Цаг үе

Ховд аймагт нэн тэргүүнд барьж байгуулах хөв цөөрмийн байршлуудыг тодорхойлж байна

Огноо:

3 жил 4 сар.өмнө

2023/05/18

Хур цас, мөсөн голын усны тэжээлтэй голын сав газрын эхэнд усны хуримтлал бүрдүүлж, зохистой ашиглах дэд бүтцийг байгуулах нь уур амьсгалын өөрчлөлтийг бууруулахад чухал нөлөөтэй. Иймээс энэ чиглэлээр анхаарал хандуулан ажиллах чиглэлийг Байгаль орчин, аялал жуулчлалын сайд Б.Бат-Эрдэнэ өгч ажиллаж байгаа.

Энэ хүрээнд Монгол орны хөдөөгийн иргэдийн уур амьсгалын өөрчлөлтөд дасан зохицох чадамж болон эрсдэлийн менежментийг боловсронгуй болгох нь төсөл (ADAPT)-ийн хүрээнд холбогдох мэргэжлийн байгууллагуудтай хамтран Ховд аймагт нэн тэргүүнд барьж байгуулах хөв цөөрмийн байршлуудыг тодорхойлохоор энэ сарын 13-22-ны өдрүүдэд тус аймагт ажиллаж байна.

Ажлын хэсэг хөв цөөрөм байгуулах боломжтой нийт 12 байршлын газар дээр очиж танилцан, ус хурах талбай, тэжээгдэл, газар зүйн таатай нөхцөл байдлыг судалж, анхан шатны хэмжилтийг хийж баталгаажуулна.

Мөн хөв барих боломжтой байршлуудын хэрэгцээ, шаардлага, судалгаа, зураг төсөл, барилгын ажлын хамрах хүрээ, төсөв зэргийг урьдчилсан байдлаар тодорхойлох юм.

Усны газар, Цаг уур, орчны шинжилгээний газар, Ховд аймгийн Байгаль орчин, аялал жуулчлалын газар, Хар нуур Ховд Сав газрын захиргаа, Үенч-Бодонч, Булган голын Сав газрын захиргааны мэргэжилтнүүд, усны барилгын инженер, зөвлөх болон АДАПТ төслийн Ховд аймаг дахь зохицуулагч нар ажлын хэсгийн бүрэлдэхүүнд багтаж байна.

Хур цас, мөсөн голын усны тэжээлтэй голын сав газрын эхэнд усны хуримтлал бүрдүүлж, зохистой ашиглах дэд бүтцийг байгуулах нь уур амьсгалын өөрчлөлтийг бууруулах, Мал аж ахуйн усан хангамжийг шийдвэрлэх чухал дасан зохицох ажил юм.

Эх сурвалж: БОАЖЯ

Уншсан:2006

Дараах мэдээ

Энэ жил улаанбуудайн тариалалтыг нэмэгдүүлнэ

Өмнөх мэдээ

Дотооддоо 3 сая гутал үйлдвэрлэх боломжийг эрэлхийлэв

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

С.Зориг, Д.Нацагдорж, Б.Явуухулангийн хөшөөний дэргэд зөвшөөрөлгүй байрлуулсан хөшөөг шилжүүлнэ

Огноо:

3 өдрийн өмнө

2026/09/03

НИТХ-ын Тэргүүлэгчдийн 2010 оны 3 дугаар сарын 31-ний өдрийн 55 дугаар тогтоолоор “Улсын нийслэлд хөшөө, дурсгал хүндэтгэлийн самбар байрлуулах журам”-ыг баталсан байдаг. Үүнд, “Тухайн улс орон, бүс нутгийн соёл урлаг, түүхэн үйл явдлыг харуулсан, оюун сэтгэлгээний хөгжлийн илэрхийлэл болсон, архитектур, дүрслэх урлагийн шийдэл бүхий байгууламжийг хөшөө” гэж нэрлэхээр тусгажээ. Тэгвэл Сүхбаатар дүүргийн 1 дүгээр хороонд төр, нийгмийн нэрт зүтгэлтэн С.Зориг агсны хөшөөний дэргэд холбогдох байгууллагуудын зөвшөөрөлгүйгээр хүүхдийн хөшөө байрлуулсан байна. Түүнчлэн нэрт яруу найрагч Д.Нацагдорж, Б.Явуухулангийн хөшөөний дэргэд мөн зөвшөөрөлгүйгээр хүүхдийн хөшөө байрлуулжээ.

