Бидэнтэй нэгдэх

Чөлөөт цаг

Иргэдийг Хонгконгт зорчихдоо сонор сэрэмжтэй байхыг анхааруулж байна!

Огноо:

,

БНХАУ-ын Засаг захиргааны онцгой бүс Хонгконгт өрнөж буй эсэргүүцлийн үйл ажиллагаа улам идэвхжиж, томоохон дүүргүүдэд амралтын өдрүүдээр тогтмол зохион байгуулагдаж байна. Мөн Хонгконгийн олон улсын нисэх буудалд 8 дугаар сарын 9-ний өдрөөс эхлэн тайван суулт хийж байна.

Сүүлийн үед жагсаал цуглааны үеэр эмх замбараагүй байдал үүсэж, үймэн самуун дэгдэн, цагдаа, жагсагчид болон жагсагчдын эсрэг бүлэглэлүүдийн хооронд тогтмол мөргөлдөөн гарах болов. 8 дугаар сарын 11-ний жагсаалыг цагдаагийн байгууллага хүчээр тараахдаа хуванцар сум хэрэглэснээс үүдэн 8 дугаар сарын 12-ны өдөр Хонгконгийн олон улсын нисэх буудалд олон мянган хүн цуглаж бүртгэлийн ажиллагаа саатсан тул 16.00 цагаас хойшхи бүх гарах нислэгийг цуцлаад байна.

Иймд иргэдийг Хонгконгт зорчихдоо сонор сэрэмжтэй байх, шөнө оройн цагаар болон амралтын өдрүүдээр олон хүн цугласан газруудад очихгүй байх, дамжин өнгөрөх нислэгээ Хонгконгоос өөр газраар нисэхээр зохицуулахыг Консулын газраас зөвлөж байна.

Шаардлагатай тохиолдолд дараах хаягаар холбоо барина уу.

ХОНКОНГ ДАХЬ ЕРӨНХИЙ КОНСУЛЫН ГАЗРЫН ХАЯГ

Address: Hong Kong Unit 1203, 12/F, Tower 2,
Lippo Centre 89 Queensway Road Admiralty
Цахим хуудас: www.hongkong.consul.mn
Цахим шуудан: hongkong@mfa.gov.mn
Facebook: www.facebook.com/ConsulateGeneralofMongoliaHK/
Утас: 852 25222400
Факс: 852 25222405

Дэлгэрэнгүй унших
сурталчилгаа

Сэтгэгдэл

Чөлөөт цаг

АНУ цагаачлалын шинэ журам хэрэгжүүлнэ

Огноо:

,

АНУ-ын Засаг захиргаанаас сүүлийн 3 жилийн дотор 12 сар ба түүнээс илүү хугацаанд нийгмийн халамж хүртсэн гадаадын иргэдийг 1) тус улсад зорчиход виз олгохгүй байх, 2) тус улсын хилээр нэвтрүүлэхгүй байх, 3) тус улсад хууль ёсоор байнга оршин суух ногоон карт олгохгүй байх тухай цагаачлалын шинэ журмыг 2019 оны 8 сарын сарын 12-ны өдөр баталжээ.

Энэхүү журамд зааснаар гадаадын цагаач иргэн АНУ-ын Засгийн газраас олгож буй хүнсний талон, орон сууцны татаас, эрүүл мэндийн тусламж зэрэг тэтгэмжид хамрагдсан бол тус улсад хууль ёсоор оршин суух ногоон карт олгохгүй. Энэхүү журам нь ногоон карт авсан цагаач иргэд, цэргийн албан хаагч, дүрвэгчид, улс төрийн орогнол хүсэгчид, жирэмсэн эхчүүд болон хүүхдэд хамаарахгүй ажээ.

