Бидэнтэй нэгдэх

Цаг үе

Төрийн банкны “Хүндэтгэлийн аян – 2022” урамшуулалт аян эхэллээ

Огноо:

,

Төрийн банк “Дундаж давхаргыг дэмжигч Үндэсний банк” байх зорилтын хүрээнд 2021-2024 онд дундаж давхрагыг дэмжих банкны цогц хөтөлбөрийг шат дараатай хэрэгжүүлж, Монгол орны өнцөг булан бүрт байрлах 500 орчим салбар нэгж, 400 орчим АТМ, 3500 картаар үйлчлэгч байгууллага, 4200 ажилтнуудаараа дамжуулан санхүүгийн цогц үйлчилгээг харилцагчиддаа түргэн шуурхай хүргэхийн зэрэгцээ нийгмийн сайн сайханд чиглэсэн, төсөл хөтөлбөрүүдийг дэмжин ажиллаж байна.

Төрийн банк харилцагчдынхаа урам зоригийг нэмэх, ахмад настнууддаа хүндэтгэл үзүүлэх зорилгоор олон төрлийн урамшуулалт аянуудыг зохиодог. Эдгээрийн нэг нь жил бүрийн цагаан сарын баярыг угтан ахмад харилцагчдаа хүндэтгэл үзүүлэн зохион байгуулдаг “Хүндэтгэлийн аян” үйл ажиллагаа бөгөөд энэхүү аян нь уламжлал болгон зохиогдоод 10 дахь жилээ угтаж байна.

Энэ жилийн хувьд Улаанбаатар хот болон орон нутгийн хамгийн өндөр настай 155 ахмадууддаа гарын бэлэг гардуулах бөгөөд Сар шинийн босгон дээр 45 ахмад харилцагч урамшууллын эзэн болох боломжтойгоороо онцлог юм.

Хүндэтгэлийн аяны хүрээнд 2022оны нэгдүгээр сарын 3-31-нийг дуустал шинээр болон нэмэлтээр тэтгэврийн зээл авсан, тэтгэврийн карт шинээр болон нэмэлтээр захиалан Гялсбанканд бүртүүлсэн, мөн өөрийн нэр дээр хадгаламж нээсэн болон хадгаламжиндаа мөнгө нэмсэн ахмад харилцагчид урамшууллын хөтөлбөрт оролцох боломжтой юм.

  • 2 харилцагчийг 4,000,000 төгрөг
  • 3 харилцагчийг 3,000,000 төгрөг
  • 4 харилцагчийг 2,000,000 төгрөгийн н тэтгэврийн зээлийг чөлөөлнө.
  • 5 харилцагчийн Төрийн банкан дахь хадгаламжинд 1,000,000 төгрөг
  • 31 харилцагч тус бүрт 100,000 төгрөгийг урамшуулал бүхий ОУ карт болон жилийн хураамж болох 20,000 төгрөгөөс чөлөөлөх юм.

Урамшууллын эздийг 2022 оны хоёрдугаар сарын 01-ны өдөр буюу битүүний өдөр “25-р суваг” телевизээр тодруулна.

Дэлгэрэнгүй унших
сурталчилгаа

Сэтгэгдэл

Цаг үе

БНХАУ-ын ӨМӨЗО-нд монгол залуусыг суралцуулах хэлэлцээрт гарын үсэг зурав

Огноо:

,

Монгол Улсын Гадаад харилцааны сайд Б.Батцэцэгийн урилгаар Бүгд Найрамдах Хятад Ард Улсын Өвөр Монголын Өөртөө Засах Орны Намын хорооны нарийн бичгийн дарга Сүнь Шаочөн 2023 оны 10 дугаар сарын 1-5-ны өдрүүдэд Монгол Улсад айлчилж байна.

Хэлэлцээний үеэр Монгол Улс, БНХАУ-ын иж бүрэн стратегийн түншлэлийн харилцааны хүрээнд БНХАУ-ын Өвөр Монголын Өөртөө Засах Оронтой хөгжүүлж буй хамтын ажиллагааг худалдаа, эдийн засаг, хөрөнгө оруулалт, дэд бүтэц, эрчим хүч, аялал жуулчлал, боловсрол, соёл, хүмүүнлэгийн салбарт цаашид өргөжүүлэн хөгжүүлэх асуудлаар хоёр тал дэлгэрэнгүй ярилцав.

Айлчлалын үеэр хоёр талын хамтын ажиллагааны зарим баримт бичиг байгуулсны дотор “Монгол Улсын оюутнуудыг БНХАУ-ын ӨМӨЗО-д суралцуулах тухай Монгол Улсын БШУЯ, БНХАУ-ын ӨМӨЗО-ны Ардын засгийн газар хоорондын хэлэлцээр”-т БШУЯ-ны Гадаад харилцаа, хамтын ажиллагааны газрын дарга Ш.Нарантуяа, ӨМӨЗО-ны Боловсролын танхимын дэд дарга Жан Жүньши нар гарын үсэг зурлаа.

Энэхүү хэлэлцээр 2024 оны 12 дугаар сарын 31-ний өдрөөс хүчин төгөлдөр болж БНХАУ-ын ӨМӨЗО-ны их дээд сургуулиудад бакалаврт 200, магистр 40, докторт 20 монгол залуус суралцах боломж нээгдэж байгаа юм.

