Бидэнтэй нэгдэх

Цаг үе

"Дарсны хот"-оор аялахуй...

Огноо:

,

Бид дэлхийн сонин содон, гайхамшигтай барилга байгууламжуудын талаарх мэдээллийг цувралаар хүргэж байгаа. Энэ удаад Франц улсын Бордо хотын “Cité du Vin” буюу “Дарсны хот” музейг танилцуулж байна.

Франц улс, тэр дундаа тус улсын Бордо хот сайн чанарын дарс үйлдвэрлэдгээрээ олон улсад зартай. Энэ онцлогийг тусгасан шинэ музейн үзмэрүүдэд дарс өөрөө багтаагүй ч дарсны тухай мэдлэг ойлголтыг шинэ технологийн тусламжтай олон нийтэд танилцуулах юм.

81 сая долларын өртгөөр боссон гэгдэх “Дарсны хот” музейн барилгын өвөрмөц загварыг хундаганд цалгиж байгаа дарснаас санаа авч бүтээжээ. Музейн бас нэг онцлог нь технологийн дэвшлийг ашигласан дарсны түүхийг өгүүлэх мультмедиа өрөөнүүд юм. Нэг өрөөнд 3 аварга дэлгэцийн тусламжтайгаар дэлхийн 5 тивийн дарсны усан үзэм тариалдаг талбайнуудаар зочлох боломж олдоно.

Өөр нэг өрөөнд усан үзэм тариалангийн бүс нутгийн талаар ойлголт өгч, олон өнцгөөр байрлуулсан дэлгэц бүхий ширээн дээр ийм тариалангийн дижитал хувилбартай танилцуулах юм. Энэ дижитал тариаланд 4 улирал ээлжилж, үүл нүүн, бороо орохыг ч харах боломж байна. Эртнээс дарс гэх ундааг далайн тээврээр олон бүс нутагт худалдаалж ирсэн түүхтэй. Иймээс түүхэн дэх худалдааны гол замуудаар далайн тээвэр хийж байгаа мэдрэмжийг авах 4 хэмжээст технологийн өрөөг ч байгуулжээ. Бас нэг хөгжилтэй зүйл гэвэл тус музейд байрлуулсан “Цөхрөлийн сандал”. Дарсны шарталтад зориулсан энэхүү аварга сандал дээр суухад хэт согтуурсандаа харамссан уран бүтээлч, яруу найрагчид гансралын түүхээ ярьдаг байна.

Францчууд шарталтыг хүртэл урлагийн бүтээл туурвих сэдэв болгож чаддагийг энэ сандал харууллаа гэж зарим шинжээч хошигнон дүгнэж байгаа юм. Үүнээс өөр олон зориулалттай шинэ технологийн өрөөнүүд Бордо хотын дарсны музейд багтсан байна. Музейн байранд дарс уух боломжгүй ч, тус барилгын 8 дугаар давхар дахь задгай галерейд 20 төрлийн тансаг зэрэглэлийн дарснаас сонгон хүртэж болно. Энэ үйлчилгээний үнийг музейн удирдлага тасалбарын үнэд багтаасан байдаг.

Олны дунд алдаршаад байгаа “Дарсны музей” 2016 онд албан ёсны нээлтээ хийсэн юм.


Дэлгэрэнгүй унших
сурталчилгаа

Сэтгэгдэл

Цаг үе

Тэмбүүгийн өвчлөл 154 тохиолдлоор өсжээ

Огноо:

,

2023 оны жилийн эцсийн байдлаар Монгол Улсын хэмжээнд бэлгийн замаар дамжих халдварт өвчний 10245 тохиолдол бүртгэгдсэн нь нийт халдварт өвчний 25 хувийг эзэлж байна.

Бэлгийн замаар дамжих халдварт өвчний 4206 /41.1 хувь/ тохиолдлыг тэмбүү, 3579 /34.9 хувь/ тохиолдлыг заг хүйтэн, 2437 /23.8 хувь/ тохиолдлыг трихомониаз эзэлж байна.

