Бидэнтэй нэгдэх

Шударга мэдээ

Наро Банчэн гэгээн МУЗН-ийн “Хүнсний багц”-д 10 сая төгрөг хандивлалаа

Огноо:

,

НАРО БАНЧЭН ГЭГЭЭН ДАНЗАНЛХҮНДҮВ СҮСЭГТЭН ОЛНОО УРИАЛАН БУЯНЫ ИХ ҮЙЛСЭД ОРОЙЛОН ОРОЛЦДОГ. ТЭРБЭЭР ЭНЭ УДААД МОНГОЛЫН УЛААН ЗАГАЛМАЙ НИЙГЭМЛЭГИЙН “ХҮНСНИЙ БАГЦ” САЙН ҮЙЛСИЙН АЯНД 10 САЯ ТӨГРӨГ ХАНДИВЛАЛАА

Монголын Улаан загалмай нийгэмлэгээс 3-4 ам бүлтэй айл өрхийн нэг сарын хүнсний хэрэгцээг бүрэн хангах “Хүнсний багц”-ыг тус нийгэмлэгийн тусламж хүртэгсдийн шалгуур үзүүлэлтийн дагуу айл өрхүүдэд олгодог. Тэгвэл “Ковид-19” цар тахлын нөхцөл байдал үүссэнээс өнөөдрийг хүртэлх хугацаанд дээрх өрхүүдээс гадна хөл хорионы дэглэмээс шалтгаалан орлогогүй болсон иргэд, ганц бие өндөр настан, хөгжлийн бэрхшээлтэй иргэн, олон хүүхэдтэй, жирэмсэн, өрх толгойлсон эцэг, эхчүүд зэрэг нийт 22 мянган айлд Монголын Улаан загалмай нийгэмлэг “Хүнсний багц” тусламж үзүүлсэн.

Харин өчигдөр Наро Банчэн гэгээн Данзанлхүндүв Монголын Улаан загалмай нийгэмлэгийн ерөнхий нарийн бичгийн даргын орлогч Т.Баярчимэг, Эрүүл мэнд, нийгмийн хамгааллын газрын дарга О.Номин, Хүүхэд, залуучуудын хөтөлбөрийн ахлагч С.Намсрайжав нартай уулзаж, “Ковид-19” вирусийн тархалтын улмаас Улсын онцгой комиссоос тогтоосон хатуу хөл хорионоос үүдэн орлогогүй болсон, хоол хүнсний хомсдолд орсон айл өрхүүдэд хүнсний тусламж үзүүлэх сайн үйлсэд 10 сая төгрөг хандивлалаа.

Энэ үеэр Наро Банчэн гэгээн “Хүнс тэжээлийн хомсдолд орсон айл өрхүүдэд “Хүнсний багц” тусламж үзүүлж байгаа МУЗН-ийн сайн үйлсийг харж, сонсож баярладаг байлаа. Өнөөдөр энэ сайн үйлийг буяныг даган баясахаар ирлээ” гэв.

Мөн МУЗН-ийн ерөнхий нарийн бичгийн даргын орлогч Т.Баярчимэг “Таны хандив тусламжийг “Хүнсний багц” болгон хүнс тэжээлийн хомсдолд орсон 200  айл өрхөд гардуулсныхаа дараа танд тайлан мэдээгээ танилцуулна” гэж хэлээд Наро Банчэн гэгээн болон түүний үүсгэн байгуулсан “Наро Банчэн хутагт” сангийн гүйцэтгэх захирал С.Ихбаяр нарт нийгэмлэгийнхээ гарын бэлэг, дурсгалын зүйлийг гардууллаа.

Өмнө нь Наро Банчэн гэгээн хөгжлийн бэрхшээлтэй хүүхдэд нийгмийн болон эрүүл мэндийн сэргээн засах үйлчилгээг цогцоор нь хүргэх “Хөгжлийн бэрхшээлтэй хүүхдийн сэргээн засах төв”-ийн үйл ажиллагааны нээлтэд оролцож, үйл ажиллагааг нь санхүүжүүлсэн.

-Нийслэлийн “Өргөө” амаржих газарт нэн шаардлагатай байсан 150 сая төгрөгийн үнэтэй “Автоклав” ариутгалын аппаратыг хандивласан.

-Бурхан багшийн Их дүйчэн өдрөөр орон гэргүй таван өрхөд өргөө цагаан гэр өгсөн.

Элсэлтийн ерөнхий шалгалтад өндөр оноо авсан, хичээл зүтгэл сайтай ч их, дээд сургуулийн сургалтын төлбөрөө төлөх боломж бололцоогүй, ар гэрийнх нь санхүүгийн байдал хүндхэн арван хүүхдийн сургалтын төлбөрийг төлсөн.

