Урлаг спорт
Монголын үндэсний бөхийн холбооны Цэцдийн зөвлөлийн ээлжит хурал боллоо
Монголын үндэсний бөхийн холбооны Цэцдийн зөвлөлийн ээлжит хурал болж, танхимаар 37, цахимаар дөрөв, нийт 41 гишүүн буюу 61 хувийн ирцтэйгээр хуралдлаа. Хурлыг Цэцдийн зөвлөлийн дарга, Монгол Улсын гавьяат тамирчин, дархан аварга Г.Өсөхбаяр, МҮБХ-ны тэргүүн, улсын заан Ц.Магалжав нар удирдаж, тооллогын комиссын даргаар улсын начин Р.Цоггэрэл, гишүүдээр улсын начин А.Хатансайхан, аймгийн арслан С.Ерөөлт нар ажиллав.
Хурлаар дараах асуудлуудыг хэлэлцэн баталлаа.
Үүнд:
- Барилдааны дүрмийн зарим заалтуудад нэмэлт, өөрчлөлт оруулахыг тодорхой хугацаагаар хойшлуулах,
- Удааширсан барилдаанд хөлийн цэц болон засуулуудын дүрэмд заасан эрх үүргийг бүрэн хэрэгжүүлж ажиллах,
- Зөрчилтэй өмсгөлийг 2022 оны гуравдугаар сарын 15-ны дотор арилгахыг бөхчүүдэд үүрэг болгох, (Үүнд, давхар ширсэн, зодогны ирмэгээр мяндсан утас гүйлгэж оёсон, нарийн элэг бүс бас шуудагны уяа гэх мэт)
- Барилдааны дүрэмд оруулсан шаардлагад нийцсэн байх (Үүнд, Бөхийн зодог. Зодогны ширээс нь 17 эгнээ буюу 8.0 см-ээс илүүгүй байна. Ханцуйг гурав бөгжилж ширэхийг зөвшөөрнө. Ингэхдээ их биеийн дээд ширээснээс 3.0 см зайтай байна. Ширээсний өргөн нь 5 эгнээнээс хэтрэхгүй. Зодогны элэг бүсийг мяндас, хөвөн утас, хадгаар бөөрөнхийлөн сүлжиж, 1.5 см-ээс багагүй голчтой хийнэ. Зодгонд өөр нэмэлт ширээс хийх, үндсэн ширээсийн дундуур давхар ширээс хийх, дотор талд нь утас зангидах, өнгө дотрын хооронд хатуулга хийхгүй. Бөхийн шуудаг: Шуудаг таван ширээстэй байна. Гуяны арын ухлаадас нь өгзөгний махыг таллаж дарсан байна. Уяаны зай нь ширээснээсээ 1.5 см-ээс багагүй зайтай байна. Шуудагны ар ба өвөр талд нь босоо ширээс гаргахыг зөвшөөрнө. Шуудагны уяа гаргах нүхийг савхи буюу илгээр хийж бөхөлж болно. Шуудагны дээд, доод уяаг элэг бүсийн адил зөөлөн эдээр гурваар сүлжин хийх бөгөөд ерөнхий голч нь 1.5 см-ээс багагүй байна).
Бөхчүүд зодог шуудгаа 2022 оны зургадугаар сарын 15 гэхэд бүрэн бэлдэж, бүх төрлийн барилдаанд оролцоно.
Өмсгөлийг шалгах комиссын гишүүнээр
- Улсын арслан Д.Ганхуяг
- Улсын заан Д.Бумбаяр
- Улсын заан Д.Баасандорж
- Улсын харцага Т.Өсөх-Ирээдүй
- Улсын начин С.Багахүү нарыг томилов.
Өмсгөлийн стандарт шалгах журмыг хавсралтаар баталж, мөрдүүлэхийг МҮБХ-ны ажлын албанд даалгав. Хурлаар хэлэлцэх бусад асуудлаар Цэцдийн зөвлөлийн гишүүдийн саналыг сонсч, МҮБХ-ны удирдлагууд тодорхой асуултуудад хариулж, мөн зохих мэдээлэл өглөө.
