Бидэнтэй нэгдэх

Чөлөөт цаг

Түүхий нүүрс хэрэглэсэн зөрчил илрүүллээ

Огноо:

,

Засгийн газрын 2018 оны “Түүхий нүүрсийг хэрэглэхийг хориглох тухай” 62 дугаар тогтоолын хэрэгжилтийг хангах ажлын хүрээнд цагдаагийн байгууллагаас эргүүл, хяналт шалгалтыг тогтмол зохион байгуулан ажиллаж байна.

Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны Хүрээлэн буй орчны хяналтын хэлтсийн алба хаагчид энэ сарын 18, 20-нд хяналт, шалгалтаар Хан-Уул дүүргийн 4 дүгээр хороо Нүхтийн амны зам орчим баригдаж буй объектод 711.35 кг буюу 27 шуудай түүхий нүүрс, дээрх хорооны Нүхтийн задгайд 300 кг орчим түүхий нүүрс хэрэглэсэн зөрчлийг илрүүлж Хан-Уул дүүргийн шуурхай штабын бүрэлдэхүүнд хүлээлгэн өгч, хураагдсан түүхий нүүрсийг Нийслэлийн Засаг даргын 2019 оны А/1118 дугаар захирамжийн дагуу Амгалан дулааны цахилгаан станц ХХК-ны хашаанд төвлөрүүлжээ.

Түүнчлэн иргэдэд Засгийн газрын тогтоол, Нийслэлийн Засаг даргын захирамжийг хэрэгжүүлж, агаарын чанарыг сайжруулах бүсэд түүхий нүүрс хэрэглэхгүй байхыг анхаарууллаа.



Дэлгэрэнгүй унших
сурталчилгаа

Сэтгэгдэл

Чөлөөт цаг

Амны хаалтыг зөв хэрэглэх заавар

Огноо:

,

Амны хаалт нь амьсгалын замаар гадагшилж буй халдвар үүсгэгчийг хязгаарлах үүрэгтэй. Өөрөөр хэлбэл амьсгалын замын халдварт өвчнөөс урьдчилан сэргийлэх, тархалтыг бууруулах арга хэмжээний нэг нь амны хаалт хэрэглэх явдал юм.

Амьсгалын замын өвчлөл хүн амын дунд тархалт их, дэгдэлт бүртгэгдэж байгаа үед өөрийгөө болон ойрын хүрээний хүмүүсээ халдвараас сэргийлэх зорилгоор амны хаалтыг дараах тохиолдолд хэрэглэнэ.

 

Үүнд:

  • Хөл хөдөлгөөн ихтэй олон нийтийн газарт (дэлгүүр, зах, үзвэр үйлчилгээ гэх мэт)
  • Нийтийн тээврээр үйлчлүүлэхдээ
  • Амьсгалын замын халдварын шинж илэрсэн үед
  • Өвчтөн асарч байгаа үед
  • Цэвэрлэгээ үйлчилгээ хийхэд
  • Эрүүл мэндийн байгууллагаар үйлчлүүлэхэд
  • Олон нийттэй харьцдаг үйлчилгээний ажилтан
  • Эрүүл мэндийн байгууллагын ажилтан

Амны хаалт хэрэглэхэд анхаарах зүйлс:

  • Зөв зүүх,
  • Зөв тайлах,
  • 2 цаг тутамд болон бохирдсон тухай бүр солих,
  • Зүүсэн амны хаалтны гадна хэсэгт аль болох гар хүрэхгүй байх,
  • Нэг удаагийн амны хаалтыг бохирдсон тохиолдолд шууд хаях,
  • Амны хаалт сольсны дараа гараа заавал савандаж угаах эсвэл спиртэн суурьтай гар халдваргүйжүүлэгч хэрэглэх,
  • Даавуун амны хаалтыг солих бүртээ 40-өөс дээш хэмийн халуун усанд савандаж угааж, индүүдэх,
  • Өдөрт дунджаар 4-5 ширхэг амны хаалт сольж хэрэглэх,
  • Амны хаалт чийгтэй болсон даруйд шинээр солих,
  • Цэвэр болон бохирдсон амны хаалтыг хольж болохгүй
  • Амны хаалтанд тавигдах шаардлага:
  • Ам, хамар, эрүүг бүтэн далдлах,
  • Чихэнд тогтоогч нь сунамтгай резинэн материал байх,
  • Хамрын хэлбэр гаргасан байх,

- Хэмжээ нь насанд хүрэгчид болон хуухдэд зориулсан сонголттой байх,

– Материал нь угаахад агшихгүй, будаггүй, харшил өгөхөөргүй хөвөн даавуу байх,

- Гадна материал нь ус нэвтрүүлдэггүй, амьсгалахад тохиромжтой байх,

    Материалын сонголтоос шалтгаалан 3-4 давхар байна.

