Бидэнтэй нэгдэх

Цаг үе

Цаг агаарын гамшигт үзэгдлээс сэрэмжлүүлж байна!

Огноо:

,

Харанга!!! Цаг агаарын гамшигт үзэгдлээс урьдчилан сэргийлэх мэдээ: Өнөөдөр Хэнтий, Сүхбаатар, Говьсүмбэр, Дорноговь, Дундговийн нутгаар салхи секундэд 26-28 метр, зарим үед секундэд 34 метр хүртэл ширүүсч хүчтэй шороон шуурга шуурч, Сэлэнгийн зүүн, Төв, Хэнтий аймгийн хойд хэсгээр хүчтэй цасан шуурга шуурна.

Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр өдөр Баянхонгор, Өвөрхангай, Өмнөговь, Дорнод, Төв аймгийн нутгаар салхи секундэд 16-18 метр, зарим үед 24 метр хүртэл ширүүсч шороон шуурга шуурна.

Малчид, ард иргэдийн анхааралд: Өнөөдөр өдөр төв, говь, зүүн аймгуудын нутаг, баруун аймгуудын нутгийн зүүн хэсгээр, 16,17-нд нутгийн зүүн хагаст, ялангуяа Хэнтийн нутгаар нойтон цас орж, хүчтэй шороон болон цасан шуурга шуурч, эрс хүйтрэхийг онцгойлон анхааруулж байна.

2020 оны 05 дугаар сарын 15-ны 08 цагаас 20 цаг хүртэл: Төв болон зүүн аймгуудын нутгаар үүлшинэ, төвийн аймгуудын ихэнх нутаг, зүүн аймгуудын нутгийн хойд хэсгээр бороо, нойтон цас орж, цасан шуурга шуурна. Бусад нутгаар багавтар үүлтэй. Хур тунадас орохгүй. Салхи баруун аймгуудын нутгаар баруун хойноос, бусад нутгаар баруун өмнөөс баруун хойш эргэж секундэд 8-13 метр, Алтайн салбар уулсаар секундэд түр зуур 16-18 метр, говь, тал, хээрийн нутгаар секундэд 26-28 метр, зарим үед 34 метр хүртэл ширүүсч хүчтэй шороон шуурга шуурна. Хангай, Хөвсгөлийн уулархаг нутаг, Эг-Үүр, Хараа, Ерөө, Туул, Тэрэлж, голын хөндийгөөр 5-10 хэм, Хүрэнбэлчир орчим, Завхан голын эх, Байдраг голын хөндий, говийн бүс нутгийн хойд хэсгээр 12-17 хэм, Их нууруудын хотгор, говийн бүс нутгийн өмнөд хэсэг, Дорнод, Дарьгангын тал нутаг болон Халх голын саваар 28-33 хэм, бусад нутгаар 19-24 хэм дулаан байна. Нутгийн төв хэсгээр үдээс хойшдоо эрс сэрүүснэ.

УЛААНБААТАР ХОТ: Үүлшинэ. Хур тунадас орно. Салхи баруун өмнөөс баруун хойш эргэж секундэд 8-13 метр, зарим үед секундэд 18-20 метр хүрч шороон болон орон шуурга шуурна. 10-12 хэм дулаан байна.

2020 оны 05 дугаар сарын 16-наас 05 дугаар сарын 20-ныг
хүртэлх цаг агаарын урьдчилсан төлөв

16, 17-нд төвийн аймгуудын нутгийн зүүн хойд, зүүн аймгуудын ихэнх нутгаар  бороо, нойтон цас орж, цасан шуурга шуурна. 18,19-нд төв болон зүүн аймгуудын нутгийн хойд хэсгээр ялимгүй хур тунадас орно. Салхи 16, 17-нд нутгийн зүүн хагаст зарим үед секундэд 18-20 метр хүртэл ширүүсч хүчтэй шороон шуурга шуурна. 16, 17-нд нутгийн зүүн хагаст хүйтэрч Хөвсгөл, Хэнтэйн уулархаг нутаг, Хүрэнбэлчир орчим, Идэр, Тэс, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар шөнөдөө 3-8 хэм хүйтэн, өдөртөө 3-8 хэм дулаан, Алтай, Хангайн уулархаг нутгаар шөнөдөө 3 хэм хүйтнээс 2 хэм дулаан, өдөртөө 17-22 хэм, Их нууруудын хотгор болон Алтайн өвөр говиор шөнөдөө 7-12 хэм, өдөртөө 23-28 хэм, бусад нутгаар шөнөдөө 0-5 хэм, өдөртөө 9-14 хэм дулаан байна. 17-нд нутгийн баруун хэсгээр, 18-нд ихэнх нутгаар дулаарна.

