Улстөр нийгэм
Гар урлаачдын бүтээлийг олон улсын зах зээлд гаргана
“Соёлын бүтээлч сар” аяны хүрээнд нийслэл болон хөдөө орон нутгийн гар урлаачдын 2000 гаруй бүтээлийг дэлгэсэн арга хэмжээ болж байна.
Соёлын яам, “Нийслэлийн Жижиг, дунд үйлдвэр, үйлчилгээг дэмжих төв” НӨҮГ-тай хамтран “Уламжлалт гар урлалыг дэмжих хөгжүүлэх боломж, шийдэл-2022” цогц арга хэмжээг зохиож байгаа юм. Энэ хүрээнд гар урлаачдыг чадавхжуулах сургалт хэлэлцүүлэг мөн болно. Соёлын сайд Ч.Номин энэ талаар “Энэ удаагийн цогц арга хэмжээний хүрээнд гар урлаачдынхаа бүтээлийг бүтээгдэхүүн болгох, үйлдвэржилтэд шилжихэд хэрхэн дэмжлэг үзүүлэх вэ гэдэгт түлхүү чиглэсэн. Өнөөдрийн арга хэмжээнд ирсэн бүтээлүүдээс хөгжүүлэлт, бойжуулалт хийж олон улсын зах зээлд гаргахад анхаарч байна. Гар урлаачдын бүтээл бүтээгдэхүүн болж эдийн засгийн эргэлтэд орсноор олон улсын зах зээлд гарах боломж бүрдэх юм. Цаашлаад 2023-2024 оныг аялал жуулчлал, Монголд зочлох жил болгож байгаа. Тэгэхээр Монголыг зорих аялагч, жуулчдын тоо нэмэгдэнэ. Энэ утгаараа монгол ахуй соёлоо харуулсан бүтээгдэхүүн үйлчилгээгээ дэмжих нь чухал” гэв.
Нийслэлийн ИТХ-ын төлөөлөгч, Нийслэлийн Жижиг, дунд үйлдвэр, үйлчилгээг дэмжих төв НӨҮГ-ын дарга Г.Гангамөрөн “ Улаанбаатар хотын хэмжээнд 43 мянган ААН, 674 мянган жижиг дунд үйлдвэр, үйлчилгээг эрхэлж байна. Нийслэлийн хэмжээнд 30 мянган гар урлаач бий. Энэхүү арга хэмжээгээр олон улсын чиг баримжаатай шилдэг 100 бүтээлийг шалгаруулж, батламж гардуулна. Бид Азийн хөгжлийн банктай анхан шатны гэрээ, аман хэлэлцээр хийсэн. Мөн олон улсын зах зээлд гаргахын тулд 1-3 жилийн хугацаанд нийслэлийн ЖДҮҮ-ийг дэмжих төв гар урлаачидтай хамтран ажиллана” хэмээн хэлсэн юм.
ЖДҮҮ-ний салбар Монгол улсын нийт хөдөлмөрийн зах зээлийн 70 гаруй хувийг, ДНБ-ий 18.3 хувь, нийт экспортын орлогын 2.4 хувийг бүрдүүлдэг. Энэхүү форум цогц арга хэмжээгээр ЖДҮҮ салбарын эдийн засгийн чадамжийг нэмэгдүүлэх, олон улсын зах зээлд гаргах ач холбогдолтой болж буйгаараа онцлог.
Энэ талаар Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн “Хүмүүсийн хэрэглээнд болон дэлхийн зах зээлд нэвтрэхүйц бизнесийн арга ухаан бидэнд дутмаг байсаар байна. Бид дүүргүүд дээр буй дэд төвүүдийг гар урлалын бүтээгдэхүүн үйлдвэрлэдэг төвүүд болгон хөгжүүлж байгаа. Чингэлтэй дүүргийн төв дээр байгаа бизнес төв яг энэ зарчмаар хөгжсөн” гэлээ.
Үзэсгэлэнд монгол үндэсний хувцас урлал, эсгий урлал, монголын уламжлалт арьс ширэн эдлэл, монгол зураг, уламжлалт сийлбэр, уран хатгамал, оёдол, нэхэх, сүлжмэл, наамал урлал болон үндэсний хөгжмийн зэмсэг, мал аж ахуйн тоног хэрэгсэл, монгол дарханы уламжлалт арга ухаанаар бүтсэн олон төрлийн бүтээлүүд багтаж байгаа юм.
Улстөр нийгэм
ЗГ: Эм, эмнэлгийн хэрэгслийн тухай хуулийн шинэчилсэн найруулгын төслийг өргөн мэдүүлнэ
Засгийн газрын ээлжит хуралдаан 2024 оны дөрөвдүгээр сарын 24-нд болж дараах асуудлыг хэлэлцэн шийдвэрлэлээ.
Эм, эмнэлгийн хэрэгслийн тухай хуулийн шинэчилсэн найруулгын төсөл, түүнтэй холбогдуулан бусад хуульд нэмэлт, өөрчлөлт оруулах хуулийн төслийг хэлэлцээд УИХ-д өргөн мэдүүлэхээр тогтлоо.
