Бидэнтэй нэгдэх

Шударга мэдээ

Монголбанк БНСУ-ын “Kamco” корпорацтай хамтын ажиллагааны санамж бичиг үзэглэв

Огноо:

,

Монголбанк БНСУ-ын “Kamco” корпорацтай хамтын ажиллагааны санамж бичигт гарын үсэг зурлаа. Хамтын ажиллагааны санамж бичиг байгуулснаар хоёр байгууллага чанаргүй активыг үр ашигтайгаар бууруулах чиглэлээр мэдлэг, туршлагаа солилцох, хүний нөөцийг бэхжүүлэх, актив удирдлагын компанийн маркетинг, үйл ажиллагааны стратегийг хөгжүүлэх, актив удирдлагын компани байгуулахтай холбоотой эдийн засаг, хууль эрх зүйн мэдээллээр хангах, зөвлөгөө өгөх зэргээр өргөн хүрээнд хамтран ажиллах юм.

“Kamco” буюу Солонгосын хөрөнгийн удирдлагын корпорац нь тус улс дахь санхүүгийн байгууллагуудын чанаргүй зээлийг худалдан авах, шийдвэрлэх, бизнест бүтцийн өөрчлөлт хийх, зээлийн санхүүжилтийг дэмжих чиглэлээр үйл ажиллагаа явуулдаг, хагас төрийн өмчийн байгууллага юм гэж Монголбанкнаас мэдээллээ.

Дэлгэрэнгүй унших
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Шударга мэдээ

Иргэд D.PARLIAMENT.MN цахим хуудсаар дамжуулан Ерөнхий сайдаас асуулт асуух боломжтой

Огноо:

,

Улсын Их Хурлын хянан шалгах бүрэн эрхээ хэрэгжүүлэх нэг хэлбэр нь хууль тогтоомж, Засгийн газрын үйл ажиллагааны хөтөлбөр, тухайн жилийн төсөв, жилийн төлөвлөгөөний хэрэгжилт, улс орны эдийн засаг, нийгэм, санхүүгийн төлөв  байдал болон цаг үеийн тулгамдсан бусад асуудлаар Монгол Улсын Ерөнхий сайдын мэдээллийг 14 хоног тутамд Улсын Их Хурлын чуулганы нэгдсэн хуралдаанаар сонсох явдал юм.

Улсын Их Хурал дээрх бүрэн эрхээ хэрэгжүүлэхдээ иргэдийн оролцоог хангах, цахим шинэчлэлийн дэвшилтэт технологийг ашиглах үүднээс Монгол Улсын Их Хурлын чуулганы хуралдааны дэгийн тухай хуулийн 109 дүгээр зүйлд 2022 оны 07 дугаар сарын 05-ны өдөр нэмэлт, өөрчлөлт оруулсан.

Уг нэмэлт, өөрчлөлтөд Ерөнхий сайдын мэдээллийн сэдвийг D.parliament.mn цахим хуудсанд байршуулах, иргэд уг мэдээллийн сэдэвтэй холбогдуулан асуулт тавьж, хариултыг чуулганы нэгдсэн хуралдааны үеэр авах боломжийг нээгээд байна. Ингэснээр иргэд Засгийн газрын үйл ажиллагаа, холбогдох хууль тогтоомжийн хэрэгжилтэд хяналт тавих боломж бүрдлээ.

Иймд иргэн та D.parliament.mn цахим системийг ашиглан сар бүрийн 1 болон 3 дахь долоо хоногийн Улсын Их Хурлын чуулганы нэгдсэн хуралдаанд хийх Ерөнхий сайдын мэдээлэлтэй холбогдуулан асуулт тавих боломжтой боллоо хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.

Дэлгэрэнгүй унших

Шударга мэдээ

Онцгой комиссын өргөтгөсөн хуралдааныг зохион байгуулж, үүрэг чиглэл өглөө

Огноо:

,

ОБЕГ-ын дэд дарга, бригадын генерал Б.Ууганбаяраар ахлуулсан ажлын хэсгийн бүрэлдэхүүн Орхон аймгийн Онцгой комиссын өргөтгөсөн хуралдааныг зохион байгуулж, гамшгаас хамгаалах иж бүрэн сургуулийн талаар мэдээлэл өглөө.

Тус аймагт зохион байгуулагдах гамшгаас хамгаалах иж бүрэн сургууль нь “Төв суурин газрын газар хөдлөлтийн эрсдэлийг бууруулах, хариу арга хэмжээг сайжруулах, харилцан ажиллагааг боловсронгуй болгох” сэдвийн хүрээнд гурван үе шаттайгаар явагдах юм.

