Бидэнтэй нэгдэх

Чөлөөт цаг

“Ногоон гэрэл-Цагаан шугам”-ын шилдгүүд тодорлоо

Огноо:

,

Хүүхдэд замын хөдөлгөөний дүрмийн мэдлэг олгох, хөдөлгөөнд соёлтой оролцох дадал төлөвшүүлэх, хүүхдийг зам, тээврийн осол хэргээс урьдчилан сэргийлэх зорилгоор “Ногоон гэрэл-Цагаан шугам” тэмцээнийг 38 дахь жилдээ зохион байгууллаа. Нийслэлийн Гэмт хэргээс урьдчилан сэргийлэх ажлыг зохицуулах зөвлөл (НГХУСАЗЗ), Тээврийн цагдаагийн алба хамтран зохион байгуулж буй тус тэмцээнийг өнөө жил 1981 оны Цагдаагийн албаны дарга, Монгол Улсын гавьяат хуульч, бэлтгэл хурандаа Г.Ринчиндоржийн нэрэмжит болгон зохион байгуулж буй онцлогтой.

Тэмцээний I үе шатыг дүүрэг дэх ерөнхий боловсролын сургуулиудын дунд зохион байгуулсан бөгөөд тэргүүн байранд шалгарсан баг II үе шат буюу нийслэлийн аварга шалгаруулах тэмцээнд оролцсон юм. Ингэхдээ “Гэрийн даалгавар, Мэндчилгээ, Хамтдаа, Буухиа тэмцээн, Урлагийн тоглолт’’ гэсэн таван төрлөөр өрсөлдөж, шилдгүүдээ шалгарууллаа. Тэмцээний нийлбэр дүнгээр Чингэлтэй дүүргийн ерөнхий боловсролын 117 дугаар сургуулийн “Сэргийлэгч” баг тэргүүлсэн бол Баянгол дүүргийн “Оюуны ундраа цогцолбор”-ын “Ундраа” баг удаалав. Харин гутгаар байрыг Сүхбаатар дүүргийн 1 сургуулийн “Уулзвар” баг эзэлсэн бол Баянзүрх дүүргийн Цогцолбор сургуулийн “Хүчит шонхор” багийн хүүхэд багачууд тусгай байрт шалгарлаа.

Г.Эрдэнэсүх: НГХУСАЗЗ-тэй хамтран “Kinder police” арга хэмжээ хэрэгжүүлэхээр ажиллаж байна

Тэмцээний үеэр Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн, хошууч Г.Эрдэнэсүхтэй ярилцлаа.

-Хүүхдүүдийг зам, тээврийн осолд өртөхөөс урьдчилан сэргийлэх чиглэлээр хийж буй арга хэмжээнүүд ямар үр дүн өгч байна вэ?

-Тээврийн цагдаагийн албанаас НГХУСАЗЗ-тэй хамтран 2019 онд үр дүн өндөртэй олон арга хэмжээ хэрэгжүүлсэн. Тухайлбал, “Бяцхан зорчигч”, “Эрсдэлгүй орчин-Эцэг, эхийн хариуцлага”, “Хичээлийн шинэ жил” зэрэг нэгдсэн арга хэмжээнүүдийг дурдаж болно. Мөн зөвлөлөөс “Ногоон гэрэл-Цагаан шугам” тэмцээнийг уламжлал болгон зохион байгуулахад дэмжлэг үзүүлж, хүүхдүүдийг зам, тээврийн осолд өртөхөөс урьдчилан сэргийлэх чиглэлээр тодорхой ажлуудыг хийж байгаа. Энэ мэт нөлөөллийн арга хэмжээ хэрэгжүүлснээр хүүхэд өртсөн зам, тээврийн осол 27, ослын улмаас хүүхэд нас барах тохиолдол 15.4, гэмтсэн хүүхдийн тоо 27.7 хувиар буурсан үзүүлэлттэй.

-Гэвч эцэг, эх, жолооч нарын хариуцлагагүй байдлын улмаас зам, тээврийн осол гарсаар байгаа. Томчуудад зориулсан нөлөөллийн арга хэмжээний үр дүн ямар байна вэ?

