Урлаг спорт
Өвлийн биеийн тамир, спортын арга хэмжээний нээлт боллоо
Нийслэлийн иргэд, хүүхэд залуус, нутгийн захиргааны байгууллагуудын ажилтан, албан хаагчдыг спортын арга хэмжээнд идэвхтэй оролцуулах, бие бялдрыг нь чийрэгжүүлэх, хөдөлгөөний хомсдлоос сэргийлэх зорилгоор Нийслэлийн Засаг даргын захирамжийн дагуу Өвлийн биеийн тамир, спортын арга хэмжээг зохион байгуулахаар болсон билээ. Тэгвэл энэхүү арга хэмжээг Хандгайтын “Янзага” зусланд хоёрдугаар сарын 11-нд Нийслэлийн нутгийн захиргааны байгууллагуудын цасны баяраар нээлээ.
Арга хэмжээг Нийслэлийн Засаг даргын Тамгын газрын дарга И.Баатархүү, НИТХ-ын Нарийн бичгийн дарга бөгөөд Ажлын албаны дарга Б.Батбямба, Нийслэлийн Биеийн тамир, спортын газрын дарга Ж.Ганболд нар нээж үг хэлсэн бөгөөд Нийслэлийн нутгийн захиргааны байгууллагуудын төлөөлөл 2000 ажилтан, албан хаагч, иргэд оролцсон юм.
Өвлийн биеийн тамир, спортын арга хэмжээний нээлтийн галт бамбарыг Монгол Улсын гавъяат тамирчин, Үндэсний шигшээ багийн хүндийн өргөлтийн тамирчин, Дэлхийн аварга, Дэлхийн цомын аварга М.Анхцэцэг асаалаа.
Нийслэлийн хэмжээнд нэг сарын хугацаанд үргэлжлэх уг арга хэмжээний хүрээнд гүйлтийн цана, снөүбоард, хоккей, мөсөн сурын харваа зэрэг өвлийн спортын төрлүүдээр тэмцээн уралдаан, өдөрлөгүүдийг зохион байгуулна.
Урлаг спорт
“Парис-2024”-д ажиллах сайн дурынхныг бүртгэж эхэллээ
“Парис-2024” зуны олимп болон паралимпын наадмын үеэр сайн дурын 45 мянган хүн ажиллана. Тэдгээр сайн дурын ажилтны бүртгэх ажлыг Зохион байгуулах хорооноос эхлүүлсэн байна.
Энэ оны тавдугаар сарын 3 хүртэл үргэлжэх тус бүртгэлд хамрагдахын тулд дараах гурван шаардлагыг хангасан байх шаардлагатай аж. Үүнд:
- 2024 оны нэгдүгээр сарын 1-ний байдлаар 18 нас хүрсэн байх,
- Франц, англи хэлний аль нэгээр ярьж чаддаг байх,
- 2024 оны долдугаар сарын 12-ноос есдүгээр сарын 10-ны хооронд дор хаяж 10 өдөр ажиллах боломжтой байх,
Хэрэв та эдгээр шаардлагыг хангаж байгаа, сайн дурын ажилтнаар өөрийгөө сориод үзэхийг хүсэж байвал https://www.paris2024.org/en/volunteers хаягаар зочлон мэдээлэл авах боломжтой гэж зохион байгуулагчдын зүгээс мэдэгдэжээ.
Урлаг спорт
Катар Улсын Доха хотноо “Welcome тo Mongolia” арга хэмжээг зохион байгууллаа
Монгол Улсын Засгийн газар 2023, 2024, 2025 оныг “Монголд зочлох” аялал жуулчлалын жил болгон зарласан, мөн энэ онд Монгол, Катарын хооронд дипломат харилцаа тогтоосны 25 жилийн ой тохиож буйтай холбогдуулан Монгол Улсыг Катар Улсад сурталчлан таниулах зорилготой соёлын арга хэмжээг 2023 оны гуравдугаар сарын 6-ний өдөр Монгол Улсаас Катар Улсад хавсран суугаа Элчин сайдын яам Монгол Улсын Гадаад харилцааны яам, Соёлын яам, Байгаль орчин, аялал жуулчлалын яам, Катар Улсын соёл урлагийн сан “КАТАРА”-тай хамтран “Welcome to Mongolia” сэдвийн дор Доха хотноо зохион байгуулав.
Энэхүү арга хэмжээнд Монголын Үндэсний урлагийн их театр, Монгол Улсын гавьяат жүжигчин, Соёлын элч Э.Анхбаяр, “Queen model agency”-гийн загвар өмсөгчид, уран зураач С.Чулуунбаатар, М.Уламбаяр нар оролцож, Монголын ардын болоод орчин үеийн урлаг мөн дэлхийн сонгодог урлагийн номерууд болон байгаль, аж ахуйг харуулсан уран зургийн үзэсгэлэнг КАТАРА-гийн Драмын театрт толилууллаа.
