Бидэнтэй нэгдэх

Цаг үе

“Жуулчин цагдаа” арга хэмжээ хэрэгжихээр боллоо

Огноо:

,

Монгол Улсын Засгийн газраас 2023-2024 оныг “Монголд зочлох жил” болгож буйтай холбогдуулан БОАЖ-ын сайд Б.Бат-Эрдэнэ, ХЗДХ-ийн сайд Нямбаатар нарын 2022 оны 6 дугаар сарын 6-ны өдрийн А/149, А/188 дугаартай хамтарсан тушаалаар байгуулагдсан хамтран ажиллах ажлын хүрээнд Монгол Улсын аялал жуулчлалын салбарыг дэмжих, гадаадын жуулчдын аюулгүй байдлыг хангах, Монгол Улсыг жуулчинд ээлтэй, найрсаг, аюулгүй орон гэдгийг жуулчдаар дамжуулан гадаад улс оронд сурталчлахад зориулж Дотоод хэргийн их сургуулийн 167 сонсогч, бусад их дээд сургуулийн гадаад хэлний мэдлэгтэй 150, нийт 317 оюутныг “Жуулчин цагдаа” арга хэмжээнд хамруулахаар боллоо.

2022 оны тавдугаар сард ЦЕГ-ын Мэдээлэл, дүн шинжилгээ, шуурхай удирдлагын албанаас гаргасан “Гадаад иргэд тус улсад аялаж, зорчихдоо гэмт хэрэгт өртсөн” тухай 2018-2021 оны хоорондох статистик судалгаанаас үзэхэд хулгай, дээрэм, залилан мөн хүний эрүүл мэндэд хөнгөн болон хүндэвтэр хохирол учруулах гэмт хэрэг, зөрчлүүд дийлэнх хувийг эзэлж байна.

Үүнд:

• 2018 онд 18 улсын 161 иргэн,

• 2019 онд 25 улсын 166 иргэн,

• 2020 онд 11 улсын 53 иргэн тус тус гэмт хэрэгт өртөж, хохирсон мэдээлэл байх бөгөөд улс орноор нь авч үзвэл БНХАУ, ОХУ, БНСУ, Япон улсын иргэд ихэнх хувийг эзэлж байна.

Мөн хүний эрүүл мэндэд хөнгөн хохирол учруулах, автотээврийн хэрэгслийн хөдөлгөөний аюулгүй байдал, ашиглалтын журам зөрчих, улсын хилээр барааг хууль бусаар нэвтрүүлэх, мөнгө угаах, мансууруулах эм, сэтгэцэд нөлөөт бодисыг хууль бусаар ашиглах гэх зэрэг гэмт хэрэг, зөрчилд холбогдон шалгагдсан тохиолдол цөөнгүй байх бөгөөд 2018 онд 10 орны 61 иргэн, 2019 онд 8 улсын 54 иргэн, 2020 онд 7 улсын 21 иргэн тус тус бүртгэгдсэн байна.

“Жуулчин цагдаа” арга хэмжээ хэрэгжсэнээр гадаад иргэдийн аялах, зочлох аюулгүй байдал хангагдаж, жуулчдын тав тухтай аялах нөхцөл, сэтгэл ханамж бий болсноор манай улсын нэр хүнд өсөх, аялал жуулчлалын салбар хөгжих, жуулчин урсгал татах болон жуулчдын тоо нэмэгдүүлэх чухал ач холбогдолтой юм. 

Цаашид аялал жуулчлалын бодлогыг шинэчлэн сайжруулах зайлшгүй шаардлага бий бөгөөд дэлхийн аялал жуулчлалын салбар өндөр хөгжсөн АНУ, Япон, Солонгос, Испани, хурдацтай хөгжиж байгаа Хятад гэх мэт улс орнуудын хөгжлийн туршлагаас солилцож нэвтрүүлэх, мөн үндэсний онцлог өв соёл, уламжлалт байгалийн, түүхийн аялал жуулчлалыг эрчимтэй хөгжүүлэхэд бусад аж ахуйн нэгж, байгууллагуудтай хамтран ажиллахад нээлттэй байна гэж БОАЖЯ-наас мэдээллээ. 

Дэлгэрэнгүй унших

Сэтгэгдэл

Цаг үе

Та тээврийн хэрэгслийн хасалт хийлгэх бол...

Огноо:

,

Иргэн та тээврийн хэрэгслийн хасалтын үйлчилгээ авах бол доорх салбарууд дээр иргэний үнэмлэхтэйгээ ирж хүсэлт гарган татвар болон торгуулийн өргүй, тээврийн хэрэгслийн гэрчилгээ, улсын дугаараа хураалган хасуулна уу.