-Тээврийн цагдаагийн албанаас хүүхдийг зам, тээврийн осолд өртөхөөс урьдчилан сэргийлэх арга хэмжээ явуулахдаа эцэг, эх, багш, жолооч нарт ч давхар нөлөөллийн арга хэмжээ тогтмол явуулдаг. “Яараад яахав дээ”, “Дураараа биш дүрмээрээ” зэрэг арга хэмжээнүүдийг дурдаж болно. Хүүхдэд зам тавьж өгөх, хүүхдийг хамгаалах суудалд суулгах гээд замын хөдөлгөөний дүрэмд тусгасан зүйлсийг ухуулга, нөлөөллийн арга хэмжээгээрээ хүргэж байгаа гэж болно. Олонх жолооч мэдээллийг хүлээн авч, дүрмээрээ хөдөлгөөнд оролцож байна. Анх “Ногоон гэрэл-Цагаан шугам” тэмцээнд зөвхөн хүүхдүүд оролцдог байсан бол өдгөө эцэг, эх, багш нар нь хамт оролцдог болсон нь нөлөөллийн арга хэмжээний үр дүн болов уу. Гэвч зарим жолооч эдгээрийг тусгаж аваагүйн улмаас хүүхдээ гэмтээсэн тохиолдол цөөнгүй байна.

-Сургуулийн орчны стандартыг хангуулах, хүүхэд тухайн орчинд осолдохоос сэргийлэх чиглэлээр НГХУСАЗЗ, Тээврийн цагдаагийн алба гээд холбогдох байгууллагууд цөөнгүй арга хэмжээ хэрэгжүүлж буй. Цаашид хэрэгжүүлэхээр төлөвлөсөн арга хэмжээнээсээ тодруулахгүй юу?

-“School police” эргүүлийг анх НГХУСАЗЗ-өөс санаачлан, хэрэгжүүлсэн. Арга хэмжээний үр дүн жилээс жилд нэмэгдэж, сургуулийн орчинд хүүхэд зам, тээврийн осолд өртөх эрсдэл буурч байгаа. Тиймээс бид дараа жилээс цэцэрлэг орчимд “Kinder police” эргүүл ажиллуулахаар төлөвлөж байна. Мөн сургуулийн орчны стандартыг мөрдүүлэх хүрээнд гэрэлтүүлэгтэй гарц хийж эхэллээ. Тодруулбал, нийслэлийн 100 сургуулийн 100 цэгт гэрэлтүүлэгтэй гарц хийхээр төлөвлөж, Зөвлөлд санал хүргүүлсний үр дүнд нийслэлийн Засаг дарга захирамж гаргалаа. Уг ажил одоогоор 50 хувьтай байна. Мөн энэ оноос эхлүүлж буй “Хүүхэд хамгаалагч” төслийг энд дурдаж болно. Цагдаагийн байгууллагад ажиллаж байгаад тэтгэвэртээ гарсан ахмад ажилчдыг хүүхдэд тавих хяналтыг өндөржүүлэхээр зөвлөлд санал хүргүүлсэн юм. Зөвлөлөөс уг ажлыг дэмжсэнээр өнөөдрийн байдлаар төвийн зургаан дүүрэгт 12 хүн хүүхэд хамгаалагчаар ажиллаж байна. Тэд дүүргийнхээ Засаг даргын Тамгын газар, Гэмт хэргээс урьдчилан сэргийлэх ажлыг зохицуулах салбар зөвлөлтэйгөө хамтран ажиллах юм. Ингэхдээ сургуулийн эргүл хийж буй эцэг, эхчүүдэд мэргэжил, арга зүйн зөвлөгөө өгч буй.

Нийслэлийн ИТХ-ын ХМОНХТ

Дэлгэрэнгүй унших
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Чөлөөт цаг

Сэрэмжлүүлэг: Өнөөдөр нутгийн баруун хэсгээр, цаашдаа ихэнх нутгаар хүйтрэхийг анхааруулж байна

Огноо:

,

Малчид, тариаланчид, хадланчдын анхааралд: Өнөөдөр баруун аймгуудын ихэнх нутгаар, 10 дугаар сарын 01-нд нутгийн зарим газраар, 2-нд говь, талын нутгаар салхи түр зуур секундэд 18-20 метр хүртэл ширүүсч, өнөөдөр нутгийн баруун хэсгээр, цаашдаа ихэнх нутгаар хүйтрэхийг анхааруулж байна.

2022 оны 09-р сарын 30-ны 08 цагаас 20 цаг хүртэл: Хур тунадас: Ихэнх нутгаар үүлэрхэг. Баруун болон төвийн аймгуудын нутгийн зарим газар, зүүн аймгуудын нутгийн зүүн хэсгээр бороо, уулархаг нутгаар нойтон цас орно. Бусад нутгаар бороо орохгүй.  

