Бидэнтэй нэгдэх

Чөлөөт цаг

“C5+1” дипломат платформ

Огноо:

,

Эх сурвалж: Тагнуулын ерөнхий газар

2015 оны 9 дүгээр сард АНУ-ын Нью Йорк хотноо тус улсын Төрийн нарийн бичгийн дарга Жон Керри Төв Азийн улс орнууд буюу Казахстан, Киргизстан, Узбекистан, Тажикистан, Туркменистан улсуудын Гадаад хэргийн сайд нартай хийсэн уулзалтын үр дүнд “С5+1” дипломат платформыг албан ёсоор үүсгэн байгуулж байгааг мэдэгдсэн байдаг. 2014 оны 11 дүгээр сард “Самаркандын уулзалт”-ын үр дүнд Төв Азийн 5 улс АНУ-тай “Түншлэл ба хамтын ажиллагааны хамтарсан тунхаглал” баталсан бөгөөд энэ үйл явдал нь “С5+1” платформыг үүсгэн байгуулах үндэс болсон байна.

“С5+1” платформын хүрээнд оролцогч орнууд дараах чиглэлээр хамтран ажиллахаар тусгасан байна:

  • Худалдаа, тээвэр, харилцаа холбоо болон эрчим хүчний эх үүсвэрийн салбарт хамтран ажиллах;
  • Бүс нутгийн улс орнууд дахь бизнес эрхлэх орчинг сайжруулах;
  • Хүрээлэн буй орчныг хамгаалах, цаг уурын өөрчлөлттэй тэмцэх;
  • Хар тамхи, мансууруулах бодисын хууль бус наймаа, хүний наймаа, зэвсгийн наймаа зэрэг хил дамнасан гэмт хэрэг, аюул заналтай тэмцэх;
  • Афганистаны нөхцөл байдлыг тогтворжуулах;
  • Цөмийн зэвэг дэлгэрүүлэхийн эсрэг тэмцэх;
  • Соёл, боловсролын харилцааг хөгжүүлэх;
  • Хүний эрхийг хамгаалах;
  • Иргэний нийгмийн байгууллыг бэхжүүлэх, ардчилсан институцыг хөгжүүлэх.

Жон Керри нь Төв Азийн таван улсад айлчлал хийсэн АНУ-ын анхны ТНБД болсон бөгөөд “С5+1” платформыг үүсгэн байгуулсан нь АНУ Төв Азийн бүс нутагт ач холбогдол өгч өөрийн нөлөөллийг тогтоох бэхжүүлэх, тус бүс нутаг дахь ОХУ, БНХАУ-ын улс төр, эдийн засгийн нөлөөг саармагжуулах зорилготой байв.

Түүнчлэн “С5+1” платформын гол онцлог нь Казахстан, Киргизстан, Узбекистан, Тажикистан, Туркменистан гэсэн улсуудыг гишүүнээр нэгтгэж чадсан явдал юм. Өөрөөр хэлбэл өнөөгийн байдлаар Төв Азийн бүс нутагт үйл ажиллагаа явуулж буй “Евразийн эдийн засгийн холбоо” /ЕАЭЗХ/, “Шанхайн хамтын ажиллагааны байгууллага” /ШХАБ/, “Хамтын аюулгүй байдлын гэрээний байгууллага” /ХАБГБ/ зэрэг байгууллагууд эдгээр 5 улсыг нэг дор гишүүнээр нэгтгэж чадаагүй байна.

Нөгөө талаар “С5+1” платформ нь ямар нэг хатуу бүтэц, зохион байгуулалтгүй, оролцогч талууд ямар нэг үүрэг, хариуцлага хүлээхгүй тул эрсдэл бага. Мөн АНУ Ази дахь өөрийн холбоотнууд болох Япон, БНСУ-аар дамжуулан Төв Азид хөрөнгө оруулалт оруулж, өндөр хөгжсөн техник технологийг нэвтрүүлэх боломжтой юм. Япон, БНСУ-ын хувьд Төв Азийн бүс нутаг томоохон зах зээлүүдийн нэг бөгөөд улс төр, эдийн засгийн найрсаг харилцаатай байна.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Чөлөөт цаг

Төвийн аймгийн зүүн хэсэг, Хэнтийн нутгаар их бороо орно

Огноо:

,

Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр Төвийн аймгийн зүүн хэсэг, Хэнтийн нутгаар их бороо орно.

Наадамчид, иргэдийн анхааралд: Өнөөдөр нутгийн зүүн хагаст усархаг бороо, 11, 12-нд зарим газраар дуу цахилгаантай аадар бороо орох тул гэнэтийн үер ус, мөндөр, нөөлөг салхины аюулаас сэрэмжтэй байхыг онцгойлон aнхааруулж байна.

2020 оны 07 дугаар сарын 10-ны 08 цагаас 20 цаг хүртэл: Нутгийн зүүн хагаст үүлэрхэг, бусад нутгаар солигдмол үүлтэй, төв болон зүүн аймгуудын ихэнх нутгаар  усархаг бороо, баруун болон говийн аймгуудын нутгийн зарим газраар бороо орно. Дуу цахилгаантай.  Салхи  Ихэнх нутгаар баруун хойноос секундэд 6-11 метр, говь, талын нутгаар секундэд 14-16 метр, зарим газраар борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Тэрэлж голын хөндийгөөр 12-17 хэм, Их нууруудын хотгор, говийн бүс нутгийн өмнөд хэсэг болон Дорнод Монголын тал нутгаар 26-31 хэм, бусад нутгаар 18-23 хэм дулаан байна.

