Чөлөөт цаг
18-аас дээш насныхан хэрхэн вакцин хийлгэх вэ

Улсын онцгой комиссын Шуурхай штабаас иргэдээс ирсэн асуултад долоо хоног бүрийн лхагва, бямба гарагт хариулт өгч байна.
-Гуравдугаар сарын 30, 31-ний өдөр тусгай үүргийн нислэгээр ирсэн иргэд 7 хоног тусгаарлагдаж болох уу?
-Тусгаарлалтын журмыг дөрөвдүгээр сарын 1-нээс мөрдөж эхэлсэн. Иргэдээс ирсэн хүсэлтийн дагуу Шадар сайд боломжийг судлах үүрэг өгсөн. Энэ дагуу гуравдугаар сарын 30, 31-ний өдөр тусгай үүргийн нислэгээр ирсэн иргэдийн хоёр удаагийн шинжилгээ сөрөг гарвал 7 хоног тусгаарлахаар болсон.
-Халдварын шинж тэмдэг илэрсэн, гэртээ халуурч байгаа иргэн хаана хандаж, хэрхэн шинжилгээ өгөх вэ?
-Шинж тэмдэг илэрсэн иргэн 100 дугаарт холбогдож, эхний ээлжинд биеийн байдлаа үнэлүүлэх хэрэгтэй. Хэрэв хүнд байвал ХӨСҮТ-өөс шууд очно. Хөнгөн байвал Өрхийн эрүүл мэндийн төвдөө хандаад холбогдох зөвлөмжөө авна. Шинжилгээг цаг авч өгнө.
-Нийслэлийн Засаг даргын захирамжаар зарим салбарын үйл ажиллагааг хязгаарласан. Энэ хүрээнд зах, худалдааны төвүүд хэрхэн ажиллах вэ?
-Нийслэлийн Засаг даргын захирамжийн дагуу 07-20:00 цаг хүртэл зах, худалдааны төвүүд нийт хүчин чадлын 50 хувиар тогтоож ажиллана.
-Хоолны газрууд зааландаа хүнд үйлчилж болох уу?
-Рестораны хувьд зөвхөн гал тогоо ажиллаж, зааланд хүн хүлээн авахгүй. 50 хувьд хязгаарлаж, хоол хүргэлтийн ажил байж болно.
-Шөнийн хөл хорио үргэлжлэх үү?
-Улбар шар түвшинд шилжсэнтэй холбоотойгоор лоунж, караоке, баарны үйл ажиллагааг хязгаарласан. Тиймээс энэ хугацаанд 23:00-06:00 цаг хүртэл хөдөлгөөн хязгаарлахгүй. Нийслэлийн Засаг даргын өмнөх захирамж хүчингүй болсон. Нэгэнт баар, ресторан 22:00 цаг хүртэл ажиллахгүй тул хатуу хөл хорио тогтоохгүй. Гэхдээ хязгаарлахгүй байгаа гээд иргэд дураараа явна гэсэн үг биш. Эргүүл чиглэлийн дагуу ажиллана.
-Үсчин, гоо сайхны газрууд хэрхэн ажиллах вэ?
-Хүчин чадлынхаа 50 хувьд ажиллах бөгөөд 20:00 цаг хүртэл ажиллана. Халдвар хамгааллын дэглэмийг сайтар баримтална.
-Хөхүүл хүн вакцин хийлгэж болох уу?
-Хөхүүл хүн вакцины эсрэг заалтгүй бол хийлгэж болно.
-Гадаадад вакциныхаа хоёр тунг аваад сар болсон иргэн тусгаарлалтад орох уу?
-Хоёр тунгаа хийлгээд сар болсон иргэн бүртгэлээ хийлгээд тусгаарлагдахгүй.
-18-аас дээш насныхан хэрхэн вакцин хийлгэх вэ?
-Өнөөдрөөс эхлээд 18-аас дээш насны бүх иргэд вакцинжуулалтад хамрагдах боломжтой болж байна. Харьяа дүүрэгтээ байгаа дархлаажуулалтын цэгүүдэд очиж хүн хоорондын зайг барьж, хамрагдах боломжтой. Эхний тунг хийлгээд дархлаа тогтож байна гэсэн үг биш. Тиймээс хүн хоорондын зай барих, гараа угаах, амны хаалтаа зүүх гэх мэт халдвар хамгааллын дэглэмээ барих нь зүйтэй. Нийслэлийн хэмжээнд дархлаажуулалтын 80 цэгийг ажиллуулах бөгөөд хүмүүсийг нэг дор цуглуулахгүй байх үүднээс харьяа дүүрэг, өрхийн эрүүл мэндийн төвөөс нэгдсэн зохион байгуулалтыг хийж байгаа учраас хороо, дүүрэгтээ хандах нь зүйтэй.
