Цаг үе
Орон сууцны ашиглалтын тухай хуулийн шинэчилсэн найруулгын төсөл боловсруулах ажлын хэсэг хуралдлаа
Барилга, хот байгуулалтын сайдын тушаалаар байгуулагдсан “Орон сууцны ашиглалтын тухай хуулийн /шинэчилсэн найруулга/ төсөл боловсруулах ажлын хэсэг өчигдөр хуралдлаа.
Төрийн нарийн бичгийн дарга С.Магнайсүрэнгээр ахлуулсан ажлын хэсгийн хуралдаанаар шинээр боловсруулан бэлдсэн Орон сууцны ашиглалтын тухай хуулийн /шинэчилсэн найруулга/ төслийг танилцуулж, хэлэлцүүлэг өрнүүллээ.
Орон сууцны ашиглалтын тухай хуулийн шинэчилсэн найруулгыг боловсруулах ажлын хэсэгт Барилга, хот байгуулалтын яам, Сангийн яам, Эрчим хүчний зохицуулах хороо, Мэргэжлийн хяналтын ерөнхий газар, Нийслэлийн Засаг даргын тамгын газар, Монголын орон сууц, нийтийн аж ахуйн үйлчилгээний ажилтны үйлдвэрчний эвлэлийн холбоо, Нийтийн аж ахуйн хөгжлийн төв” ТББ, “Монголын сууц өмчлөгчдийн холбоодын дээд зөвлөл” ТББ, “Монголын эрх зүйн орчны хөгжлийн холбоо” ТББ, Хувийн орон сууцны байгууллагуудын төлөөлөл багтаж байна.
Ажлын хэсгийн дарга, Барилга, хот байгуулалтын яамны Төрийн нарийн бичгийн дарга боловсруулсан төсөлтэй холбоотойгоор дараах үүрэг, чиглэлийг ажлын хэсгийн гишүүдэд өглөө. Үүнд:
-Газрын тухай багц хуулийн төсөлтэй уялдуулж, хуулийн төсөлд шаардлагатай боловсруулалтуудыг нэмж хийх;
-Практикт гарч буй хүндрэлтэй асуудлуудыг хуулийн төсөлд тусган, шийдвэрлэх зохицуулалтуудыг боловсруулахад онцгой анхаарах;
-Нийслэлийн холбогдох байгууллагуудтай хуулийн төслийн талаар уулзалт, хэлэлцүүлгүүдийг удаа дараа зохион байгуулах;
-Сууц өмчлөгчид, сууц өмчлөгчдийн холбоо, хангагч байгууллагуудтай хэсэгчилсэн уулзалт, хэлэлцүүлэг зохион байгуулж, саналыг нь авах багтжээ.
Эх сурвалж: БХБЯ
Цаг үе
Тэмбүүгийн өвчлөл 154 тохиолдлоор өсжээ
2023 оны жилийн эцсийн байдлаар Монгол Улсын хэмжээнд бэлгийн замаар дамжих халдварт өвчний 10245 тохиолдол бүртгэгдсэн нь нийт халдварт өвчний 25 хувийг эзэлж байна.
Бэлгийн замаар дамжих халдварт өвчний 4206 /41.1 хувь/ тохиолдлыг тэмбүү, 3579 /34.9 хувь/ тохиолдлыг заг хүйтэн, 2437 /23.8 хувь/ тохиолдлыг трихомониаз эзэлж байна.
Өнгөрсөн оны мөн үетэй харьцуулахад тэмбүүгийн өвчлөл 154 тохиолдлоор өссөн байна гэж Нийгмийн эрүүл мэндийн үндэсний төвөөс мэдээллээ.
Цаг үе
Сонсголонгийн гүүрийн нэг талын чиглэлийн тээврийн хэрэгслийн зорчих хэсгийн хөдөлгөөнийг хаана
Хан-Уул дүүргийн 8, 9-р хороо Сонсголонгийн 289.4 У/М гүүрийн засвар, арчлалтын ажлын хүрээнд тус гүүрийн зорчих хэсгийн зүүн талын /хойш/ чиглэлийн эгнээг хааж тээврийн хэрэгслийн хөдөлгөөнийг баруун талын /урагш/ чиглэлийн эгнээгээр түр зорчих тээврийн хэрэгслийн хөдөлгөөнийг зохион байгуулж байна.
Тус ажлын хүрээнд Сонсголонгийн 289.4 У/М гүүрийн орох хэсгийн дамжих хавтан болон 2, 4, 6, 7 дугаар алгаслал хооронд зорчих хэсгийн хүчитгэж асфальтбетон хучилтын ажил хийгдэнэ.
Гүүрийн засварын ажил 2024 оны 04 дүгээр сарын 25-ны 23 цагт эхэлж, 04 дүгээр сарын 26-нд дуусахаар төлөвлөж байна.
Иймд иргэд, жолооч та бүхэн дээрх хугацаанд түр замын хөдөлгөөний зураглалын дагуу хөдөлгөөнд оролцоно уу хэмээн Нийслэлийн Замын хөгжлийн газраас мэдээллээ.
Цаг үе
Энэ сарын 25, 26, 27, 28-нд нөөцийн махны өргөтгөсөн худалдааг зохион байгуулна
2024 оны дөрөвдүгээр сарын 25, 26, 27, 28-ны өдрүүдэд 9 дүүргийн 28 байршилд нөөцийн махны өргөтгөсөн худалдааг зохион байгуулна. 2024 оны гуравдугаар сарын 11-ний өдрөөс 9 дүүргийн 375 хүнсний дэлгүүрээр нөөцийн махыг худалдаалж байсан.
Нэмэлтээр 7 хоног бүр хуваарийн дагуу өргөтгөсөн худалдааг зохион байгуулж байна гэж Улаанбаатар хотын Захирагчийн ажлын албанаас мэдээллээ.
Сэтгэгдэл