Бидэнтэй нэгдэх

Улстөр нийгэм

Хэмнэлттэй ажилласан цехүүдийг урамшуулж, нэмэлт бүтээгдэхүүн үйлдвэрлэх даалгавар өглөө

Огноо:

,

Эрдэнэт үйлдвэрийн удирдлагуудын даваа гарагийн ээлжит шуурхай зөвлөгөөн болж, Төв штабын хагас жилийн ажлын үр дүнг танилцууллаа. Ерөнхий захирал Х.Бадамсүрэн, өнгөрсөн амралтын өдрүүдэд үйлдвэрийн Төв болон чиглэл хариуцсан штабууд хуралдаж, тулгамдсан зарим асуудал, цаашдын зорилтын талаар илэн далангүй хэлэлцсэнийг онцлов. Оны эхний хоёрдугаар улиралд цех нэгжүүд хямралын эсрэг хэрэгжүүлэх төлөвлөгөөний хүрээнд зардал бууруулах чиглэлээр хэрхэн ажилласнаа дүгнэж ирүүлсний дотор үйлдвэрлэлийн 11 цех өндөр хэмнэлттэй ажилласан байна.

“Ковид-19” цар тахлын улмаас үүсээд буй эдийн засгийн хүндрэлийг эрсдэл багатай даван туулах арга хэмжээний төлөвлөгөө боловсруулан хэрэгжүүлж, дээрх үйлдвэрлэлийн цехүүд идэвх санаачилгаатай ажилласнаар 52.7- 1806 сая төгрөгийн хэмнэлт гаргасан. Мөн нийтлэг үйлчилгээний цех буюу Аж ахуй, үйлчилгээний цех, Зураг төслийн хүрээлэн 22.5-140.5 сая төгрөг хэмнэж ажиллалаа. Иймээс, эдгээр цехийн хамт олонд нийт хэмнэлтийнх нь 10 хувийн урамшууллыг олгоно” гэж Ерөнхий захирал шийдвэрээ танилцуулав. Эндээс харахад, хэдийгээр цар тахлын хорио цээрийн дэглэмд ажиллаж байгаа ч хичээвэл илүү боломж байна, өөрөөр хэлбэл бид “Ковид-19” вирусын тархалтаас хамааралгүй ажиллаж чадах юм байна, гэсэн дүгнэлт хийсэн. Энд  санаачилгатай ажиллаж буй удирдлага хамт олонд сэтгэл өндөр буйгаа ч ерөнхий захирал нэмж хэлэв. Тэрээр, үлдэж буй 4-р улиралд төлөвлөгөөт үзүүлэлтээ биелүүлж, өмнөх онд тогтоосон үйлдвэрлэлийн түүхэн дээд амжилтаа бататгаж ажиллахыг удирдлагуудад уриаллаа.

Он дуусах хүртэлх дөрвөн сарын хугацаанд Баяжуулах үйлдвэр 5000 гаруй тонн зэсийн баяжмал нэмэлтээр үйлдвэрлэж, сар тутам 20 вагон бүтээгдэхүүн илүү ачих даалгаврыг Ерөнхий захирлын нэгдүгээр орлогч бөгөөд Ерөнхий инженер Т.Батмөнх үйлдвэрлэлийнхэнд өгөв. Уламжлалаар ёсоор ХАБЭА, Үйлдвэрлэлийн хэлтэс болон үндсэн цех, газар хэлтсүүд өнгөрсөн долоо хоногийн ажлаа танилцуулсан. Авто тээврийн цех, ажилчдын автобусанд хийх ариутгал халдваргүйтгэлийг тогтмолжуулахын зэрэгцээ хөрөнгө оруулалтын ажлууд 70 хувийн гүйцэтгэлтэй байгааг мэдээллээ.

Мөн энэ долоо хоногт үйлдвэрлэлийн бүс дэх технологийн зам засварын ажлууд эхлэх юм байна. Баяжуулах үйлдвэр хоёрдугаар шатны тээрмүүдийн бүтээмж дээшлүүлэхэд анхаарч буй бол Засвар механикийн заводынхон намар, өвлийн бэлтгэлээ 46 хувиар базаажээ. Өнгөрсөн амралтын өдрүүдэд болсон ДЦС-ын “их зогсолт” амжилттай болж, төлөвлөсөн  133 ажил бүрэн хийгдэж дууссаныг Эрчим хүчний хэлтэс мэдээлэв. Харин Барилга засварын цехийн ажилтнууд одоогоор 20 объектын бүтээн байгуулалт, засвар үйлчилгээний ажил гүйцэтгэж буй аж. Захиргаа, хүний нөөцийн бодлогын газар энэ 7 хоногт хүний нөөцийн төлөвлөлт, 100 шинэ ажилтан, 100 удирдах ажилтан зэрэг уулзалтыг зохион байгуулахаар бэлтгэж байна. Гадаад харилцааны бодлогын газар үйлдвэрийн бүсэд зорчих маршрутыг шинэчилж, зочдод танилцуулга хийх зориулалттай аудио төхөөрөмж суурилуулах юм байна. Цех нэгжүүдийн мэдээллийн дараа Ерөнхий захирал зарим ажил удаашралтай байгаа удирдлагуудад анхааруулга өгч, хоорондын уялдаа холбоог сайжруулан нарийн төлөвлөлттэй ажиллахыг үүрэг болгов.

М.Балжинням
Фото Б.Баттөгс

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Улстөр нийгэм

УИХ-ын Ажлын хэсгүүд өнөөдөр хуралдана

Огноо:

,

Монгол Улсын Их Хурал дахь ажлын хэсгүүдийн өнөөдөр /2022.01.21/ хуралдах хуралдааны тов, хэлэлцэх асуудлын талаарх мэдээллийг та бүхэнд хүргэж байна.

