Бидэнтэй нэгдэх

Цаг үе

“Төрийн мэдээлэл” эмхэтгэлийн шинэ дугаар хэвлэгдлээ

Огноо:

,

“Төрийн мэдээлэл” эмхэтгэлийн шинэ дугаар 2019 оны долоодугаар сарын 16-ны өдөр хэвлэгдэн гарлаа. Тус дугаарт, Шүүгчийн албан тушаалаас чөлөөлөх тухай, Зарим хүмүүсийг анхан шатны шүүхийн шүүгчийн албан тушаалд томилох тухай, Шүүгчийн албан тушаалд шилжүүлэн томилох тухай, Зарим хүмүүсийг анхан болон давж заалдах шатны шүүхийн шүүгч, Ерөнхий шүүгчийн албан тушаалд томилох тухай Монгол Улсын Ерөнхийлөгчийн зарлигуудыг нийтэлжээ.

Мөн дугаарт Журам батлах тухай, Барилга байгууламжийн норм, нормативын баримт бичгийн ерөнхий тогтолцоо батлах тухай Монгол Улсын Засгийн газрын тогтоолуудыг нийтэлсэн байна.

Журам батлах тухай тогтоолоор Засгийн газрын дотоод үнэт цаас гаргах, арилжаалахтай холбогдон үүсэх харилцааг зохицуулах зорилготой Засгийн газрын дотоод үнэт цаасны анхдагч, хоёрдогч зах зээлийн үйл ажиллагааны журамыг баталжээ.

Засгийн газрын дотоод үнэт цаасны арилжаанд оролцогчдын чиг үүрэг, Засгийн газрынүнэт цаасны анхдагч зах зээлийн арилжаа, анхдагч зах зээлийн ерөнхий зарчим, арилжааны хуваарь, арилжааны мэдэгдэл, төлбөр, тооцоо, бүртгэл, Засгийн газрын дотоод үнэт цаасны хоёрдогч зах зээлийн арилжаа, түүний зарчим, Үнэт цаасыг буцаан худалдан авах, хугацаа сунгах, нөхцөл тогтоох болон бусад зохицуулалттай холбоотой мэдээллийг эмхэтгэлийн шинэ дугаараас авах боломжтой.

Барилга, ус, эрчим хүч, харилцаа холбоо, нефтийн барилга байгууламжийн норм, нормативын баримт бичгийн ерөнхий тогтолцооны зорилго нь иргэдийн эрүүл, аюулгүй орчинд амьдрах, ажиллах нөхцөлийг бүрдүүлэхийн тулд барилга байгууламжийг найдвартай, бат бэх, ашиглалтын болон угсралтын үеийн өртөг зардал багатай, үр ашигтай байдлаар төлөвлөх, барьж байгуулах, барилгын материал, бүтээгдэхүүн үйлдвэрлэх буюу барилгын үйл ажиллагаанд шаардагдах стандартчилал, нормчлолын үндсэн чиглэл, бүрдлийг тогтоох зорилгоор Барилга байгууламжийн норм, нормативын баримт бичгийн ерөнхий тогтолцоо батлах тухай тогтоолыг Засгийн газраас баталжээ. 

Тогтолцоо нь барилга байгууламжийг төсөллөх, зураг төсөл зохиох, боловсруулах, барилгын ажил гүйцэтгэх, барилга байгууламжийг ашиглах үед заавал болон сонгон мөрдөх, техникийн болон аюулгүй, найдвартай байх нөхцөл шаардлагыг тодорхойлсон, барилгын ажлын уялдаа, дарааллыг тогтоож, бүтээгдэхүүний үр ашиг, чанарыг сайжруулах, аюулгүй байдлыг хангахад чиглэсэн харилцан уялдаа бүхий техникийн зохицуулалт, барилга байгууламжийн норм, нормативын баримт бичгүүдээс бүрдэх юм байна.

