Улстөр нийгэм
Нийслэлийн ИТХ-ын эмэгтэй төлөөлөгчид голт бор мод тарилаа
Бүх нийтээр мод тарих үндэсний өдрийг тохиолдуулан Нийслэл болон дүүргийн Иргэдийн Хурлын эмэгтэй Төлөөлөгчид мод тарилаа. Энэ хүрээнд Үндэсний цэцэрлэгт хүрээлэнд өнөөдөр иргэд, аж ахуй нэгж, байгууллагууд хамтран мод тарьж байна.
Энэ талаар Нийслэлийн ИТХ-ын төлөөлөгч, Үндэсний цэцэрлэгт хүрээлэнгийн дарга Ү.Оюунзул “Уур амьсгалын өөрчлөлт дэлхий нийтэд тулгамдсан асуудал болж байна. Монгол улсын хувьд нийт газар нутгийн 76,9 хувь цөлжилттэй. Цөлжилтийн эсрэг бидний хийж чадах хамгийн үр дүнтэй зүйл бол мод тарих юм. Энэ жилийн хувьд “Тэрбум мод” үндэсний хөдөлгөөн эхэлсэнтэй холбогдуулан өмнө жилүүдээс 5 дахин их буюу 120,000 мод тарина. 20,000 ширхэг модыг цэцэрлэгжүүлэлтийн хэлбэрээр, 100,000 модыг Туул голын эргийн хамгаалалтад ойжуулалтын хэлбэрээр тарьж байна. Байгаль дэлхийдээ бодитой хувь нэмэр оруулж, мод тарихаар ирсэн та бүхэндээ чин сэтгэлээсээ талархъя” гэлээ.
Мөн Нийслэлийн ИТХ-ын Эмэгтэйчүүдийн зөвлөлийн дарга Б.Мягмар “Мод тарихаар хуран цугласан та бүхэндээ Нийслэл, дүүргийн Иргэдийн Хурлын эмэгтэй Төлөөлөгчдийн өмнөөс талархал илэрхийлье. Нийслэлийн ИТХ-ын эмэгтэйчүүд өнгөрсөн онд Үндэсний цэцэрлэгт хүрээлэнтэй хамтран “Гэр бүлийн төгөл”-д 500 мод тарьсан. Энэ онд дүүргийнхээ төлөөлөгчидтэй нэгдэж 1000 мод тарихаар зорьж байна. Бидний тарьсан мод бүр ургаж, нийслэлийн ногоон байгууламжид хувь нэмэр оруулна гэдэгт итгэлтэй байна” гэв.
Нийслэлийн ИТХ-ын эмэгтэй Төлөөлөгчид Үндэсний цэцэрлэгт хүрээлэнд голт бор мод суулгасан юм. Бүх нийтээр мод тарих өдрүүдэд 110 000 ширхэг модыг 50 гаруй байгууллага, 3000 гаруй иргэдтэй хамтран тарина. Намрын мод тарилтаар голт бор, монос, тэхийн шээг, өрөл, гүйлс, буйлс, даланхайс, үхрийн нүд, агч, хайлаас, шар хуайс, долоогоно, улиас зэрэг 10 төрлийн мод тарьж байгаа юм.
Улстөр нийгэм
“Гашуунсухайт-Ганцмод” боомтын хил дамнасан төмөр замын гүүрийг хамтран барих тухай төслийг дэмжив
Засгийн газрын хуралдаанаар “Гашуунсухайт-Ганцмод” боомтын хил дамнасан төмөр замын гүүрийг хамтран барих тухай Монгол Улсын Засгийн газар, Бүгд Найрамдах Хятад Ард Улсын Засгийн газар хоорондын хэлэлцээр”-ийн төслийг хэлэлцэн дэмжлээ.
Гадаад харилцааны яамнаас төслийн хэлэлцээг ахлан Хятадын талтай тохиролцох ажлыг амжилттай удирдан зохион байгуулсны дүнд 10 гаруй жил гацаад байсан Монгол, Хятадын “Гашуунсухайт-Ганцмод” боомтын хил дамнасан төмөр замыг холбох, түүний бүтээн байгуулалтыг эхлүүлэх эрх зүйн үндэс нь тавигдаж байна.
Энэхүү хэлэлцээрээр Монгол, Хятадын “Гашуунсухайт-Ганцмод” төмөр замын боомтын улсын хилийн шугам дайран өнгөрөх цэг дээр төмөр замын гүүрийн тулгуур, бусад объектын барилга угсралтын ажлыг хамтран гүйцэтгэх харилцааг зохицуулах юм.
Улстөр нийгэм
Хөгжлийн банкны гэх хэргийн талаарх шийдвэрийг нээлттэй байршуулна
Улстөр нийгэм
Эрүүл мэндийн цахим шилжилтийг эрчимжүүлэхийг үүрэг болголоо
Засгийн газрын ээлжит хуралдаан 2024 оны гуравдугаар сарын 27-нд болж, Монгол Улсын Ерөнхий сайдын захирамжаар байгуулагдсан Ажлын хэсэг Эрүүл мэндийн цахим шилжилтийг эрчимжүүлэх ажлын хүрсэн үр дүнгийн талаар Засгийн газрын гишүүдэд танилцууллаа.
Үүнтэй холбогдуулан эрүүл мэндийн тусламж, үйлчилгээг төрийн үйлчилгээний нэгдсэн систем “И-Монгол”-д нэгтгэх ажлыг үе шаттай зохион байгуулах, эрүүл мэндийн төрөлжсөн мэдээллийн санд шаардлагатай тоног төхөөрөмжийг батлагдсан төсөвтөө багтаан шийдвэрлэх, иргэдэд зориулсан нөлөөллийн аян өрнүүлэх, эрүүл мэндийн төрөлжсөн мэдээллийн санг мэдээлэл солилцоход дэмжлэг үзүүлж ажиллахыг холбогдох Засгийн газрын гишүүд, байгууллагын удирдлагад даалгав.
Тус салбарт үйл ажиллагаа явуулдаг төрийн болон хувийн хэвшлийн байгууллагад 30 гаруй мянган эмч, эмнэлгийн мэргэжилтэн өдөр тутмын үйл ажиллагаандаа 10 гаруй программ хангамж ашиглаж,давхардсан тоогоор амбулаторийн 20 сая үзлэг, хэвтүүлэн эмчлэхийн нэг сая эмчилгээ, үйлчилгээгбүртгэж, хувь хүний эрүүл мэндийн дуу, дүрс бүхий өгөгдөл, мэдээллийг цуглуулан, оношилгоо, эмчилгээ үйлчилгээнд ашиглаж байна.
Эрүүл мэндийн салбарт цахим шилжилтийг эрчимжүүлэх ажлын хүрээнд систем хооронд мэдээлэл солилцох боломжийг бүрдүүлэх асуудлыг судалж санал боловсруулах Ажлын хэсэг Ерөнхий сайдын захирамжаар байгуулагдсан.
Төрийн цахим үйлчилгээний нэгдсэн систем /И-Монгол/-д эмийн жор, дүрс оношилгооны дүгнэлт, шинжилгээний хариу, хүүхдийн урьдчилан сэргийлэх тарилгын гэрчилгээ, амбулаториор эмчлүүлэгчдийн карт, жирэмсэн эмэгтэйн хяналтын хөтөч карт, эх, хүүхдийн эрүүл мэндийн дэвтрийг цахим хэлбэрт бүрэн шилжүүлэн нээхэд бэлэн болоод байна.
Сэтгэгдэл