Цаг үе

Гадаадаас ажиллах хүч уригч аж ахуйн нэгж, байгууллагуудын анхааралд!

Огноо:

2 жил 8 сар.өмнө

2021/04/09

Гадаадын иргэн, харьяатын газраас Монгол Улсын Засгийн газрын тогтоолоор барилга, зам гүүрийн бүтээн байгуулалт, хамтын ажиллагааны томоохон төсөл хөтөлбөрийн үйл ажиллагаанд зайлшгүй оролцох инженер, техникийн ажилтнуудад Гадаадын иргэний эрх зүйн байдлын тухай хуулийн дагуу хөдөлмөр эрхлэх буюу HG ангиллын визийн зөвшөөрөл олгодог.

Гэвч зарим уригч аж ахуйн нэгж нь Монгол Улсад хөрөнгө оруулагч болон хувийн бусад шалтгаанаар оршин сууж байгаад нутаг буцсан гадаадын иргэдийг хөдөлмөр эрхлэх буюу “HG” ангиллаар урих хүсэлтийг удаа дараа ирүүлж байна.

Иймд гадаадаас ажиллах хүч оруулж ирж буй уригч аж ахуйн нэгж, байгууллагууд нь Монгол Улсад оршин суух зорилго нь өөр, хөдөлмөр эрхлэх ангиллын визийн шаардлагад нийцэхгүй гадаадын иргэдийг HG ангиллын визийн зөвшөөрлөөр урихгүй байхыг хүсье.

Гадаадын иргэн, харьяатын газар

Уншсан:1477

Дараах мэдээ

ЗГ: Энэ бямба гарагаас Бүх нийтийн бэлэн байдлын зэрэгт шилжинэ

Өмнөх мэдээ

УИХ-ын чуулганы нэгдсэн хуралдаанаар өнөөдөр хэлэлцэх асуудлууд

Дэлгэрэнгүй унших

сурталчилгаа

Цаг үе

Томоохон зам, даваануудад хүчтэй цасан шуурга шуурч үзэгдэх орчин хязгаарлагдмал байна

Огноо:

1 өдрийн өмнө

2023/12/08

А0603 дугаартай Цэцэрлэг-Тосонцэнгэл-Нөмрөг чиглэл Солонготын даваа, А1102 дугаартай Мөрөн-Улиастай чиглэл Загастайн даваа, А18 дугаартай Нөмрөг-Сонгино-Наранбулаг чиглэл Цагаан дөрөлж/Ялаат/ зэрэг томоохон зам даваанууд болон нийт чиглэлүүдэд хүчтэй цасан шуурга шуурч замын зорчих хэсэгт цасан бүрхүүл тогтож үзэгдэх орчин хязгаарлагдмал байна.

Шуурхай ажлын хэсгүүд шаардлагатай арга хэмжээг авч ажиллаж байгаа тул авто замын хөдөлгөөнд оролцогч жолооч, тээвэрлэгчид анхаарал болгоомжтой зорчино уу.

Онцын шаардлагагүй бол холын замд гаралгүй цаг агаарын нөхцөл байдлын мэдээ мэдээллийг авч замын хөдөлгөөнд оролцоорой гэж ЗАВХАН АЗЗА ТӨХК-иас мэдээллээ.

Дэлгэрэнгүй унших

Цаг үе

Аюулгүй байдлаа хангаагүй 3928 зөрчил илрүүлэн, 545 зөрчлийг арилгууллаа

Огноо:

1 өдрийн өмнө

2023/12/08

Нийслэлийн Онцгой байдлын газраас болзошгүй гал түймрээс урьдчилан сэргийлэх, эрсдэлийг бууруулах зорилгоор хэрэгжүүлж байгаа “Эрсдэлгүй Улаанбаатар” аяны хүрээнд өчигдөр ”Хамтдаа шалгаж-Өнтэй өвөлжье” нэгдсэн арга хэмжээг мэргэжлийн байгууллагуудтай хамтран зохион байгууллаа.

Нэгдсэн арга хэмжээгээр Чингэлтэй дүүргийн 12, 16 дугаар хорооны 3300 айл өрхийн аюулгүй байдлыг шалгаж, 3928 зөрчил илрүүлэн, 545 зөрчлийг арилгууллаа.

