Бидэнтэй нэгдэх

Цаг үе

“Нэгдсэн хотууд болон орон нутгийн удирдлагын Дэлхийн конгресс” аравдугаар сард болно

Огноо:

,

Нэгдсэн хотууд болон орон нутгийн удирдлага олон улсын байгууллагын Дэлхийн конгресс аравдугаар сарын 10-14-ний өдрүүдэд Бүгд Найрамдах Солонгос Улс /БНСУ/-ын Дэйжон хотноо болно.

Энэ хүрээнд  Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн 2022 оны 8 дугаар сарын 29-ний өдөр Евроазийн бүс нутгийн "Нэгдсэн хотууд болон орон нутгийн удирдлага" байгууллагын Ерөнхий нарийн бичгийн дарга Сагитов Расих Кадимовичийг хүлээн авч уулзлаа. Нийслэлийн Засаг даргын орлогч Ж.Сандагсүрэн Улаанбаатар хотыг төлөөлж тус хуралд оролцохоор болжээ.

Улаанбаатар хотыг ногоон хөгжлийг эрхэмлэсэн хүртээмжтэй бөгөөд тогтвортой хот болгон хөгжүүлэх зорилгын хүрээнд, мөн "Нэгдсэн хотууд болон орон нутгийн удирдлага" олон улсын байгууллагын Евроазийн бүс нутгийн салбар зөвлөлийн гишүүний хувьд олон улсын хувьд тавцанд НҮБ-ын тогтвортой хөгжлийн зорилтыг нутагшуулахад нягт хамтран ажиллахыг зорьж байна гэдгээ Нийслэлийн Засаг даргын орлогч хэлж байлаа.

"Нэгдсэн хотууд болон орон нутгийн удирдлага" олон улсын байгууллагад дэлхийн 140 орны 240 гаруй хот, 175 хотын орон нутгийн удирдлагын холбоо хамаарагддаг байна. Мөн тус байгууллага нь Европ, Евроази, Латин Америк, Африк, Ойрх дорнод, Ази-Номхон далай, Хойд Америк болон Метрополис зэрэг долоон бүс нутагт салбаруудтай аж. Улаанбаатар хотын хувьд 2018-2021 онд тус байгууллагын Евроазийн бүс нутгийн салбарын Зөвлөлд албан ёсны гишүүнээр бүртгэгдсэн бөгөөд 2018, 2019 онд зохион байгуулагдсан хурлуудад амжилттай оролцсон билээ.

Энэхүү байгууллагад нэгдсэнээр дэлхийн хотуудын нэгдмэл, эвсэг байдал, хамтарч хүчээ нэгтгэх, өмнө тавьсан зорилтуудыг хамтран шийдвэрлэх чадвар боломж өндөр байгааг илтгэн хотуудын удирдлага, төлөөлөгчид цугларч тулгамдсан асуудал, түүнийг давж туулах туршлагаас танилцуулж ярилцах нь бусад хотын хувьд туршлага солилцох ач холбогдолтой юм.

Дэлгэрэнгүй унших
сурталчилгаа

Сэтгэгдэл

Цаг үе

Худалдаа эрхэлж буй 157 аж ахуйн нэгж, 477 иргэн хяналт шалгалтад хамрагдаад байна

Огноо:

,

Хяналт шалгалтыг улсын хэмжээнд нийт 12 удирдамж /СУЕБ-ын баталсан урьдчилан сэргийлэх 1, төлөвлөгөөт бус-1, аймгийн ХХААГ-ын даргын баталсан төлөвлөгөөт бус-10/ удирдамжийн хүрээнд нийт-668 /485 иргэн, 183 хуулийн этгээд/ газрыг хамруулан гүйцэтгэсэн.

