Бидэнтэй нэгдэх

Цаг үе

“Сэлэнгэ” амралтын баазынхан энэ жил 300 центнер хүнсний ногоо хураана

Огноо:

,

Эрдэнэт үйлдвэрийн “Сэлэнгэ” амралт, аялал жуулчлалын цогцолборынхон энэ намар 300 центнер хүнсний ногоо хурааж авна. Энэ нь өмнөх жилүүдээс 3 дахин их ургац авна гэсэн үг юм. “Ковид-19” вирусын тархалтын улмаас олныг хамарсан үйл ажиллагааг хязгаарлан, амралт зуслан зогссонтой холбогдуулан “Сэлэнгэ” амралтын бааз зарим ажилтнуудаа ногоо тариалалтын ажилд хүч нэмэн ажиллуулснаар өнгөрсөн хавар гурван га талбайд төмс, хүнсний ногоо тариалжээ. Өмнөх жилүүдэд хүн хүчний хүрэлцээнээс шалтгаалан зөвхөн нэг га талбайд тариалалт хийдэг байсан бол энэ жил талбайгаа бүрэн ашиглаж, ургацын хэмжээгээ нэмэгдүүлсэн байна. 

Өнөөдрийн байдлаар, нийт 144 центнер ногоо хурааж авчээ. Ирэх долоо хоногт ургацаа бүрэн хурааж дуусахаар төлөвлөж буй аж.  “Манайхан 300 центнер шинэ ургацын ногоо хурааж авснаар “Москва петушки” ресторан, “Сэлэнгэ” катеринг, амралтын бааз, “Эрдэнэт” сувиллын цогцолбор болон улмаар үйлдвэрийн ажилчдад халуун хоолоор үйлчилдэг бусад компаниудын хүнсний ногооны хэрэгцээг бүрэн хангах боломжтой болж байгаа. Ингэснээр “Ковид-19” вирусын тархалтаас шалтгаалсан хямралын үед өртөг зардал хэмнэх,  бүтээгдэхүүний хэмжээг нэмэгдүүлэх төлөвлөгөөг хэрэгжүүлж байна” гэж  агрономич Х.Хишигт ярилаа. Мөн хүлэмжид тарьж буй 10 гаруй төрлийн нарийн ногоо тариалалтад амралтын баазын ажилтнууд ээлжээр хуваагдан ажилласан байна. Үүний үр дүнд цех нэгжүүдийн гадна талбайн тохижилтод зориулан 18 мянган цэцгийн үрсэлгээ, 6000 модны суулгац тарьж, нийлүүлжээ. Тус баазынхан энэ жилээс хүлэмжид тарьсан органик нарийн ногоонуудаа “Русь” хүнсний дэлгүүрээр дамжуулан борлуулж байна. Мөн үйлдвэрийн харьяаны зочид буудал, халуун хоолны катеринг, “Москва петушки” ресторан, сургууль, цэцэрлэгийн хэрэгцээнд нийлүүлдэг аж. Ингэснээр, оны эхний хагас жилийн байдлаар 5 сая гаруй төгрөгийн импорт орлох бүтээгдэхүүн буюу органик нарийн ногооны борлуулалт хийсэн байна.  

М.Балжинням
Фото П.Батцэцэг

Дэлгэрэнгүй унших
сурталчилгаа

Сэтгэгдэл

Цаг үе

Амьтны хүрээлэн, музейн хөтөлбөрүүдийг хэрэгжүүлж байна

Огноо:

,

Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж, нийслэлийн ерөнхий боловсролын сургуулийн сурагчдад амьтдыг таниулах үйл ажиллагааг зохион байгуулж байна.

Энэ хүрээнд өнөөдөр нийслэлийн ерөнхий боловсролын 1 болон 16 дугаар сургуулийн 5 дугаар ангийн сурагчид анги хамт олноороо амьтны хүрээлэн дэх амьтадтай танилцлаа. Ингэснээр хичээлийн явцад судалсан мэдлэгээ бататган, амьтны онцлог шинжийг ялгаж харах боломж бүрдэж байгаа бөгөөд Цаашид уг хөтөлбөрийг жил бүр уламжлал болгон зохион байгуулах юм.