Эм, эмнэлгийн хэрэгсэл, биологийн идэвхт бүтээгдэхүүний үнэ, чанарын өнөөгийн байдалд хяналт шалгалт, үнэлгээ хийсэн.
Үнэлгээнд хамрагдсан эмийн 90 гаруй хувьд 45 хүртэл хувиар нэмэгдсэн, дотоодын үйлдвэрийн дийлэнх эмийн бөөний үнэ 40-өөс дээш хувиар нэмэгджээ. Иймд иргэд эрүүл мэндийн тусламж, үйлчилгээ авахдаа санхүүгийн эрсдэлд орохоос сэргийлэх, бууруулах зорилгоор эмийн үнийн зохицуулалтын хууль, эрх зүйн орчныг боловсронгуй болгох хэрэгцээ, шаардлага байна.
Нийгмийн эрүүл мэндийн ноцтой байдал, гамшгийн үеийн эрүүл мэндийн тусламж үйлчилгээний нөөцийн бэлэн байдлыг хангах, яаралтай горимоор тусламж үйлчилгээнд нэвтрүүлэх эм, эмнэлгийн хэрэгслийг бүртгэх, хадгалах, эмийн нөөц бүрдүүлэхтэй холбогдсон эрх зүйн зохицуулалтыг илүү оновчтой болгох шаардлагатай байгааг 2020 оны коронавируст халдварын цар тахлын сургамж харуулсан.
Эм, эмнэлгийн хэрэгслийн тухай хууль /Шинэчилсэн найруулга/ хэрэгжиж эхэлснээр эм, эмнэлгийн хэрэгслийн зохицуулалт олон улсын жишигт хүрэх ач холбогдолтой гэж үзэж байна.
Улстөр нийгэм
Ерөнхий сайд Л.Оюун-Эрдэнэ Бүгд Найрамдах Киргиз Улсын Парламент Жогорку Кенеш-ийн дарга Н.Шакиевт бараалхав
Mонгол Улсын Ерөнхий сайд Л.Оюун-Эрдэнэ Монгол Улсад албан ёсны айлчлал хийж буй Бүгд Найрамдах Киргиз Улсын Парламент Жогорку Кенеш-ийн дарга Нурланбек Шакиевт бараалхлаа.
Ерөнхий сайд Л.Оюун-Эрдэнэ Киргиз Улсын Парламентын даргын түвшинд анх удаа хийж буй уг айлчлалд Монгол Улсын Засгийн газар өндөр ач холбогдол өгч байгааг тэмдэглээд энэхүү айлчлал нь манай хоёр улсын уламжлалт найрсаг харилцааг гүнзгийрүүлэн хөгжүүлэх, хамтын ажиллагааг бүхий л салбарт өргөжүүлэхэд чухал хувь нэмэр оруулна гэдэгт итгэлтэй байгаагаа илэрхийлэв.
Мөн Монгол, Киргизийн найрсаг харилцааг өргөжүүлэн хөгжүүлэх, эдийн засгийн агуулгаар баяжуулах зорилгоор Монгол Улсын Ерөнхий сайдын хувиар 2023 онд Киргиз Улсад анх удаа айлчилсныг дурдаад айлчлалын үр дүнд худалдаа, эдийн засаг, боловсрол, уул уурхай зэрэг салбарын хамтын ажиллагаа өргөжин хөгжиж, тэр дундаа алт цэвэршүүлэх салбарын хамтын ажиллагааны эхлэл тавигдсанд сэтгэл хангалуун буйгаа тэмдэглэлээ.
Уулзалтын үеэр талууд сүүлийн жилүүдэд хоёр улсын харилцаа, хамтын ажиллагаа эрчимжиж, улс төрийн яриа хэлэлцээ, харилцан итгэлцэл идэвхжиж байгааг онцлоод дээд, өндөр түвшний айлчлалын үеэр яригдсан асуудлуудыг бодит ажил хэрэг болгоход хүчин чармайлт гарган нягт хамтран ажиллахаа харилцан нотлов. Түүнчлэн цаашид худалдааны эргэлтийг нэмэгдүүлэх, аялал жуулчлал, боловсрол, хөдөө аж ахуй, уул уурхайн салбарын хамтын ажиллагааг өргөжүүлэх, Монгол, Киргизийн харилцааны бэлгэ тэмдэг, нэрийн хуудас болсон хөдөө аж ахуй, хөнгөн үйлдвэрийн салбарт хамтарсан төсөл хөтөлбөр хэрэгжүүлэх боломжийн талаар ярилцлаа.
Улстөр нийгэм
УИХ: Энэ долоо хоногт чуулганы нэгдсэн хуралдаанаар
Монгол Улсын Их Хурлын 2024 оны Хаврын чуулганы энэ долоо хоногийн /2024.04.25-26/ нэгдсэн хуралдааны тов, хэлэлцэх асуудлуудыг танилцуулж байна.
Сэтгэгдэл