Арга хэмжээг Монгол Улсын Ерөнхийлөгчийн Тамгын газрын дарга Я.Содбаатар нээж хэлсэн үгэндээ Монгол, Катарын найрсаг сайн харилцаанд тулгуурлан хоёр орны хамтын ажиллагааг боломжит бүхий л салбарт нэн ялангуяа иргэд хоорондын харилцаа, соёл, урлагийн хамтын ажиллагааг өргөжүүлэн хөгжүүлэхэд энэхүү арга хэмжээ чухал ач холбогдолтой болж байгааг онцлон тэмдэглэв.
Тоглолтыг КАТАРА соёлын сангийн удирдлага, Катарын Эмирийн ордон, Зөвлөлдөх зөвлөл /Парламент/, Гадаад хэргийн яамны төлөөлөл, Доха хотноо суугаа гадаад улс орнуудын Элчин сайдын яамд, олон улсын байгууллагын төлөөлөгчид болон катарын иргэд зэрэг 300 гаруй зочин үзэж сонирхсон бөгөөд арга хэмжээний төгсгөлд КАТАРА соёлын сангийн дарга Др.Халид Аль-Сулайти Монголын урлагийн багийг 2030 онд Катар Улсад болох Азийн наадмын нээлтэд тоглохыг албан ёсоор урилаа гэж Гадаад харилцааны яамнаас мэдээллээ.
Урлаг спорт
“Welcome to Mongolia” арга хэмжээ Эль-Кувейт хотноо боллоо
Монгол Улсын Засгийн газар 2023, 2024, 2025 оныг “Монголд зочлох” аялал жуулчлалын жил болгон зарласантай холбогдуулан Монгол Улсыг Кувейт Улсад сурталчлан таниулах зорилготойгоор Монголын өдрүүд арга хэмжээний соёлын арга хэмжээг Монгол Улсаас тус улсад суугаа Элчин сайдын яам санаачилж, 2023 оны 3 дугаар сарын 9-ний өдөр Гадаад харилцааны яам, Соёлын яам, Байгаль орчин, аялал жуулчлалын яам, Кувейтийн Соёл, урлаг, утга зохиолын Үндэсний зөвлөлтэй хамтран “Welcome to Mongolia” сэдвийн дор Эль-Кувейт хотноо зохион байгуулав.
Арга хэмжээнд Монголын Үндэсний урлагийн их театр, Монгол Улсын гавьяат жүжигчин, Соёлын элч Э.Анхбаяр, “Queen model agency”-гийн загвар өмсөгчид, уран зураач С.Чулуунбаатар, М.Уламбаяр нар оролцож, Монголын ардын болоод орчин үеийн урлаг мөн дэлхийн сонгодог урлагийн номерууд, Монголын байгаль, аж ахуйг харуулсан уран зургийн үзэсгэлэнг Абдулхуссейн АбдулРида театрт толилууллаа.
Тоглолтыг Кувейт Улсын Гадаад хэргийн яамны төлөөлөл, Соёл, урлаг, утга зохиолын Үндэсний зөвлөлийн Ерөнхий нарийн бичгийн дарга Др. Мухаммад Аль-Жасаар, Эль-Кувейт хотноо суугаа гадаад улс орнуудын Элчин сайдын яамд, олон улсын байгууллагын төлөөлөгчид болон кувейтийн иргэд зэрэг 500 гаруй зочин үзэж сонирхов.
“Монголын өдрүүд” нь Монгол орны ахуй, байгаль, ардын болоод орчин үеийн соёл урлаг, түүхийг кувейтийн ард түмэнд таниулах, соёлын хамтын ажиллагааны суурийг тавихад чухал ач холбогдолтой арга хэмжээ болж өндөрлөв гэж Гадаад харилцааны яамнаас мэдээллээ.
-
Улстөр нийгэм2022/01/18
Хот хоорондын ачаа тээврийн үйлчилгээ үзүүлэгчийг сонгон шалгаруулна
-
Улстөр нийгэм2022/06/07
УИХ-ын гишүүн Б.Баярсайхан Завхан, Өвөрхангай аймгийн Гэр бүл, хүүхэд, залуучууд...
-
Цаг үе2020/12/07
QR кодыг хуурамчаар үйлдэж, хөдөлгөөнд оролцох зөрчил гарч байна
-
Урлаг спорт2022/06/30
Волейболын өсвөрийн улсын аварга тодорлоо
Сэтгэгдэл