүлээн авч уулзлаа
Боловсролын сайд П.Наранбаяр Монголын Ерөнхий Боловсролын Сургуулиудын Захирлуудын Үндэсний Зөвлөлийн гишүүдийн төлөөллийг хүлээн авч уулзлаа.
Монголын Ерөнхий Боловсролын Сургуулиудын Захирлуудын Үндэсний Зөвлөл нь 2016 оноос хойш нийслэлийн 9 дүүрэг, 21 аймаг салбар зөвлөлтэйгөөр ерөнхий боловсролын сургуулийн удирдах ажилтнуудыг чадавхжуулах, тэдэнд зөвлөн туслах чиглэлээр үйл ажиллагаа явуулж ирсэн төрийн бус байгууллага юм.
Уулзалтын эхэнд тус зөвлөлийн гүйцэтгэх захирал Б. Ундрал 2026 оныг “Боловсролыг дэмжих жил” болгон зарласантай холбогдуулан ерөнхий боловсролын сургуулийн удирдах ажилтнуудын чадавхыг нэмэгдүүлэх, салбарын бодлого, шийдвэрийг хэрэгжүүлэх явцад тулгарч буй асуудал, санхүүжилт, хүний нөөц, нийгмийн хангамж цалингийн нэмэгдэлтэй холбоотой нийтлэг асуудлуудаа танилцуулав. Мөн уулзалтад оролцогч захирлуудын төлөөлөл өөрсдийн сонирхсон асуултууддаа хариулт авч санал бодлоо илэрхийллээ.
Сайд, хувьсах зардлын итгэлцүүр болон орон тооны бүтэц, норм нормативыг өөрчлөн шинэчлэхээр ажиллаж буйгаа дурдаад, цалингийн нэмэгдэлтэй холбоотойгоор төсвийн санхүүжилт дутуу орсон гэх асуудлыг шалгуулж байгаа, яаралтай арга хэмжээ авч нөхөн олгоно гэв.
