Шударга мэдээ
ХХААХҮЯ-тай бодлогын гэрээ хийсэн аж ахуйн нэгжүүд ноолуураа худалдан авч эхэллээ

Шинэ төрлийн коронавирус (COVID-19)-ийн халдвар олон улсад тархаж цар тахлын хэмжээнд хүрсэн онцгой нөхцөл байдал үүссэнтэй холбогдуулан Монгол Улсын Засгийн газар ноолуурын үнийн уналтаас хамгаалах, үндэсний үйлдвэрүүдийг чанартай түүхий эдээр хангах, ажлын байрыг бууруулахгүй байх, экспортыг дэмжих зорилгоор “Ноолуурын салбарт авч хэрэгжүүлэх зарим арга хэмжээний тухай” Засгийн газрын 2020 оны гуравдугаар сарын 19-ний өдрийн 101 дүгээр тогтоолыг батлан гаргасан.
Монгол Улсын Засгийн Газрын тогтоолыг хэрэгжүүлэх үүднээс МУХБ-ны эх үүсвэрээр олгох хөнгөлөлттэй зээлд хамрагдсан аж ахуйн нэгжүүд малчдаас ноолуур бэлтгэх ажил орон даяар эхэлж байна. Бодлогын гэрээгээр ноолуур бэлтгэх хөнгөлөлттэй зээлд хамрагдаж буй Аж ахуйн нэгж нь Малчдын орлогыг бууруулахгүй, стандартын шаардлага хангасан, сайн чанарын ноолуур бэлтгэх, “Бодлогын гэрээ”-нд тусгасан ноолуурын чанараас хамааран ноолуур худалдан авах доод үнээс доош худалдан авалт хийхгүй байх, Малчин, малчны хоршоо бусад бэлтгэн нийлүүлэгчдээс ноолуур худалдан авсан баримт, малчдын жагсаалтаа Сумын Хөдөө аж ахуйн тасгаар батгаалжуулж банкинд хүргүүлэх, Банк нь Сумын Хөдөө аж ахуйн тасгаас баталгаажуулсан малчдын жагсаалт болон холбогдох баримт бичгийг үндэслэн ноолуур худалдан авсан төлбөрийг зөвхөн малчны дансанд шилжүүлэх зэрэг үүргийг хүлээж байгаа юм.
Энэ удаагийн ноолуур бэлтгэх ажилд малчин, сумын Хөдөө аж ахуйн тасаг, арилжааны банкууд хамтран ажиллаж байна. Ноолуур бэлтгэлд зориулсан зээлийн санхүүжилтийг зарцуулахад малчидтай Ноолуур худалдах, худалдан авах гэрээ байгуулж, ноолуур худалдан авсан Санхүүгийн баримтаа үйлдэн, Ноолуур бэлтгэн нийлүүлсэн малчдын жагсаалтыг хөтөлж жагсаалтын дагуу санхүүжилт шууд малчдын данс руу шилжих юм.
Өөрөөр хэлбэл ХХААХҮЯ-тай бодлогын гэрээ байгуулсан, банкны шалгуурыг хангаж зээлд хамрагдсан аж ахуйн нэгж нь дээрх баримтуудыг бүрдүүлэн сумын ХААТ-ийн мэргэжилтнээр тулган баталгаажуулж, баталгаажуулсан баримтын бүрдлийг зээлдүүлэгч банкинд хүргэснээр ноолуурын төлбөрийг малчдын дансанд шилжүүлэх зарчмаар ноолуур бэлтгэл явагдах юм.
ХХААХҮЯ-тай бодлогын гэрээ хийж хөнгөлөлттэй зээлд хамрагдсан зарим ААН-үүд ноолуур бэлтгэлээ эхэлж байна. Тухайлбал, Дорнод аймгийн Хөлөнбуйр, Булган сумаас бэлтгэх аж ахуй нэгж өнөөдөр 2020.04.19 ноолуур бэлтгэлийн ажлаа эхэлжээ. Дорнод аймгийн тухайд 2,6 сая толгой мал бүхий 5400 орчим малчин өрхтэй, 790 мянга орчим ямаанаас 235,9 тонн ноолуур бэлтгэх боломжтой юм байна.
