Цаг үе

“Нээлттэй өдөрлөг” өндөрлөлөө

Огноо:

55 минутын өмнө

2026/05/15

Жанжин Д.Сүхбаатарын талбайд 2026 оны 5 дугаар сарын 11, 12, 13-ны өдрүүдэд зохион байгуулсан “Нээлттэй өдөрлөг”-т Боловсролын яам болон Боловсролын ерөнхий газар, Нийслэлийн боловсролын газар, харьяа 6 байгууллага, 6 их сургууль, тэдгээрийн харьяа эрдэм шинжилгээний хүрээлэнгүүд, 4 политехник коллеж, нийслэлийн 9 дүүргийн Насан туршийн суралцахуйн төв оролцлоо.

Мөн олон улсын байгууллагууд болон холбоод зэрэг нийт 35 байгууллага оролцож үйл ажиллагаагаа танилцуулан, иргэдэд шууд үзүүлэх боломжтой төрийн үйлчилгээ үзүүлж, зөвлөгөө мэдээлэл өгөх, эрдэм шинжилгээ, судалгааны инновацын бүтээгдэхүүнээ танилцуулах, иргэдийн санал хүсэлтийг сонсох, шийдвэрлэх зэрэг олон үйл ажиллагааг амжилттай зохион байгуулж дууслаа.

Боловсролын салбарын 35 байгууллагын 446 албан хаагч ажиллаж 207 өргөдөл, 27 гомдол хүлээн авч, 7228 иргэдэд зөвлөгөө мэдээлэл өгч, 549 иргэний асуудлыг газар дээр нь шийдвэрлэсэн бөгөөд нийт 3 өдрийн турш 8740 иргэд тус өдөрлөгийн арга хэмжээнд хамрагдсан байна. гэж Боловсролын яамнааас мэдээллээ.

Уншсан:19

Дараах мэдээ

Сэлхийн авто замыг хааж, шинэчилнэ

Өмнөх мэдээ

ЗГ: Хиймэл оюунд суурилсан, эрчим хүчний хэмнэлттэй “Ногоон дата төв” байгуулна

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Тээврийн хэрэгслийн гэрчилгээгээ гээгдүүлсэн тохиолдолд хэрхэн нөхөн авах вэ

Огноо:

15 минутын өмнө

2026/05/15

Тээврийн хэрэгслийн гэрчилгээг нөхөн авахын тулд дараах шаардлагыг хангаж, баримт бичгийг бүрдүүлнэ.

Техникийн хяналтын үзлэгт тэнцсэн байх

Хуулиар ногдуулсан торгууль, татвар болон зам ашигласны төлбөрөө төлсөн байх

Үйлчилгээний үнэ болон тэмдэгтийн хураамж төлсөн байх

Хуучин гэрчилгээг хэвлэл мэдээллийн хэрэгслээр зарлуулж, хүчингүй болгосон тухай баримт

Хуулийн этгээдийн албан хүсэлт

Улсын бүртгэлийн гэрчилгээний хуулбар

Иргэний үнэмлэх болон түүнтэй адилтгах цахим лавлагаа

Иргэн өөрийн биеэр ирж үйлчлүүлнэ.

Иргэд та бүхэн шаардлагатай материалаа урьдчилан бүрдүүлснээр үйлчилгээгээ түргэн шуурхай авах боломжтой.

Эх сурвалж: Нийслэлийн автотээврийн хэрэгслийн бүртгэл, хяналтын

Дэлгэрэнгүй унших

Цаг үе

Өнөр хорооллын гудамжны авто замыг өнөөдөр шөнө 23:00 цагаас хаана

Огноо:

20 минутын өмнө

2026/05/15

Сонгинохайрхан дүүргийн 17 дугаар хороо, Өнөр хорооллын гудамжны авто зам, UB Vista хотхоноос Номун сургууль хүртэлх авто замыг хоёр хэсэгт хэсэгчлэн хааж, борооны ус зайлуулах шугамын хөндлөн сэтэлгээ хийнэ.

Тодруулбал, тавдугаар сарын 15-ны 23:00 цагаас 16-ны 06:00 цагийн хооронд буюу шөнийн цагаар хааж, засварлана.

Өдрийн цагаар тээврийн хэрэгслийн хөдөлгөөн хэвийн үргэлжилнэ. Иймд иргэд, жолооч та бүхэн шөнийн цагаар бусад замыг сонгон хөдөлгөөнд оролцоно уу.

Дэлгэрэнгүй унших

Цаг үе

Нийслэлийн төвийн зургаан дүүрэгт авто зогсоолын журам болон бүсчлэл, үнэ тарифын талаар хэлэлцүүлэг зохион байгууллаа

Огноо:

44 минутын өмнө

2026/05/15

"Улаанбаатар авто зогсоолын менежмент" ХХК нийслэлийн төвийн зургаан дүүрэгт иргэдээс авто зогсоолын журмын төсөлтэй холбоотой санал авах нээлттэй хэлэлцүүлгийг зохион байгууллаа.

Хэлэлцүүлэгт нийт 400 гаруй иргэн оролцож, авто зогсоолын хүртээмж, төлбөрийн тогтолцоо, нэгдсэн менежмент, бүсчлэлтэй холбоотой санал бодлоо илэрхийлсэн юм. Иргэд авто зогсоолын тариф харилцан адилгүй, зогсоолын хүрэлцээ хангалтгүй, шөнийн тарифыг тэглэх буюу хөнгөлөх, мөн иргэдэд ойлгомжтой, нэгдсэн зохицуулалт шаардлагатай байгаа талаар олон санал дэвшүүлэв.

Хэлэлцүүлгийн үеэр "Улаанбаатар авто зогсоолын менежмент" ХХК-ийн Авто зогсоолын удирдлага, хяналтын хэлтсийн захирал Э.Цэенрэгзэн, Авто зогсоолын төлөвлөлт, хөгжүүлэлтийн хэлтсийн захирал Б.Батзаяа нар авто зогсоолын өнөөгийн эрх зүйн орчин, шинэчилж буй журмын төсөл, цахим төлбөрийн систем болон нэгдсэн менежментийн тогтолцооны талаар мэдээлэл өглөө.

Мөн авто зогсоолын асуудлыг зөвхөн төлбөрийн зохицуулалтаар бус хотын хөдөлгөөн, төлөвлөлт, хүртээмж, технологид суурилсан цогц менежментийн хүрээнд шийдвэрлэх шаардлагатай байгаа талаар танилцууллаа.