Бидэнтэй нэгдэх

Улстөр нийгэм

Мэндчилгээ

Огноо:

,

Монгол Улсын төмөр замын хөгжлийн түүхийг бүтээлцсэн Эрхэм хүндэт ахмадууд, сэтгэл оюун, хөдөлмөр зүтгэлээ дайчлан ажиллаж буй төмөр замчид, тус чиглэлээр суралцаж буй оюутан залуус Та бүхэндээ Монгол Улсад төмөр замын тээвэр үүсэж хөгжсөний 82 жилийн ойн мэндийг өргөн дэвшүүлье!

Далайд гарцгүй Монгол Улсын хувьд уул уурхайн бүтээгдэхүүнийг хоёр хөршийн төмөр замыг ашиглан гуравдагч орны зах зээлд хүргэж эдийн засгийн өргөн боломжийг бий болгох, дотоодын нэгдсэн төмөр замын сүлжээ байгуулах  ач холбогдлын дор 2010 онд “Төрөөс төмөр замын тээврийн талаар баримтлах бодлого”-ыг баталсан билээ.

Энэхүү бүтээн байгуулалтын бааз суурь болж 2008 онд төрийн бодлогоор “Монголын төмөр зам” хэмээх айлын галыг асааж, өрхийг татсанаар даруй 12жилийн хугацааг үдэж, эдүгээ Улаанбаатар хот дахь төв, Сэлэнгэ аймгийн Хүдэр сум дахь Төмөртэй өртөө, Дорноговь аймгийн Замын-Үүд сум дахь “Бүс нутгийн логистикийн төв”, Дорноговь аймгийн Зүүнбаян өртөө дэх Шуурхай удирдлагын төв бүхий үйл ажиллагааг эрхлэн явуулж байна.

2019 оны 04 дүгээр сарын 10-ны өдөр Засгийн газрын 135 дугаар тогтоол батлагдан “Шинэ төмөр зам” төслийн эхний үе шатанд барьж байгуулах “Тавантолгой-Зүүнбаян чиглэлийн 414.6 км төмөр замын төслийн бүтээн байгуулалтын ажлыг эрчимжүүлэх үүрэг өгч төслийн ажлыг эхлүүлснээр тус чиглэлийн төмөр замыг барьж байгуулах ажлыг “Монголын төмөр зам” ТӨХК нь Монгол Улсын Зэвсэгт хүчний жанжин штаб, “УБТЗ” ХНН-тэй хамтран хэрэгжүүлэх эрхэм үүргийг хүлээнта бид Түүхэн бүтээн байгуулалтын нэгэн гэрч болж, авьяас билэг, хүч хөдөлмөрөө дайчлах эрхэм зорилго дор нэгдэж буйг онцлон дурдахад таатай байна. Мөн Тавантолгой-Зүүнбаян чиглэлийн төмөр замын бүтээн байгуулалтад нэгдэж буй туслан гүйцэтгэгч нийт 87 компанийн хамт олон та бүхэнд талархал илэрхийлье!

Олон олон төсөл хөтөлбөрүүдийг хэрэгжүүлэх их хариуцлага, үүрэг бидэнд ногдохын хэрээр Монгол хүн хийж чадна, бүтээж чадна гэдгийг нотлохоор гар нэгдэн зүтгэж буй төмөр замчдын халуун сэтгэлд талархал илэрхийлье.

Хийж бүтээх хүсэл эрмэлзлээр жигүүрлэн сурсан мэдсэнээ эх орныхоо хөгжил дэвшилд  зориулж буй залуус, төмөр замчид та бүхэндээ ажил хөдөлмөрийн өндөр их амжилтыг хүсэн ерөөж, олон олон галт тэрэг аялуулж, олз омогтой байхын ерөөлийг өөд өөд нь өргөн дэвшүүльe!

Хүндэтгэн мэндчилсэн,

МОНГОЛЫН ТӨМӨР ЗАМ ТӨХК-ИЙН
ГҮЙЦЭТГЭХ ЗАХИРАЛ Р.БАТСҮХ

Дэлгэрэнгүй унших
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Улстөр нийгэм

Засгийн газрын ээлжит хуралдаан боллоо

Огноо:

,

Засгийн газрын ээлжит хуралдаан 2022 оны наймдугаар сарын 17-нд болж, “Алсын хараа-2050” урт хугацааны хөгжлийн бодлогын баримт бичгийн эхний үе шатны хэрэгжилтийн явцад хяналт-шинжилгээ, үнэлгээ хийсэн тайланг Монгол Улсын сайд, ЗГХЭГ-ын дарга Ц.Нямдорж танилцууллаа.

