Бидэнтэй нэгдэх

Чөлөөт цаг

Монгол эр хүний бахархал, сүр хүчийг бадраах “La Salute” эмнэлэг нээлтээ хийлээ

Огноо:

,

Монголын минь сүр хүч болсон эрчүүдийн маань нөхөн үржихүйн эрүүл мэндийн асуудалд анхаарал хандуулж, мэсгүй эмчилгээний шинэ технологийг нэвтрүүлсэн “La Salute” эмнэлэг өнөөдөр нээлтээ хийлээ.

Тус эмнэлгийн манай хамт олон хоёр жилийн турш олон удаагийн давтамжтайгаар Итали улсад сургалтад хамрагдаж, судалгааны ажлыг хийсний үр дүнд хамгийн сүүлийн үеийн дэвшилтэт технологи, тоног төхөөрөмжүүдийг албан ёсны эрхтэйгээр оруулж ирж байгаа аж. “Монгол  эр хүн таны бахархал, сүр хүчийг бадраана” уриатай тус эмнэлэгийн тоног төхөөрөмж нь Итали технологи, Европ стандартыг мөрдлөг болгосон эм эмнэлгийн тоног төхөөрөмж үйлдвэрлэлээрээ дэлхийд танигдсан “Top quality group”-ынх гэнэ.

Эрэгтэйчүүдийн өвчлөл, түүнээс урьдчилан сэргийлэх эмчилгээнд ашиглах зорилготой дууны долгион, цохилтын долгион хавсарсан уг технологи нь Нобелийн шагнал хүртсэн юм байна. Монголд анх удаа нэвтрүүлж байгаа энэхүү технологийн тусламжтайгаар эрэгтэйчүүдийн бэлгийн үйл ажиллагааг хэвийн болгох нөхөн сэргээх эмчилгээ хийгдэх юм.  

“La Salute” эмнэлэгийн нээлтийг тохиолдуулан өнөөдөр хүрэлцэн ирсэн эрчүүддээ 50 хувийн хөнгөлөлттэй эмчилгээ хийлгэх эрх, эмчилгээний өмнөх үзлэг, зөвлөгөөг үнэ төлбөргүй өгч байгаа аж. Хамгийн гол нь эрэгтэйчүүд маань заавал асуудал үүссэн хойно нь биш эрсдлээс урьдчилан сэргийлэх, бэлгийн үйл ажиллагаагаа дэмжих зорилгоор жилдээ 1-2 удаа тус эмнэлэгт хандвал илүү үр дүнтэй гэдгийг тус эмнэлгийн хамт олон онцолж байна.

Төрийн соёрхолт, бүжиг дэглээч С.Сүхбаатар: “Их найрагч Д.Нацагдорж “Жаргалыг хүсвэл эрүүлийн хүс” хэмээн тэртээ 100  жилийн өмнө хэлж байсан үг өнөөдөр шинэ зуунд биелэлээ олж чаджээ. Монголчууд бидний бахархал эрэгтэй хүн, эцэг хүн гэдэг Монгол гэдэг удмыг мөн чанараар нь бий болгож чаддаг. Тэгвэл Монгол эр хүний эрүүл мэндийн чухал асуудлыг шийдвэрлэх “La Salute” эмнэлэгийн хамт олонд халуун баяр хүргэе. Монголын ирээдүйг бүтээгчдийн эмнэлэг бий болж байгаад би баяртай байна. Эрчүүд бид өөрсдийнхөө төлөө санаа зовдоггүй, гэр бүл үр хүүхэд хань ижил,  охид эмэгтэйчүүдийнхээ төлөө санаа зовдог. Харин одоо бидний төлөө санаа зовдог, сэтгэл тавьдаг сайхан бий боллоо. Энэ эмнэлэгт эрчүүд минь өөрсдийнхөө эрүүл мэндийг бодоод ирж үзүүлээрэй. Ирээдүйнхээ  үр удмын сайн сайхны төлөө заавал ирээрэй.”