Шинэ журмыг 2019 оны 10 дугаар сарын 15-ны өдрөөс эхлэн мөрдөнө.
Дэлгэрэнгүй унших

Чөлөөт цаг

Малайзад өршөөлийн хөтөлбөр хэрэгжүүлж байна

Огноо:

,

Малайз Улсын Дотоод хэргийн яам 2019 оны 8 дугаар сарын 1-нээс 2019 оны 12 дугаар сарын 31-ний хооронд тус улсад хууль бусаар оршин суугаа, сайн дураар нутаг буцах хүсэлтэй гадаадын иргэдэд зориулан өршөөлийн хөтөлбөрийг хэрэгжүүлж байна. Уг өршөөлийн хөтөлбөрт визний хугацаа хэтрүүлсэн, бичиг баримтын зөрчилтэй, сайн дураараа нутаг буцах хүсэлтэй Малайзын хойг /Баруун Малайз/ дахь гадаадын иргэд хамрагдах ажээ. Харин Цагаачлалын албаны хорих төвд саатуулагдаж буй гадаадын иргэдийг хамруулахгүй.

Сайн дураар нутаг буцах хүсэлтэй иргэд хүчинтэй хугацаатай гадаад паспорт эсхүл буцах үнэмлэх, онгоцны тийз, 700 рингит (170 ам.доллар), өөрийн орны Элчин сайдын яамнаас иргэншил болон бичиг баримтын нотолсон тодорхойлолтын хамт бүрдүүлж харъяа цагаачлалын албанд очиж мэдэгдэх ажээ.

Малайз улсыг Бангкок дахь Монгол Улсын ЭСЯ хариуцдаг болно.

Дэлгэрэнгүй унших

Чөлөөт цаг

Улаанбаатарт өдөртөө 21 хэм дулаан

Огноо:

,

Малчид, тариаланчид, ард иргэдэд зориулсан мэдээ: Өнөө маргаашдаа ихэнх нутгаар цаг агаар тогтуун дулаахан байна.

2019 оны 08 дугаар сарын 21-ний 08 цагаас 20 цаг хүртэл: Баруун болон зүүн аймгуудын нутгаар солигдмол үүлтэй, бусад нутгаар багавтар үүлтэй. Баруун аймгуудын нутгийн баруун хэсэг, зүүн аймгуудын нутгийн зүүн хэсгээр бага зэргийн бороо орно. Бусад нутгаар бороо орохгүй. Салхи нутгийн зүүн хагаст баруун хойноос, бусад нутгаар баруун өмнөөс секундэд 5-10 метр, зүүн аймгуудын нутгийн зарим газраар секундэд 13-15 метр хүрч ширүүснэ. Алтай, Хангай, Хөвсгөл, Хэнтийн уулархаг нутаг, Хэрлэн, Онон, Улз голын хөндийгөөр 15-20 хэм, Алтайн өвөр говиор 26-31 хэм, говийн бүс нутгийн өмнөд хэсгээр 23-28 хэм, бусад нутгаар 19-24 хэм дулаан байна.

УЛААНБААТАР ХОТ: Үүлэрхэг. Бороо орохгүй. Салхи баруун хойноос секундэд 5-10 метр. 19-21 хэм дулаан байна.

2019 оны 08 дугаар сарын 22-ноос 08 дугаар сарын 26-ныг хүртэлх
цаг агаарын урьдчилсан төлөв

22-нд баруун аймгуудын нутгийн зарим газраар, 23-нд баруун аймгуудын нутгийн хойд хэсэг, төвийн аймгуудын нутгийн зарим газар, говийн аймгуудын нутгийн баруун хэсгээр, 24-нд зарим газраар, 25-нд нутгийн зүүн хагаст бороо орно. Дуу цахилгаантай. Салхи борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Туул, Тэрэлж голын хөндийгөөр шөнөдөө 2-7 хэм, өдөртөө 16-21 хэм, говийн бүс нутгийн өмнөд хэсгээр шөнөдөө 13-18 хэм, өдөртөө 26-31 хэм, бусад нутгаар шөнөдөө 8-13 хэм, өдөртөө 21-26 хэм дулаан байна. 24-нд нутгийн баруун хэсгээр, 25-нд ихэнх нутгаар сэрүүснэ.

Дэлгэрэнгүй унших

Санал болгох