Урьдчилан сэргийлэх хяналт шалгалтын хүрээнд:

ХХААХҮЯ-ны СУЕБ-ын баталсан 08-00-02/03 дугаартай удирдамжийн дагуу нийт 642 /иргэн-481, аж ахуйн нэгж-161/ газрыг хамруулан хяналт шалгалтыг гүйцэтгэсэн.

  • Хөвсгөл аймгийн Мөрөн суманд Мөсний баяр-2024 арга хэмжээг угтан Алаг-Эрдэнэ сум, Хатгал тосгонд урьдчилан сэргийлэх хяналт шалгалт хийгдэж байна.
  • 2024 оны 02 дугаар сарын 22-ны өдрийн байдлаар Нийслэл, аймгийн хэмжээнд үйл ажиллагаа явуулж байгаа зах, худалдааны төвүүдэд болон ил задгай худалдаа эрхэлж буй 157 аж ахуйн нэгж, 477 иргэн хяналт шалгалт хамрагдаад байна.

Төлөвлөгөөт бус хяналт шалгалтын хүрээнд:

Аймгийн ХХААГ-ын албаны даргын баталсан удирдамжийн дагуу нийт 26 /иргэн-4, аж ахуйн нэгж 22/  газрыг хамруулан гүйцэтгэсэн.

Илрүүлсэн зөрчил, шийдвэрлэлт:

Шалгалтын явцад нийт 157 зөрчил дутагдал илрүүлж 95 (60.1%)-ийг арилгуулан ажилласан байна. Илрүүлсэн зөрчилд холбогдох хууль тогтоомжийн хэрэгжилтийг хангуулахаар улсын (ахлах) байцаагчийн 51 заалт бүхий 5 албан шаардлага, 2 албан даалгавраар хугацаатай үүрэг даалгавар өгч, 275 заалт бүхий 89 зөвлөмжийг хүргүүлэн ажилласан.

ЗШШТХуулийн дагуу 18 зөрчлийг хялбаршуулсан журмаар шийдвэрлэж, 5 зөрчилд зөрчлийн хэрэг нээж, 14 хуулийн этгээд, 9 хүнд нийт 19.1 сая төгрөгийн шийтгэл оногдуулж, барагдуулан ажилласан байна.

Эх сурвалж: ХХААХҮЯ

Дэлгэрэнгүй унших

Цаг үе

БНХАУ-ын Нанжины орон сууцанд цахилгаан унадаг дугуйнаас гал гарч 15 хүн амиа алджээ

Огноо:

,

Өнгөрсөн баасан гарагийн өглөө Хятадын зүүн бүс нутагт орших орон сууцанд цахилгаан унадаг дугуйнаас гал гарсны улмаас 15 хүн амиа алджээ. Тус орон сууц 34 давхар байсан бөгөөд 44 хүн хүнд бэртсэн гэж CCTV мэдээллээ.

Галд өртсөн бүх хүнийг улсын эмнэлэгт хүргэсэн ба хоёрынх нь биеийн байдал хүнд байна. Урьдчилсан мөрдөн байцаалтын явцад барилгын задгай шатан дээр тавьсан цахилгаан унадаг дугуй шатсан байж болзошгүй гэж тус улсын телевизээс мэдээлжээ. Мөрдөн байцаалтын ажиллагаа үргэлжилж байгаа аж. Өглөөний 04:39 цагт дуудлагыг хүлээн авч, ослын газарт 20 гал унтраах машин илгээж, галыг өглөөний 06:00 цагт унтраасан.

Бямба гарагийн өглөө болсон хэвлэлийн бага хурал дээр Нанжин хотын дарга Чен Жичан олон нийтэд эмгэнэл илэрхийлж, амь үрэгдэгсдийн ар гэрийнхэн болон шархадсан хүмүүст гүнээ харамсаж байгаагаа илэрхийлэв гэж Нанжин хотын засгийн газрын албан ёсны WeChat хаягаар мэдэгдэв.