Өнгөрсөн оны мөн үетэй харьцуулахад тэмбүүгийн өвчлөл 154 тохиолдлоор өссөн байна гэж Нийгмийн эрүүл мэндийн үндэсний төвөөс мэдээллээ. 

Дэлгэрэнгүй унших

Цаг үе

Сонсголонгийн гүүрийн нэг талын чиглэлийн тээврийн хэрэгслийн зорчих хэсгийн хөдөлгөөнийг хаана

Огноо:

,

Хан-Уул дүүргийн 8, 9-р хороо Сонсголонгийн 289.4 У/М гүүрийн засвар, арчлалтын ажлын хүрээнд тус гүүрийн зорчих хэсгийн зүүн талын /хойш/ чиглэлийн эгнээг хааж тээврийн хэрэгслийн  хөдөлгөөнийг баруун талын /урагш/ чиглэлийн эгнээгээр түр зорчих тээврийн хэрэгслийн хөдөлгөөнийг зохион байгуулж байна.

Тус ажлын хүрээнд Сонсголонгийн 289.4 У/М гүүрийн орох хэсгийн дамжих хавтан болон 2, 4, 6, 7 дугаар алгаслал хооронд зорчих хэсгийн  хүчитгэж  асфальтбетон хучилтын ажил хийгдэнэ.

Гүүрийн засварын ажил 2024 оны 04 дүгээр сарын 25-ны 23 цагт эхэлж, 04 дүгээр сарын 26-нд дуусахаар төлөвлөж байна.

Иймд иргэд, жолооч та бүхэн дээрх хугацаанд түр замын хөдөлгөөний зураглалын дагуу хөдөлгөөнд оролцоно уу хэмээн Нийслэлийн Замын хөгжлийн газраас мэдээллээ.

Дэлгэрэнгүй унших

Цаг үе

Энэ сарын 25, 26, 27, 28-нд нөөцийн махны өргөтгөсөн худалдааг зохион байгуулна

Огноо:

,

2024 оны дөрөвдүгээр сарын 25, 26, 27, 28-ны өдрүүдэд 9 дүүргийн 28 байршилд нөөцийн махны өргөтгөсөн худалдааг зохион байгуулна. 2024 оны гуравдугаар сарын 11-ний өдрөөс 9 дүүргийн 375 хүнсний дэлгүүрээр нөөцийн махыг худалдаалж байсан. 

Нэмэлтээр 7 хоног бүр хуваарийн дагуу өргөтгөсөн худалдааг зохион байгуулж байна гэж Улаанбаатар хотын Захирагчийн ажлын албанаас мэдээллээ. 

Дэлгэрэнгүй унших
сурталчилгаа
Шударга мэдээ3 цаг 55 минут

Зэсийн баяжмалын арилжаа зохион байгуулна

Цаг үе3 цаг 58 минут

Тэмбүүгийн өвчлөл 154 тохиолдлоор өсжээ

Цаг үе4 цаг 1 минут

Сонсголонгийн гүүрийн нэг талын чиглэлийн тээврийн хэрэгслийн зорчих...

Урлаг спорт4 цаг 4 минут

Д.Цолмон пара туялзуур сэлэмний Ази тивийн хүрэл медалийн болзол хан...

Шударга мэдээ4 цаг 7 минут

"Хангай" зочид буудлын эзэмшигчид татвараа нөхөж төлөх, ба...

Улстөр нийгэм4 цаг 23 минут

ЗГ: Эм, эмнэлгийн хэрэгслийн тухай хуулийн шинэчилсэн найруулгын төс...

Цаг үе4 цаг 32 минут

Энэ сарын 25, 26, 27, 28-нд нөөцийн махны өргөтгөсөн худалдааг зохио...

Улстөр нийгэм4 цаг 39 минут

Ерөнхий сайд Л.Оюун-Эрдэнэ Бүгд Найрамдах Киргиз Улсын Парламент Жог...

Улстөр нийгэм4 цаг 43 минут

УИХ: Энэ долоо хоногт чуулганы нэгдсэн хуралдаанаар

Цаг үе4 цаг 45 минут

Хангайн уулархаг нутгаар цас орж, цасан шуурга шуурна

Санал болгох