Бидэнтэй нэгдэх

Урлаг спорт

Ашиг орлогоор тэргүүлсэн “ХЭРЭЭ” УСК юу өгүүлэв?

Огноо:

2 жил 10 сар.өмнө

,

Сүүлийн өдрүүдэд IPTV-ийн видео санг ашиг орлогоор тэргүүлээд байгаа “Хэрээ” УСК-ны талаар товчхон мэдээлэл бэлтгэлээ. “Рэд Филм” студи, AB MEDIA, CANARY ASIA студиуд хамтран бүтээсэн “Хэрээ” УСК нь адал явдалт, аймшгийн төрөл жанараар бүтээгджээ.

Мөн киноны албан ёсны дууг ICE TOP хамтлаг дуулан амьдруулсан байна. Тус кинонд Аль ч үндэстэн ястны үлгэр домогт хэрээг мөнхийн сөрөг дүрээр илэрхийлдэг.

Харин монгол түмэн аливааг сайн сайхан талаас нь харж, тайлж чадвал муу, муухай зүйл үгүй хэмээн бэлэгшээдэг. Төрснөөс үлдсэн ганц ач охиноо аминаасаа илүү хайрлан өсгөсөн эмээ…. Эмзэгхэнээс ч эмзэгхэн ариухан охины гэгээхэн баяр баясгалангаар дүүрэн залуу нас гоо үзэсгэлэн …

Хоромхон зуурын жаргал, өнгө мөнгө, үйлийн үрд үл итгэх залуус…. Гарах гарцгүй сонголт … Охиноо хайрлах эмгэний хайр… Хэрээ хэнээс юуг нэхэж, хүмүүний амьдралаас хар цагааныг дэнслэнэ вэ? Хэрээ гуаглаж байна. Магадгүй надад эсвэл чамд сайныг эсвэл мууг дуулгахыг хүн та өөрөө шийднэ.

Харин яаж гэдгийг “Хэрээ” чамд хэлээд өгнө, Энэ бол “Хэрээ” уран сайхны кино. Гэхдээ ямар ч хачир чимэггүй амьдралын алдаа, оноо.

Үзэгч та Хэрээ УСК-г Юнивишн, Скай Медиа, ДДиш ТВ болон SkyGo, Looktv –ээр үзэх боломжтой.

Уншсан:2929
Дэлгэрэнгүй унших

Сэтгэгдэл

Урлаг спорт

“Парис-2024”-д ажиллах сайн дурынхныг бүртгэж эхэллээ

Огноо:

2 өдрийн өмнө

,

“Парис-2024” зуны олимп болон паралимпын наадмын үеэр сайн дурын 45 мянган хүн ажиллана. Тэдгээр сайн дурын ажилтны бүртгэх ажлыг Зохион байгуулах хорооноос эхлүүлсэн байна.

Энэ оны тавдугаар сарын 3 хүртэл үргэлжэх тус бүртгэлд хамрагдахын тулд дараах гурван шаардлагыг хангасан байх шаардлагатай аж. Үүнд:

- 2024 оны нэгдүгээр сарын 1-ний байдлаар 18 нас хүрсэн байх,

- Франц, англи хэлний аль нэгээр ярьж чаддаг байх,

- 2024 оны долдугаар сарын 12-ноос есдүгээр сарын 10-ны хооронд дор хаяж 10 өдөр ажиллах боломжтой байх,

Хэрэв та эдгээр шаардлагыг хангаж байгаа, сайн дурын ажилтнаар өөрийгөө сориод үзэхийг хүсэж байвал https://www.paris2024.org/en/volunteers  хаягаар зочлон мэдээлэл авах боломжтой гэж зохион байгуулагчдын зүгээс мэдэгдэжээ.

Дэлгэрэнгүй унших

Урлаг спорт

Катар Улсын Доха хотноо “Welcome тo Mongolia” арга хэмжээг зохион байгууллаа

Огноо:

9 өдрийн өмнө

,

Монгол Улсын Засгийн газар 2023, 2024, 2025 оныг “Монголд зочлох” аялал жуулчлалын жил болгон зарласан, мөн энэ онд Монгол, Катарын хооронд дипломат харилцаа тогтоосны 25 жилийн ой тохиож буйтай холбогдуулан Монгол Улсыг Катар Улсад сурталчлан таниулах зорилготой соёлын арга хэмжээг 2023 оны гуравдугаар сарын 6-ний өдөр Монгол Улсаас Катар Улсад хавсран суугаа Элчин сайдын яам Монгол Улсын Гадаад харилцааны яам, Соёлын яам, Байгаль орчин, аялал жуулчлалын яам, Катар Улсын соёл урлагийн сан “КАТАРА”-тай хамтран “Welcome to Mongolia” сэдвийн дор Доха хотноо зохион байгуулав.