 La Salute эмнэлгийн Уралог, эрэгтэйчүүдийн эмч Б.Гансувд: “Манай La Salute эмнэлэг өнөөдөр албан ёсныхоо нээлтийг хийж байгаад баяртай байна. Манай эмнэлэг Итали болон Франц  улсаас сүүлийн үеийн дэвшилтэт технологи бүхий аппаратуудыг албан ёсны эрхтэйгээр  эмчилгээ үйлчилгээндээ нэвтрүүлж байна. Энэхүү технологийн тусламжтайгаар монгол эрэгтэйчүүдийн түрүү булчирхай, бэлгийн үйл ажиллагаа түүний  хямралуудтай холбоотой асуудлуудыг шийдвэрлэх юм.

Гадаадын улс орнуудад эрэгтэйчүүд зориулсан эмчилгээг 1950-иад оноос хойш хийж эхэлсэн бөгөөд 2010 оноос уралог, эрэгтэйчүүдийн эмчилгээнд хэрэглэж байна. Нобелийн шагнал хүртсэн технологийн гол давуу тал нь долгион эмчилгээ болон тогмтол гүйдлээр эмчлэх цахилгаан эмчилгээг хослуулж нэг аппаратанд оруулсанаараа илүү давуу талтай. Бага давтамжтай богино долгионы хамгийн гол үйлдэл нь судасжилт үүсэх үйл явцийг дэмжиж, тэр хэсэгт шинээр судас үүсэх нөхцлийг бүрдүүлж өгдөг.Судас үүссэнээр тухайн хэсгийн цусан хангамж нэмэгдэж, үйл ажиллагаа нь сэргэнэ. Цахилгаан гүйдлээр эд эсийн түвшинд үйлчилж нөхөн сэргээх юм. Хүний бие эрхтэн системээс бүртдэг. Эрхтэн систем эрхтэнүүдээс тогтдог, эрхтэн нь эдээс, эд нь эсээс тогттдог. Эсийн түвшинд хүрч нөхөн сэргээснээр үйл ажиллагаа нь идэвхиждэг. Мөн эмийн бодисыг тухайн аппаратанд хийж өгснөөр мэсгүйгээр, арьсан дээр ямар нэгэн  хатгалтгүйгээр эсийн түвшинд нэвчүүлж өгдөгөөрөө давуу талтай.” 

“La Salute” эмнэлгийн Сэргээн засах уламжлалт эмчилгээний ерөнхий эмч Г.Ганхүү: “Манай хамт олон Франц улсад үйлдвэрлэгдсэн Финикс нэртэй 150 гаруй төрлийн эмчилгээний программыг агуулсан сүүлийн үеийн дэвшилтэт технологиор үйлдвэрлэгдсэн аппаратыг “La Sante” эмэгтэйчүүдийн эмнэлэгтээ ашигладаг. “Эрүүл монгол эмэгтэй, элэг бүтэн гэр бүл” уриатай тус эмнэлэгт энэхүү аппаратны тусламжтайгаар төрсний дараах сэргээн засах эмчилгээнд ашиглагддаг. Харин “Lа  salute” эмнэлэгт эрэгтэйчүүддээ зориулан эрэгтэйчүүдийн өвчлөлөөс урьдчилан сэргийлэхэд ашиглахаар  оруулж ирээд байна. Энэ аппарат нь өөрөө эрэгтэйчүүд, эмэгтэйчүүд, нөхөн сэргээх, спортын гэмтэл, үе мөчний үрэвсэл, нуруу нугасны өвчлөл зэрэг маш олон төрлийн эмгэгийн үед ашиглаж, бүрэн эдгэх боломжтой. Манай монгол эрэгтэйчүүд маань өөртөө анхаарал тавих хандлага харьцангуй бага байдаг.  