Салхи: Нутгийн баруун хагаст баруун хойноос, бусад нутгаар баруун өмнөөс секундэд 7-12 метр,  баруун аймгуудын нутгийн зарим газраар түр зуур секундэд 18-20 метр хүрч ширүүснэ.

Агаарын температур: Монгол-Алтайн уулархаг нутаг, Дархадын хотгороор 1-6 хэм, Говь-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр 7-12 хэм, говийн бүс нутгийн өмнөд хэсгээр 19-24 хэм, бусад нутгаар 13-18 хэм дулаан байна.


УЛААНБААТАР ХОТ ОРЧМООР: Үүлэрхэг. Бороо орохгүй. Салхи баруун өмнөөс секундэд 6-11 метр. Өдөртөө 14-16 хэм дулаан байна.

БАГАНУУР ОРЧМООР: Үүлэрхэг. Бороо орохгүй. Салхи баруун өмнөөс секундэд 6-11 метр. Өдөртөө 13-15 хэм дулаан байна.

ТЭРЭЛЖ ОРЧМООР: Үүлэрхэг. Бороо орохгүй. Салхи баруун өмнөөс секундэд 6-11 метр. Өдөртөө 13-15 хэм дулаан байна.


2022 оны 10 дугаар сарын 1-нээс 10 дугаар сарын 05-ныг
хүртэлх цаг агаарын урьдчилсан төлөв

01-нд баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр, 2-нд нутгийн зарим газраар, 3-нд нутгийн баруун өмнөд хэсгээр бороо, нойтон цас орж, цасан шуурга шуурна. Салхи 01-нд нутгийн зарим газраар, 02-нд говь, талын нутгаар түр зуур секундэд 18-20 метр хүртэл ширүүсч, шороон шуурга шуурна. 01-нд баруун болон төвийн аймгуудын нутгаар, цаашдаа ихэнх нутгаар хүйтэрч Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор шөнөдөө 12-17 хэм хүйтэн, өдөртөө 3 хэм хүйтнээс 2 хэм дулаан, Хэнтийн уулархаг нутаг, Эг, Үүр, Идэр, Тэс, Туул, Тэрэлж голын хөндийгөөр шөнөдөө 7-12 хэм хүйтэн, өдөртөө 0-5 хэм, говийн бүс нутгийн өмнөд хэсгээр шөнөдөө 3-8 хэм, өдөртөө 10-15 хэм, бусад нутгаар шөнөдөө 1-6 хэм хүйтэн, өдөртөө 4-9 хэм дулаан байна.

Дэлгэрэнгүй унших

Чөлөөт цаг

Цэргийн дүйцүүлэх албаны тусгай үүргийн бэлтгэл шатны сургалтыг зохион байгуулж байна

Огноо:

,

Нийслэлийн Засаг даргын 2022 оны А/1194 дүгээр захирамж, Цэргийн штабын 2022 оны сургалт бэлтгэлийн нэгдсэн төлөвлөгөөний дагуу Цэргийн дүйцүүлэх албаны тусгай үүргийн бэлтгэл шатны сургалтыг зохион байгуулж байна.

Энэ хүрээнд нийслэлийн есөн дүүргийн 65 алба хаагч Сонгинохайрхан дүүрэг дэх Үндэсний аврах бригад, Сүхбаатар дүүргийн Аврах, гал түймэр унтраах 34 дүгээр анги, Налайх дүүрэг дэх Зэвсэгт хүчний 014 ангийн материаллаг баазыг түшиглэн сургалтад хамрагдаж буй юм.

Цэргийн дүйцүүлэх албаны тусгай үүргийн бэлтгэл шатны сургалтаар алба хаагчдад орон нутгийн хамгаалалтад оролцох, гамшгаас хамгаалах болон хүмүүнлэгийн үйл ажиллагаанд туслалцаа үзүүлэх, улсын болон орон нутгийн бүтээн байгуулалтад оролцох талаар шаардлагатай мэдлэг, дадлагыг эзэмшүүлж, хууль тогтоомжоор хүлээсэн томилгоот үүргээ биелүүлэхэд бэлтгэж байна.