- Сүхбаатар дүүргийн Цирк салбар,

- Баянзүрх дүүргийн  Амгалан салбар,

- Хан-Уул дүүрэг дэх Зайсан салбар,

- Баянгол дүүрэг дэх Мастер плаза,

- Сонгинохайрхан дүүргийн Автохудалдааны цогцолбор / 22 салбар/

Иргэн та өөрийн өмчлөлийн тээврийн хэрэгслийг бүртгүүлэх, бусдад шилжүүлэх, худалдах, лавлагаа авах, мэдээлэл өөрчлөх, улсын бүртгэлээс хасуулах нь зөвхөн таны зөвшөөрлийг үндэслэн хийгддэг болохыг анхаарна уу.

Автотээврийн Үндэсний Төв

Дэлгэрэнгүй унших

Цаг үе

Т.Аюурсайхан УИХ-ын гишүүн болон ХНХ-ын сайдын албан тушаалаас чөлөөлөгдөх хүсэлтээ гаргалаа

Огноо:

,

Нийслэлийн Прокурорын газраас Эрүүгийн хуулийн тусгай ангийн 22.10 дугаар зүйлийн 2, 20.3 дугаар зүйлийн 3 дахь хэсэгт тус тус заасан гэмт хэрэгт холбогдуулан яллагдагчаар татагдсан Т.Аюурсайханд Хязгаарлалт тогтоох таслан сэргийлэх арга хэмжээ авах саналыг шүүхэд хүргүүлсэн билээ.

Улмаар Сүхбаатар дүүргийн Эрүүгийн хэргийн анхан шатны шүүх 2023 оны 02 дугаар сарын 06-ны өдөр хянан хэлэлцээд Эрүүгийн хэрэг хянан шийдвэрлэх тухай хуулийн 14.1 дүгээр зүйлийн 1 дэх хэсгийн 1.3 дахь хэсэгт зааснаар Т.Аюурсайханд эрүүгийн хэрэг хянан шийдвэрлэх ажиллагаанд саад учруулахгүй байх, түүнийг дахин гэмт хэрэг үйлдэхээс болон хэргийн оролцогч нарт нөлөөлөхөөс урьдчилан сэргийлэх зорилгоор тодорхой хүнтэй уулзахыг хориглох болон Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авсан талаар бид өмнө нь мэдээлсэн.

Тэгвэл Т.Аюурсайхан өнөөдөр /2023.02.07/ УИХ-ын гишүүн болон  Засгийн газрын гишүүн, Хөдөлмөр нийгмийн хамгааллын сайдын албан тушаалаас чөлөөлөгдөх хүсэлтээ  УИХ-ын дарга Г.Занданшатар, Ерөнхий сайд Л.Оюун-Эрдэнэ нарт хүргүүлсэн байна.

Энэ талаар тэрбээр, "УИХ-ын гишүүнээс болон Засгийн газрын гишүүн, Хөдөлмөр нийгмийн хамгааллын сайдын албан тушаалаас чөлөөлөгдөх хүсэлтээ УИХ-ын дарга Г.Занданшатар, Ерөнхий сайд Л.Оюун-Эрдэнэ нарт гаргалаа.

УИХ-ын нэр бүхий гишүүний зүгээс намайг “нүүрсний” гэх хэрэгт нэр холбогдуулж мэдээлэл хийснээс үүдэн миний нэр хүндийг унагахад чиглэсэн шат дараатай, зохион байгуулалттай үйл ажиллагааг нийгмийн сүлжээгээр явуулах болсноор багагүй хугацаа өнгөрлөө. Олон нийтийн дунд ч томоохон эргэлзээ, хардлага бий боллоо. Над руу чиглэсэн энэхүү дайралтыг хэн нэгнийг хуулийн хариуцлагаас мултлах, зайлсхийлгэх зорилготой бусдын зохион байгуулалттай явуулга, үйл ажиллагаа гэж үзэхээс өөр аргагүй байна. Миний бие уг асуудлаар цаг тухайд нь зохих няцаалт, мэдэгдлүүдийг хийж ирсний зэрэгцээ хууль хяналтын байгууллагаар нэг мөр шалгуулж эцэслэхээ удаа дараа илэрхийлж, энэ чиглэлээр зохих алхмуудыг авч хэрэгжүүлж ирлээ.

Миний бие УИХ-ын гишүүний бүрэн эрх, халдашгүй байдлаас татгалзаж байж албан тушаалын аливаа нөлөөлөл, саад тотгоргүйгээр зохих ёсоор шалгуулж, хууль, шүүхийн өмнө үнэн мөнөө тогтоолгох хүсэлтэй байна.

