Бидэнтэй нэгдэх

Урлаг спорт

Дэлхийн шилдэг циркчид Монголд тоглохоор ирнэ

Огноо:

,

Хүний санаанд багтамгүй сонин, содон үзүүлбэрийг нэгэн тайзнаа нэгтгэсэн Дэлхийн цирк Монголд дахин тун удахгүй ирэхээр болжээ.

Цap тaxлын xүнд үe хараахан дyyсаагүй байгаа ч өхөөрдөм бяцхан амьтад хийгээд шилдэг үзүүлбэрийн эзэд маань ирэх дөрөвдүгээр сарын 2,3-ны өдрүүдэд Буянт Ухаа спорт цогцолборт ердөө хоёрхон өдрийн турш тоглох юм.

Монгол циркийн хөгжлийн төв ТББ нь энэхүү арга хэмжээг тав дахь удаагаа зохион байгуулж байгаа бөгөөд үргэлж хамгийн шилдэг, шинэ содон, гайхалтай зүйлсээр дүүрэн тоглолт хийдгээрээ үзэгчдийн танил хэдийн болсон билээ.  Хүүхэд багачуудын хамгийн их хүсэн хүлээдэг дэлхийн циркийн гайхамшгууд Монголд дахин амилах нь ээ.

Дэлхийн шилдэг жүжигчдийн хамтарсан энэхүү тоглолт үзэгчдийг aлмaйруулж, гaйхамшигтай ертөнцөөр аялуулах нь дамжиггүй. Тоглолтод Испани, Япон, Англи, Колумб, Герман, Латви, Унгар, ОХУ, Вьетнам, Румин болон Казакстаны 60 гаруй жүжигчин оролцох юм. Мэдээж Монгол циркчдийнхээ үзүүлбэрийг ч та үзэх болно.

Тоглолтын тасалбар байрлалаасаа хамааран 20, 25, 30 мянган төгрөгийн үнэтэй бөгөөд худалдаанд хэдийн гарчээ.

Гэхдээ тоглолтын тасалбараа яаравчлан авахгүй бол циркээр цaнгaсан Монголчууд маань тун удахгүй л дуусгачих байх хэмээн тоглолт зохион байгуулагчдын зүгээс aнхааруулсныг дуулгая.

Тасалбарыг ticket.mn сайтаас болон Хүннү Молл худалдааны төвийн В1 давхраас авах боломжтой.

Лавлах утас: 9324-3000

Дэлгэрэнгүй унших

Сэтгэгдэл

Урлаг спорт

“Гайхамшиг үзэгдэл” баримтат киноны нээлт өнөөдөр болно

Огноо:

,

Монголчуудын “Итгэлт хамба” хэмээн нэрийдэж заншсан буриадын Дашидоржи Итигэловичъ Итигэловын тухай өгүүлэх “Гайхамшигт үзэгдэл” баримтат киноны монгол орчуулгын нээлт 2023 оны нэгдүгээр сарын 31-ний мягмар гаргийн 11:00 цагт Монгол Улсын Үндэсний номын сангийн Үнэт ховор номын музейд болно.

Оросын нэрт кино найруулагч А.И.Верещагин Хамба лам Итгэлийн хүрээлэнгийн захиалгаар 2019 онд бүтээсэн “Гайхамшигт үзэгдэл” баримтат киног монгол хэлнээ орчуулан анх удаа олон нийтэд үзүүлэх юм.

Итгэлт хамба бол 19 дүгээр зууны сүүл болоод 20 зууны эхэн үеийн Буриад Монголын шашин соёлын төдийгүй төр, нийгмийн нэрт зүтгэлтэн хүн билээ. Уг баримтат кинонд Итгэлт хамба, түүний суудаг асан Тамчийн дацангийн намтар түүх хийгээд өдгөө Буриадын Иволгын хийдэд бунхалсан хамбын цогцост Оросын шүүх эмнэлгийн профессор эрдэмтэд шинжилгээ хийгээд гоц үзэгдэл болохыг хүлээн зөвшөөрсөн тухай өгүүлэх аж.

Түүнчлэн Японы нэрт бүжиг дэглээч Морихиро Ивата ламтны амьдралаас сэдэвлэн бүжгэн жүжиг дэглэсэн бөгөөд баримтат киноны найруулгад уг бүжгэн жүжгийн хэсгүүдийг ашиглан зохиомжилсон байна.  

