Цаг үе
Дэлгэцийн донтолтоос сэргийлье
Сүүлийн жилүүдэд цахим орчны хэрэглээ эрс нэмэгдэж хүмүүс дэлгэцийн ард ихэнх цагаа өнгөрөөх болсон. Эцэг эхчүүдийн хувьд хүүхэдтэйгээ цагийг өнгөрүүлэхээс илүү гар утас, дэлгэц, таб өгөх нь их их байдаг. Үүнээс шалтгаалан дэлгэцийн хэрэглээ хэт ихсэн донтож бие мах бод зан үйлийн өөрчлөлтөд орсон хойно нь дэлгэцэд донтчихлоо гэж халаглах нь бий.
Дэлгэцийн донтолтоос үүдэлтэйгээр сэтгэл хөдлөл түрэмгий, ууртай догшин болох, анхаарал тогтворгүйтэх, сэтгэл санаагаар хямрах шинж илэрч хүүхэд худлаа ярих, хичээлдээ сонирхолгүй болох, гэрээс дайжих, хорт зуршилд автах байдлаар сөрөг нөлөөллийг үзүүлдэг.
Мөн дэлгэцээр үзэж буй кино, контент, үзвэрээс хүчирхийллийн арга, хэлбэрийг сурч ухамсаргүйгээр үйлддэг, дуурайдаг тохиолдол гардаг. Хэрэв ийм тохиолдол ажиглагдвал та хүүхдэдээ анхаарал хандуулах зайлшгүй шаардлагатай.
Цаг үе
СЭРЭМЖЛҮҮЛЭГ: Банканд хуурамч ам.доллар солиулахыг завджээ
"Нэр бүхий банканд хуурамч валют илэрсэн" гэх дуудлага, мэдээлэл энэ оны 11-р сарын 18-ны өдөр цагдаагийн байгууллагад бүртгэгдсэн. Тодруулбал, нэр бүхий иргэн нь “Хуурамч 100 ам.доллар солиулахыг завдсан хэрэг”-ийг цагдаагийн байгууллагаас шалгаж байна.
Сүүлийн үед тусгай тэмдэглэгээ, дардастай хуурамч валют буюу кино зураг авалт, үзүүлэнгийн зориулалттай долларыг банк, валют арилжааны төвүүдэд солиулахыг завдаж буй үйлдэл бүртгэгдэн, цагдаагийн байгууллагад шалгагдаж байна.
Иймд гадаад валют худалдан авах гэж буй иргэд заавал баталгаат байгууллагаар үйлчлүүлэхийг зөвлөж байна.
Цаг үе
Хугацаат цэргийн алба хаагчид энэ сарын 29-нд тангараг өргөнө
Зэвсэгт хүчний нэгтгэл, ангиудад 2025 оны хоёрдугаар ээлжээр хугацаат цэргийн албанд татагдсан шинэ дайчдын Цэргийн тангараг өргөх ёслол арваннэгдүгээр сарын 29-нд болно. Хугацаат цэргийн алба хаагчид цэргийн анхан шатны сургалт бэлтгэлд хамрагдаж байгаа бөгөөд эр цэргийн тангараг өргөсний дараа цэргийн эрдэмд суралцаж, эх орноо батлан хамгаалахад нэн чухал цэргийн мэргэжил эзэмшинэ.
Мөн аймаг, нийслэл, дүүргийн Мэргэжлийн сургалт үйлдвэрлэлийн төвийн дэмжлэгтэйгээр хугацаат цэргийн алба хаагч хүсвэл тухайн орон нутагтаа хэрэгцээтэй гагнуурчин, цахилгаанчин, үсчин зэрэг 10 гаруй мэргэжлийг давхар эзэмшиж байгаа аж.
Цаг үе
Эмэнд тэсвэртэй сүрьеэгийн улмаас манай улсад жил бүр 15-20 хүн нас бардаг