БНХАУ-ын ӨМӨЗО-ны Намын хорооны нарийн бичгийн дарга Сүнь Шаочен айлчлалынхаа үеэр Монгол Улсын Ерөнхий сайд Л.Оюун-Эрдэнэд бараалхаж, Монгол Улсын Ерөнхийлөгчийн Тамгын газрын дарга Я.Содбаатар болон Засгийн газрын зарим гишүүдтэй уулзана гэж Боловсрол, шинжлэх ухааны яамнаас мэдээллээ.

Дэлгэрэнгүй унших

Цаг үе

Узбекистаны экс ерөнхийлөгчийн охиныг авлигын хэрэгт буруутгажээ

Огноо:

,

Швейцарын прокурорууд Узбекистаны экс ерөнхийлөгчийн охин Гульнара Каримоваг олон зуун сая долларын мөнгө угаасан гэмт хэргийн бүлэглэлийг удирдаж байсан гэж буруутгажээ. Эрх баригчид 2005-2013 оныг хамарсан шалгалтын явцад 780 сая SFr (700 сая фунт стерлинг; 857 сая доллар) үнэтэй хөрөнгийг хураан авчээ.

Каримова 2014 оноос хойш Узбекистаны шоронд хоригдож байгаа бөгөөд хөрөнгө шамшигдуулсан хэргээр ял эдэлж байгаа юм. Тэрбээр өөрт нь холбогдуулан шалгаж байгаа ашигтай харилцаа холбооны гэрээ байгуулсантай холбоотой хахуулийн хэргүүдийг үгүйсгэж байна.

Каримова өөрийн гэсэн үнэт эдлэлийн компанитай бөгөөд энтертайнмент телевизийн суваг ажиллуулдаг. Мөн түүний тайзны буюу уран бүтээлчийн нэр нь Гоогооша бөгөөд өөрийн гэсэн хэд хэдэн дуу гаргасан байдаг.

Швейцар яллах дүгнэлтдээ Оросын харилцаа холбооны компанийн Узбекистаны салбарыг удирдаж байсан нэрээ нууцалсан бизнесменийг мөн онилсон байна. Каримоваг Узбекистаны харилцаа холбооны салбарт нэвтрэхийн тулд хахууль авсан, Швейцарийн банкны данс болон бусад улс дахь нарийн тооцооны сүлжээгээр дамжуулан мөнгө угаасан хэрэгт буруутгаж байгаа юм.

Түүний уг үйл ажиллагаагаа явуулдаг хуурамч байгууллагыг Оффис гэж нэрлэдэг байв. Тус бүлэглэл үйл ажиллагаа явуулахдаа залилангаас гадна хүчирхийлэл, айлган сүрдүүлэх зэрэг үйлдэл гаргадаг байсан тухай мэдэгджээ. Наймдугаар сард Их Британийн Онц хүнд залилангийн алба Каримовагийн эзэмшиж байсан 20 сая фунт стерлингээс өндөр үнэтэй гурван тансаг үл хөдлөх хөрөнгийг хяналтдаа авчээ.

Швейцарын холбооны прокурорын яллах дүгнэлтэд тухайн дансны нэр бүхий ашиг хүртэгч эзэд нь Каримоваг жинхэнэ ашиг хүртэгч гэдгийг нуун дарагдуулсан "хуурамч нэрс" байсан гэжээ.

Каримова Узбекистанаас Женев дэх НҮБ-д суугаа элчин сайдаар ажиллаж байхдаа хамгаалалтад байсан ч 2013 онд халдашгүй, дархан эрхээ алдсанаар Швейцар улсаас түүний санхүүгийн талаарх мөрдөн байцаалтаа өргөжүүлж чадсан юм.

Мөн түүний байгууллагын үйл ажиллагааг Швед, Франц, Норвег, Нидерланд, АНУ, Их Британи улсууд эрүүгийн хэрэг үүсгэн шалгаж эхэлжээ.

Эх сурвалж: https://www.bbc.com

Дэлгэрэнгүй унших

Цаг үе

ЦЕГ: Эрэн сурвалжлах ажиллагаа үргэлжилж байна

Огноо:

,

Нийтийн хэв журам хамгаалах, олон нийтийн аюулгүй байдлыг хангах албаны "Админ" эрхтэй алба хаагч “У” нь тус албаны цахим хуудаст ташаа мэдээлэл оруулсанд цахим хэрэглэгч та бүхнээс хүлцэл өчье.

Цагдаагийн байгууллагаас сураггүй алга болсон хүүхдийг эрэн хайх ажиллагааг бүхий л түвшинд төрийн болон төрийн бус байгууллагын дэмжлэгтэй үргэлжлүүлж байгаа юм.

Цагдаагийн байгууллагын эрэн сурвалжлах ажиллагаанд дэмжлэг үзүүлж, хамтран ажиллахыг хүсч байна гэж Цагдаагийн Ерөнхий Газрын Хэвлэл Мэдээллийн Төвөөс мэдээллээ. 

Дэлгэрэнгүй унших

Санал болгох