Хамба лам Итгэлийн хүрээлэн нь “Итгэлт хамбын тайлагдашгүй нууц” сэдэвт үзэсгэлэнг ОХУ, АНУ, Монгол Улсад зохион байгуулж байжээ гэж Монгол Улсын Үндэсний номын сангаас мэдээллээ.

Дэлгэрэнгүй унших

Урлаг спорт

ЗГ: Олимпын наадамд бэлтгэх Үндэсний хорооны бүрэлдэхүүнийг шинэчлэн баталлаа

Огноо:

,

Засгийн газрын ээлжит хуралдаан 2023 оны нэгдүгээр сарын 25-нд болж, Олимп, паралимпын наадамд оролцох үндэсний шигшээ багийн бэлтгэл ажлыг зохион байгуулалтаар хангах Үндэсний хорооны бүрэлдэхүүнийг шинэчлэн баталлаа. Үндэсний хороог Монгол Улсын Ерөнхий сайд ахална.

2024 оны зуны олимп, 2026 оны өвлийн олимпод оролцох Үндэсний шигшээ багийг сонгон шалгаруулж, шинэчлэн байгуулан, тангараг өргөх ёслолыг зохион байгуулж, олон улсын тэмцээн, наадамд оролцуулах, бэлтгэл сургалтын үйл ажиллагаа зохион байгуулж эхлээд байна. 

Дэлгэрэнгүй унших

Урлаг спорт

Монгол Улс, ИБУИНХУ-ын хооронд дипломат харилцаа тогтоосны 60 жилийн ойд зориулсан гэрэл зургийн үзэсгэлэн нээгдлээ

Огноо:

,

Монгол Улс, Их Британи, Умард Ирландын Нэгдсэн Хаант Улсын хооронд дипломат харилцаа тогтоосны 60 жилийн ойд зориулсан гэрэл зургийн үзэсгэлэн, шуудангийн маркийн нээлт 1 дүгээр сарын 23-ны өдөр болов.

Арга хэмжээний нээлтэд Гадаад харилцааны яамны Төрийн нарийн бичгийн дарга Н.Анхбаяр, Их Британи, Умард Ирландын Нэгдсэн Хаант Улсаас Монгол Улсад суугаа Элчин сайд Филип Малон болон гадаадын улсуудаас Монгол Улсад суугаа Элчин сайд, олон улсын байгууллагын төлөөлөгчийн газрын тэргүүн нар оролцов.

Монгол, Британи Улсууд 1963 оны энэ өдөр дипломат харилцаа тогтоосон бөгөөд ой тохиож буй энэ онд хоёр тал хамтран цуврал арга хэмжээг зохион байгуулахаар төлөвлөж байна.

Дэлгэрэнгүй унших
сурталчилгаа
Шударга мэдээ11 цаг 42 минут

ЗГ: Инновацын төсөл хэрэгжүүлэгчдэд хөнгөлөлт, чөлөөлөлт эдлэх болом...

Улстөр нийгэм11 цаг 43 минут

ЗГ: “Засгийн газрын хэрэгжүүлэгч агентлаг-Хөрөнгө оруулалт, ху...

Улстөр нийгэм11 цаг 46 минут

ЗГ: Кибер аюулгүй байдлын зөвлөлийн бүрэлдэхүүнийг баталлаа

Цаг үе11 цаг 49 минут

Гадаадад цэргийн академи, команд штабын сургууль төгсөгчдийн чуулга ...

Цаг үе11 цаг 53 минут

НОСК: Түрээслээд өмчлөх орон сууцны төлбөрийг НӨАТ-аас чөлөөлөх сана...

Шударга мэдээ11 цаг 55 минут

“Замын хөдөлгөөн зохицуулах журам”-д оруулах нэмэлт, өөр...

Цаг үе11 цаг 57 минут

СЭРЭМЖЛҮҮЛЭГ: Голуудын мөсний зузаан 17-36 см нимгэн байна

Улстөр нийгэм12 цаг 8 минут

"Зөвлөлдөж шийдье" зөвлөлдөх санал асуулгын эхний шатны мэ...

Цаг үе12 цаг 11 минут

Өнөөдөр ихэнх нутгаар цаг агаар тогтуун байна

Цаг үе12 цаг 16 минут

Үс шинээр үргээлгэх буюу засуулахад тохиромжгүй

Санал болгох