Цаг үе

Бүсгүйчүүд эмчээс илүүтэйгээр интернетэд найддаг

Огноо:

4 жил 5 сар.өмнө

2019/07/08

Бүсгүйчүүдийн дийлэнх нь бие нь тавгүйтэх үед эмнэлгийн тусламжгүйгээр илааршиж болно гэж боддог гэнэ. Тэд шинж тэмдгийг интернетийн хайлтын системд оруулан өөрсдөө онош тавьдаг ажээ. Нийгэм судлаачдын санал асуулгын дүнгээс үзвэл эмэгтэйчүүдийн тал орчим хувь нь ингэдэг байна.

Үүгээр ч зогсохгүй бүсгүйчүүд эмчид хандалгүйгээр эмээ өөрсдөө сонгон авдаг гэнэ. Гэхдээ энэ тал дээр сонголт нь эмчийнхтэй яг адилхан байдаг бөгөөд зөвхөн дөрвөн хүний нэг нь л алддаг байна. Бас 10 хувь орчим нь эмийг буруу хэрэглэснээс үүсдэг сөрөг үр дагаврыг анзаардаг ажээ.

Бүсгүйчүүдийн тал хувь нь эмчид хандахынхаа интернетээс өөрийнхөө өвчний шалтгааныг хайхыг оролддог байна. Санал асуулгад оролцсон бүсгүйчүүдийн нөгөө тал хувь нь эмчид огтхон ч ханддаггүй бөгөөд зайлшгүй тохиолдол гарсан үед л янз бүрийн сайтууд ашиглан оношоо өөрөө тогтоодог ажээ.

Санал асуулгад оролцсон 10 бүсгүйн нэг нь өвчнийхөө талаар эмчтэй ярилцахыг хүсдэггүйгээс ээ болоод интернетийг эмчээс илүүд үздэг бол гурван бүсгүйн нэг нь өнөөх л тэвчээргүй зангаасаа болоод интернетээс мэдээлэл хайж эхэлдэг гэнэ. Харин зүгээр л өвчнийхөө талаар эмчид ярихаас санаа зовдог гэж санал асуулгад оролцогсдын дөрөвний нэг нь хариулжээ.

Магадгүй чухам үүний улмаас асуудал үүсэх үе болон эмчид хандах үе хүртэл их хугацаа алддаг байж болох юм. Эмэгтэйчүүдэд ихэвчлэн нойргүйдэх, толгой өвдөх, сэтгэл санааны хямралд автах, булчин өвдөх, мөн ядаргаанд орох гэх зэрэг асуудалтай байдаг байна. Харин бүсгүйчүүдийн дийлэнх нь ам гэмтэх, багтраа, даралт ихдэх өвчний талаар буруу онош тогтоож байсан тухай Оросын Правда сонинд бичжээ.

Уншсан:7681

Дараах мэдээ

Үс шинээр үргээлгэх буюу засуулахад тохиромжгүй

Өмнөх мэдээ

Мөөгний хордлого аюултай

Дэлгэрэнгүй унших

сурталчилгаа

Цаг үе

Томоохон зам, даваануудад хүчтэй цасан шуурга шуурч үзэгдэх орчин хязгаарлагдмал байна

Огноо:

1 өдрийн өмнө

2023/12/08

А0603 дугаартай Цэцэрлэг-Тосонцэнгэл-Нөмрөг чиглэл Солонготын даваа, А1102 дугаартай Мөрөн-Улиастай чиглэл Загастайн даваа, А18 дугаартай Нөмрөг-Сонгино-Наранбулаг чиглэл Цагаан дөрөлж/Ялаат/ зэрэг томоохон зам даваанууд болон нийт чиглэлүүдэд хүчтэй цасан шуурга шуурч замын зорчих хэсэгт цасан бүрхүүл тогтож үзэгдэх орчин хязгаарлагдмал байна.

Шуурхай ажлын хэсгүүд шаардлагатай арга хэмжээг авч ажиллаж байгаа тул авто замын хөдөлгөөнд оролцогч жолооч, тээвэрлэгчид анхаарал болгоомжтой зорчино уу.

Онцын шаардлагагүй бол холын замд гаралгүй цаг агаарын нөхцөл байдлын мэдээ мэдээллийг авч замын хөдөлгөөнд оролцоорой гэж ЗАВХАН АЗЗА ТӨХК-иас мэдээллээ.