Энэхүү арга хэмжээнд Монголын Үндэсний урлагийн их театр, Монгол Улсын гавьяат жүжигчин, Соёлын элч Э.Анхбаяр, “Queen model agency”-гийн загвар өмсөгчид, уран зураач С.Чулуунбаатар, М.Уламбаяр нар оролцож, Монголын ардын болоод орчин үеийн урлаг мөн дэлхийн сонгодог урлагийн номерууд болон байгаль, аж ахуйг харуулсан уран зургийн үзэсгэлэнг КАТАРА-гийн Драмын театрт толилууллаа.

Арга хэмжээг Монгол Улсын Ерөнхийлөгчийн Тамгын газрын дарга Я.Содбаатар нээж хэлсэн үгэндээ Монгол, Катарын найрсаг сайн харилцаанд тулгуурлан хоёр орны хамтын ажиллагааг боломжит бүхий л салбарт нэн ялангуяа иргэд хоорондын харилцаа, соёл, урлагийн хамтын ажиллагааг өргөжүүлэн хөгжүүлэхэд энэхүү арга хэмжээ чухал ач холбогдолтой болж байгааг онцлон тэмдэглэв.

 Тоглолтыг КАТАРА соёлын сангийн удирдлага, Катарын Эмирийн ордон, Зөвлөлдөх зөвлөл /Парламент/, Гадаад хэргийн яамны төлөөлөл, Доха хотноо суугаа гадаад улс орнуудын Элчин сайдын яамд, олон улсын байгууллагын төлөөлөгчид болон катарын иргэд зэрэг 300 гаруй зочин үзэж сонирхсон бөгөөд  арга хэмжээний төгсгөлд КАТАРА соёлын сангийн дарга Др.Халид Аль-Сулайти Монголын урлагийн багийг 2030 онд Катар Улсад болох Азийн наадмын нээлтэд тоглохыг албан ёсоор урилаа гэж Гадаад харилцааны яамнаас мэдээллээ.

Дэлгэрэнгүй унших

Урлаг спорт

“Welcome to Mongolia” арга хэмжээ Эль-Кувейт хотноо боллоо

Огноо:

10 өдрийн өмнө

,

Монгол Улсын Засгийн газар 2023, 2024, 2025 оныг “Монголд зочлох” аялал жуулчлалын жил болгон зарласантай холбогдуулан Монгол Улсыг Кувейт Улсад сурталчлан таниулах зорилготойгоор Монголын өдрүүд арга хэмжээний соёлын арга хэмжээг Монгол Улсаас тус улсад суугаа Элчин сайдын яам санаачилж, 2023 оны 3 дугаар сарын 9-ний өдөр Гадаад харилцааны яам, Соёлын яам, Байгаль орчин, аялал жуулчлалын яам, Кувейтийн Соёл, урлаг, утга зохиолын Үндэсний зөвлөлтэй хамтран “Welcome to Mongolia” сэдвийн дор Эль-Кувейт хотноо зохион байгуулав.

Арга хэмжээнд Монголын Үндэсний урлагийн их театр, Монгол Улсын гавьяат жүжигчин, Соёлын элч Э.Анхбаяр, “Queen model agency”-гийн загвар өмсөгчид, уран зураач С.Чулуунбаатар, М.Уламбаяр нар оролцож, Монголын ардын болоод орчин үеийн урлаг мөн дэлхийн сонгодог урлагийн номерууд, Монголын байгаль, аж ахуйг харуулсан уран зургийн үзэсгэлэнг Абдулхуссейн АбдулРида театрт толилууллаа.

Тоглолтыг Кувейт Улсын Гадаад хэргийн яамны төлөөлөл, Соёл, урлаг, утга зохиолын Үндэсний зөвлөлийн Ерөнхий нарийн бичгийн дарга Др. Мухаммад Аль-Жасаар, Эль-Кувейт хотноо суугаа гадаад улс орнуудын Элчин сайдын яамд, олон улсын байгууллагын төлөөлөгчид болон кувейтийн иргэд зэрэг 500 гаруй зочин үзэж сонирхов.

“Монголын өдрүүд” нь Монгол орны ахуй, байгаль, ардын болоод орчин үеийн соёл урлаг, түүхийг кувейтийн ард түмэнд таниулах, соёлын хамтын ажиллагааны суурийг тавихад чухал ач холбогдолтой арга хэмжээ болж өндөрлөв гэж Гадаад харилцааны яамнаас мэдээллээ.

Дэлгэрэнгүй унших

Санал болгох