Энэ асуудал нь надаар зогсохгүй Засгийн газрын нэр хүндэд сөргөөр нөлөөлөх эрсдэлтэй байгаа тул үүнээс сэргийлэх үүднээс Засгийн газрын гишүүн, сайдын албан тушаалаас ч сайн дурын үндсэн дээр чөлөөлөгдөх нь зүйтэй гэж үзлээ.

Засгийн газрын гишүүн миний бие хууль хяналтын байгууллагад шалгагдахын хажуугаар сайдын албыг эрхлэх нь ёс зүйн хувьд зохимжгүй учраас Засгийн газрын гишүүн, Хөдөлмөр, нийгмийн хамгааллын сайдын албан тушаалаас чөлөөлөгдөх хүсэлтээ гаргалаа.

УИХ-ын гишүүнээр хоёр удаа сонгогдон ажиллахдаа миний бие улс эх орон, ард түмнийхээ эрх ашгийн талд ямагт байж, улс төрийн тодорхой бүлэглэл, нөлөө бүхий хүмүүсийн эрх ашгийг хөндөж, тэмцэж, зүтгэж, хамтран зүтгэгч эрхэм нөхдийнхөө хамтаар олон бодит үр дүн гаргаж ажилласан билээ.

Хөдөлмөр, нийгмийн хамгааллын салбарт хийж, хэрэгжүүлэхээр өмнөө тавьсан зорилтоо энэ хүрээд орхиж байгаа хэдий ч, дөрвөн ч Засгийн газар дамнан яригдсан Нийгмийн даатгалын багц хуулийн төслүүдийг яамныхаа хамт олны дэмжлэгтэйгээр Улсын Их Хурлаар хэлэлцүүлэх шийдвэр гаргуулсандаа баяртай байна. Энэхүү хуулийн төслүүд батлагдвал нийгмийн даатгалын шимтгэл төлөгч иргэд, хөдөлмөрчид болон тэтгэвэр авагч ахмадуудын олон жилийн хүлээлт, хүсэлт, зүй ёсны шаардлагад нийцсэн хууль эрх зүйн орчин бүрдэнэ гэдэгт итгэж байна.

Надад өндөр итгэл хүлээлгэж, УИХ-ын гишүүнээр хоёр удаа сонгож, намайг дэмжиж, эрч хүч, урам зориг өгсөөр ирсэн иргэд сонгогчиддоо чин сэтгэлээсээ талархаж байгаагаа илэрхийлье." хэмээн өөрийн фэйсбүүк хуудсаар дамжуулан мэдэгджээ.

Дэлгэрэнгүй унших

Цаг үе

УИХ-ын гишүүн Д.Бат-Эрдэнийг Монгол Улсын хилээр гарахыг хориглолоо

Огноо:

,

Нийслэлийн прокурорын газраас ирүүлсэн УИХ-ын гишүүн Дашдэмбэрэлийн Бат-Эрдэнэд “Хязгаарлалт тогтоох” таслан сэргийлэх арга хэмжээ авах тухай саналыг Хан-Уул дүүргийн Эрүүгийн хэргийн анхан шатны шүүх 2023 оны 02 дугаар сарын 06-ны өдөр хүлээн авч, 2023 оны 02 дугаар сарын 07-ны өдөр хянан хэлэлцээд прокурорын гаргасан саналыг үндэслэлтэй гэж үзэн, яллагдагч Д.Бат-Эрдэнэд холбогдох хэргийг шийдвэрлэж дуустал түүнийг Монгол Улсын хилээр гарахыг хязгаарлах таслан сэргийлэх арга хэмжээ авч шийдвэрлэлээ.

Д.Бат-Эрдэнийг 2012-2016 оны хооронд УИХ-ын гишүүнээр ажиллаж байхдаа “Таван толгой” ХК-ны ТУЗ-ийн дарга Б.Түвшинбаяр, гүйцэтгэх захирал Р.Сэддорж нарт хууль бусаар нөлөөлсний улмаас 323,900 тонн нүүрсийг өр төлбөрт авсан мэтээр хуурамч бичиг баримт бүрдүүлэн “Таван толгой” ХК, “Тавантолгой транс” ХК-иудын хувьцаа эзэмшиж байсан албан тушаалын байдлаа ашиглаж “Тавантолгой” ХК-д 18,478,856,284 төгрөгийн хохирол учруулан хөрөнгө завшихыг удирдан зохион байгуулсан хэрэгт нь Эрүүгийн хуулийн тусгай ангийн 17.4 дүгээр зүйлийн 2 дахь хэсгийн 2.1, 2.2 дахь / Хөрөнгө завших/ заалтад зааснаар эрүүгийн хэрэг үүсгэн яллагдагчаар татан мөрдөн шалгах ажиллагаа явуулж байна.

