Бидэнтэй нэгдэх

Урлаг спорт

ОБЕГ-ын хөгжмийн салбарын 15 жилийн ой энэ онд тохиож байна

Огноо:

,

ОБЕГ-ын харьяа Үндэсний аврах бригадын Хөгжмийн салбарын 15 жилийн ой энэ онд тохиож байна. Анх 2005 онд Онцгой байдлын байгууллага нэгдсэн тогтолцоонд шилжихэд тухайн үеийн Аврах тусгай ангид хөгжмийн салааг байгуулан, анхны даргаар ахлах ахлагч И.Даваадоржийг томилон цахилгаан хөгжмийн “Тэнгэр” хамтлагийг салаандаа байгуулжээ.

Харин 2018 онд Үндэсний аврах бригад болон өргөжихөд хөгжмийн тусгай бүлэг нь салбар болон өргөжиж анхны даргаар ахмад А.Алтансүх томилогдсон байна.  Өдгөө тус салбар нь 30 гаруй хүний бүрэлдэхүүнтэйгээр үйл ажиллагаа явуулж байгаа юм.

Байгуулагдсан цагаасаа хойш нийт 3999 удаагийн байгууллагын болон олон улсын арга хэмжээнд оролцсноос гадна 2017 онд зохион байгуулагдсан ОХУ-ын Дэлхийн үлээвэр хөгжимчдийн их наадамд 6 хөгжимчин оролцсон.

Мөн 2015 онд зохион байгуулагдсан “Монгол цэргийн жавхаа” улсын уралдаанд тусгай байр, 2016 онд тэргүүн байр, 2018 онд зохион байгуулагдсан Цэргийн хөгжмийн нэрт зүтгэлтэн, хөгжмийн зохиолч Долгорын Сандагсүрэн агсны нэрэмжит “Үлээвэр найрал хөгжимчдийн анхдугаар уралдаан”-д гутгаар байр эзэлжээ.

Түүнчлэн 2017 онд Аврах тусгай ангийн түүхт 50 жилийн ойд зориулан “Энхийн дуудлага”, 2019 онд Хөгжмийн салбарын аврагч-хөгжимчин, цахилгаан хөгжмийн “Тэнгэр” хамтлагийн дуучин, ахлах ахлагч Б.Дорждэрэмийн анхны бие даасан ““Энхийн элч” тоглолтыг тус тус “UB PALACE”-ийн концертын их танхимд амжилттай зохион байгуулсан юм.

Сургалтын тохилог байртай, дуу бичлэгээ хийдэг мэргэжлийн студитэй гээд тохижилт, бүтээлийн ажлыг ч ойгоо угтаад өрнүүлээд байна юм гэж Онцгой байдлын ерөнхий газраас мэдээллээ.




Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Урлаг спорт

Үндэсний их баяр наадмын нээлтээс...

Огноо:

,

Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний Их Баяр наадмын нээлтийн ёслолын үеийн фото агшнуудаас хүргэж байна.

Эх сурвалж: Монгол наадам фэйсбүүк хуудас

Гэрэл зургийг: Б.Чадраабал, Ш.Отгонжргал, У.Одбаяр

Дэлгэрэнгүй унших

Урлаг спорт

Үндэсний их баяр наадмын өнөөдрийн хөтөлбөр

Огноо:

,

Тулгар Төрийн 2229, Их Монгол Улсын 814, Ардын Хувьсгалын 99 жилийн ой, Үндэсний их баяр наадмын өнөөдрийн /2020.07.12/ хөтөлбөрийг та бүхэнд толилуулж байна. Үзэгч та бүхэн баяр наадмын үйл ажиллагааг МҮОНРТ-ээр хүлээн авч үзээрэй.


Баяр наадмын төв талбай

08:00 - 13:00 цагт: Шагайн харвааны шигшээ 8 багийн тоглолт

09:00 - 12:00 цагт: Үндэсний сурын хасаа харвааны дунд өрөг

09:00 - 11: 00 цагт: Хүчит бөхийн барилдааны гурвын даваа

11:20 - 12: 40 цагт: Хүчит бөхийн барилдааны дөрвийн  даваа

12:00 - 13:00 цагт: Үндэсний сурын хасаа харвааны адаг өрөг

13:30 - 14:10 цагт: Хүчит бөхийн барилдааны тавын даваа

14:00 - 14:30 цагт: Шагайн харвааны 4-8 дугаар байрт шалгарсан баг харваачдад шагнал гардуулах

14:00 - 15:30 цагт: Үндэсний сурын түрүү тодруулах шилдэг 16 харваачийн шигшээ харваа

14:20 - 15:00 цагт: Хүчит бөхийн барилдааны зургаагийн даваа

15:00 - 15:30 цагт: Монгол Улсын Ерөнхийлөгч Халтмаагийн Баттулга Үндэсний сур, шагайн харваанд түрүүлсэн харваачдад шагнал гардуулна. Улсын цолны болзол хангасан сурын харваачдад цол олгож, үнэмлэх, энгэрийн тэмдэг гардуулна.