Энэ нь “Улсын нийслэлд хөшөө, дурсгал хүндэтгэлийн самбар байрлуулах журам”-ын 2.1, 2.2 заалтыг тус тус зөрчсөн тул дээрх зөвшөөрөлгүй хөшөөнүүдийг албадан шилжүүлэхийг холбогдох газруудад мэдэгдээд байна.

“Улсын нийслэлд хөшөө, дурсгал хүндэтгэлийн самбар байрлуулах журам”-ын дараах заалтыг тус тус зөрчжээ.

2.1 Нийслэлийн нутаг дэвсгэрт хөшөө, дурсгал хүндэтгэлийн самбар байрлуулах саналыг яам, тусгай газар, нийслэл, дүүргийн Засаг даргын Тамгын газар, аж ахуйн нэгж, нам, олон нийтийн байгууллага, иргэдээс албан бичгээр комисст гаргана.

2.2 Нийслэлийн Иргэдийн Төлөөлөгчдийн Хурлын Тэргүүлэгчдийн дэргэд комисс (цаашид "Комисс” гэх) ажиллаж, нийслэлийн нутаг дэвсгэрт хөшөө дурсгал, түүх соёлын үл хөдлөх дурсгалт зүйлийн загвар батлах асуудлыг хэлэлцэн санал боловсруулж, Нийслэлийн Иргэдийн Төлөөлөгчдийн Хурлын Тэргүүлэгчдийн хуралдаанаар шийдвэрлүүлнэ.

Дэлгэрэнгүй унших

Цаг үе

УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь

Огноо:

3 өдрийн өмнө

2026/09/03

Өнөөдөр буюу 2026 оны есдүгээр сарын 03-ны Пүрэв гарагт цахилгаан шугам сүлжээнд хийх засварын хуваарийг танилцуулж байна.

- - - - - - - - - - - -

СОНГИНОХАЙРХАН ДҮҮРЭГ

10:00-17:00 цагт: 9, 10-р хороо Арьс ширний үйлдвэрийн нэгдэл 60, 120 айл, Баруун баян уул 9, Зүүнбаян уулын 3-27-р гудамжууд, 10-р хорооны цогцолбор, 38-р цэцэрлэг, Цагдаагийн 2-р хэлтэс, Өрнөл трейд ХХК, Дэлхийн зөн олон улсын байгууллага болон эдгээрийн ойр орчмоор

- - - - - - - - - - - -

НАЛАЙХ ДҮҮРЭГ

09:00-17:00 цагт: 4-р хороо Нисэхийн 43-59-р гудамжууд болон эдгээрийн ойр орчмоор

- - - - - - - - - - - -

ТӨВ АЙМАГ

09:00-19:00 цагт: Зуунмод сум Энхтайван гэр хорооллын 0-10, 10-14, 15-18-р гудамжууд болон эдгээрийн ойр орчмоор

- - - - - - - - - - - -

ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.

Эх сурвалж: УБЦТС ТӨХК

Дэлгэрэнгүй унших

Цаг үе

Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно

Огноо:

3 өдрийн өмнө

2026/09/03

Наймдугаар сарын 15-аас есдүгээр сарын 12-ны өдрийг дуустал хугацаанд нийслэлийн хэмжээнд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй хэрэгжиж байна.

Тодруулбал:

Сондгой тоогоор төгссөн бол: 9 дүгээр сарын 3, 5, 7, 9, 11-нд хөдөлгөөнд оролцоно.

Тэгш тоогоор төгссөн бол: 9 дүгээр сарын 4, 6, 8, 10, 12-нд хөдөлгөөнд оролцоно.

Иймд өнөөдөр таны тээврийн хэрэгслийн улсын бүртгэлийн дугаар сондгой тоогоор төгссөн бол авто замын хөдөлгөөнд оролцоно.

Улсын дугаарын тэгш, сондгойгоор ангилан хөдөлгөөнд оролцуулах энэхүү зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.