ЦАГ УУР, ОРЧНЫ ШИНЖИЛГЭЭНИЙ ГАЗАР

Дэлгэрэнгүй унших

Сэтгэгдэл

Цаг үе

Испанийн Ерөнхий сайд огцрохгүй гэв

Огноо:

,

Испанийн Ерөнхий сайд эхнэрийнхээ авлигын хэрэгт буруутгагдаж, гүтгэн доромжлуулснаас хойш долоо хоногийн дараа огцрохгүй гэдгээ энэ даваа гарагт мэдэгдэв.

Дэмжигчдээ олон удаа гайхшируулж, улс төрийн хувьд оршин тогтнох чадвараараа консерватив шүүмжлэгчдээ бухимдуулж байсан ноён Санчесийн шийдвэр нь түүний хувьд ч, улс орных нь хувьд ч, бүх Европын хувьд чухал шийдвэр байлаа.

Ноён Санчес өнгөрсөн долоо хоногт олон нийтийн сэтгэлийг хөдөлгөсөн захидал илгээж, үүндээ эхнэрийнх нь эсрэг мөрдөн байцаах ажиллагаа эхэлсэн тул тэрээр өөрийн ажлын хуваариа түр зогсоосныг мэдэгдсэн. Тэрээр гэр бүлийнхнийх нь эсрэг дарамт шахалт тэвчихийн аргагүй болсон тул ажлаа хүлээлгэн өгөх бодолтой байгаагаа бичсэн байсан.

Гэвч энэ даваа гарагт олон хоногийн турш олны анхааралд байсан тэрээр эцэст нь тэрхүү бодлоосоо ухрав. Испанийн прокурорын газар түүний эхнэрийн эсрэг гаргасан гомдлын нотлох баримт хангалтгүй хэмээн хэрэгсэхгүй болгохоор тогтоожээ.

Ноён Санчес Ерөнхий сайдын Монклоа өргөөнөөсөө “Би илүү хүчтэйгээр үргэлжлүүлэн ажиллахаар шийдсэн” хэмээжээ.

Ерөнхий сайдын эхнэртэй холбоотой энэхүү гэнэтийн сенсацыг Испанийн шүүгч улс төрчид болон бусад нэр хүндтэй Испаничуудын эсрэг гомдол гаргадгаараа алдартай "Цэвэр гар" гэх бүлгэм гаргасан.

Тус бүлгэм нь ноён Санчесийн эхнэр Бегонья Гомесыг авлигын хэрэгт буруутган гомдол гаргасан бөгөөд ямар ч шүүлтүүргүй цахим мэдээг нотлох баримт болгосноо хүлээн зөвшөөрчээ.

Хатагтай Гомезийг ажлын хамтрагч нараа тендерт шалгарах зарим гэрээ байгуулахад нь туслах зорилгоор албан тушаалаа урвуулан ашигласан гэж цахим хэвлэл мэдээллээр гарсан мэдээлэлд үндэслэн шүүгч урьдчилсан мөрдөн байцаалт явуулахыг тушаасан. Харин Засгийн газраас хатагтай Гомезийн энэхүү үйлдлүүдийг үгүйсгэж, түүний эсрэг гаргасан гомдлыг үндэслэлгүй гэж үзжээ.

Ноён Санчес өөрийн хүнлэг чанар, гэрлэлтийнхээ бат бөх байдлыг баталж “Би улс төрд нэг их хүлээн зөвшөөрөгдөөд байдаггүй мэдрэмжийг харууллаа”, "Ардчилал хэрхэн хамгаалагддагийг дэлхий нийтэд харуулъя" хэмээжээ.

Ноён Санчесийн олны анхаарлын татсан энэхүү үйлдэл нь чин сэтгэлээсээ байсан уу, эсвэл дэмжлэг өрөвдөх сэтгэлийг олж авах улс төрийн тоглолт байсан уу гэсэн асуултууд Испанид үлдлээ. Одооноос эхлэн ноён Санчес популизм, үндсэрхэг үзэл өсөн нэмэгдэж буй энэ үед Европын тавцан дахь хамгийн найдвартай дуу хоолойн нэг хэвээр үлдэх болно.

Эх сурвалж: https://www.nytimes.com

Дэлгэрэнгүй унших

Цаг үе

Вьетнам улсын шингэн хүнсний магнат найман жилийн хорих ял сонслоо

Огноо:

,

Вьетнам улсын шингэн хүнсний магнат Тран Куи Тан нь 2019 болон 2020 онд хөрөнгө оруулагчдыгаа 40 сая доллароор залилсан хэрэгт буруутгагдаж өнгөрөгч пүрэв гарагт найман жилийн хорих ял сонслоо.

Хо Ши Мин хотын шүүх Тран Куи Тан болон мөн түүний хоёр охиныг 2019, 2020 онд хөрөнгө оруулагчдадаа зээл олгох замаар тэднийг залилсан хэрэгт буруутай гэж үзжээ.