Аймаг, бүсийн газар зүйн байршил, цаг агаар, ноолуур бэлтгэлийн хугацаа, ямааны үүлдэр угсаа зэргийн ялгаатай байдлаас шалтгаалан ноолуурын өнгө, чанар өөр өөр байдаг. Иймээс ноолуурын үнэ аймаг, сумдад харилцан адилгүй тогтдог. Орон нутгаас ноолуур худалдан авахад баримтлах доод үнийг тогтоохдоо дээрх онцлог, өнгөрсөн оны ноолуур бэлтгэлийн дундаж үнэ, энэ жилийн дэлхий нийтэд үүссэн нөхцөл байдалтай холбоотой дэлхий зах зээл дэх ноолуурын үнэ, ханшийн уналт зэргийг харгалзан үзээд тус аймгаас бэлтгэх ноолуурын худалдан авахад баримтлах үнийг 105 мянган төгрөгөөр тогтоосон. Дорнод аймгийн Хөлөнбуйр, Булган сумын малчид ноолуурынхаа чанараас хамаарч бэлтгэж буй аж ахуй нэгжид дунджаар 105 мянган төгрөгөөр ноолуураа нийлүүлж худалдах, худалдан авах гэрээ байгууллаа. Тус сумдын малчид ХХААХҮЯ, Аймгийн ХААГ-ын өгсөн чиглэлийн дагуу ноолуураа чанартай бэлтгэхэд анхаарсан тухай ярьж байна.
Эх сурвалж: ХХААХҮЯ
Шударга мэдээ
Төрийн албаны хүний нөөцийн бодлогыг боловсронгуй болгоно
Монгол Улсын Ерөнхий сайдын захирамжаар төрийн албаны хүний нөөцийн талаар баримтлах бодлогын чиглэл, төрийн албаны шинэтгэлийн цогц арга хэмжээний санал боловсруулах Ажлын хэсгийг Монгол Улсын сайд, Засгийн газрын Хэрэг эрхлэх газрын дарга Д.Амарбаясгалангаар ахлуулан ажиллаж байна.
Тус Ажлын хэсгийн хэлэлцүүлэг Төрийн ордонд эрдэмтэн судлаачид, төрийн байгууллага, төслийн багийн төлөөлөл оролцлоо.
Засгийн газрын Хэрэг эрхлэх газрын дарга Д.Амарбаясгалан төрийн албаны хүний нөөцийн талаар баримтлах бодлогын чиглэл, төрийн албаны шинэтгэлийн цогц үйл ажиллагааны учир шалтгаан, ач холбогдол, үр дүнг дэлгэрэнгүй мэдээлэл, цаашид авч хэрэгжүүлэх ажлын талаар чиглэл, зөвлөмж өгөв.
Мөн төрийн албаны хүний нөөцийн удирдлагатай холбоотой зарим асуудал, сургамж, олон улсын туршлага, Засгийн газрын чиг үүргийн шинжилгээний явц, Удирдлагын академиас гүйцэтгэсэн судалгааны үр дүн, төрийн чадамжийн асуудлуудаар “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийн баг, Удирдлагын академийн захирал Д.Сүрэнчимэг, Шинэ сэргэлтийн бодлогын хурдасгуур төвийн гүйцэтгэх захирал Б.Дөлгөөн нар мэдээлэл хийсэн.
Төрийн албан хаагчид, төрийн албаны талаар эрдэм шинжилгээний ажил гүйцэтгэдэг эрдэмтэн судлаачдын төлөөлөл оролцсон уг хэлэлцүүлгийн сэдвүүдтэй холбогдуулан судлаач, эрдэмтдийн төлөөлөл болох Я.Долгоржав, Р.Батмэнд, Б.Даринчулуун, Д.Дэмчигсүрэн нарын хүмүүс үг хэлж, санал бодлоо илэрхийллээ.
Төрийн албаны зөвлөлийн дарга Б.Баатарзориг, Засгийн газрын Хэрэг эрхлэх газрын дэд дарга Д.Батбаатар нар хэлэлцүүлгийн үйл явцыг дүгнэж, хэлэлцүүлгийг цаашид тодорхой нарийвчилсан сэдвүүдээр үргэлжлүүлэхээр тогтлоо гэж Төрийн албаны зөвлөлөөс мэдээллээ.
Шударга мэдээ
Монголд зочлох жилийн хүрээнд тээврийн үйлчилгээг шинэ шатанд гаргана
Монгол Улсын Засгийн газраас аялал жуулчлалын салбарыг эдийн засгийн тэргүүлэх эгнээнд авч үзэн 2023-2025 оныг “Монголд зочлох жил”-ээр зарласан. Энэ хүрээнд аялал жуулчлалыг хөгжүүлэх чиглэлээр нэн тэргүүнд агаарын тээврийн либералчлалыг эхлүүлж, аялал жуулчлалын экспортын шинэ боломжийг нээхэд салбарын яамд бодлогоо уялдуулан хамтран ажиллаж байна.