Мөн Нийслэлийн прокурорын газраас ирүүлсэн “Тавантолгой” ХК-ны тооцооны нягтлан бодогч ажилтай Д.Мөнхнасан, “Тавантолгой” ХК-ны Үйлдвэрлэл хариуцсан дэд захирал бөгөөд ерөнхий инженер ажилтай байсан П.Мөнхтуул, “Тавантолгой” ХК-ны Төлөвлөлтийн ахлах инженер ажилтай Ж.Мягмардорж нарт “Хязгаарлалт тогтоох болон албан үүргээ биелүүлэхийг түдгэлзүүлэх ” таслан сэргийлэх арга хэмжээ авахуулах саналыг хянан хэлэлцлээ.

Шүүхээс яллагдагч Д.Мөнхнасан, П.Мөнхтуул, Ж.Мягмардорж нарын холбогдох хэргийг хянан шийдвэрлэж дуустал мөрдөн шалгах ажиллагааны явцад эрүүгийн хэрэг хянан шийдвэрлэх ажиллагаанд саад учруулахгүй байх, тэднийг дахин гэмт хэрэг үйлдэхээс урьдчилан сэргийлэх зорилгоор:

- Д.Мөнхнасанг “Тавантолгой” ХК-ны тооцооны нягтлан бодогчоор ажиллах үүргээ биелүүлэхийг 12 сарын хугацаагаар түдгэлзүүлэх болон Монгол Улсын хилээр гарахыг хязгаарлах,

- П.Мөнхтуулыг “Таван толгой” ХК-ны Улаанбаатар хот дахь төлөөлөгчийн газрын захирлын албан үүргээ биелүүлэхийг 12 сарын хугацаагаар түдгэлзүүлэх болон Монгол Улсын хилээр гарахыг хязгаарлах,

- Ж.Мягмардоржийг “Тавантолгой” ХК-ны Төлөвлөлтийн ахлах инженерээр ажиллахыг албан үүргээ биелүүлэхийг 12 сарын хугацаагаар түдгэлзүүлэх болон Монгол Улсын хилээр гарахыг хязгаарлах таслан сэргийлэх арга хэмжээг авч шийдвэрлэв.

Яллагдагч Д.Мөнхнасан, П.Мөнхтуул, Ж.Мягмардорж нарын хуулийн этгээдийн гүйцэтгэх албан тушаалтан болон удирдлагаас өгсөн шийдвэрийг хууль бус болохыг мэдсээр байж итгэмжлэн хариуцуулсан эд хөрөнгийг завшиж улсад 11,405,595,413 төгрөгийн хохирол учруулсан хэрэгт нь Эрүүгийн хуулийн тусгай ангийн 17.4 дүгээр зүйлийн 2 дахь хэсгийн 2.1, 2.2-т заасан /Хөрөнгө завших/ гэмт хэрэгт холбогдуулан яллагдагчаар татаж, мөрдөн байцаалтын ажиллагаа үргэлжлэн явагдаж байна гэж Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн Тамгын газраас мэдээллээ.

Дэлгэрэнгүй унших
сурталчилгаа
Цаг үе6 цаг 2 минут

Та тээврийн хэрэгслийн хасалт хийлгэх бол...

Цаг үе6 цаг 7 минут

Т.Аюурсайхан УИХ-ын гишүүн болон ХНХ-ын сайдын албан тушаалаас чөлөө...

Цаг үе6 цаг 12 минут

УИХ-ын гишүүн Д.Бат-Эрдэнийг Монгол Улсын хилээр гарахыг хориглолоо

Шударга мэдээ6 цаг 14 минут

ЗГ: Турк болон Сири улсын ард иргэдэд хүмүүнлэгийн тусламж үзүүлнэ

Улстөр нийгэм6 цаг 15 минут

Ерөнхийлөгч У.Хүрэлсүх БНТУ-ын Ерөнхийлөгчид эмгэнэл илэрхийлэв

Улстөр нийгэм6 цаг 17 минут

Ерөнхийлөгч У.Хүрэлсүх Сири Улсын Ерөнхийлөгчид эмгэнэл илэрхийллээ

Цаг үе6 цаг 18 минут

Газар хөдлөлтийн голомтод хөдлөлт болон чичиргээ үргэлжилсээр байна

Үзэл бодол6 цаг 23 минут

УИХ-ын дарга Г.Занданшатар БНТУ-ын Үндэсний Их Хурлын дарга М.Шентоп...

Цаг үе6 цаг 31 минут

Өнөө маргаашдаа нийт нутгаар тогтуун байна

Цаг үе6 цаг 35 минут

Үс шинээр үргээлгэх буюу засуулахад тохиромжгүй

Санал болгох