Бидэнтэй нэгдэх

Цаг үе

Хурлын дэргэдэх Эмэгтэйчүүдийн зөвлөлийн гишүүд тусгай хэрэгцээт сургуулиудад ажиллалаа

Огноо:

,

Нийслэлийн ИТХ-ын дэргэдэх Эмэгтэйчүүдийн зөвлөлийн гишүүд өнөөдөр ерөнхий боловсролын тусгай хэрэгцээт 29, 116, 25 дугаар сургуулийн үйл ажиллагаатай танилцаж, эдгээр сургуульд сурч буй хүүхдүүдийн сурах эрхийг хангах, цаашид авах  арга хэмжээний талаар санал солилцлоо.
Нийслэлийн ерөнхий боловсролын тусгай хэрэгцээт 29 дүгээр сургууль нь энэ хичээлийн жилд 272 сурагч, 142 багш, ажилтантай үйл ажиллагаа явуулж байна.

Тус сургуулийн хичээлийн болон дотуур байрны дээврийн засвар хийх, сургуулийн автобусны тоог нэмэх, охидын дотуур байрны дулааны асуудлыг шийдвэрлэх, хичээлийн хөтөлбөрт өөрчлөлт оруулах зэрэг тулгамдаж буй асуудлууд байгааг 29 дүгээр сургуулийн сургалтын менежер, Захирлын үүргийг түр  хавсран гүйцэтгэгч Т.Ундрал хэлж байв.  Харин тусгай хэрэгцээт 116 дугаар сургууль нь энэ хичээлийн жилд 132 сурагч, 79 багш ажилтантай үйл ажиллагаа явуулж байна. Сургуулийн хичээлийн байрны нэг жигүүрийг дотуур байр болгон ашиглаж байгаа бөгөөд үүнээс үүдэн анги танхимын хүрэлцээ хангалтгүй байгаа аж. Мөн тусгай төхөөрөмж брайль цаас, брайль машин хангалтгүй,  тулгуур эрхтний бэрхшээлтэй, тэргэнцэртэй хүүхдүүдэд зориулсан цахилгаан шатгүйн улмаас багш нар сурагчдыг нэгээс гуравдугаар давхар руу үүрч зөөж байгаа, сургуулийн орчмын орц гарцын асуудал, цар тахлын нөхцөл байдлаас үүссэн  эмийн зардлын төсөв хүрэлцэхгүй байгаа талаар сургалтын менежер, захирлын үүргийг түр  хавсран гүйцэтгэгч Э.Нүрзэд хэлэв.
Сургууль орчмын орц гарц, эмийн зардлын төсвийг нийслэлийн ИТХ-ын төлөөлөгч, Сүхбаатар дүүргийн Засаг дарга Х.Болормаа шийдвэрлэж өгнө гэдгийг энэ үеэр хэлсэн юм.


Түүнчлэн 25 дугаар сургуульд оюун ухааны бэрхшээлтэй, дауны хам шинжтэй, аутизмын хүрээний эмгэгтэй болон бие эрхтний бэрхшээлтэй хүүхдүүд суралцдаг. Энэ хичээлийн жилд 220 сурагч  суралцаж байна. Сургууль хоёр ээлжээр хичээллэж  байгаа бөгөөд сургуулийг өргөтгөх, дотуур байртай болох, багш нарыг чадавхжуулах аргазүйн сургалтад хамруулах, сэтгэлзүйч багштай болох зэрэг асуудлууд  шийдлээ хүлээж байгаа юм.  Энэ үеэр Нийслэлийн ИТХ-ын төлөөлөгч, хурлын дэргэдэх Эмэгтэйчүүдийн зөвлөлийн дарга Б.Мягмар “Нийслэлд тусгай хэрэгцээт хүүхдүүдэд  зориулсан зургаан сургууль үйл  ажиллагаа явуулж байна. Өнөөдөр Эмэгтэйчүүдийн зөвлөлийн гишүүд гурван сургуулийн үйл ажиллагаатай танилцлаа. Эдгээр сургуульд тулгамдаж буй асуудлыг сонсож, цаашид хэрхэн яаж шийдэх талаар санал солилцсон. Мөн бодлогын түвшинд шийдвэрлэх асуудал олон байна. Тиймээс бид уг асуудлуудыг салбарын сайдад уламжилж,  асуудлыг  шийдвэрлүүлэх чиглэлд  анхаарал тавьж ажиллана” гэв.
 
Нийслэлийн ИТХ-ын ХМОНХТ
Дэлгэрэнгүй унших
сурталчилгаа

Сэтгэгдэл

Цаг үе

Амьтны хүрээлэн, музейн хөтөлбөрүүдийг хэрэгжүүлж байна

Огноо:

,

Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж, нийслэлийн ерөнхий боловсролын сургуулийн сурагчдад амьтдыг таниулах үйл ажиллагааг зохион байгуулж байна.

Энэ хүрээнд өнөөдөр нийслэлийн ерөнхий боловсролын 1 болон 16 дугаар сургуулийн 5 дугаар ангийн сурагчид анги хамт олноороо амьтны хүрээлэн дэх амьтадтай танилцлаа. Ингэснээр хичээлийн явцад судалсан мэдлэгээ бататган, амьтны онцлог шинжийг ялгаж харах боломж бүрдэж байгаа бөгөөд Цаашид уг хөтөлбөрийг жил бүр уламжлал болгон зохион байгуулах юм.