Тэрбээр 71 настай, Тан Хиеп Фат группийн (савтай цай, энергийн ундаагаараа алдартай Вьетнамын хамгийн том шингэн хүнс үйлдвэрлэгчдийн нэг) үүсгэн байгуулагч бөгөөд зээлийн барьцаанд тавьсан хөрөнгүүдийг залилах үйл ажиллагаа хийсэн гэж тус улсын хэвлэлүүд мэдээлжээ.

Зээлдэгч нар зээлсэн мөнгөө хүүтэй нь эргүүлэн төлсөн ч гэрээгээ зөрчсөн гэх зэрэг янз бүрийн шалтгаанаар Тан барьцаалсан хөрөнгүүдийг буцааж өгөхөөс татгалздаг байсан.

Мөн тус компанийн гүйцэтгэх захирлын орлогч Таны 43 настай охин Тран Уен Фуонг-д шүүхээс дөрвөн жилийн хорих ял, 40 настай бага охин Тран Нгок Бич-д гурван жилийн хорих ялыг тус тус оноожээ.

Шүүхийн өмнө Тан болсон явдалд харамсаж байгаагаа илэрхийлж, хариуцлага хүлээхэд бэлэн байна гэж хэлжээ. Мөн тэрээр "Надад өршөөл үзүүлж, нийгэмд эргэн ирж ажлаа үргэлжлүүлэх боломжийг надад олгоосой” хэмээн хүслээ.

Тус улсын авлигыг устгах кампанит ажлын хүрээнд 4400 гаруй хүн эрүүгийн хэрэгт буруутгагдаж байгаагийн дотор төрийн албан тушаалтнууд болон томоохон бизнес эрхлэгчид байлаа.

Эх сурвалж: https://www.aljazeera.com

Дэлгэрэнгүй унших

Цаг үе

Улаанбаатарт өдөртөө 29 хэм дулаан

Огноо:

,

Малчид, иргэд, тээвэрчдийн анхааралд: Өнөөдөр ихэнх нутгаар халж, хуурайшилт нэмэгдэх тул гал түймрийн аюулаас сэрэмжтэй байхыг анхааруулж байна.

2024 оны тавдугаар сарын 20-ны 08 цагаас 20 цаг хүртэл: Ихэнх нутгаар солигдмол үүлтэй. Хэнтийн уулархаг нутгаар бороо орно, бусад нутгаар бороо орохгүй.

Салхи нутгийн зүүн хэсгээр баруун өмнөөс, бусад нутгаар баруун хойноос секундэд 5-10 метр. Ихэнх нутгаар халж, Алтай, Хангай, Хөвсгөлийн уулархаг нутаг, Завхан голын эх, Хүрэн бэлчир орчмоор 21-26 хэм, Орхон-Сэлэнгийн сав газар, говийн бүс нутгийн өмнөд хэсгээр 29-34 хэм, бусад нутгаар 25-30 хэм дулаан байна.


УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун хойноос секундэд 4-9 метр. 27-29 хэм дулаан байна.

БАГАНУУР ОРЧМООР: Үүлшинэ. Бага зэргийн бороо орно. Салхи баруун хойноос секундэд 5-10 метр. 27-29 хэм дулаан байна.

ТЭРЭЛЖ ОРЧМООР: Багавтар үүлтэй. Бороо орохгүй. Салхи баруун хойноос секундэд 4-9 метр. 25-27 хэм дулаан байна.


2024 оны тавдугаар сарын 21-нээс 2024 оны тавдугаар сарын 25-ныг
хүртэлх цаг агаарын урьдчилсан төлөв

21-нд Монгол-Алтай, Хангай, Хөвсгөлийн уулархаг нутгаар, 22-нд баруун болон зүүн аймгуудын нутгийн зарим газар, төвийн аймгуудын ихэнх нутгаар, 23-нд төв болон говийн аймгуудын нутгийн зарим газраар, 24-нд төвийн аймгуудын ихэнх нутаг, говийн аймгуудын нутгийн зарим газар, зүүн аймгуудын нутгийн баруун хэсгээр бороо, уулаараа нойтон цас орно. Салхи ихэнх хугацаанд секундэд 6-11 метр, 21-нд нутгийн зүүн хэсгээр, 22-нд говь, тал, хээрийн нутгаар, 23-нд Алтайн салбар уулсаар секундэд 15-17 метр хүрч ширүүсэж, шороон шуурга шуурна. 22, 23-нд нутгийн зүүн хагаст, 24-нд нутгийн хойд хэсгээр бага зэрэг сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Дархадын хотгор, Тэс, Эг, Үүр, Туул, Тэрэлж, Онон, Улз, Халх голын хөндийгөөр шөнөдөө 1-6 хэм, өдөртөө 16-23 хэм, говийн бүс нутгийн өмнөд хэсгээр шөнөдөө 16-21 хэм, өдөртөө 31-36 хэм, бусад нутгаар шөнөдөө 7-12 хэм, өдөртөө 22-27 хэм дулаан байна.

Дэлгэрэнгүй унших

Санал болгох