Бидэнтэй нэгдэх

Улстөр нийгэм

Монгол Улсын Их Хурлын 2024 оны ээлжит сонгуулиар гадаадын 259 ажиглагч, 27 сэтгүүлч ажиллана

Огноо:

6 өдрийн өмнө

,

Монгол Улсын Их Хурлын 2024 оны ээлжит сонгуулийн үйл ажиллагааг ажиглахаар 40 улс, 21 байгууллагын 259 ажиглагч Сонгуулийн ерөнхий хороонд бүртгүүллээ.

Ажиглагчдын 191 нь Европын аюулгүй байдал хамтын ажиллагааны байгууллага (ЕАБХАБ)-ын гишүүн орнуудынх юм. ЕАБХАБ-ын Ардчилсан институт хүний эрхийн газраас  Монгол Улсын Их Хурлын 2024 оны ээлжит  сонгуулийн  үйл ажиллагааг ажиглах олон улсын шинжээч, мэргэжилтнүүдээс бүрдсэн өргөн бүрэлдэхүүнтэйгээр ажиглахаар хороо байгуулан ажиллаж байгаа бөгөөд нийслэл, орон нутаг дахь сонгуулийн үйл явцыг ажиглан олон улсын шаардлага, ардчилсан сонгуулийн зарчим,  үндэсний хууль тогтоомжид нийцэж байгаа эсэхэд тайлан бэлтгэж, дүгнэлт, зөвлөмж өгнө.

Ардчилсан институт хүний эрхийн газрын Сонгууль ажиглах хороо нь сонгуулийн үйл ажиллагааг эрх зүйн орчин, зохион байгуулалт зэрэг өргөн утгаар ажиглахаас санал авах байруудын бэлтгэл ажил, санал авах өдрийн нээлт, санал хураалт, санал тооллогын үйл явц, хяналтын тооллогыг ажиглана. Улмаар санал авах өдрийн дараа урьдчилсан тайлангаа танилцуулж, сонгуулийн үйл явцыг бүхэлд нь үнэлсэн урьдчилсан тайланг  зөвлөмжийн хамт сонгуулийн үйл явц дууссанаас хойш хоёр сарын дараа нийтлэх аж.

Сонгуулийн ерөнхий хороонд хүсэлтээ ирүүлсэн гадаад улс, олон улсын байгууллага, Монгол Улс дахь гадаад улсын Дипломат төлөөлөгчийн газрын 68 ажиглагч Монгол Улсын Их Хурлын 2024 оны ээлжит сонгуулийг ажиглах юм.

Монгол Улсын Их Хурлын 2024 оны ээлжит сонгуулийн зохион байгуулалт дотоодод төдийгүй гадаад улсуудад бүрэн нээлттэй. Энэ удаагийн сонгуулийн гадаадын болон олон улсын хэвлэл мэдээллийн 12 (Kyodo News, CCTV, Bloomberg TV, Thomson Reuters, Schweizer Radio und Fernsehen, The Sankei Shimbun, Asahi Shimbun, Xinhua News Agency, Буриад ТВ, Nikkei, the Guardian, Agence-France-Presse) байгууллагын 27 сэтгүүлч, сурвалжлагч сурвалжилж, олон улсад мэдээлэхээр Гадаад харилцааны яаманд бүртгүүлж, үнэмлэх авчээ гэж Монгол Улсын Сонгуулийн ерөнхий хорооноос мэдээллээ. 

Уншсан:554
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Унаач хүүхдийн эрхийг хамгаалах чиглэлээр хамтран ажиллана

Огноо:

8 цаг 33 минут

,

Хүүхэд, гэр бүлийн хөгжил, хамгааллын ерөнхий газрын дарга Т.Ихтамир Монгол Улсын Хүний эрхийн Үндэсний Комиссын гишүүн Ж.Хунан, Тамгын газрын дарга Ц.Адъяахишиг, Захиргаа удирдлагын газрын дарга Н.Монголхүүтэй хүүхдийн эрхийг хамгаалах асуудлаар санал солилцлоо.