Тогтолцооны баримт бичиг нь барилгын салбарын техникийн зохицуулалт, барилгын норм ба дүрэм, барилгын болон техникийн дүрэм, заавар, цомог, аргачлал, стандарт гэсэн хэлбэртэй байх бөгөөд Тогтолцооны баримт бичгийг боловсруулах, хэрэглэхэд иргэн, аж ахуйн нэгж, байгууллага өмчийн хэлбэрээс үл хамааран баримтлах юм байна. Энэхүү баримт бичгийг “Төрийн мэдээлэл” эмхэтгэлд бүрэн эхээр нь нийтэлжээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Дахин төлөвлөсөн 290 айлын орон сууцыг энэ оны IV улиралд ашиглалтад оруулна

Огноо:

,

Иргэдийн эрүүл аюулгүй, таатай орчинд амьдрах нөхцөлийг бүрдүүлэхийн тулд Нийслэлийн Засаг даргын Тамгын газар болон Нийслэлийн орон сууцны корпорациас Хан-Уул дүүргийн 10 дугаар хорооны ашиглалтын шаардлага хангахгүй болсон нийтийн зориулалттай хоёр орон сууцны барилгыг буулгаж, дахин төлөвлөн, шинээр барилгажуулах төслийг хэрэгжүүлж буй. Тухайлбал тус хорооны 34, 35 дугаар байрны 96 айлын нийт 400 орчим иргэн өнгөрсөн 10 жилийн хугацаанд хүн амьдрах нөхцөлгүй, нурах эрсдэлтэй орчинд амьдарч байсан нь мэргэжлийн байгууллагуудын дүгнэлтээр тогтоогдсон.

Иймд өнгөрсөн онд тус хоёр барилгыг буулгаж, газрыг чөлөөлөн дөрвөн блок бүрэн тохижилттой, тоглоомын болон чийрэгжүүлэх талбай, ногоон байгууламж бүхий 580 айлын орон сууцны барилгын ажлыг ‘’Мөнх ариун булаг” ХХК гүйцэтгэж эхэлсэн билээ. Ташрамд, эхний хоёр блок буюу 290 айлын орон сууцыг энэ оны дөрөвдүгээр улиралд ашиглалтад оруулахаар төлөвлөсөн бөгөөд инженерийн дэд бүтцийн ажил бүрэн хийгдэж, гадна фасад болон дотор заслын ажлыг эхлүүлэхээр гүйцэтгэгч компани ажиллаж байна гэж Нийслэлийн орон сууцны корпорациас мэдээллээ.

Дэлгэрэнгүй унших

Цаг үе

Драмын театрын урд талаас Багшийн дээдийн уулзвар хүртэл дулааны шугамыг өргөтгөн шинэчилж байна

Огноо:

,

Драмын театрын урд талаас Багшийн дээдийн уулзвар хүртэл 2а магистралийн 350 мм голчтой шугамыг 530 мм голчтой болгон 950 метр өргөтгөн шинэчлэх дулаан болон цэвэр усны шугамын ажил үргэлжилж байна. Үүнтэй холбоотойгоор Улаанбаатар хотын Ерөнхий менежер бөгөөд Захирагчийн албаны дарга Ц.Төрхүү холбогдох албаныхантай хамт тус байршилд ажиллалаа.

Тэрбээр “Драмын театрын урд талаас Багшийн дээдийн уулзвар хүртэлх 2а магистралийн шугамыг 1960-аад онд татсанаас хойш иж бүрэн шинэчлэлт хийгээгүй. Гэвч Улаанбаатар хотын орон сууц, аж ахуйн нэгж байгууллагын тоо нэмэгдэж, дулааны хэрэглээ өссөнөөс үүдэн тус байршилд хамаарах барилгуудад хангалттай хэмжээнд дулаан дамжуулах боломжгүй болоод байсан юм. Ийнхүү дулааны шугамыг өргөтгөн шинэчилснээр дулааныг бүрэн дамжуулах боломжтой болоод байна. Мөн тус байршилд хонгилын систем нэвтрүүлж буй” хэмээв.

Тэрчлэн зуны улиралд өвөлжилтийн бэлтгэл ажлыг хангах хүрээнд тодорхой байршлуудад долоо хоногоос нэг сар хүртэлх хугацаанд халуун ус хязгаарлан дулааны шугам сүлжээг засварладаг. Ингэхдээ замыг сэтэлж, хөдөлгөөнийг тодорхой хугацаанд хязгаарладаг байсан бол өнгөрсөн жил Бага тойруу, I болон X хороолол чиглэлд хонгилын систем нэвтрүүлснээр тус байршлуудад дахин халуун ус хязгаарлахгүйгээр байнгын ажиллагаатай байх нөхцөл бүрдсэн. Үүнийг үргэлжлүүлэн энэ жил тодорхой байршлуудад хонгилын систем нэвтрүүлж буй. Ингэснээр цаашид 30-40 жилд ахин зам сэтэлж хөндөхгүйгээр засвар, үйлчилгээ болон шугам солих ажлыг хийх боломжтой болж буй. 