Нийслэлийн Засаг даргын Нийгмийн салбар, ногоон хөгжил болон агаар, орчны бохирдол хариуцсан орлогч О.Номинчимэг "Нийслэлийн ерөнхий боловсролын сургуулийн сурагчдад хотын соёлыг төлөвшүүлэх ажлыг үе шаттай зохион байгуулж байна. Энэ хүрээнд дэлхийн хотуудын жишгээр соёл, танин мэдэхүйн газруудтай танилцуулах замаар суралцагчдын танин мэдэхүйн мэдлэгийг дээшлүүлэх зоо парк, музейн хөтөлбөрүүдийг хэрэгжүүлж буй юм. Нийслэлийн Боловсролын газар нийслэлд үйл ажиллагаа явуулж буй амьтны хоёр хүрээлэнтэй хамтран ажиллах санамж бичиг байгуулсан. Санамж бичгийн хүрээнд сургалтын хөтөлбөртэй уялдуулж нийслэлийн ерөнхий боловсролын сургуулийн 10 мянган сурагчид амьтдыг таниулах үйл ажиллагааг зохион байгуулах юм. Мөн тусгай хэрэгцээт боловсрол шаардлагатай 1000 сурагчийг үнэ төлбөргүй үзүүлэхээр төлөвлөөд байна" гэв.

"Улаанбаатар зоо парк" ХК-ийн захирал Б.Оргил "Бид 2017 оноос хойш үйл ажиллагаа явуулж байгаа. Манайд имж, элбэнх, сармагчин зэрэг 60 гаруй төрөл зүйлийн 300 орчим амьтан бий. Өмнө нь “Алтай” хотхоны зүүн талд түрээсийн байранд үйл ажиллагаа байгаад ашиглалтын зардлаа даахгүй болж, Үндэсний соёл амралтын хүрээлэн биднийг дэмжин байр гаргаж өгснөөр нүүж ирсэн. Мөн нийслэлд үйл ажиллагаа явуулдаг амьтны хоёр хүрээлэн цаашид үйл ажиллагаагаа явуулахад хүндхэн нөхцөл байдалтай тулгарсан энэ үед НЗДТГ болон Нийслэлийн Боловсролын газраас бидэнд тодорхой хэмжээний санхүүгийн туслалцаа үзүүлж, цаашид хэвийн үйл ажиллагаа явуулах нөхцөл боломжоор хангасанд баяртай байна" гэлээ.

Нийслэлийн ерөнхий боловсролын 1 дүгээр сургуулийн нийгмийн ажилтан Г.Одонгуа "Боловсрол, шинжлэх ухааны сайдын хичээлээс гадуурх үлгэрчилсэн хөтөлбөр нь найман чиглэлтэй. Эдгээрийн нэг болох байгаль, экологийн боловсролыг хүүхдэд олгох чиглэлийн хүрээнд өнөөдөр манай сургуулийн 5 дугаар ангийн хоёр бүлэг амьтны хүрээлэн үзэж байна. Энэхүү хөтөлбөрт хамрагдсанаар хүүхдүүд эх байгалиа хамгаалах, амьтан хайрлах, энэрэх сэтгэлтэй болж төлөвшихөд маш чухал хувь нэмэртэй юм" хэмээлээ.

Дэлгэрэнгүй унших

Цаг үе

Үс шинээр үргээлгэх буюу засуулбал сайн нөхөртэй нөхөрлөнө

Огноо:

,

Аргын тооллын 2024 оны гуравдугаар сарын 29. Баасан гараг. Билгийн тооллын XVII жарны “Хилэнт эх” хэмээгч модон луу жилийн Хаврын дунд улаагчин туулай сарын 19. Сугар гараг. Хонгорцог одтой, гурван хөх мэнгэтэй хар луу өдөр.

Өдрийн наран 6 цаг 36 минутад мандаж, 19 цаг 18 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр гэмтнийг шийтгэх, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу.

Өдрийн сайн цаг нь бар, луу, могой, бич, иахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал сайн нөхөртэй нөхөрлөнө хэмээжээ.

Дэлгэрэнгүй унших

Цаг үе

АТГ: Иргэн, хуулийн этгээдээс 57 өргөдөл, гомдол хүлээн авав

Огноо:

,

Авлигатай тэмцэх газрын Судалгаа шинжилгээний алба нь 2024 оны 3 дугаар сарын 18-22-ны өдрүүдэд иргэн, хуулийн этгээдээс ирүүлсэн 57 өргөдөл, гомдлыг хүлээн авч, харьяалах чиг үүргийн нэгжид хүргүүллээ.

Хүлээн авсан өргөдөл, гомдол, мэдээллийн 64.9 хувь нь авлигын гэмт хэргийн шинжтэй байх бөгөөд тендер, худалдан авах ажиллагаатай холбоотой гомдол давамгайлж байна. Өнгөрсөн долоо хоногт авлигыг мэдээлэх 110 тусгай дугаараар 284 дуудлага хүлээн авчээ.

Дэлгэрэнгүй унших
сурталчилгаа

Санал болгох