Зам, тээврийн хөгжлийн сайд С.Бямбацогт, Байгаль орчин, аялал жуулчлалын сайд Б.Бат-Эрдэнэ, Зам, тээврийн хөгжлийн яамны холбогдох газар, хэлтсийн удирдлагууд, ИНЕГ, МИАТ ТӨХК, УБТЗ ХНН, Хүннү Эйр ХХК болон бусад авиа компаниудын төлөөлөл, аялал жуулчлалын чиглэлээр үйл ажиллагаа явуулдаг иргэд, аж ахуйн нэгжийн төлөөлөлтэй 2023 оны хоёрдугаар сарын 06-ны өдөр уулзалт хийлээ.
Цар тахлаас үүдэлтэй аялал жуулчлалын салбарт бууралт бий болсон. Гэсэн ч эргэн сэргэж байгаа энэ цаг үед аялал жуулчлалын салбарынхаа стратегийг хувьд улам боловсронгуй болгон шинийг сэдэж, гадаад жуулчдыг татахад анхаарч эхлэхийн зэрэгцээ олон улсын болон дотоодын нислэг, үнэ тарифтай холбоотой зарим асуудлаар талууд байр сууриа илэрхийлж, нэгдсэн ойлголтод хүрлээ.
Зам, тээврийн хөгжлийн сайд Б.Бямбацогт “Төр хувийн хэвшлийн хамтын оролцоонд түшиглэн орон нутгийн нисэх буудлын үйл ажиллагааг сэргээн тогтворжуулах, цаашлаад олон улсын шууд нислэг хүлээн авдаг болгох, нислэгийн хуваарь, нислэг үйлдэх давтамжийг нэмэгдүүлэх болон тийзийн үнийг бууруулах зэрэг асуудлаар салбарын хэмжээнд хичээл зүтгэл гарган анхаарч ажиллаж байна.
Тухайлбал, МИАТ ТӨХК нэгдүгээр сарын 30-ний өдрөөс БНХАУ-ын Бээжин хотын чиглэлд тогтмол нислэг үйлдэж эхэлсэн. Улаанбаатар-Бээжин чиглэлийн нислэгийн тийзийн үнэ гэхэд 2011 онд батлагдсан үнийн тарифаар өнөөдөр үйлчилж байна. Юань, долларын ханшийн өсөлт нөлөөлж байгаа хэдий ч тус чиглэлийн нислэгийн тийзийн үнэ хамгийн хямд буюу нэг сая 200 мянган төгрөг байна. Өнөөдрийн ханшаар юань 519 төгрөг, доллар 3517 төгрөгтэй тэнцэж байгаа юм. Цаашид ч зам, тээврийн салбар аялал жуулчлалын хөгжүүлэх чиглэлээр тодорхой бодит ажлуудад үр дүн гаргаж ажиллах болно” гэдгийг онцлон хэлэв.
Уулзалтад оролцсон аж ахуй нэгж байгууллагын төлөөлөл, орон нутгийн нислэгийн үнийг хямдруулах, нислэгийн давтамжийг нэмэгдүүлэх, Олон улсын нислэгийн зарим чиглэл болон төмөр зам, автотээврийн зарим үйлчилгээг сайжруулахыг хүслээ. Тухайлбал Улаанбаатар- Хөх хот, Улаанбаатар-Эрээн, Улаанбаатар-Бээжин чиглэлийн галт тэрэг, унтлагын автобус зэрэг үйлчилгээг нээх тал дээр санаачилга гаргаж ажиллахыг хүссэн юм.
БНХАУ авто замын хилээ нээсэн боловч 100 хувь хилээ нээгээгүй байгаатай холбоотой цаг үеийн хүндрэлтэй нөхцөл байдлууд үүсэж байгаа ч боломжит хувилбараар шийдвэрлэх чиглэлээр ажиллана гэдгийг холбогдох албаныхан хэллээ гэж Зам, тээврийн хөгжлийн яамнаас мэдээллээ.
Шударга мэдээ
Улсын хил хамгаалалтад туслах “Малчдын бүлэг” байгууллаа

-
Улстөр нийгэм2020/09/15
Тусгаарлах байртай холбоотой асуудлаар санал солилцож, үүрэг чиглэл өгөв
-
Цаг үе2023/02/01
Үс шинээр үргээлгэх буюу засуулбал сайн
-
Шударга мэдээ2022/08/18
Ховд аймгийн Засаг дарга Б.Дүгэржавыг огцруулах шийдвэрийг гаргажээ
-
Цаг үе2022/09/01
Сургуулийн орчинд хориглосон хүнсний бүтээгдэхүүнүүд
Сэтгэгдэл