Ташрамд, Нийслэлийн 18 байршилд 15.6 км дулааны магистраль шугамыг долоодугаар сарын 16-ны өдрөөс шинэчилж эхэлсэн. Улаанбаатар хотын хэмжээнд нийт 390 гаруй км урттай дулааны шугам сүлжээ байдаг бөгөөд эдгээрийн ихэнх нь 30-60 жилийн насжилттай байдаг. Энэ жил дулааны шугам сүлжээний их засварыг гүйцэтгэхдээ шугам хоолойн хэмжээг өргөтгөж байгаа юм.  

Дэлгэрэнгүй унших

Цаг үе

Зуун айлын уулзвараас Сэлбийн гүүр хүртэлх цэвэр усны шугамын угсралтын ажил 40 хувьтай үргэлжилж байна

Огноо:

,

Зуун айлын уулзвараас Сэлбийн гүүр хүртэл 900 мм голчтой 392 метр урт цэвэр усны шугамын угсралтын ажил 40 хувьтай үргэлжилж байна. Энэ хүрээнд Улаанбаатар хотын Ерөнхий менежер бөгөөд Захирагчийн албаны дарга Ц.Төрхүү холбогдох албаныхантай хамт тус байршилд ажиллалаа.

Тэрбээр Улаанбаатар хотын барилгажилт тэлж, хүн амын тоо өсөн нэмэгдэж буйтай холбоотойгоор усны хүрэлцээ дутмаг болж буй. Үүнтэй уялдуулж Азийн хөгжлийн банкны санхүүжилтээр уг байршилд нэмэлтээр 900 мм голчтой шинэ шугам угсарч байна. Уг төсөл 2019 оноос хойш хэрэгжиж байгаа бөгөөд өнгөрсөн өвөл гүүрэн доорх сувагчлалын ажлыг хийж гүйцэтгэсэн. Одоо шугам хоолойн холболтын ажил хийж буй юм. Мөн Улаанбаатар хотын гэр хорооллыг орон сууцжуулах замаар утааг багасгахын тулд эхлээд дэд бүтцийг нь шийдэж байгаа гэдгийг онцолж байв.   

Нийслэлийн Хөрөнгө оруулалтын газар ОНӨААТҮГ-ын Дулаан хангамж агаар сэлгэлтийн хяналтын инженер Р.Дамбадаржаа: 

-Цэвэр усны шугамын угсралтын хувьд жил бүр урсгал засвар орох шаардлагагүй учир хонгилын систем хийхгүйгээр шууд газар булж байгаа. Тухайн шугам нь 50-60 жилийн баталгаатай. Уг байршилд 700 мм голчтой ган хоолой бүхий цэвэр усны шугам байгаа бөгөөд нэмэлтээр 900 мм голчтой шугам хоолой угсарснаар Баянзүрх, Чингэлтэй, Сүхбаатар дүүргийн цэвэр усны хэрэглээг бүрэн хангах боломжтой болж байгаа юм. 

Дэлгэрэнгүй унших
сурталчилгаа
Цаг үе4 цаг 9 минут

Дахин төлөвлөсөн 290 айлын орон сууцыг энэ оны IV улиралд ашиглалтад...

Цаг үе4 цаг 11 минут

Драмын театрын урд талаас Багшийн дээдийн уулзвар хүртэл дулааны шуг...

Цаг үе4 цаг 14 минут

Зуун айлын уулзвараас Сэлбийн гүүр хүртэлх цэвэр усны шугамын угсрал...

Улстөр нийгэм4 цаг 16 минут

“Өлсгөлөнг зогсооход дэд бүтцийн холболтын гүйцэтгэх үүрэг&rdq...

Улстөр нийгэм4 цаг 18 минут

УИХ-ын дарга Д.Амарбаясгалан Говь-Алтай аймагт ажиллалаа

Шударга мэдээ4 цаг 20 минут

ЕБС-иудын хичээлийн жил 3 улиралтай болно

Улстөр нийгэм4 цаг 22 минут

ТЭЦ 2-оос 19 дүгээр сургууль хүртэл дулааны шугамыг өргөтгөн шинэчил...

Улстөр нийгэм4 цаг 24 минут

Таван шарын төмөр замын доогуурх нүхэн гарц 80 хувьтай үргэлжилж бай...

Цаг үе4 цаг 27 минут

Эрүүл шүд гоо үзэмжийн илэрхийлэл

Улстөр нийгэм4 цаг 29 минут

Монгол Улсын 33 дахь Ерөнхий сайдын тэргүүлэн ажиллах Хамтарсан Засг...

Санал болгох