УЛААНБААТАР ХОТ ОРЧМООР: Үүлшинэ. Бороо орно. Салхи зүүн хойноос секундэд 6-11 метр. Өдөртөө 18-20 хэм дулаан байна.

2020 оны 7 дугаар сарын 11-нээс 7 дугаар сарын 15-ныг
хүртэлх цаг агаарын урьдчилсан төлөв

11-нд нутгийн зарим газраар, 12,14-нд баруун, төв болон зүүн аймгуудын нутгийн зарим газраар, 13-нд баруун болон төв аймгуудын нутгаар дуу цахилгаантай аадар бороо орно. Салхи борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр шөнөдөө 3-8 хэм, өдөртөө 15-20 хэм, говийн бүс нутгийн өмнөд хэсгээр шөнөдөө 16-21 хэм, өдөртөө 29-34 хэм, бусад нутгаар шөнөдөө 11-16 хэм, өдөртөө 22-27 хэм дулаан байна.

Дэлгэрэнгүй унших

Чөлөөт цаг

Үс шинээр үргээлгэх буюу засуулахад тохиромжгүй

Огноо:

,

Өнөөдөр аргын тооллын 2020 оны долоодугаар сарын 10. Баасан гараг. Билгийн тооллын XVII жарны "Хотолыг баригч" хэмээх Шороон хулгана жилийн зуны дунд хар морин сарын Билгийн тооллын 20. Сугар гараг. Шувуун хушуут одтой, Хоёр хар мэнгэтэй хөх бар өдөр.

Өдрийн наран 5 цаг 04 минутад мандан, 20 цаг 51 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахадад сайн.Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ
Дэлгэрэнгүй унших

Чөлөөт цаг

Цаг агаарын аюултай үзэгдлээс сэрэмжлүүлж байна!

Огноо:

,

Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр Төв аймгийн нутаг, Булганы өмнөд, Өвөрхангайн хойд хэсгээр их бороо орно.

Малчид, иргэд, тээвэрчдийн анхааралд: Өнөөдөр  төвийн аймгуудын ихэнх нутаг, баруун, говь  болон зүүн аймгуудын нутгийн зарим газраар, 10-нд нутгийн зүүн хагаст усархаг бороо, 11-нд нутгийн зарим газраар дуу цахилгаантай бороо орох тул гэнэтийн үер ус, мөндөр, нөөлөг салхины аюулаас сэрэмжтэй байхыг онцгойлон анхааруулж байна.

2020 оны 07 дугаар сарын 09-ны 08 цагаас 20 цаг хүртэл: Нутгийн төв хэсгээр үүлэрхэг, ахиухан хэмжээний усархаг бороо орно. Бусад нутгаар солигдмол үүлтэй, зарим газраар бороо орно. Дуу цахилгаантай. Салхи зүүн аймгуудын нутгаар баруун өмнөөс, бусад нутгаар баруун хойноос секундэд 6-11 метр, төвийн аймгуудын нутгийн өмнөд,  говийн аймгуудын нутгаар секундэд 15-17 метр, зарим газраар  борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Хүрэнбэлчир орчим, Тэрэлж голын хөндийгөөр 15-20 хэм, говийн бүс нутгийн өмнөд хэсгээр болон Дорнод Дарьгангын тал нутгаар 30-35 хэм, бусад нутгаар 19-24 хэм дулаан байна.

УЛААНБААТАР ХОТ ОРЧМООР: Үүлшинэ. Бороо орно. Салхи баруун өмнөөс баруун хойш эргэж секундэд 6-11 метр, борооны өмнө түр зуур ширүүснэ. Өдөртөө бага зэрэг сэрүүсч 21-23 хэм дулаан байна.

2020 оны 7 дугаар сарын 10-наас 7 дугаар сарын 14-нийг
хүртэлх цаг агаарын урьдчилсан төлөв

10-нд төв, зүүн аймгуудын ихэнх нутаг, баруун болон говийн аймгуудын нутгийн зарим газраар ахиухан хэмжээний усархаг бороо, 11-12-нд баруун болон зүүн аймгуудын ихэнх нутаг, төв, говийн аймгуудын нутгийн зарим газраар, 13-нд баруун, төв болон зүүн аймгуудын ихэнх нутаг, говийн аймгуудын нутгийн зарим газраар бороо орно. Дуу цахилгаантай. Салхи 10-нд говийн бүс нутгаар, 11, 13-нд Алтайн салбар уулсаар секундэд 14-16 метр хүрч ширүүснэ. Ихэнх нутгаар бага зэрэг сэрүүсэж Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр шөнөдөө 3-8 хэм, өдөртөө 14-19 хэм, говийн бүс нутгийн өмнөд хэсгээр шөнөдөө 16-21 хэм, өдөртөө 27-32 хэм, бусад нутгаар шөнөдөө 10-15 хэм, өдөртөө 19-24 хэм дулаан байна.

ЦАГ УУР, ОРЧНЫ ШИНЖИЛГЭЭНИЙ ГАЗАР
УРЬДЧИЛАН МЭДЭЭЛЭХ ХЭЛТЭС

Дэлгэрэнгүй унших
сурталчилгаа

Санал болгох