Комисс нь Монгол Улс дахь хүний эрх, эрх чөлөөний байдлын талаарх 23 дахь илтгэлд хагас, бүтэн өнчин болон байнгын асаргаа шаардлагатай хөгжлийн бэрхшээлтэй хүүхдийн эрхийн асуудлыг тусгаж, холбогдох саналыг УИХ-д хүргүүлсэн. Улмаар 23 дахь илтгэл хэлэлцсэнтэй холбогдуулан авах зарим арга хэмжээний тухай Улсын Их Хурлын 37 дугаар тогтоол батлагдсан.

Тус тогтоолд дараах асуудлыг тусгасан. Үүнд:

Улсын хэмжээнд хагас, бүтэн өнчин болон байнгын асаргаа шаардлагатай хөгжлийн бэрхшээлтэй, өрх толгойлсон, айлд амьдарч байгаа зэрэг хүүхдийн бүртгэлийг хийх, мэдээллийн нэгдсэн сан бүрдүүлж, хяналтын механизмыг сайжруулах, эдгээр эрсдэлт нөхцөлд байгаа хүүхдийн амьжиргааг дэмжих мөнгөн тэтгэмжийн санг бүрдүүлэх, тэтгэвэр, тэтгэмжийн хэмжээг нэмэгдүүлэх, тусгайлсан бодлого боловсруулан хэрэгжүүлэх.

Хүүхдийн асрамж халамжийн төвөөс гарч байгаа өнчин хүүхдийг ажлын байр, орон байртай болоход бодитой дэмжлэг үзүүлэх, тэдгээр хүүхдийг их, дээд сургуульд суралцахад боловсролын зээлийн санхүүжилтээр үнэ төлбөргүй суралцуулах, суралцагчийн тэтгэлгийн асуудлыг хамтад нь шийдвэрлэх цогц арга хэмжээ авч хэрэгжүүлэх.

Аймаг, дүүрэг бүрд байнгын асаргаа шаардлагатай хүүхдэд зориулсан нөхөн сэргээх, нийгэмшүүлэх, боловсрол олгох, өдөр өнжүүлэх хөгжлийн төв болон байнгын асаргаа шаардлагатай хөгжлийн бэрхшээлтэй хүүхдийн төрөлжсөн асрамж, халамжийн төв байгуулах, холбогдох санхүүжилт, хүний нөөцийн асуудлыг цогцоор нь шийдвэрлэх арга хэмжээ авахыг Монгол Улсын Засгийн газарт хэрэгжүүлэхийг даалгасан.

Хүүхэд, гэр бүлийн хөгжил, хамгааллын ерөнхий газрын дарга Т.Ихтамир Монгол Улс дахь хүний эрх, эрх чөлөөний байдлын талаарх 23 дахь илтгэлд тусгагдсан хүүхдийн эрхийн асуудалд анхаарал хандуулан ажиллаж байгаа бөгөөд 2024 оны 09 дүгээр сарын 01-ний өдрөөс хүчин төгөлдөр мөрдөгдөж эхлэх Хүүхэд хамгааллын тухай хуулиар хүүхдийн асуудал хариуцсан нийгмийн ажилтныг дүүрэг, аймаг, сум бүрд ажиллах зохицуулалт тусгагдсан, хуулийг нэг мөр хэрэгжүүлэх тал дээр анхаарал хандуулан ажиллаж байгааг танилцуулав.

Түүнчлэн Үндэсний их баяр наадмын хурдан морины уралдааны үеэр унаач хүүхдийн амь нас, эрүүл мэндийг хамгаалах зорилгоор Комиссоос зохион байгуулах мониторинг, дүн шинжилгээ хийх ажилд дэмжлэг үзүүлж, хамтран ажиллахаа илэрхийлж, унаач хүүхэд, уяачдын нэгдсэн бүртгэл хийхэд албан хаагчдын ачаалал нэмэгддэг. Зарим тохиолдолд 7 нас хүрээгүй хүүхдээр морь унуулна, унаач хүүхдээ бүртгүүлэхгүй гэх гомдол, саналыг уяачид гаргадаг. Энэ тохиолдолд хүүхдийн дээд эрх ашгийг хамгаалах нь тэргүүний зорилт гэдгийг учирлаж тайлбарладаг гэлээ.