Эх сурвалж: УОК-ын Шуурхай штаб
Чөлөөт цаг
Автобусны буудлуудыг тусгай цэвэрлэгээний бодис, шүршигч төхөөрөмжөөр угааж байна
Нийслэлийн Засаг дарга бөгөөд Улаанбаатар хотын захирагч Д.Сумъяабазар нийслэлийн Удирдах ажилтнуудын шуурхай зөвөлгөөнөөр хөл хорионы хугацаанд хот, нийтийн аж ахуйн зарим ажлуудыг эрчимжүүлэх үүрэг чиглэл өгсөн. Энэ дагуу Улаанбаатар хотын Захирагчийн ажлын албанаас хүмүүсийн хамгийн их бөөгнөрөл үүсгэдэг эрсдэлтэй цэг болох автобусны буудлуудыг угаах ажлыг өнөөдөр эхлүүлээ. Уг ажлыг маргааш үргэлжлүүлэн хийх юм.
Бохирдол ихтэй 72 автобусны буудлыг хоёр бригад гарган тусгай цэвэрлэгээний бодис, шүршигч төхөөрөмжөөр угааж цэвэрлэж байна.
Чөлөөт цаг
КОВИД-19: Гэр бүлийн орчинд халдвар хамгааллыг хэрхэн мөрдөх зөвлөмж...
Коронавируст халдварын үед гэр бүлийн орчинд халдвар хамгааллыг хэрхэн мөрдөх зөвлөмжийг хүргэж байна. Үүнд:
- Өдөр бүр чийгтэй цэвэрлэгээ хийх
- Өрхийн гишүүд аяга, таваг, халбага хэрэгслийг солихгүй байх
- Өдөрт 3-4 удаа агааржуулалт хийх
- Арын цэврийн өрөө, суултуурыг халдваргүйтгэлийн бодисоор цэвэрлэх
- Хоол бэлтгэх мах, ногоо, гурилын мод тусдаа байх
- Агаар шүүгч хэрэглэх
- Хүүхдийн тоглоомыг сода, давстай халуун усаар угааж цэвэрлэх
- Өндөг, мах, махан бүтээгдэхүүнийг сайтар болгож хэрэглэх
- Нэг тавагнаас олноороо идэхгүй байх
- Гар нүүрийн алчуур, цагаан хэрэгслийг угааж индүүдэх
- Далайн гаралтай хүнсний бүтээгдэхүүн хэрэглэхгүй байхыг зөвлөж байна.
Чөлөөт цаг
Ой, хээрийн түймрээс урьдчилан сэрэмжлүүлж байна!
Цаг уурын байгууллагын ирүүлсэн мэдээллээр 2021 оны 04 дүгээр сарын 07-ны өдрийн байдлаар Архангайн Эрдэнэмандал, Булганы Могод, Сэлэнгийн төвийн хэсэг, Сүхбаатарын Баруун-урт түймрийн эрсдэл НЭН ИХ түвшинд, Увсын төв, Завханы баруун, Хөвсгөлийн өмнөд, Булган, Сэлэнгэ, Дарханы нутаг, Төв аймгийн зүүн, Дорнодын баруун, Сүхбаатарын өмнөд хэсэг түймрийн эрсдэл их буюу аюултай түвшинд байна.
Түймрийн аюул дунд түвшинд Увсын баруун, Завханы хойд, Хөвсгөлийн баруун хойд, Архангайн зарим хэсэг, Төвийн баруун хэсгийн нутаг дэвсгэр багтаж байгаа юм.
Иймд иргэн та бүхэн асаасан гал, шүдэнз, татсан тамхины гал, цог, нурмыг бүрэн унтраах, халуун үнс, нурмыг тусгайлан бэлдсэн таглаа бүхий нүх, саванд хийх, айл өрхүүд хашааны өнжмөл өвсийг шатаахгүй байх, гэр сууц, хашаа хорооны гадуур түймрээс хамгаалах зурвас татах, гал унтраах багаж хэрэгслийг бэлтгэх зэргээр ой, хээрийн түймрээс урьдчилан сэргийлэх арга хэмжээ авахыг Онцгой байдлын ерөнхий газраас анхааруулж байна.
-
Чөлөөт цаг2021/01/12
Улаанбаатарт өдөртөө 15 хэм хүйтэн
-
Үзэл бодол2020/06/09
Өмнөговь аймгийн Эрүүл мэндийн төв: Танд баярлалаа
-
Улстөр нийгэм2021/02/14
Шаардлагатай бичиг баримтаа бүрдүүлсэн иргэдийг чирэгдэлгүй нэвтрүүлж ажиллахыг ...
-
Чөлөөт цаг2019/08/01
Сэлэнгэ мөрөн, Ерөө, Хүдэр, Зэлтэр гол үерийн түвшинг 16-87 см давжээ