Бидэнтэй нэгдэх

Цаг үе

Ногоон бүсэд зорчихдоо галын аюулгүй байдлаа хангахыг анхааруулж байна

Огноо:

1 жил 2 сар.өмнө

,

Нийслэлийн Онцгой байдлын газрын бүрэлдэхүүн хоногийн хугацаанд гал түймрийн найм, ой хээрийн түймрийн нэг дуудлагаар үүрэг гүйцэтгэсэн. Үүнээс шар өвс шатсан гурван дуудлага ирснийг Гал түймэр унтраах, аврах ангийн бэлтгэл ээлжийн бүрэлдэхүүн шуурхай унтрааж ажиллалаа. Тухайлбал, Сонгинохайрхан дүүргийн 26-р хороо Мандал овоогийн 29-р гудамжинд хөрсний шар өвс шатаж байшин руу орж байна гэх дуудлага ирсэн.

Гал түймэр унтраах, аврах 26-р ангиас хоёр автомашинтай найман алба хаагч очиход нэг га газрын хөрсний шар өвс, 6х8 хэмжээтэй байшингийн дээвэр хэсэг, 10 метр хашаа шатаж байсныг 14:00 цагт гал түймрийн тархалтыг зогсоож, бүрэн унтрааж ажиллалаа.

Мөн Сүхбаатар дүүргийн 3-р хороо Ногоон талбайн 2-р гудамжинд хөрсний шар өвс, амбаар шатаж байна гэх дуудлага ирсэн. Дуудлагын дагуу Гал түймэр унтраах, аврах 34 дүгээр ангийн 13 алба хаагч гурван автомашинтайгаар очиход 6х4 хэмжээтэй байшин, 5х3 хэмжээтэй амбаар шатаж байсныг 14:18 цагт гал түймрийн тархалтыг зогсоож, бүрэн унтраалаа.

Нийслэлийн хэмжээнд он гарснаар ой, хээрийн түймрийн хоёр дуудлага бүртгэгдэж, алба хаагчид шуурхай унтрааж ажилласан. Тодруулбал, Баянзүрх дүүргийн 11-р хороо Зүүн богины аманд шар өвс шатаж байна гэх дуудлага дөрөвдүгээр сарын 6-ны 15:43 цагт ирсэн юм. Дуудлагын дагуу Нийслэлийн Онцгой байдлын газрын Аврах анги, Гал түймэр унтраах, аврах зургаан ангийн 63 алба хаагч 13 автомашин, Pajero club 10 иргэн долоон автомашин, Богдхан уулын Дархан цаазат газрын хамгаалалтын захиргаанаас 12 иргэн таван автомашин, Баянзүрх дүүргийн Цагдаагийн хэлтсийн найман албан хаагч, хоёр автомашин, мөн иргэн хуулийн этгээдийн 100 гаруй хүн зургаан мотоциклтэйгээр түймрийг бүрэн унтраалаа.

Хуурайшилтын улиралд гал түймэр гарах эрсдэл өндөр байгаа тул иргэд, олон нийт ногоон бүсэд зорчихдоо галын аюулгүй байдлыг хангаж, анхаарал болгоомжтой байхыг анхааруулж байна.  

Эх сурвалж: НОБГ

Уншсан:841
Дэлгэрэнгүй унших

Сэтгэгдэл

Цаг үе

Ойд төөрсөн хүүг олж, ар гэрт нь хүлээлгэн өглөө

Огноо:

19 цаг 22 минут

,

Цагдаагийн байгууллагад 2023 оны зургаадугаар сарын 03-ны өдрийн 17 цаг 30 минутад Сүхбаатар дүүргийн 19 дүгээр хорооны нутаг дэвсгэрээс “13 настай, эрэгтэй хүүхэд модруу ороод төөрсөн” гэх дуудлага, мэдээлэл бүртгэгдсэн.

Тус дүүргийн цагдаагийн газрын Хоёрдугаар хэлтсээс 20 алба хаагч, хорооны Засаг даргын Ажлын албаны ажилтнуудтай эрэн хайх ажиллагааг шуурхай зохион байгуулж, 22 цагийн үед төөрсөн хүүг Сүхбаатар дүүргийн 20 дугаар хорооны нутаг дэвсгэрт ойн гүнд 1 километрийн зайтай байхад нь олж тогтоон ар гэрт нь хүлээлгэн өглөө.