-Нийслэлийн захын гэр хорооллын хүүхдүүдийн эрүүл мэндэд санаа тавьж, агаарын бохирдлын өндөр эрсдэлтэй бүсийн цэцэрлэг, зарим эмнэлэгт орчин үеийн өндөр хүчин чадалтай 250 ширхэг агаар цэвэршүүлэгч бэлэглэсэн.

-Дэлхий дахинд дэгдсэн цар цахал болох “Ковид-19” халдварт өвчнөөс урьдчилан сэргийлэх арга хэмжээнд зориулан Улсын онцгой комисст 10 сая төгрөг хандивлаж байсан зэрэг олон арван хандив, тусламж буяны үйлс хийж байсан юм.

Эх болсон зургаан зүйл хамаг амьтны тусын тулд буяны их үйлсэд сүсэгтэн олноо уриалан оройлон оролцож буй Наро Банчэн гэгээнтэнд гүн талархал илэрхийлье.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Шударга мэдээ

Үйлчлүүлэгчийн аюулгүй байдлыг хангах, сайжруулах чиглэлээр цахим хэлэлцүүлэг хийлээ

Огноо:

,

Хүртээмжтэй, аюулгүй, чанартай эрүүл мэндийн тусламж үйлчилгээг бүх нийтэд үзүүлэх нь эрүүл мэндийн тогтолцооны хамгийн чухал бүрэлдэхүүн хэсэг юм.

ЭМЯ, ЭМХТ,  ДЭМБ-ын Монгол дахь суурин төлөөлөгчийн газар хамтран  үйлчлүүлэгчийн аюулгүй байдлыг хангах, сайжруулах чиглэлээр эрүүл мэндийн байгууллагуудтай цахим хэлэлцүүлэг хийлээ. Хэлэлцүүлгээр 2021 онд үйлчлүүлэгчийн аюулгүй байдлын чиглэлээр хийх үйл ажиллагааны танилцуулга, Дэлхийн үйлчлүүлэгчийн аюулгүй байдлын сүлжээний талаарх мэдээлэл, Эмнэлгийн тусламж үйлчилгээнд 2020 онд бүртгэгдсэн тохиолдлуудад хийсэн дүн шинжилгээний тайлан зэрэг мэдээллүүдийг өгч, үйлчлүүлэгчийн аюулгүй байдлын асуудлаар харилцан санал солилцлоо.

Дэлхийн эрүүл мэндийн байгууллага (ДЭМБ) үйлчлүүлэгчийн аюулгүй байдлын хамтын ажиллагааны стратегийг  санаачлан гишүүн орнуудтайгаа хамтран хэрэгжүүлж эхлээд байна. Энэхүү санаачлагын хүрээнд Үйлчлүүлэгчийн аюулгүй байдлын үндэсний сүлжээг улс орны хэмжээнд байгуулах, гишүүдийн тоог нэмэгдүүлэн бэхжүүлэх арга хэмжээ зохион байгуулахыг уриалж байгаа билээ.

Дэлгэрэнгүй унших

Шударга мэдээ

“Үйл ажиллагааны үндэсний төлөвлөгөө-III”-г хэрэгжүүлжээ

Огноо:

,

Монгол Улс Олон улсын “Нээлттэй засгийн түншлэл”-д нэгдэн орсноор “Үйл ажиллагааны үндэсний төлөвлөгөө-I, II, III”-ыг хэрэгжүүлээд байна. Түншлэлийн гишүүд ээлжит хурлаа цахимаар хийж, ажлын тайлангаа хэлэлцэв. 2019-2021 он хүртэл гуравдугаар төлөвлөгөөг 13 зорилт 71 арга хэмжээний хүрээнд төлөвлөн 80%-тай биелүүлжээ.

Төлөвлөгөөг хэрэгжүүлэх ажлын хэсэг, дотоодын салбар зөвлөлүүдийг байгуулж зөвлөгөө, мэдээллээр ханган, иргэний нийгмийн байгууллагуудын төлөөлөлтэй 8 удаагийн уулзалт зохион байгуулсан байна. Төлөвлөгөөний зорилтыг хэрэгжүүлэх явцад бэрхшээл тулгарсан ч уул уурхайн салбар дахь хууль бус олборлолтод хяналт тавьж, нөхөн сэргээлтийг бодит болгох нөхцлийг бүрдүүлж, олон нийт хяналтад оролцох боломжтой болсон, төрийн үйлчилгээг иргэдэд ойртуулж, цахимжуулсан зэрэг хэд хэдэн төслийг амжилттай гүйцэтгэсэн байна. Илүү олон зорилт дэвшүүлж, асуудлыг цогцоор нь шийдэж ажилласнаараа “Үйл ажиллагааны үндэсний төлөвлөгөө-III” өмнөх жилүүдийнхээс онцлог байсан гэж ажлын хэсгийнхэн дүгнэжээ