Үүнтэй холбогдуулан Сангийн сайд бөгөөд Эдийн засаг, хөгжлийн сайдын үүрэг хариуцагч Б.Жавхланд баримт бичгийн 2021-2030 онд хэрэгжүүлэх үйл ажиллагааны хэрэгжилт, үр дүнг эрчимжүүлэн сайжруулахад урт, дунд, богино хугацааны бодлогын баримт бичгүүдийн хоорондын уялдаа, нэгдсэн арга зүй, удирдамжаар ханган ажиллахад анхаарч, хэрэгжилтийг жил бүр Засгийн газарт танилцуулахыг даалгалаа.

Дэлгэрэнгүй унших

Улстөр нийгэм

Засгийн газрын 2020-2024 оны үйл ажиллагааны хөтөлбөрийн хэрэгжилт 48.9 хувьтай байна

Огноо:

,

Засгийн газрын ээлжит хуралдаан 2022 оны наймдугаар сарын 17-нд болж, “Засгийн газрын 2020-2024 оны үйл ажиллагааны хөтөлбөр”, “Монгол Улсын хөгжлийн 2022 оны төлөвлөгөө”-ний хэрэгжилтийн явцыг энэ оны хагас жилийн байдлаар Монгол Улсын сайд, ЗГХЭГ-ын дарга Ц.Нямдорж Засгийн газрын гишүүдэд танилцууллаа.

Засгийн газрын 2020-2024 оны үйл ажиллагааны хөтөлбөрийн хэрэгжилт эхний хагас жилийн байдлаар 48.9 хувьтай байна. Хөтөлбөрийг эрчимжүүлэх зорилгоор удирдлага, зохион байгуулалтаас хамаарч удаашралтай байгаа зорилт, арга хэмжээг энэ оны жилийн эцсийн зорилтот түвшинд хүргэх, санхүү, хөрөнгө оруулалтаас шалтгаалан удаашралтай байгаа зорилт, арга хэмжээг улсын төсвөөс гадна гадаадын зээл, тусламж, хувийн хэвшлийн хөрөнгө оруулалт татах замаар хэрэгжүүлэх боломж, нөхцөлийг судалж, шийдвэрлэхийг даалгалаа. Мөн УИХ-д 2022 онд өргөн мэдүүлэхээр заасан хууль тогтоомжийн төслүүдийг энэ онд багтаан Засгийн газрын хуралдаанаар хэлэлцүүлэн УИХ-д өргөн мэдүүлэхийг Ерөнхий сайд үүрэг болгосон юм.  

“Монгол Улсын хөгжлийн 2022 оны төлөвлөгөө” нь манай улсыг 2021-2025 онд хөгжүүлэх таван жилийн үндсэн чиглэл, Засгийн газрын 2020-2024 оны үйл ажиллагааны хөтөлбөртэй 100 хувь уялджээ. Уг төлөвлөгөө 6 бүлэг, 23 зорилго бүхий 300 төсөл, арга хэмжээтэй батлагдсан бөгөөд энэ оны эхний хагас жилийн байдлаар биелэлт 47.6 хувьтай байна. Төсөл, арга хэмжээний биелэлтийн тайланд тухайн жилийн ажлын гүйцэтгэлд зарцуулсан хөрөнгийн хэмжээ, шалгуур үзүүлэлтийг хангасан байдал, гаргасан үр дүнг тодорхой тусган бүрэн тайлагнаж байхыг Засгийн газрын гишүүд, холбогдох агентлагийн дарга нарт даалгалаа.

Дэлгэрэнгүй унших

Улстөр нийгэм

ЗГ: Үндэсний цахим шуудангийн системээр дамжуулан иргэдийн өргөдөл, гомдлыг хүлээж авна

Огноо:

,

Засгийн газрын ээлжит хуралдаан 2022 оны наймдугаар сарын 17-нд болж, Үндэсний цахим шуудангийн талаар Боловсрол, шинжлэх ухааны сайд бөгөөд Цахим хөгжил, харилцаа холбооны сайдын үүрэг хариуцагч Л.Энх-Амгалан Засгийн газрын гишүүдэд танилцууллаа.

Төрийн байгууллагууд иргэдийн гомдол, өргөдлийг биечлэн, цахим сүлжээгээр, байгууллагын албан ёсны цахим шуудан, Засгийн газрын иргэд, олон нийттэй харилцах 11-11 төв, тусгай дугааруудаар хүлээн авч байна. Эдгээр арга хэрэгсэл нь тухайн иргэнийг мөн эсэхийг таньж баталгаажуулах боломжгүй байгаагаас зарим тохиолдолд бусдын мэдээллийг ашиглан хуурамч мэдээ, мэдээлэл өгөх эрсдэл гарч буйг салбарын сайдын үүрэг хариуцагч Л.Энх-Амгалан танилцуулгадаа дурдаж байв.