Сүүлийн жилүүдэд тус улсад цахилгаан унадаг дугуйтай холбоотой гал түймэр хэд хэдэн удаа гарсан. “Глобал таймс” сонины ерөнхий редактор асан Ху Сижин зэрэг зарим тоймчид бямба гарагт улам бүр түгээмэл болж буй энэ төрлийн тээврийн хэрэгсэлд хатуу зохицуулалт хийхийг уриалжээ.

Орчуулсан Б.Гэрэлзаяа

Дэлгэрэнгүй унших

Цаг үе

Улаанбаатарт өдөртөө 16 хэм хүйтэн

Огноо:

,

Малчид, иргэд, тээвэрчдэд зориулсан мэдээ: Ойрын 2 хоногт нутгийн зүүн хагаст жавартай хүйтэн, явган шуургатай байна.

2024 оны хоёрдугаар сарын 27-ны 08 цагаас 20 цаг хүртэл: Ихэнх нутгаар солигдмол үүлтэй. Баруун болон төвийн аймгуудын нутгийн зарим газраар цас орно. Салхи ихэнх нутгаар баруун хойноос секундэд 5-10 метр, говь, талын нутгаар секундэд 13-15 метр хүрч ширүүсэж, явган шуурга шуурна. Увс нуур болон Дархадын хотгор, Завхан голын эх, Идэр, Тэс голын хөндийгөөр 24-29 хэм, Хангай, Хөвсгөл, Хэнтийн уулархаг нутаг, Хүрэнбэлчир орчмоор 19-24 хэм, Орхон-Сэлэнгийн сав газар, Хараа, Ерөө, Туул, Тэрэлж, Онон, Улз, Хэрлэн голын хөндийгөөр 14-19 хэм, говийн бүс нутгийн өмнөд хэсгээр 5-10 хэм, бусад нутгаар 10-15 хэм хүйтэн байна.


УЛААНБААТАР ХОТ ОРЧМООР: Үүлшинэ. Цас орохгүй. Салхи баруун хойноос секундэд 6-11 метр. 14-16 хэм хүйтэн байна.

БАГАНУУР ОРЧМООР: Үүлшинэ. Цас орохгүй. Салхи баруун хойноос секундэд 6-11 метр. 15-17 хэм хүйтэн байна.

ТЭРЭЛЖ ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. 14-16 хэм хүйтэн байна.


2024 оны хоёрдугаар сарын 28-наас 2024 оны гуравдугаар сарын 03-ныг
хүртэлх цаг агаарын урьдчилсан төлөв

28-нд Хангай, Хөвсгөл, Хэнтийн уулархаг нутаг, Халх голын сав газраар, 29-нд хэмтийн уулархаг нутаг, Онон, Улз, Хэрлэн голын хөндийгөөр, 03 дугаар сарын 02-нд Увс нуурын хотгор болон Монгол-Алтай, Хөвсгөлийн уулархаг нутгаар цас орж, явган шуурга шуурна. Салхи ихэмх хугацаанд секундэд 5-10 метр, 28-29-нд говь, талын нутгаар секундэд 13-15 метр хүрч ширүүснэ. Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө 38-43 хэм, өдөртөө 26-31 хэм, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Хараа, Ерөө, Туул, Тэрэлж, Хэрлэн голын хөндийгөөр 30-35 хэм, өдөртөө 18-23 хэм, говийн бүс нутгийн өмнөд хэсгээр шөнөдөө 14-19 хэм, өдөртөө 4-9 хэм, Их нууруудын хотгор, говийн бүс нутгийн хойд хэсгээр шөнөдөө 19-24 хэм, өдөртөө 9-14 хэм, бусад нутгаар шөнөдөө 23-28 хэм, өдөртөө 13-18 хэм хүйтэн байна. 1-нд нутгийн баруун хэсгээр, 2-нд ихэнх нутгаар хүйтний эрч суларна.

Дэлгэрэнгүй унших

Санал болгох