Уулзалтаар унаач хүүхдийг албан хөдөлмөр эрхлүүлж байгаа, амь нас, эрүүл мэндийн даатгалд хамруулдаг, даатгалын мөнгөн тэтгэмж хүүхдийн эрүүл мэндээ хамгаалуулах үйлчилгээнд зориулагдсан эсэх асуудлаар судалгаа, дүн шинжилгээ хийхээр талууд харилцан тогтож, цаашид хагас, бүтэн өнчин, байнгын асаргаа шаардлагатай хөгжлийн бэрхшээлтэй хүүхэд болон унаач хүүхдийн эрхийг хамгаалах асуудлын хүрээнд хамтран ажиллахаар боллоо гэж Хүүхэд, гэр бүлийн хөгжил, хамгааллын ерөнхий газраас мэдээллээ. 

Дэлгэрэнгүй унших

Улстөр нийгэм

АНУ-ын засгийн газар шинэ гишүүд, эрх баригчидтай хамтран ажиллахад бэлэн гэв

Огноо:

8 цаг 45 минут

,

Монгол Улсын УИХ-ын ээлжит есдэх удаагийн сонгууль 2024 оны зургадугаар сарын 28-нд болж өндөрлөв. Шинэ 126 гишүүн сонгох сонгуульд МАН- 68 суудал, АН-42 суудал, ХҮН-8, ҮЭ-4, ИЗНН-4 суудал тус тус авсан.

Олон улсаас шинээр сонгогдож буй гишүүдэд баяр хүргэсэн ба АНУ-ийн Төрийн департмент сонгуулийн дүнг хүлээн зөвшөөрч, шинэ гишүүдтэй хамтран ажиллахад бэлэн гэдгээ мэдэгдсэн байна.

Төрийн департментын албан ёсны сайтад “Зургадугаар сарын 28-ны өдөр Монголын ард түмэн парламентын сонгуульдаа оролцон, сонгох эрхээ эдэлж буйд АНУ баяр хүргэж байна. АНУ-ын засгийн газар шинэ гишүүд, эрх баригчидтай хамтран ажиллахад бэлэн” гэжээ. Мөн сонгуулийн дүн, шинэ сонгох системийг хүлээн зөвшөөрч байгаагаа онцолжээ.

Эх сурвалж: State.gov

Дэлгэрэнгүй унших

Улстөр нийгэм

Шинэ парламент шинэ гишүүдээр ингэж бүрдэнэ...

Огноо:

8 цаг 49 минут

,

УИХ-ын ес дэх удаагийн сонгуулийн дүн өнөөдөр /2024.06.30/ баталгаажиж, Сонгуулийн ерөнхий хорооноос бүх хэсэгт саналын хуудсыг 100 хувь гараар нэг бүрчлэн тоолж, санал тоолох төхөөрөмжийн тооноос зөрсөнгүй гэв.  Тиймээс энэ удаа УИХ-ын тойргоос анх удаа сонгогдон, иргэдийг төлөөлөх болсон шинэхэн улстөрчдийг танилцуулж байна.

1-р тойрог: АРХАНГАЙ, ӨВӨРХАНГАЙ, БАЯНХОНГОР

Энэ тойрогт АН-аас нэр дэвшсэн хуульч О.Алтангэрэл, П.Мөнхтулга, Г.Хосбаяр, Д.Жаргалсайхан, Д.Цогтбаатар нар хамгийн олон санал авч, парламентад иргэдийг төлөөлөхөөр боллоо.

2-тойрог: ГОВЬ-АЛТАЙ, ЗАВХАН, УВС, ХОВД

Энэ тойрогт АН-аас нэр дэвшсэн Б.Түвшин, О.Амгаланбаатар нар УИХ-ын гишүүн болж байгаа бол МАН-аас нэр дэвшсэн Хүнс, хөдөө аж ахуйн сайд З.Мэндсайхан, Татварын ерөнхий газрын дарга асан Б.Заяабал, Ховд аймгийн Засаг дарга Э.Болормаа нар хамгийн олон санал авчээ.

