Бидэнтэй нэгдэх

Улстөр нийгэм

Албан хаагчид түрээслэсэн орон сууцаа 15 жилийн дотор өмчилж авна

Огноо:

,

Засгийн газрын ээлжит бус хурал 2020 оны 6 дугаар сарын 12-ны Баасан гарагт болж дараах асуудлыг хэлэлцэн шийдвэрлэлээ. Дэлхий даяар КОВИД19 халдварт цар тахал дэгдэж, Монгол Улс өндөржүүлсэн бэлэн байдлын зэрэгт шилжээд хагас жил орчим болж байна. Дотооддоо халдвар алдаагүй, зөөвөрлөгдөж ирсэн тохиолдлуудыг эмчилж, хяналтдаа барьж байна. Урьдчилан сэргийлэх арга хэмжээний хүрээнд  Засгийн газар, УОК-оос гаргасан шийдвэрүүдийг хэрэгжүүлэхэд  тэргүүн эгнээнд  хүнд нөхцөлд, өргөсөн тангарагтаа үнэнч үүрэг гүйцэтгэж байгаа төрийн жинхэнэ болон үйлчилгээний албан хаагчдыг орон сууцжуулах хөтөлбөр хэрэгжүүлэхээр Засгийн газраас шийдвэрлэсэн. Энэ дагуу ажлын хэсэг томилогдон ажиллаж буй. Төрийн жинхэнэ болон үйлчилгээний албан хаагчдад эмч, сувилагч, асрагч, жолооч, үйлчлэгч, онцгой байдлын аврагчид, хил, гаалийн байцаагч нар, цэвэршүүлэх байгууламжийн засварчин, техникчид, тагнуул, цагдаа, мэргэжлийн хяналтын байцаагч нарыг хамруулж байна. Галын шугамд ажиллаж буй албан хаагчдын амьдралын орчин нөхцлийг дээшлүүлэх, нийгмийн баталгааг бий болгох, гэр бүлийнхнийх нь ая тухыг хангах, цаашдын амьдралын чанарыг сайжруулах нь тус хөтөлбөрийн зорилго. 

Хөтөлбөрт хамрагдах албан хаагчдыг тухай тухайн байгууллагууд нь хамт олныхоо саналаар ил тод шударгаар сонгох зарчим баримталж ажиллахыг  УОК-оос үүрэг болгосон. Одоогоор ХӨСҮТ-ийн 10 албан хаагч орон сууцны батламжаа хүлээж аваад байна. Хөтөлбөрийг маш богино хугацаанд үр дүнтэй, албан хаагчиддаа хүндрэлгүй шууд түлхүүрээ авч, орон сууцандаа нүүж орохоор зохион байгуулахаар зорьж байна.

Иймд түрээсийн орон сууцанд орж буй иргэдэд тавьдаг байсан шаардлагуудыг хасч, хөнгөвчлөн, Засгийн газрын 2019 оны 138 дугаар тогтоолын хавсралтаар баталсан “Түрээсийн орон сууцыг өмчлүүлэх журам” –ыг өөрчлөн 2.2.2-т нэмэлт өөрчлөлт оруулж, өнөөдөр Засгийн газрын хуралдаанаар батлав.

Ингэснээр түрээслэгчдэд дараах хэд хэдэн нэмэлт боломж олгогдож байна. Өмнө нь иргэн орон сууцаа 5 хүртэлх жилийн дотор түрээслээд энэ хугацаандаа үлдсэн төлбөрөө гүйцээн төлж өмчлөлдөө авдаг байсан бол хугацааг 15 хүртэлх жил болгон сунгав. Тодруулвал иргэн улсын төсөв, хөгжлийн сангийн хөрөнгөөр барьсан орон сууцнаас сонговол 5 хүртэлх жил, бусад хувилбарын санхүүжилтээр баригдсан барилгаас сонговол 15 хүртэлх жил түрээслээд түрээслэх явцдаа сар бүр хуваарийн дагуу хэсэгчлэн төлсөөр түрээсийн орон сууцаа худалдан авч, өмчлөх боломжтой байхаар тусгаж өгчээ.

Мөн сонголтын хүрээг нэмэгдүүлсэн байна. Зөвхөн улс, орон нутгийн төсөв, хөгжлийн сангийн хөрөнгөөр барьсан орон сууцнуудаас сонголт хийх болзол тавьдаг байсан бол одоо гадаад, дотоодын зээл буцалтгүй тусламжаар болон  хувийн аж ахуй нэгжүүд өөрийн хөрөнгөөр барьсан  100 хувь ашиглалтад орсон байрнуудаас сонгох өргөн сонголтыг олгож байна. Түүнчлэн зай талбайн дээд доод хязгаар заахаа больсон. Албан хаагч өөрийн орлогодоо тулгуурлан, хүссэн байраа сонгоно. Бас нэг чухал боломж нь 30 хүртэл хувийн урьдчилгаа төлбөр шаарддаг байсныг цуцалж, урьдчилгаагүй шууд орон сууцандаа орох боломжоор хангаж байгаагаараа энэ удаагийн хөтөлбөрийн давуу тал оршиж байна. Уг тогтоолыг 2020 оны 6 дугаар сарын 15-ны өдрөөс  дагаж мөрдөнө.