Нийслэлийн Засаг даргын Нийгмийн салбар, ногоон хөгжил болон агаар, орчны бохирдол хариуцсан орлогч О.Номинчимэг "Нийслэлийн ерөнхий боловсролын сургуулийн сурагчдад хотын соёлыг төлөвшүүлэх ажлыг үе шаттай зохион байгуулж байна. Энэ хүрээнд дэлхийн хотуудын жишгээр соёл, танин мэдэхүйн газруудтай танилцуулах замаар суралцагчдын танин мэдэхүйн мэдлэгийг дээшлүүлэх зоо парк, музейн хөтөлбөрүүдийг хэрэгжүүлж буй юм. Нийслэлийн Боловсролын газар нийслэлд үйл ажиллагаа явуулж буй амьтны хоёр хүрээлэнтэй хамтран ажиллах санамж бичиг байгуулсан. Санамж бичгийн хүрээнд сургалтын хөтөлбөртэй уялдуулж нийслэлийн ерөнхий боловсролын сургуулийн 10 мянган сурагчид амьтдыг таниулах үйл ажиллагааг зохион байгуулах юм. Мөн тусгай хэрэгцээт боловсрол шаардлагатай 1000 сурагчийг үнэ төлбөргүй үзүүлэхээр төлөвлөөд байна" гэв.

"Улаанбаатар зоо парк" ХК-ийн захирал Б.Оргил "Бид 2017 оноос хойш үйл ажиллагаа явуулж байгаа. Манайд имж, элбэнх, сармагчин зэрэг 60 гаруй төрөл зүйлийн 300 орчим амьтан бий. Өмнө нь “Алтай” хотхоны зүүн талд түрээсийн байранд үйл ажиллагаа байгаад ашиглалтын зардлаа даахгүй болж, Үндэсний соёл амралтын хүрээлэн биднийг дэмжин байр гаргаж өгснөөр нүүж ирсэн. Мөн нийслэлд үйл ажиллагаа явуулдаг амьтны хоёр хүрээлэн цаашид үйл ажиллагаагаа явуулахад хүндхэн нөхцөл байдалтай тулгарсан энэ үед НЗДТГ болон Нийслэлийн Боловсролын газраас бидэнд тодорхой хэмжээний санхүүгийн туслалцаа үзүүлж, цаашид хэвийн үйл ажиллагаа явуулах нөхцөл боломжоор хангасанд баяртай байна" гэлээ.

Нийслэлийн ерөнхий боловсролын 1 дүгээр сургуулийн нийгмийн ажилтан Г.Одонгуа "Боловсрол, шинжлэх ухааны сайдын хичээлээс гадуурх үлгэрчилсэн хөтөлбөр нь найман чиглэлтэй. Эдгээрийн нэг болох байгаль, экологийн боловсролыг хүүхдэд олгох чиглэлийн хүрээнд өнөөдөр манай сургуулийн 5 дугаар ангийн хоёр бүлэг амьтны хүрээлэн үзэж байна. Энэхүү хөтөлбөрт хамрагдсанаар хүүхдүүд эх байгалиа хамгаалах, амьтан хайрлах, энэрэх сэтгэлтэй болж төлөвшихөд маш чухал хувь нэмэртэй юм" хэмээлээ.

Дэлгэрэнгүй унших

Цаг үе

Үс шинээр үргээлгэх буюу засуулбал сайн нөхөртэй нөхөрлөнө

Огноо:

,

Аргын тооллын 2024 оны гуравдугаар сарын 29. Баасан гараг. Билгийн тооллын XVII жарны “Хилэнт эх” хэмээгч модон луу жилийн Хаврын дунд улаагчин туулай сарын 19. Сугар гараг. Хонгорцог одтой, гурван хөх мэнгэтэй хар луу өдөр.

Өдрийн наран 6 цаг 36 минутад мандаж, 19 цаг 18 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр гэмтнийг шийтгэх, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу.

Өдрийн сайн цаг нь бар, луу, могой, бич, иахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал сайн нөхөртэй нөхөрлөнө хэмээжээ.

Дэлгэрэнгүй унших

Цаг үе

АТГ: Иргэн, хуулийн этгээдээс 57 өргөдөл, гомдол хүлээн авав

Огноо:

,

Авлигатай тэмцэх газрын Судалгаа шинжилгээний алба нь 2024 оны 3 дугаар сарын 18-22-ны өдрүүдэд иргэн, хуулийн этгээдээс ирүүлсэн 57 өргөдөл, гомдлыг хүлээн авч, харьяалах чиг үүргийн нэгжид хүргүүллээ.

Хүлээн авсан өргөдөл, гомдол, мэдээллийн 64.9 хувь нь авлигын гэмт хэргийн шинжтэй байх бөгөөд тендер, худалдан авах ажиллагаатай холбоотой гомдол давамгайлж байна. Өнгөрсөн долоо хоногт авлигыг мэдээлэх 110 тусгай дугаараар 284 дуудлага хүлээн авчээ.

Дэлгэрэнгүй унших
сурталчилгаа

Санал болгох