Тэрбээр “Монгол Улсын үндэсний цахим шуудангийн системийг өнөөдрөөс нэвтрүүлж эхэлж байна. Тодруулбал, 16 наснаас дээш иргэд “И-Mонголиа” системээр дамжуулан и-мэйл хаягтай болж байна. Ухаалаг гар утас хэрэглэж байгаа 3.8 сая хэрэглэгч Монгол Улсад байгаагаас 1.5 сая нь “И-Mонголиа” системийг ашиглаж байна. Үндэсний цахим шуудангийн гол давуу тал нь, иргэн шууд төртэй харьцана. Төр ч иргэнтэй шууд харьцана. Өнөөдрийн байдлаар гадаад паспортын хугацаа нь дууссан 61 мянган хүн байна. Энэ хүмүүст паспортын хугацаа дууссан гэх сануулгыг и-мэйлээр өгч байгаа. Төрийн үйлчилгээг иргэдэд хүргэх цахим шуудангийн тогтолцоонд Монгол Улс албан ёсоор шилжиж байна. Заавал яам, тамгын газрын үүд сахих шаардлагагүй боллоо” гэлээ.

Нийтийн мэдээллийн ил тод байдлын тухай хуулийн 23.3-т “иргэн, хуулийн этгээдэд иргэний хуулийн этгээдийн бүртгэлийн дугаараар үндэсний цахим шуудангийн хаягийг үүсгэнэ” гэж заажээ. Өнөөдрийн байдлаар танилт, нэвтрэлтийн системд бүртгэлтэй 1,600,000 гаруй иргэнд тус системийг ашиглан төрөл бүрийн мэдээлэл, мэдэгдлийг төрийн үйлчилгээний нэгдсэн “И-Монголиа”  системээр дамжуулан хүргэх, иргэнийг таньж баталгаажуулсан үндэсний цахим шуудангийн хаягаас өргөдөл, гомдол хүлээн авах, хариу хүргүүлэх боломж бүрдээд байна.  Тодруулбал, иргэд төрийн байгууллагад өргөдөл, гомдол гаргахдаа заавал биечлэн эсхүл утсаар өгдөг байсан бол энэхүү системээр дамжуулан төрийн байгууллагад өргөдөл, гомдол гаргах, хариуг хүлээн авах боломжтой болсон гэсэн үг.

Үүнтэй холбогдуулан энэ системээр дамжуулан чиг үүргийн хүрээнд иргэдэд шаардлагатай мэдээлэл, мэдэгдэл хүргүүлэх, өргөдөл, гомдлыг хүлээн авч хариу хүргүүлэх арга хэмжээ авч ажиллахыг Засгийн газрын гишүүд, хууль хяналтын байгууллагын удирдлага, Засгийн газрын агентлагийн дарга, аймаг, нийслэлийн Засаг дарга нарт, уг үйлчилгээнд дэмжлэг үзүүлж ажиллахыг Цахим хөгжил, харилцаа холбооны сайдын үүрэг хариуцагч Л.Энх-Амгаланд даалгалаа.

Дэлгэрэнгүй унших
сурталчилгаа
Чөлөөт цаг13 цаг 53 минут

ОХУ-ын ажлын хэсэг хамтарсан сургууль байгуулах асуудлаар манай улса...

Урлаг спорт13 цаг 55 минут

“Чингис хаан” хаад язгууртны музейг есдүгээр сард нээнэ

Үзэл бодол13 цаг 59 минут

Геодези, зураг зүйн тухай хуулийн шинэчилсэн найруулгын төслийг УИХ-...

Улстөр нийгэм14 цаг 1 минут

Засгийн газрын ээлжит хуралдаан боллоо

Чөлөөт цаг14 цаг 3 минут

Үер, усны аюулаас сэрэмжтэй байхыг анхааруулж байна

Улстөр нийгэм14 цаг 5 минут

Засгийн газрын 2020-2024 оны үйл ажиллагааны хөтөлбөрийн хэрэгжилт 4...

Шударга мэдээ14 цаг 8 минут

Ховд аймгийн Засаг дарга Б.Дүгэржавыг огцруулах шийдвэрийг гаргажээ

Улстөр нийгэм14 цаг 10 минут

ЗГ: Үндэсний цахим шуудангийн системээр дамжуулан иргэдийн өргөдөл, ...

Улстөр нийгэм14 цаг 15 минут

УИХ-ын ээлжит бус чуулган ирэх долоо хоногт чуулна

Чөлөөт цаг14 цаг 18 минут

Алтан намар-2022: 17 байршилд хүнсний ногооны үзэсгэлэн худалдааг га...

Санал болгох