Үзлэг шалгалтаар илэрсэн зөрчлийг ангилвал:

Гэр хоорондын зай хэмжээ зөрчигдсөн- 324
Мухар гудамж- 98
Өндөрлөг газар буусан- 154
Хаяг тодорхой бус- 52
Өндөр хүчдэлийн доор буусан- 101
Цахилгаан дамжуулах утасны - 318
Розетка болон олон залгуурын - 273
Цахилгаан дамжуулах утас олон төрлийн утас холбосон-382
Пийшин зуух гэмтэлтэй-148
Яндангийн залгааг буруу хийсэн-184
Цонолт өгөх магадлалтай-228
Пийшин зуухны амны доор 700х500мм хэмжээтэй металл хамгаалалт байрлуулаагүй -322
Түүхий нүүрс хэрэглэж байсан –65
Яндангаа хөөлөөгүй-165
Үнс нурмаа, төмөр таглаа бүхий саванд хадгалаагүй- 397
Угаар мэдрэгч ажиллагаагүй- 242
Шингэрүүлсэн шатдаг хийн аюулгүй байдал хангагдаагүй- 96
Цахилгаан халаагуурын аюулгүй байдал хангагдсан эсэх-84
Цахилгаан дамжуулах утасны чанар муудсан-295 зөрчил илэрсэн байна.

Иргэдэд болзошгүй гал түймэр, цахилгааны ашиглалт угсралтын аюулгүй байдлаа хэрхэн хангах, сайжруулсан шахмал түлшний хэрэглээ, угаарын хийн хордлогоос урьдчилан сэргийлэх мэдлэг мэдээлэл олгож, 2700 санамж, сэрэмжлүүлгийн материал тарааж мэргэжил арга зүйн заавар, зөвлөмж өгч ажиллалаа.

Нийслэлийн Онцгой байдлын газар, төвийн 6 дүүргийн Онцгой байдлын хэлтэс, дүүргийн Цагдаагийн газар, “Таван толгой түлш” ХХК-ийн хяналтын алба, дүүргийн Гэр бүл хүүхэд залуучуудын хэлтэс, дүүргийн Эрүүл мэндийн төв, дүүргийн Улаан загалмайн хороо, Гамшгаас хамгаалах сайн дурын хэсэг, Цахилгаан түгээх сүлжээ Чингэлтэй хэрэглэгчдэд үйлчлэх төвийн нийт 470 гаруй ажилтан, алба хаагч хамтран хяналт шалгалтыг зохион байгуулсан юм.

Эх сурвалж: НОБГ

Дэлгэрэнгүй унших

Цаг үе

Монгол Улсад боловсролын чанарын ялгаа хаана хамгийн их байна вэ

Огноо:

1 өдрийн өмнө

2023/12/08

Монгол Улсад боловсролын чанарын ялгаа хаана хамгийн их байгаа вэ гэдгийг олон улсын шинжээчид дараах байдлаар дүгнэжээ. Сумын төвийн сурагчид аймгийн төвд суралцдаг хүүхдүүдээс нэг жилийн буюу нэг ангийн хоцрогдолтой байна.

Харин аймгийн төвийн сурагчид хотын хүүхдүүдээс 1.5-1.8 жилийн хоцрогдолтой байгааг дараах зургаас харж болно.Тэгэхээр хөдөөгийн боловсролын чанарыг ахиулахын тулд дэд бүтцийг сайжруулах, цахим шилжилтийг эрчимжүүлэх, багш боловсон хүчний хангалтыг сайжруулж, ур чадварыг нэмэгдүүлэх чиглэл цаашид онцгой анхааран ажиллана.

Харин төрийн болон хувийн сургуулийн хооронд орон нутагтай харьцуулахад чанарын ялгаа бага байна.

Энэ тооцооллыг гаргахдаа тухайн сурагчдын нийгэм, эдийн засгийн нөхцөл, ойролцоо сурагчдыг түүвэрлэжээ гэж Боловсрол, шинжлэх ухааны яамнаас мэдээллээ.