Дэлгэрэнгүй унших
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Улстөр нийгэм

Төрийн банк хувьцааны захиалгын тоогоо нэмнэ

Огноо:

,

Банкны тухай хуулийн шинэчилсэн найруулгын дагуу системийн нөлөө бүхий банкууд нээлттэй хувьцаат компани болох заалттай. Үүний дагуу Төрийн банк системийн нөлөө бүхий банкуудаасаа анхлан нээлттэй хувьцаат компанийн хэлбэрт шилжихээр өнгөрсөн Баасан гаригийн 10:00 цагт Хөрөнгийн биржид анхдагч арилжааны нээлтээ хийн "Цан зохих" ёслолын ажиллагаагаа хийсэн.

Үнэт цаасны эхний өдрийн захиалга  100 хувиас давж биелэн эрэлт өндөр байгааг харуулсан юм. Тиймээс Төрийн банкнаас Үнэт цаасны танилцуулгын 3.4-д заасны дагуу нийтэд гаргасан хувьцааны 15 хүртэлх хувийг нэмж гаргахаар болсон байна.

Өөрөөр хэлбэл, 37,475,000 хувьцаан дээр 5,621,250 ширхэг хувьцаа гаргах бөгөөд хувьцаа авч чадаагүй иргэдэд боломж гарч байгаа аж. Хувьцаа авахаар сонирхож байгаа иргэд энэ сарын 6-ны өдрийг дуустал Төрийн банкны үндсэн андеррайтер болох "Өлзий энд Ко капитал",  туслах "Гүүдсек" үнэт цаасны компани болон Төрийн банкны ibank.mn хуудсаар Гялсбанкны эрхээрээ нэвтрэн орж захиалах боломжтой юм байна. Захиалга давж биелэсэн ч хувь тэнцүүлэн хуваарилах ажээ.

Дэлгэрэнгүй унших

Улстөр нийгэм

Монгол Улсын 2023 оны төсвийн төслийг өргөн барилаа

Огноо:

,

Монгол Улсын Засгийн газраас Төсвийн тухай хуулийн 8.4.5-д заасныг үндэслэн Монгол Улсын 2023 оны төсвийн тухай, 2024-2025 оны төсвийн төсөөллийн тухай хуульд өөрчлөлт оруулах тухай, Монгол Улсын нэгдсэн төсвийн 2023 оны төсвийн хүрээний мэдэгдэл, Нийгмийн даатгалын сангийн 2023 оны төсвийн тухай, Эрүүл мэндийн даатгалын сангийн 2023 оны төсвийн тухай, Ирээдүйн өв сангийн 2023 оны төсвийн тухай хуулийн төсөл болон эдгээр хуулийн төсөлтэй холбогдуулан боловсруулсан бусад хууль тогтоомжийн төслүүдийг Сангийн сайд Б.Жавхлан 2022 оны 9 дүгээр сарын 29-ний өдөр УИХ-ын дарга Г.Занданшатарт өргөн мэдүүллээ.

Сангийн сайд Б.Жавхлан, Засгийн газар ирэх 2023 оны төсвийн төслийг төрийн хэмнэлтийг хэрэгжүүлж, “Шинэ сэргэлтийн бодлого”-ыг дэмжих, экспортыг нэмэгдүүлэх, макро эдийн засгийг тогтворжуулахад чиглэн боловсруулснаа онцлов. Мөн төлбөрийн тэнцлийн алдагдлыг бууруулах, гадаад валютын нөөцийг хамгаалахад чиглэсэн мөнгөний хатуу бодлогыг төсвийн хэмнэлтийн бодлоготой хоршуулан хэрэгжүүлэхнэ гэж мэдэгдлээ.

2023 онд шинээр хөрөнгө оруулалт хийхгүй, төрийн өмчийн томоохон газруудад шинээр хийх хөрөнгө оруулалтыг зогсоохоор төсөөлж, харин өнгөрсөн жилүүдэд эхлүүлсэн бүх төслүүдээ ашиглалтад оруулахаар төлөвлөжээ.