Дэлгэрэнгүй унших

Цаг үе

Аюулгүй байдлаа хангаагүй 3928 зөрчил илрүүлэн, 545 зөрчлийг арилгууллаа

Огноо:

1 өдрийн өмнө

2023/12/08

Нийслэлийн Онцгой байдлын газраас болзошгүй гал түймрээс урьдчилан сэргийлэх, эрсдэлийг бууруулах зорилгоор хэрэгжүүлж байгаа “Эрсдэлгүй Улаанбаатар” аяны хүрээнд өчигдөр ”Хамтдаа шалгаж-Өнтэй өвөлжье” нэгдсэн арга хэмжээг мэргэжлийн байгууллагуудтай хамтран зохион байгууллаа.

Нэгдсэн арга хэмжээгээр Чингэлтэй дүүргийн 12, 16 дугаар хорооны 3300 айл өрхийн аюулгүй байдлыг шалгаж, 3928 зөрчил илрүүлэн, 545 зөрчлийг арилгууллаа.

Үзлэг шалгалтаар илэрсэн зөрчлийг ангилвал:

Гэр хоорондын зай хэмжээ зөрчигдсөн- 324
Мухар гудамж- 98
Өндөрлөг газар буусан- 154
Хаяг тодорхой бус- 52
Өндөр хүчдэлийн доор буусан- 101
Цахилгаан дамжуулах утасны - 318
Розетка болон олон залгуурын - 273
Цахилгаан дамжуулах утас олон төрлийн утас холбосон-382
Пийшин зуух гэмтэлтэй-148
Яндангийн залгааг буруу хийсэн-184
Цонолт өгөх магадлалтай-228
Пийшин зуухны амны доор 700х500мм хэмжээтэй металл хамгаалалт байрлуулаагүй -322
Түүхий нүүрс хэрэглэж байсан –65
Яндангаа хөөлөөгүй-165
Үнс нурмаа, төмөр таглаа бүхий саванд хадгалаагүй- 397
Угаар мэдрэгч ажиллагаагүй- 242
Шингэрүүлсэн шатдаг хийн аюулгүй байдал хангагдаагүй- 96
Цахилгаан халаагуурын аюулгүй байдал хангагдсан эсэх-84
Цахилгаан дамжуулах утасны чанар муудсан-295 зөрчил илэрсэн байна.

Иргэдэд болзошгүй гал түймэр, цахилгааны ашиглалт угсралтын аюулгүй байдлаа хэрхэн хангах, сайжруулсан шахмал түлшний хэрэглээ, угаарын хийн хордлогоос урьдчилан сэргийлэх мэдлэг мэдээлэл олгож, 2700 санамж, сэрэмжлүүлгийн материал тарааж мэргэжил арга зүйн заавар, зөвлөмж өгч ажиллалаа.

Нийслэлийн Онцгой байдлын газар, төвийн 6 дүүргийн Онцгой байдлын хэлтэс, дүүргийн Цагдаагийн газар, “Таван толгой түлш” ХХК-ийн хяналтын алба, дүүргийн Гэр бүл хүүхэд залуучуудын хэлтэс, дүүргийн Эрүүл мэндийн төв, дүүргийн Улаан загалмайн хороо, Гамшгаас хамгаалах сайн дурын хэсэг, Цахилгаан түгээх сүлжээ Чингэлтэй хэрэглэгчдэд үйлчлэх төвийн нийт 470 гаруй ажилтан, алба хаагч хамтран хяналт шалгалтыг зохион байгуулсан юм.

Эх сурвалж: НОБГ

Дэлгэрэнгүй унших

Цаг үе

Монгол Улсад боловсролын чанарын ялгаа хаана хамгийн их байна вэ

Огноо:

1 өдрийн өмнө

2023/12/08

Монгол Улсад боловсролын чанарын ялгаа хаана хамгийн их байгаа вэ гэдгийг олон улсын шинжээчид дараах байдлаар дүгнэжээ. Сумын төвийн сурагчид аймгийн төвд суралцдаг хүүхдүүдээс нэг жилийн буюу нэг ангийн хоцрогдолтой байна.

Харин аймгийн төвийн сурагчид хотын хүүхдүүдээс 1.5-1.8 жилийн хоцрогдолтой байгааг дараах зургаас харж болно.Тэгэхээр хөдөөгийн боловсролын чанарыг ахиулахын тулд дэд бүтцийг сайжруулах, цахим шилжилтийг эрчимжүүлэх, багш боловсон хүчний хангалтыг сайжруулж, ур чадварыг нэмэгдүүлэх чиглэл цаашид онцгой анхааран ажиллана.

Харин төрийн болон хувийн сургуулийн хооронд орон нутагтай харьцуулахад чанарын ялгаа бага байна.

Энэ тооцооллыг гаргахдаа тухайн сурагчдын нийгэм, эдийн засгийн нөхцөл, ойролцоо сурагчдыг түүвэрлэжээ гэж Боловсрол, шинжлэх ухааны яамнаас мэдээллээ.