Дээр нь өөрийгөө өвдөхөөс  нааш мэддэггүй, өвдвөл тэрийгээ нуудаг, төвөгшөөдөг, аль нэг эмнэлэгт үзүүллэе гэж хичээдэггүй хандлагатай.  Тэгвэл манай эмнэлэгт заавал өвдсөн үедээ биш өвдөхөөс урьдчилан сэргийлэх зорилгоорр, ямар нэгэн асуудал гарлаа гэхэд тухайн асуудлыг шийдвэрлэх, аль болох зөв зам руу нь чиглүүлэх зорилгоор ирж болно. Ер нь эрэгтэйчүүдийн эмнэлэг их ховор, хоорондоо ялгаатай байдаг. Манай эмнэлгийн хувьд мэсгүйгээр, эмгүйгээр зөвхөн физик эмчилгээний тоног төхөөрөмжийг ашиглаад тухайн эр хүнйи эмзэг нарийн асуудлуудыг  шийдвэрлэхэд тулгуурлаж ажиллах учраас илүү давуу талтай.”

“Монгол билиг” сэтгэл судлалын төвийн захирал, сэтгэл судлаач Э.Амина: “Манай сэтгэл судлалын төв анх “La Sante” эмэгтэйчүүдийн эмнэлэгтэй нь хамтран ажилладаг.  Бид  “La Salute” эрэгтэйчүүдийн эмнэлэгтэй нь мөн хамтран ажиллана. Монгол эрэгтэйчүүдийн сэтгэл зүйн хувьд өнөөгийн нийгмээс үүдэлтэй стресс их байдаг. Энэ нь гэр бүлийн харилцаанд нөлөөлж, сэтгэлзүйн тулгамдсан асуудал болдог. Гэр бүлийн хосууд хоорондоо бэлгийн харилцаанд орохгүй,  харилцааны сэтгэл ханамж  байхгүй, эргээд өөрсдөө хайр халамжийг бий болгож чаддаггүй. Учир нь маш их завгүй ажиллаж, стресстэй нийгэмд амьдарч байгаа нь гэр бүлийн харилцаанд маш их нөлөөлдөг.  Тэгвэл энэ “La Salute” эрэгтэйчүүдийн эмнэлэг маань эмчилгээ хийхээс гадна сэтгэл зүйн маш том өөрчлөлтийг бий болгоно. 

Эрэгтэйчүүд маань ер нь өөртөө цаг гаргадаггүй, өөрийнхөө эрүүл мэндэд цаг гаргадаггүй. Тэрнээсээ болоод сэтгэл ханамжтай бие хүний дүрээр өөртөө итгэлтэй байдлыг мэдрэх, байнгын завгүй ажлаа гэж явах нь эргээд оюуны ачаалал стрессийг бий болгодог. Энэ асуудлыг шууд автоматаар, эмнэлгийн  шугмаар шийдэх боломжтой болж байгаа нь үнэхээр гайхалтай. 

Ингэснээр хосууд халуун дулаан харилцаатай, аз жаргалтай болоход шууд нөлөөлж байна. Цаашдаа эрчүүд маань энэ хамт олон дээр ирээд тулгамдаж байгаа эрүүл мэндийн асуудлаа шийдэж зохицуулаад явах хэрэгтэй. Эрэгтэйчүүд маань өөртөө цаг гаргаад ирэх юм бол гэр бүлийн харилцааны бат бөх суурийг тавих юм шүү. Зарим эрэгтэй хүмүүс өвчин туссан тохиолдолд л эмнэлэгт очдог, өвдсөн үед л эм уудаг гэдэг нь эрэгтэй хүнйи сэтгэл зүйн онцлогтой холбоотой. Гэхдээ оройтсон  хойно нь биш урьдчилан эсэргийлж чадвал илүү үр дүнтэй байдаг юм шүү.

Дэлгэрэнгүй унших
сурталчилгаа
Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. SHUDARGA.MN сайтын редакц

Чөлөөт цаг

Хүүхдийн бэлэгт агуулагдах сахар зохист хэмжээнээс 16 дахин их байна

Огноо:

,

Мэргэжлийн хяналтын байгууллагаас Олон улсын хүүхдийн эрхийг хамгаалах өдөр буюу эх үрсийн баярын хүрээнд урьдчилан сэргийлэх хяналт шалгалтыг хийгээд байна. Нийт 309 аж ахуйн нэгж байгууллага, 140 иргэнийг уг шалгалтад хамруулсан юм. 449 газрыг хамруулсан тус хяналт шалгалтаар 560 орчим зөрчлийг илрүүллээ. Иймд хүүхдийн бэлэг сонгохдоо сав баглаа боодлын бүрэн бүтэн байдал, хадгалах хугацаа, хадгалалтын горим алдагдсан эсэх, хаяг шошгыг сайтар нягтлахыг анхааруулж байна.