Хэмжээ: насанд хүрэгчид дунджаар урд хэсгийн өндөр -12,5 см, чихний хэсгийн өндөр 6,0 см, дээд талын урт-22 см, доод талын урт 20 см, хамрын хэсэгт 2,5 см, эрүүний хэсэгт З см байхаар тохируулж хийх хэрэгтэй. 

Эх сурвалж: ОБЕГ

Дэлгэрэнгүй унших

Чөлөөт цаг

“Эрдэнэс-Тавантолгой” ХК-иас тээврийн жолооч нарыг хот руу татах ажлыг зохион байгуулж, маск, амин дэм тараах зэрэг дэмжлэг үзүүлэн ажиллаж байна

Огноо:

,

“Эрдэнэс-Тавантолгой” ХК-ийн хамт олон шинэ коронавирусээс урьдчилан сэргийлэх чиглэлээр Тавантолгой - Цагаан хадны чиглэлд нүүрс тээвэрлэлтэд явж байгаа жолооч нарт дэмжлэг туслалцаа үзүүлэх ажлыг зохион байгуулж эхэллээ. Тус компани нь нийт 200 гаруй  тээврийн аж ахуйн нэгжтэй хариуцлагын гэрээ байгуулан ажилладаг, эдгээр аж ахуйн нэгжүүд нь 15 мянга орчим жолоочтойгоор нүүрс тээвэрлэлт гүйцэтгэдэг. Одоогоор Тавантолгойн ордод ажиллаж байгаа нүүрс тээврийн 1500-1700 орчим жолооч байгаа бөгөөд хорио цээрийн дэглэмтэй холбоотойгоор тэдгээр жолооч нарыг хот руу болон орон нутаг руу нь буцаах ажлыг эрчимжүүлэхээр тээврийн компаниудтай хамтран ажиллаж байна.
 
Энэ дагуу “Эрдэнэс-Тавантолгой” ХК-иас жолооч нарын эрүүл мэндийг үзэх, хяналт тавих, нэг удаагийн маск, ариун цэврийн хэрэгслээр хангаж байна. Мөн дархлааг сайжруулах, амин дэм олгох тэжээлийн бүтээгдэхүүнээр хангаж байгаа бөгөөд энэ удаад нийт 100 сая орчим төгрөгийн мөнгөн дүн бүхий шаардлагатай эд зүйлсийг жолооч нарт хүргэж өгөв.
Мөн компанийн эмч нар жолооч нарт шинэ коронавирусийн халдвараас хэрхэн урьдчилан сэргийлэх талаар заавар  зөвлөгөө өгч байна.  Цаашид ч компаниас тээвэр эрхлэгчидтэй тогтмол холбоотой байж,  жолооч нарын эрүүл мэнд, аюулгүй байдалд шаардлагатай байгаа зүйлст дэмжлэг үзүүлэн ажиллах юм. 
Улсын онцгой байдлын хуралдаанаас Өмнөговь аймгийн Ханбогд сумын Гашуунсухайт, Ганц мод болон Гурвантэс сумын Шивээхүрэн хилийн боомтуудаар нүүрс тээвэрлэлтийг гуравдугаар сарын 2-ныг хүртэл хориглох шийдвэр гаргаад байгаа юм.
 
 
 
Дэлгэрэнгүй унших

Чөлөөт цаг

Хятад даяар сургууль орох хугацааг хойшлуулах шийдвэрийг гаргажээ

Огноо:

,

БНХАУ-ын Боловсролын яам шинэ коронавирусний тархалттай холбоотойгоор урьдчилан сэргийлэх, тархалтыг сааруулах зорилгоор Хятад даяар хичээлийн шинэ улирал эхлэх хугацааг түр буюу 2 дугаар сарыг дуустал хойшлуулах, хот, муж, өөртөө засах орон, засаг захиргааны онцгой бүсүүд өөрсдийн нутаг дэвсгэр дэх вирусын тархалтын нөхцөл байдлыг харгалзан сургууль цуглах хугацааг шийдвэрлэж байх эрхийг олгожээ.

Одоогийн байдлаар Шанхай хот, Жянсү, Жянши, Жөжян, Фүжянь, Аньхуй мужууд, ӨМӨЗО-ны хот, мужуудын эрх бүхий боловсролын байгууллагууд 2020 оны 2 дугаар сарыг дуустал сурагчдын амралтын хугацааг сунгасан бөгөөд халдварт өвчний нөхцөл байдлаас хамаарч цаашид сунгах эсэх талаар шийдвэр гаргах ажээ.

Иймд гадаадын оюутнууд өөрсдийн суралцдаг их, дээд сургуулийн гадаад оюутан хариуцсан албатай байнга холбоотой байхыг зөвлөсөн байна.

Эх сурвалж: http://consul.mn/

Дэлгэрэнгүй унших
сурталчилгаа

Санал болгох