Дэлгэрэнгүй унших

Чөлөөт цаг

Нийслэлийн хөгжлийн 2023 оны төлөвлөгөөний төслийг баталлаа

Огноо:

,

НИТХ-ын ээлжит бус VIII хуралдаан 2022 оны 9 дүгээр сарын 30-ны өдөр болж, Нийслэлийн хөгжлийн 2023 оны төлөвлөгөөний төслийг Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн танилцуулав.

Нийслэлийн хөгжлийн 2023 оны төлөвлөгөөний төслийг зургаан бүлэг, 21 зорилт, 432 арга хэмжээтэй байхаар төлөвлөжээ. Эхний бүлэг болох Хүний хөгжлийн бодлогын хүрээнд нийгмийн дэд бүтцийн хүртээмжийг нэмэгдүүлж, хүн амын эрүүл мэндийг хамгаалах, чанартай боловсролыг хүртээмжтэй хүргэх, зохистой хөдөлмөр эрхлэлтийг дэмжих, нийгмийн даатгалын тогтолцооны шинэчлэлийг хэрэгжүүлэх зэрэг 114 төсөл, арга хэмжээг хэрэгжүүлэхээр төлөвлөсөн байна. Эдийн засгийн бодлогын хүрээнд цар тахлын дараа Улаанбаатар хотод тулгарч буй эдийн засгийн хүндрэлийг богино хугацаанд даван туулах, төсвийн сахилга батыг сайжруулах, санхүүгийн шинэ эх үүсвэр, хөрөнгө оруулалтыг нэмэгдүүлэх, өрсөлдөх чадвартай үйлдвэр, үйлчилгээг дэмжих зэрэг 95 төсөл арга хэмжээ төлөвлөжээ.

Харин Засаглалын бодлогын хүрээнд нийслэлээс үзүүлж байгаа үйлчилгээнээс хүнд суртал, авлигад хамгийн их өртөж буй үйлчилгээг үе шаттай цахимжуулах, төрийн үйлчилгээний чанар, хүртээмжийг нэмэгдүүлэх, төрийн албан хаагчийн ажлын хариуцлага, хяналтыг сайжруулах зэргээр 40 төсөл, арга хэмжээг төсөвлөсөн байна. Мөн Ногоон хөгжлийн бодлогын хүрээнд байгалийн нөөц баялаг, эко системийг хадгалж хамгаалах, нөхөн сэргээх, усны нөөц, урсац бүрэлдэх эхийг хамгаалалтад авах, хүрээлэн буй орчны бохирдлыг бууруулж, иргэдийн эрүүл, аюулгүй орчинд амьдрах нөхцөлийг бүрэлдүүлэх зорилгоор 75 төсөл, арга хэмжээг хэрэгжүүлэхээр зорьжээ. Улаанбаатар хотын авто замын түгжрэлийг бууруулах зорилтын хүрээнд авто зам, замын өргөтгөл, шинэтгэл, зогсоол, гүүр, гүүрэн байгууламж барих, нийтийн тээврийн хүртээмжийг нэмэгдүүлэх зэргээр 31 төсөл, арга хэмжээ хэрэгжүүлэхээр төлөвлөсөн байна.

Нийслэлийн хөгжлийн 2023 оны төлөвлөгөөний төслийг хэрэгжүүлснээр цэцэрлэг, сургууль, эрүүл мэндийн байгууллагын хүртээмж нэмэгдэнэ гэдгийг албаныхан онцолж байлаа. Намын бүлгүүд болон хороодын санал, дүгнэлтийг танилцуулсны дараа төлөөлөгчид хөгжлийн төлөвлөгөөг чухал гэдгийг онцлоод, холбогдох албаны хүмүүсээс асуулт асуусан юм. Тодруулбал, нийслэлийн  цахилгаанд холбогдоогүй айлууд, ажлын байрны нөхцөл байдал, өрхийн эмнэлэг, спорт цогцолборын барилгын явц, төрийн албан хаагчдын цалинг нэмэх эсэх, “Тэрбум мод” хөдөлгөөний талаарх мэдээллийг асууж, төсөлд тусгах саналаа хэлж байлаа.

Ийнхүү НИТХ-ын төлөөлөгчид, ажлын хороод, намын бүлгүүдээс гарсан нийт 14 саналыг Нийслэлийн хөгжлийн 2023 оны төлөвлөгөөний төсөлд тусган, хавсралтаар баталлаа.

Дэлгэрэнгүй унших
сурталчилгаа

Санал болгох