Иргэд Та бүхэн бага насны хүүхэддээ тавих хараа хяналтаа сайжруулж, тэдэнд болзошгүй эрсдэлээс урьдчилан сэргийлэх мэдээ, мэдээллийг тогтмол өгч байхыг цагдаагийн байгууллагаас зөвлөж байна.

Дэлгэрэнгүй унших

Цаг үе

УБЦТС: Өнөөдөр хийгдэх засварын хуваарь

Огноо:

19 цаг 53 минут

,

Өнөөдөр буюу зургаадугаар сарын 06-ны Мягмар гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.

Дэлгэрэнгүйг https://www.tog.mn/account/5 холбоосоор үзнэ үү.


 

Жич: Засварын ажлыг тухайн тоноглолыг хүчдэлээс бүрэн чөлөөлсний дараа хийдэг хөнцөл байдлыг харгалзан үзэж, хүлээцтэй хандахыг хэрэглэгч та бүхнээс хүсье.

Тодорхой шалтгааны улмаас засварын хуваарьт өөрчлөлт орох тохиолдолд хангагч байгууллагаас зарыг дахин хүргэнэ.

Дэлгэрэнгүй унших

Цаг үе

Улаанбаатарт өдөртөө 23 хэм дулаан

Огноо:

19 цаг 59 минут

,

Малчид, иргэдэд зориулсан мэдээ: Ойрын хоногуудад нутгийн баруун хагаст дулаарч, нутгийн зүүн хэсгээр бага зэргийн бороо орно.

2023 оны зургаадугаар сарын 06-ны 8 цагаас 20 цаг хүртэл: Нутгийн хойд хэсгээр үүлшинэ. Төв болон зүүн аймгуудын нутгийн хойд хэсгээр бороо орно. Бусад нутгаар солигдмол үүлтэй. Бороо орохгүй. Салхи нутгийн баруун хагаст баруун өмнөөс, бусад нутгаар баруун хойноос секундэд 4-9 метр, төв болон зүүн аймгуудын нутгийн зарим газраар борооны өмнө түр зуур ширүүснэ. Хангай, Хөвсгөл, Хэнтийн уулархаг нутаг, Хүрэнблчир орчим, Тэрэлж, Хэрлэн, Онон, Улз голын хөндийгөөр 17-22 хэм, Их нууруудын хотгор болон говийн бүс нутгийн өмнөд хэсгээр 28-33 хэм, бусад нутгаар 21-26 хэм дулаан байна.

УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун хойноос секундэд 7-12 метр.  21-23 хэм дулаан байна.

БАГАНУУР ОРЧМООР:  Үүлшинэ. Бороо орохгүй. Салхи баруун хойноос секундэд 7-12 метр. 21-23 хэм дулаан байна.

ТЭРЭЛЖ ОРЧМООР:  Үүлшинэ . Бага зэргийн бороо орно. Салхи баруун хойноос секундэд 3-8 метр. 17-19 хэм дулаан байна.

2023 оны зургаадугаар сарын 07-ноос зургаадугаар сарын 10-ныг
хүртэлх цаг агаарын урьдчилсан төлөв

7-нд Хангай, Хөвсгөл, Хэнтийн уулархаг нутаг, Онон, Улз голын хөндийгөөр, 8,9-нд Хангай, Хөвсгөлийн уулархаг нутаг, Дорнодын тал нутгаар, 10-нд  Алтай, Хангайн уулархаг нутаг, Дорнод, Дарьгангын тал нутгаар бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, тал хээрийн нутгаар секундэд 13-15 метр хүрч, нутгийн зарим газраар борооны өмнө түр зуур ширүүснэ.  Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж, Хэрлэн, Онон, Улз, Халх голын хөндийгөөр шөнөдөө 3-8 хэм, өдөртөө 19-24 хэм, Их нууруудын хотгор болон Алтайн өвөр говиор шөнөдөө 18-23 хэм, өдөртөө 30-35 хэм, говийн аймгуудын нутгийн өмнөд хэсгээр шөнөдөө 12-17 хэм, өдөртөө 25-30 хэм, бусад нутгаар шөнөдөө 8-13 хэм, өдөртөө 21-26 хэм дулаан байна.

Дэлгэрэнгүй унших

Санал болгох