3-р тойрог: БАЯН-ӨЛГИЙ АЙМАГ

Энэ тойрогт МАН-аас нэр дэвшсэн Х.Жангабыл анх удаа УИХ-ын гишүүн болж байна.

4-р тойрог: ОРХОН, БУЛГАН, ХӨВСГӨЛ

Энэ тойрогт МАН-аас нэр дэвшсэн Байгаль орчин, аялал жуулчлалын сайд Б.Бат-Эрдэнэ, Д.Үүрийнтуяа хамгийн олон санал авч, анх удаа УИХ-ын гишүүн болж байна.

5-р тойрог: ТӨВ, ДАРХАН-УУЛ, СЭЛЭНГЭ

Энэ тойрогт АН-аас нэр дэвшсэн Д.Батбаяр, С.Эрдэнэболд нар МАН-аас нэр дэвшсэн Ерөнхийлөгчийн зөвлөх С.Лүндэг нар анх удаа УИХ-ын гишүүн болж байна.

6-р тойрог: ХЭНТИЙ, СҮХБААТАР, ДОРНОД

Энэ тойрогт МАН-аас нэр дэвшсэн Дорнод аймгийн Засаг дарга П.Бадамсүрэн, Ерөнхийлөгчийн төрсөн дүү У.Отгонбаяр, ХХААХҮ-ийн дэд сайд М.Ганхөлөг, Л.Соронзонболд нар хамгийн олон санал авсан бол АН-аас нэр дэвшсэн Ш.Бямбасүрэн нар анх удаа УИХ-ын гишүүн болж байна.

7-Р ТОЙРОГ: ДОРНОГОВЬ, ГОВЬСҮМБЭР, ӨМНӨГОВЬ, ДУНДГОВЬ 

Энэ тойрогт АН-аас нэр дэвшсэн Өмнөговь аймгийн Засаг дарга Р.Сэддорж, сэтгүүлч Л.Мөнхбаясгалан, Ц.Мөнхбат, Д.Ганбаатар нар парламентад иргэдийг төлөөлөхөөр болсон юм.

8-р тойрог: БАЯНЗҮРХ ДҮҮРЭГ

Энэ тойрогт ХҮН намаас нэр дэвшсэн П.Наранбаяр анх удаа парламентад иргэдийг төлөөлөх гэж байна.

9-р тойрог: БАЯНГОЛ ДҮҮРЭГ

Энэ тойрогт ХҮН намаас нэр дэвшсэн Ж.Золжаргал 39.771 сонгогчийн санал авч УИХ-ын гишүүн болж байна.

10-Р ТОЙРОГ: СҮХБААТАР, ЧИНГЭЛТЭЙ

Энэ тойрогт МАН-аас нэр дэвшсэн Уул уурхай, хүнд үйлдвэрийн дэд сайд асан О.Батнайрамдал, Чингэлтэй дүүргийн Засаг дарга Н.Батсүмбэрэл нар сонгогдсон бол АН-аас нэр дэвшсэн Ц.Баатархүү, Х.Болормаа нар анх удаа УИХ-ын гишүүн болж байна.

11-р тойрог: СОНГИНОХАЙРХАН ДҮҮРЭГ

Энэ тойрогт МАН-аас нэр дэвшсэн Соёлын сайд Ч.Номин, хотын даргын орлогч П.Сайнзориг, СХД-ийн Засаг дарга Н.Алтаншагай нар анх удаа УИХ-ын гишүүн болж байна.

12-р тойрог: ХАН-УУЛ ДҮҮРЭГ

Энэ тойрогт МАН-аас нэр дэвшсэн Эрүүл мэндийн сайд асан Т.Мөнхсайхан, Ж.Алдаржавхлан нар сонгогдсон бол АН-аас нэр дэвшсэн сэтгүүлч Ч.Лодойсамбуу парламентын гишүүн болох болзлоо хангалаа.

Дэлгэрэнгүй унших

Санал болгох