15:30 - 16:10 цагт: Хүчит бөхийн барилдааны долоогийн даваа

16:10 - 16:30 цагт: Монгол Улсын Ерөнхийлөгч Халтмаагийн Баттулга “Улсын начин”, “Улсын харцага” цолны болзол хангасан бөхчүүдэд цол олгож, энгэрийн тэмдэг гардуулна.

16:30 - 17:20 цагт: Хүчит бөхийн барилдааны наймын даваа

17:20 - 17:50 цагт: Монгол Улсын Ерөнхийлөгч Халтмаагийн Баттулга “Улсын заан” цолны болзол хангасан бөхчүүдэд цол олгож, үнэмлэх, энгэрийн тэмдэг гардуулна.

17:50 - 18:30 цагт: Хүчит бөхийн барилдааны есийн даваа

18:30 - 19:00 цагт: Монгол Улсын Ерөнхийлөгч Халтмаагийн Баттулга Үндэсний их баяр наадмын хүчит бөхийн барилдаанд түрүүлж, үзүүрлэсэн бөхчүүдэд цол олгож, үнэмлэх, энгэрийн тэмдэг, шагнал гардуулна.

19:00 цагт: Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын ажиллагааг Монгол Улсын Ерөнхийлөгч Халтмаагийн Баттулга хаана.

19:10 цагт: Үндэсний их баяр наадмын хаалтын ажиллагаа, Монгол Улсын төрийн тугийг Баяр наадмын төв талбайгаас Төрийн ордон руу залах ёслол 


Хүйн Долоон худаг

07:00 - 11:00 цагт: Соёолон насны морьдын уралдаан

12:00 - 14:00 цагт: Дааганы уралдаан

15:00 - 16:30 цагт: Эрлийз бага насны морьдын уралдаан

17:00 - 19:00 цагт: Түрүүлж айрагдсан морьдын цол дуудаж, хурдан морь унаач хүүхдүүдэд бэлэг, шагнал гардуулна. 

Дэлгэрэнгүй унших

Урлаг спорт

Үндэсний их баяр наадмын өнөөөдрийн хөтөлбөр

Огноо:

,

Тулгар Төрийн 2229, Их Монгол Улсын 814, Ардын Хувьсгалын 99 жилийн ой, Үндэсний их баяр наадмын өнөөдрийн /2020.07.11/ хөтөлбөрийг та бүхэнд толилуулж байна. Үзэгч та бүхэн баяр наадмын үйл ажиллагааг МҮОНРТ-ээр хүлээн авч үзээрэй.


ХҮЙ 7 ХУТАГ-т

07:00-11:00 цагт: Азарганы уралдаан

12:00-15:00 цагт: Их насны морьдын уралдаан

16:00-19:00 цагт: Эрлийз дээд насны морьд


Баяр наадмын төв талбай

11:00 цагт: Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний Их Баяр наадмын ажиллагааг Монгол Улсын Ерөнхийлөгч Халтмаагийн Баттулга нээж, Төрийн туганд хүндэтгэл үзүүлнэ.

11:10 цагт: Үндэсний их баяр наадмын нээлтийн арга хэмжээ 

11:40-12:40 цагт: Шагайн харвааны нээлтийн ажиллагаа

11:50-15:00 цагт: Хүчит бөхийн барилдааны нэгийн даваа

12:00-13:00 цагт: Үндэсний сурын харвааны нээлт

13:00-16:00 цагт: Үндэсний сурын хана харвааны дунд өрөг

13:00-20:00 цагт: Шагайн харвааны хагас шигшээ тоглолт

15:20-18:00 цагт: Хүчит бөхийн барилдааны хоёрын даваа

16:00-17:30 цагт: Үндэсний сурын хана харвааны адаг өрөг

17:30-20:30 цагт: Үндэсний сурын хасаа харвааны эхэн өрөг


20:00-24:00 цагт: Улаанбаатарын үдэш 2020 наадмын үдшийн онлайн шоу тоглолт

23:00 цагт: Баяр наадмын ёслолын буудлага /Жанжин Д.Сүхбаатарын талбайд, Баянхошуу, Маахуур толгой, Дамбадаржаа/

Дэлгэрэнгүй унших

Санал болгох