Дэлгэрэнгүй унших

Шударга мэдээ

Шуурхай штабын бүтцийг шинэчилнэ

Огноо:

,

2021 оны 03 дугаар сарын 03-ны өдөр Шадар сайдын дэргэдэх шуурхай ажлын хэсэг хуралдлаа. Хуралдааны эхэнд Шадар сайдаас өмнөх өдрүүдэд  өгсөн үүрэг даалгаварын биелэлтийн хэрэгжилтийг сонслоо.

Ирэх дөрөвдүгээр сарын 02-ны өдөр хүртэлх эрүүл мэндийн байгууллагуудын авч хэрэгжүүлэх арга хэмжээний төлөвлөгөө, дархлаажуулалтын явцын мэдээллийг Эрүүл мэндийн сайд С.Энхболд танилцуулав.  Шадар сайдын зүгээс тусгаарлалтын байрны орчин нөхцөлийг сайжруулах, вакцинжуулалтыг эрчимжүүлэхийг Эрүүл мэндийн сайдад даалгав.

Улсын онцгой комиссын Шуурхай штабыг шинэчлэн зохион байгуулалтад оруулах үүргийг Шадар сайд, УОК-ын дарга С.Амарсайхан холбогдох албаныханд өглөө.  Өдөр тутмын үйл ажиллагаанд стратеги бодлого дутагдаж байна гэдгийг  Шадар сайд онцолж хэлээд, шуурхай штабын үйл ажиллагааг эрчимжүүлэхээр боллоо.

Энэ үеэр Шадар сайд С.Амарсайхан Сонгинохайрхан дүүрэгт гэрийн тусгаарлалтанд ороод, хэрхэх талаар мэдээлэл өгөхгүй байна гэх гомдол ирүүлсэн иргэнтэй шууд утсаар холбогдож, нөхцөл байдлын талаар мэдээлэл авав.

Мэдээллийн дагуу УОК-ын Шуурхай штабын холбогдох албан тушаалтнуудыг газар дээр нь очиж ажиллаад, зөрчил дутагдлыг арилгах үүргийг өгөв. Тэрбээр  иргэдэд хүндрэл чирэгдэл учруулалгүй, түргэн шуурхай ажиллаж тусгаарлах байрны шинэчилсэн түр журмыг дагаж мөрдүүлэхтэй холбоотой мэдээллээр хангаж ажиллахыг даалгалаа.

Дэлгэрэнгүй унших
сурталчилгаа
Улстөр нийгэм3 цаг 24 минут

У.Хүрэлсүх: 100 жилийн өмнө тээвэр хийх автомашингүй, 19-хөн чиглэл...

Улстөр нийгэм4 цаг 43 минут

Эмэгтэйчүүдийн хөдөлмөр эрхлэлтийг дэмжсэн “Хөсөг” төсли...

Улстөр нийгэм4 цаг 54 минут

Монголбанк 2021 оны 2 дугаар сард 643.5 кг үнэт металл худалдан авла...

Улстөр нийгэм5 цаг 2 минут

Шадар сайд С.Амарсайхан "Мартын 8"-ныг хавтгайруулан тэмдэ...

Шударга мэдээ5 цаг 21 минут

Үйлчлүүлэгчийн аюулгүй байдлыг хангах, сайжруулах чиглэлээр цахим хэ...

Улстөр нийгэм5 цаг 38 минут

Дархлаажуулалтын тухай хуулийн хэрэгжилтэд хяналт тавих, хамтран ажи...

Чөлөөт цаг5 цаг 42 минут

С.Батмөнх: Шугам, сүлжээ эвдэрвэл зам талбайг ухахгүйгээр тунелийн с...

Шударга мэдээ5 цаг 45 минут

“Үйл ажиллагааны үндэсний төлөвлөгөө-III”-г хэрэгжүүлжээ...

Улстөр нийгэм5 цаг 47 минут

Монгол Улсын Ерөнхий сайд Л.Оюун-Эрдэнэ банк, санхүүгийн салбарын тө...

Чөлөөт цаг5 цаг 54 минут

Улаанбаатарт өдөртөө 6 хэм хүйтэн

Санал болгох