Мөн хүүхдийн бэлэгний сахарын агууламжид анхаарлаа хандуулахыг зөвлөж байна. Нэг ширхэг жүүс, нэг жигнэмэг, 3 төрлийн чихэр, түүнтэй төст бүтээгдэхүүн, нэг ширхэг шоколад буюу 6 ширхэг бүтээгдэхүүн орсон дундаж бэлэгний сахарын агууламжийг тооцож үзэхэд ойролцоогоор 412 грамм сахар агуулагддаг гэсэн судалгаа бий. Энэ нь ЭМЯ-аас гаргасан зөвлөмжөөр насанд хүрсэн хүний өдрийн сахарын хэрэглээ 25 грамм байдагтай харьцуулан үзэхэд даруй 16.5 дахин их байна. Сахарын агууламж өндөртэй хүнсний бүтээгдэхүүнийг нэг дор их хэмжээгээр хэрэглэх нь хүүхдийн шүдийг өвчлүүлэх эрсдэлтэйгээс гадна хүүхдэд цатгалан мэдрэмжийг төрүүлж улмаар хоолны дуршлыг бууруулдаг. Энэ байдал удаан хугацаанд үргэлжилбэл хүүхэд шим тэжээлийн дутагдалд орох эрсдэлтэй юм.

Иймээс сахарын агууламж багатай, эрүүл, тэжээллэг, баталгаатай хүнсний бүтээгдэхүүн худалдан авахыг зөвлөж байна.

Эх сурвалж: НМХГ

Дэлгэрэнгүй унших

Чөлөөт цаг

Төвийн нутгуудаар олон жилийн дунджаас ахиу хур тунадас орно

Огноо:

,

Урин дулаан цаг буюу зуны сар айлчлан ирлээ. УЦУОШГ-ын цаг уурч Ш.Тэргэлээс цэцэг жимс, нар хур тэгширдэг зургадугаар сарын цаг агаарын урьдчилсан мэдээллийг тодрууллаа.

-Зургадугаар сард цаг агаарын урьдчилсан төлөв байдал ямар байх вэ?

-Ирэх зургадугаар сарын агаарын температурын хувьд баруун аймгуудын нутгийн ихэнхи хэсгээр олон жилийн дунджаас дулаан байхаар байна. Бусад нутгаар олон жилийн дунджаар байна. Хур тунадасны хувьд баруун аймгуудын нутгийн хойд хэсгээр олон жилийн дунджаас бага. Төвийн аймгуудын нутгийн зүүн болон говийн аймгуудын өмнөд хэсгээр олон жилийн дунджаас ахиу хур тунадас орох төлөвтэй байна. Бусад нутгаараа олон жилийн дундажтай адил байна. Агаарын температур, хур тунадасны явцын хувьд ихэнхи нутгаараа ирэх сарын нэгдүгээр 10 хоногийн дунд үеэр мөн хоёрдугаар 10 хоногийн эхэн болон гуравдугаар 10 хоногийн дунд үеүдэд агаарын температур сэрүүсэх төлөвтэй байна. Сарын эхэнд буюу нэгдүгээр 10 хоногийн эхэн болон сүүлээр мөн хоёрдугаар 10 хоногийн эхэн болон сүүлээр, гуравдугаар 10 хоногийн эхээр ихэнхи нутгаар агаарын температур өмнөх өдрөөсөө 2-5 хэмээр дулаарах төлөвтэй байна. Хур тунадасны хувьд сарын эхэнд буюу нэгдүгээр 10 хоногийнхоо эхэнд баруун болон төвийн аймгуудын нутгаар, нэгдүгээр 10 хоногийн дунд үед төв болон зүүн аймгуудын нутгаар, мөн нэгдүгээр 10 хоногийн дунд үед баруун аймгуудын нутгаар, нэгдүгээр 10 хоногийнхоо сүүлчээр төвийн болон зүүн аймгуудын нутгаар хур тунадас орно. Сарын дундуур буюу хоёрдугаар 10 хоногтоо төвийн болон зүүн аймгуудын нутгаар бага зэргийн тунадас орох бол гуравдугаар 10 хоногтоо нийт нутгаараа хур тунадас ахиу орох төлөвтэй байна.