Төрийн хэмнэлтийн тухай хууль тогтоомжийг хэрэгжүүлэх, хот хөдөөгийн хөгжлийн тэнцвэрт байдлыг хангах үүднээс орон нутагт хөрөнгө оруулалт, ажлын байр, бизнес эрхлэхэд таатай орчин бүрдүүлэхэд дорвитой анхаарсан гэж Сангийн сайд мэдэгдлээ. Мөн төрийн албан хаагчдын цалингийн тогтолцоог бүтээмжтэй нь уялдуулна, өрийн удирдлагын стратегийг оновчтой хэрэгжүүлэх, халамжаас хөдөлмөрт чиглүүлэх бодлогын хүрээнд нийгмийн хамгааллыг зорилтот бүлгүүдэд чиглэхээр тусгасан байна хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.

Дэлгэрэнгүй унших

Улстөр нийгэм

Монгол-Германы хамтарсан ашигт малтмал, технологийн их сургууль шинэ дотуур байртай боллоо

Огноо:

,

Боловсрол, шинжлэх ухааны сайд Л.Энх-Амгалан, ХБНГУ-ын Эдийн засгийн хамтын ажиллагаа, хөгжлийн яамны Төрийн нарийн бичгийн дарга Нийлс Аннен нар холбогдох төлөөллийн хамт Монгол-Германы хамтарсан ашигт малтмал, технологийн их сургуульд ажиллалаа.

Тус сургууль нь Монголын ашигт малтмалын салбарт мэргэшсэн инженерүүдийг бэлтгэдэг. 370 гаруй оюутантай, 69 багш, ажилтантай. Төгсөгчид нь 100 хувь ажлын байраар хангагддаг бөгөөд дотоод, гадаадын ашигт малтмал, уул уурхайн компаниудад ажилладаг. Монгол Улсын Засгийн газрын Шинэ сэргэлтийн бодлогын хүрээнд томоохон төсөл ашиглалтад ороход инженерүүдийн эрэлт хэрэгцээг хангахад уг сургууль хувь нэмрээ оруулах юм. Мөн Герман дахь түнш их, дээд сургуулиудтай хамтарч олон улсын шинжлэх ухааны туршлага, орчин үеийн академик стандартыг нэвтрүүлэхээс гадна оюутнуудын суралцах орчин нөхцөлийг сайжруулахад анхаарч ажилладаг байна.  

Сургуулийн хувьд 3 тэнхим, шинжлэх ухааны 8 лаборатори, 3 кампустай. Үүний нэг болох 360 гаруй ор бүхий хүчин чадалтай дотуур байртай боллоо. Монгол Улсын Засгийн газрын санхүүжилтээр Монгол-Германы хамтарсан ашигт малтмал, технологийн их сургуулийг өнөөдөр ашиглалтад орууллаа.  

Түүнчлэн хоёр талын уулзалтын үеэр Германы тал манай улсад олгодог хөгжлийн дэмжлэгийг үргэлжлүүлэн олгохоор болов. Ингэснээр өмнө нь хэрэгжүүлж байсан төслүүдийг үргэлжлүүлэх боломжтой болж байгаа юм. Мөн өдөр талууд оюутнуудтай уулзаж, тэдний санал бодлыг сонсон харилцан ярилцлаа.

Эх сурвалж: БШУЯ

Дэлгэрэнгүй унших
сурталчилгаа
Улстөр нийгэм2 цаг 49 минут

Төрийн банк хувьцааны захиалгын тоогоо нэмнэ

Улстөр нийгэм12 цаг 49 минут

Монгол Улсын 2023 оны төсвийн төслийг өргөн барилаа

Шударга мэдээ12 цаг 52 минут

Иргэд D.PARLIAMENT.MN цахим хуудсаар дамжуулан Ерөнхий сайдаас асуул...

Улстөр нийгэм12 цаг 58 минут

Монгол-Германы хамтарсан ашигт малтмал, технологийн их сургууль шинэ...

Улстөр нийгэм13 цаг 1 минут

УИХ-ын 2022 оны намрын чуулган өнөөдөр эхэлнэ

Шударга мэдээ13 цаг 7 минут

Онцгой комиссын өргөтгөсөн хуралдааныг зохион байгуулж, үүрэг чиглэл...

Чөлөөт цаг13 цаг 10 минут

“Богдхан уулаа цэвэрлэе” аянд таван мянга гаруй оюутан, ...

Урлаг спорт13 цаг 14 минут

Морин хуурын чуулгад Монгол Улсын Соёлын элчийн гэрчилгээг гардуулла...

Чөлөөт цаг13 цаг 17 минут

Монголын сэтгүүл зүйн ахмадуудын анхдугаар чуулган болно

Чөлөөт цаг13 цаг 21 минут

Ээрмэлийн гудамжийг Туул гол гудамжтай холбосон авто замыг түр хаан...

Санал болгох