Дэлгэрэнгүй унших
Урлаг спорт
Энэ сард болох үндэсний бөхийн барилдааны хуваарь
Монголын үндэсний бөхийн холбоо 2023 оны арванхоёр дугаар сард болох үндэсний бөхийн барилдааны хуваарийг гаргасан байна. Эрхэм уншигч танд энэ сард Монгол бөхийн өргөөнд болох бөхийн барилдааны хуваарийг хүргэж байна.
Арванхоёр дугаар сарын 01-нд 15:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан ЗАВХАН – ОРХОН
Арванхоёр дугаар сарын 01-нд 19:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан УВС - ӨМНӨГОВЬ
Арванхоёр дугаар сарын 02-нд 12:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан БАЯН-ӨЛГИЙ - СҮХБААТАР
Арванхоёр дугаар сарын 02-нд 16:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан АРХАНГАЙ - БУЛГАН
Арванхоёр дугаар сарын 03-нд 12:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан БАЯНХОНГОР - ТӨВ
Арванхоёр дугаар сарын 03-нд 16:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан ХОВД – ДОРНОГОВЬ
Арванхоёр дугаар сарын 04-нд 15:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан СЭЛЭНГЭ – ГОВЬСҮМБЭР
Арванхоёр дугаар сарын 04-нд 19:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан УВС - ОРХОН
Арванхоёр дугаар сарын 05-нд 19:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан ХӨВСГӨЛ – ӨВӨРХАНГАЙ
Арванхоёр дугаар сарын 06-нд 19:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан ЗАВХАН – ӨМНӨГОВЬ
Арванхоёр дугаар сарын 07-нд 13:00 цагаас “Ургацын баяр – 2023”-т зориулсан улс, аймгийн алдар цолтой хүчит 128 бөхийн барилдаан,
Арванхоёр дугаар сарын 08-нд 15:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан БУЛГАН - СҮХБААТАР
Арванхоёр дугаар сарын 08-нд 19:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан БАЯНХОНГОР - ДОРНОГОВЬ
Арванхоёр дугаар сарын 09-нд 12:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан ХӨВСГӨЛ – ГОВЬСҮМБЭР
Арванхоёр дугаар сарын 09-нд 16:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан АРХАНГАЙ – БАЯН-ӨЛГИЙ
Арванхоёр дугаар сарын 10-нд 13:00 цагаас Олон улсын хүний эрхийн өдөр, Жанрайсаг бурхны хишиг улс, аймгийн алдар цолтой хүчит 128 бөхийн барилдаан,
Арванхоёр дугаар сарын 11-нд 19:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан ХОВД – ТӨВ
Арванхоёр дугаар сарын 12-нд 19:45 цагаас МҮБХ-ны холбооны “Үндэсний алтан цомын төлөөх” хагас шигшээ барилдаан ӨВӨРХАНГАЙ - СЭЛЭНГЭ
Арванхоёр дугаар сарын 16-нд 13:00 цагаас Завхан аймгийн Баянхайрхан сумын түүхт 100 жилийн ойд зориулсан улс, аймгийн алдар цолтой хүчит 128 бөхийн барилдаан,
Арванхоёр дугаар сарын 17-нд 13:00 цагаас "Говь+Ус" Монгол Улсад усны инженер бэлтгэж эхэлсний 60 жилийн ойд зориулсан хүчит улс, аймгийн алдар цолтой хүчит 128 бөхийн барилдаан,
Арванхоёр дугаар сарын 22-нд 11:00 цагаас Сумын цолтон болон залуу бөхчүүдийн ээлжит барилдаан,
Арванхоёр дугаар сарын 23-нд 13:00 цагаас Ховд аймгийн Буянт сумын харьяат, Монгол Улсын гавьяат дасгалжуулагч, улсын заан Дасрангийн Мягмарын нэрэмжит Улс, аймгийн алдар цолтой хүчит 128 бөхийн барилдаан
Арванхоёр дугаар сарын 29-нд 13:00 цагаас Үндэсний эрх чөлөө, тусгаар тогтнолоо сэргээн мандуулсны 112 жилийн ойд зориулсан Ерөнхийлөгчийн цомын төлөөх улс, аймгийн алдар цолтой хүчит 128 бөхийн уламжлалт барилдаан тус тус болно.