-Өмнөх жилүүдтэй харьцуулахад хур тунадас хэр их орох вэ?

-Ихэнхи нутгаараа хур тунадас олон жилийн дунджаар байна. Төвийн аймгуудын зүүн, говийн аймгуудын өмнөд хэсгээрээ олон жилийн дунджаас арай ахиу хур тунадас орно. Өнгөрсөн жил хур тунадас олон жилийн дунджаасаа бага байсан бол агаарын температурын хувьд олон жилийн дунджаасаа дулаан байсан.

-Ирэх сард ямар бүс нутгуудад хур тунадас бага байх төлөвтэй байна вэ?

-Хур тунадас багатай нутгууд гэвэл Алтайн өвөр говь, говийн аймгуудын нутгаар тодруулбал Өмнөговь аймгийн өмнөд хэсэг, Дорноговь аймгийн ихэнхи нутгаар хур тунадас багатай байхаар урьдчилсан төлөв гарсан.

Эх сурвалж: ОБЕГ

Дэлгэрэнгүй унших

Чөлөөт цаг

ОХУ-д оршин сууж буй монгол оюутнуудын анхааралд

Огноо:

,

Монгол Улсаас ОХУ-д суугаа Элчин сайдын яам, Эрхүү, Улаан-Үд, Кызыл хотууд дахь Ерөнхий консулын газрууд хамтран Улсын Онцгой комиссын шийдвэрийн дагуу иргэдийг эх оронд нь хүргэх ажлыг 2020 оны 03 дугаар сараас ээлж дараалан, нэгдсэн удирдлагын дор зохион байгуулж байгаа билээ.

2020 оны 05 дугаар сарын 25-27-ны өдрүүдэд Москва-Улаанбаатарын чиглэлийн тусгай үүргийн нислэг, Хиагт-Алтанбулаг хилийн боомтоор нийтдээ 760 Монгол Улсын иргэн эх орондоо очоод байна.

ОХУ-д үлдсэн иргэдийн тоо, байршилыг нарийвчлан дахин тогтоох, тэдний тус улсад үлдсэн учир шалтгаан, эх орон руугаа явах боломжит тов, чиглэл зэргийг тодруулах, улмаар иргэдийг нутагт нь хүргэх, татан авах ажиллагааг цаашид хэрхэн үргэлжлүүлэн зохион байгуулах талаар санал боловсруулж Улсын Онцгой комисст уламжлах зорилгоор Монгол Улсаас ОХУ-д суугаа Элчин сайдын яам оюутнуудаас санал асуулга авахаар шийдвэрлэсэн юм.

Иймд, нутаг буцаагүй оюутан Та https://forms.gle/RshNb9WS9tokX2oUA холбоосоор орж санал асуулгын асуултуудад үнэн зөв хариулна уу.
Санал асуулгад ОХУ-д оршин байгаа оюутан оролцсон эсэхийг нягтлах зорилгоор Элчин сайдын яамны суурин утаснаас судалгаанд оролцогч Таны үүрэн утас руу залгаж тодруулга, баталгаажуулалт хийх тул дуудлагад шуурхай хариу өгөхийг хүсье.

Жич: Хотуудын болон сургуулиудын Оюутны холбооны төлөөлөгчид үлдсэн оюутнуудынхаа мэдээлэлийг oyutan.burtgel@mail.ru шууданд ирүүлнэ үү.

Холбоос: https://forms.gle/RshNb9WS9tokX2oUA

Дэлгэрэнгүй унших

Санал болгох