Энэ хүрээнд иргэд, олон нийтэд зориулсан “Аюулгүй амьдрах ухааны мэдлэг ойлголт” болон “Удирдах бүрэлдэхүүний гамшгаас хамгаалах менежмент” танхимын сургалтыг зохион байгуулж, гамшгаас хамгаалах, урьдчилан сэргийлэх мэдлэг, мэдээллийг дээшлүүлнэ.

Мөн аймгийн бүх шатны Засаг дарга, Онцгой комисс, гамшгаас хамгаалах орон нутгийн алба, мэргэжлийн анги, хуулийн этгээдийн томилгоот бүрэлдэхүүнийг “Цугларалт” дохиогоор ажиллуулж, гамшгаас хамгаалах хүч, хэрэгслийн бэлэн байдлыг шалган, жагсаалын жигдрэлтийн үзлэг хийж, удирдах бүрэлдэхүүн өгөгдсөн цагийн байдлын дагуу штабын дадлага хийж, харилцан ажиллагааг жигдрүүлэх юм.

Түүнчлэн газар хөдлөлт,  төмөр замын ослын үеийн аврах ажиллагааны дууриалган үзүүлэх болон Орхон аймгийн иргэдийг нүүн шилжүүлэх дадлага сургуулиуд зохион байгуулагдана гэж Онцгой байдлын ерөнхий газраас мэдээллээ.

Дэлгэрэнгүй унших

Шударга мэдээ

“Тавантолгой-Зүүнбаян” чиглэлийн төмөр замд гарсан ослын үр дагаврыг шуурхай арилгаж хөдөлгөөн нээлээ

Огноо:

,

Дорноговь аймаг дахь Зүүнбаян өртөөнөөс Зүүнбаян-Ханги-Мандал чиглэлд баригдаж буй төмөр замын бүтээн байгуулалтад хэрэглэгдэх рельс болон төмөр бетон дэр ачсан “Болд төмөр ерөө гол” ХХК-ийн харьяа “Монголиан транс ложистик” ХХК-ийн эзэмшлийн зүтгүүр, ачаатай 17 вагонтой галт тэрэг Хулангийн шанд зөрлөгт орж ирэх үедээ осолдож хөдлөх бүрэлдэхүүнүүд замаас гарсан.
 
“Монголиан транс ложистик” ХХК-ийн зүтгүүрийн машинч болон туслах машинч нь согтууруулах ундаа хэрэглэсэн нь тогтоогдсон бөгөөд хурд хэтрүүлснээс осол гарсан гэж урьдчилсан дүгнэлт гарсан байна. Зам, тээврийн хөгжлийн яамны төлөөллөөр ахлуулсан “Монголын төмөр зам” ТӨХК, УБТЗ ХНН, “Болд төмөр ерөө гол” ХХК, “Монголиан транс ложистик” ХХК -ийн хамтарсан сэргээн босголтын баг газар дээр нь шуурхай ажиллаж богино хугацаанд ослын үр дагаврыг арилгах арга хэмжээ авч гол замыг 09 дүгээр сарын 28-ны өдрийн 21 цаг 07 минутад хөдөлгөөнд нээлээ.
“Тавантолгой-Зүүнбаян” чиглэлийн төмөр замаар тээвэрлэлт хэвийн үргэлжилж байна.
Дэлгэрэнгүй унших
сурталчилгаа
Улстөр нийгэм2 цаг 39 минут

Төрийн банк хувьцааны захиалгын тоогоо нэмнэ

Улстөр нийгэм12 цаг 39 минут

Монгол Улсын 2023 оны төсвийн төслийг өргөн барилаа

Шударга мэдээ12 цаг 42 минут

Иргэд D.PARLIAMENT.MN цахим хуудсаар дамжуулан Ерөнхий сайдаас асуул...

Улстөр нийгэм12 цаг 48 минут

Монгол-Германы хамтарсан ашигт малтмал, технологийн их сургууль шинэ...

Улстөр нийгэм12 цаг 52 минут

УИХ-ын 2022 оны намрын чуулган өнөөдөр эхэлнэ

Шударга мэдээ12 цаг 57 минут

Онцгой комиссын өргөтгөсөн хуралдааныг зохион байгуулж, үүрэг чиглэл...

Чөлөөт цаг13 цагын өмнө

“Богдхан уулаа цэвэрлэе” аянд таван мянга гаруй оюутан, ...

Урлаг спорт13 цаг 4 минут

Морин хуурын чуулгад Монгол Улсын Соёлын элчийн гэрчилгээг гардуулла...

Чөлөөт цаг13 цаг 7 минут

Монголын сэтгүүл зүйн ахмадуудын анхдугаар чуулган болно

Чөлөөт цаг13 цаг 11 минут

Ээрмэлийн гудамжийг Туул гол гудамжтай холбосон авто замыг түр хаан...

Санал болгох