МОНГОЛЫН ҮНДЭСНИЙ БӨХИЙН ХОЛБОО
Урлаг спорт
Улс тунхагласны ойн барилдаанд улсын заан Б.Бат-Өлзий түрүүллээ
Бүгд найрамдах улсаа тунхаглаж, Анхдугаар үндсэн хуулиа баталсны 99 жилийн ойн баярт зориулсан Улс, аймгийн алдар цолтой шилдэг 128 бөхийн барилдаанд Ховд аймгийн Зэрэг сумын харьяат, "Аврагч" спорт хороо, "Монтед" констракшн, “Өнө мөнх хөгжил Констракшн” ХХК, “Валькан” групп, “Ховд” дэвжээний бөх, улсын заан Баярхүүгийн Бат-Өлзий түрүүлж, Архангай аймгийн Хайрхан сумын харьяат, “Алдар” спорт хороо, “Вайт лайк” ХХК, “Молор трейд” ХХК, “Бөхбилэгт” дэвжээний бөх, улсын харцага Оюунбаатарын Мөнх-Эрдэнэ үзүүрлэв.
Дөрөвт Өвөрхангай аймгийн Зүүнбаян-Улаан сумын харьяат, “Алдар” спорт хороо, “АПУ” ХК, “Их Монголын хүчтэн” дэвжээний бөх, улсын харцага Б.Цэдэнсодном, Архангай аймгийн Тариат сумын харьяат, “Алдар” спорт хороо, “Таруугийн Таван Улиас” ХХК, “Бөхбилэгт” дэвжээний бөх, цэргийн заан Ө.Батсуурь нар шалгарлаа.
Наймд улсын өсөх идэр начин Э.Даш, улсын начин Б.Даваа-Очир, аймгийн арслан Ш.Отгонтөгс, цэргийн арслан Б.Өлзийсайхан нар үлдэв.
Дараагийн барилдаан 2023 оны 12 дугаар сарын 01-нд “АЛТАН ЦОМ”-ын төлөөх хэсгийн барилдаануудаар үргэлжилнэ.
МОНГОЛЫН ҮНДЭСНИЙ БӨХИЙН ХОЛБОО
Урлаг спорт
Монгол, Тува хүүхдүүдийн дунд халз барилдаан болно
Монголын үндэсний бөхийн холбооны хамтын ажиллагааны хүрээнд ОХУ-ын Тува улсын өсвөрийн шилдэг бөхчүүд Монголын өсвөр бөхчүүдтэй барилдахаар хүрэлцэн ирлээ.
Хоёр улсын хүүхдийн багийн халз барилдаан 2023 оны 11-р сарын 19-ний Сумын цолтон болон залуу бөхчүүдийн барилдааны хоёрын давааны дараа болно.
МОНГОЛЫН ҮНДЭСНИЙ БӨХИЙН ХОЛБОО
-
Цаг үе2022/11/17
Бага насны хүүхдийг ахуйн гал түймрээс урьдчилан сэргийлэх зөвлөмж
-
Улстөр нийгэм2021/02/24
"Нэг хаалга-Нэг шинжилгээ"-ний тайланг хэлэлцэв
-
Цаг үе2023/06/23
Улаанбаатарт дуу цахилгаантай аадар бороо орно
-
Улстөр нийгэм2022/11/07
Шүүх шинжилгээний тухай хуулийн шинэчилсэн найруулгын төслийн хэлэлцүүлэг болно
Сэтгэгдэл