ЦАГ

АЖЛЫН ХЭСГИЙН ХУРАЛДААН

ХААНА

10.00

Усны тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын дэд хэсгийн хуралдаан

334 тоот өрөөнд

10.00

Дээд боловсролын тухай хуулийн төслийг хэлэлцүүлэгт бэлтгэх үүрэг бүхий Боловсрол, соёл, шинжлэх ухаан, спортын байнгын хорооны ажлын дэд хэсгийн хуралдаан

“Үндсэн хууль” танхимд

11.00

Зөвшөөрлийн тухай хуулийн нэгтгэсэн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Боловсрол, соёл, шинжлэх ухаан, спортын байнгын хорооны ажлын хэсгийн хуралдаан

 “Их засаг” танхимд

14.00

Судалгааны Их сургуулийн эрх зүйн байдлын тухай хуулийн төслийг хэлэлцүүлэгт бэлтгэх үүрэг бүхий Боловсрол, соёл, шинжлэх ухаан, спортын байнгын хорооны ажлын дэд хэсгийн хуралдаан

“Их засаг” танхимд

 

Дэлгэрэнгүй унших

Улстөр нийгэм

Нийт 717 төсөл, арга хэмжээнээс 140 буюу 19.5 хувьд нь тендер зарлажээ

Огноо:

,

Засгийн газрын ээлжит хуралдаан 2022 оны нэгдүгээр сарын 19-нд болж, Монгол Улсын 2022 оны төсвийн тухай хуулиар батлагдсан улсын төсвийн хөрөнгө оруулалтаар хэрэгжүүлэх төсөл, арга хэмжээнээс шинээр эхлэх төсөл, арга хэмжээний худалдан авах ажиллагааны явцын талаар Сангийн сайд Б.Жавхлан Засгийн газрын гишүүдэд танилцууллаа.

Нийт 717 төсөл, арга хэмжээнээс 140 буюу 19.5 хувьд нь тендер зарлажээ. Тендерийн үнэлгээ хийж байгаа, шалгаруулалтын үр дүн гарсан 8 төсөл, арга хэмжээ байна. Тендер зарлаж хүлээж авах хугацаа дуусаагүй 134 төсөл, арга хэмжээ байна.

Төсөл, арга хэмжээний тендерийн явц хангалтгүй байна гэж  Ерөнхий сайд Л.Оюун-Эрдэнэ хэлээд энэ оны гуравдугаар сарын 1 гэхэд төсөл, арга хэмжээний сонгон шалгаруулалтыг зарласан байх ёстойг төсвийн ерөнхийлөн захирагч нарт үүрэг болголоо. Үүнтэй холбоотойгоор Ерөнхий сайдын албан даалгавар гаргахаар шийдвэрлэлээ.

Дэлгэрэнгүй унших

Улстөр нийгэм

Халамжийн нэгдсэн санд бүртгэлтэй 1.2 сая хүүхдийг хуримтлалд шууд хамруулна

Огноо:

,

Засгийн газрын ээлжит хуралдаан 2022 оны нэгдүгээр сарын 19-нд болж, “Хүүхдийн мөнгөн хуримтлалыг Төрийн санд байршуулан хуримтлуулах, бүртгэх, олгох журам”-ыг баталж, хэрэгжилтэд нь хяналт тавьж ажиллахыг Сангийн сайд Б.Жавхлан, Хөдөлмөр, нийгмийн хамгааллын сайд А.Ариунзаяа нарт үүрэг болголоо.

Уг журмаар Монгол Улсын 0-18 хүртлэх насны иргэн бүрт хүүхдийн мөнгөн хуримтлал үүсгэх, бүртгэх, хуримтлалаас мөнгөн хэлбэрээр олгох асуудлыг зохицуулах юм.

Журам хүчин төгөлдөр хэрэгжих эхлэхээс өмнө, 2022 оны 01 дүгээр сарын 01-ний байдлаар Халамжийн нэгдсэн санд бүртгэлтэй буюу хүүхдийн мөнгөн тэтгэмж авч байсан 1.2 сая хүүхдийг хуримтлалд шууд хамруулна.   

Коронавируст халдварын цар тахлын нөлөө бүрэн арилаагүй өнөөгийн нөхцөлд бага, дунд орлоготой өрхүүд орлогын эрсдэлд орж болзошгүй тул хүүхдийн эцэг, эх, хууль ёсны асран хамгаалагч хүсэлт гаргавал хүүхдийн мөнгөн хуримтлалаас тодорхой хувийг сар бүр бэлнээр авах боломжтой. Хуримтлалаас мөнгөн хэлбэрээр авах хүсэлт гаргах явцыг иргэдэд чирэгдэл багатай зохион байгуулна.

Иргэд ehalamj.mn цахим хуудас, ebarimt гар утасны аппликейшн ашиглан хүсэлтээ гаргана. Цахимаар гаргах боломжгүй бол харьяа Хөдөлмөр, халамжийн үйлчилгээний хэлтэс эсвэл хүүхдийн нэрийн данс байрших арилжааны банкны салбарт хандаж болно.

Хуримтлалаас мөнгөн хэлбэрээр авах хүсэлт гаргахдаа дараагийн саруудын хуримтлалыг мөнгөн хэлбэрээр авах сонголтоо урьдчилан гаргаж болно. Хүүхдийн мөнгөн хуримтлалын тогтолцоонд шилжиж байгаатай холбоотойгоор “Хүүхдийн мөнгөн тэтгэмж олгох журам”-ыг хүчингүй болголоо.

Дэлгэрэнгүй унших

Санал болгох