Бидэнтэй нэгдэх

Чөлөөт цаг

Чиний хичээл зүтгэл л чамайг аварна...

Огноо:

,

НУЛИМСАА АРЧ...

Хэн нэгэнд гомдож, хэтэрхий их баярлаж, нулимс унагаах хэрэггүй. Өрөвдүүлэх гэж, эсвэл өш хонзон санаж уйлах бүр ч хэрэггүй. Харин чамайг бусдыг өрөвдөж, хайрлаж сураасай гэж ээж нь хүсдэг юм. Тиймдээ ч цэцэг тарьж, цэцэг усалсангүй хэмээн чамайг загнаж, гөлөг тэжээж, нохойнд түүхий хоол өглөө гэж зэмлэдэг байсан юм. Чамайг шөлнийхөө будааг түүхийрүүлчихсэн байхад би нэг ч удаа зэмлэж байгаагүй. Дахиад л буцалгаж, давсыг нь нэмээд аягалж тавьдаг байсан. Харин өөрөө хоолондоо хүрч чадахгүй өч төчнөөн амьтан чиний замд тааралдана. Тэр бүрт үнэн сэтгэлээсээ хандаж байгаасай гэж хүсдэг байсан юм. Адгуусыг хайрлаж чадвал чи амраг ханиа, алаг үрээ, анд нөхдөө, хүн бүрийг хайрлаж сурна гэдэгт итгэж хэцүү санагдаж байсан ч гэртээ нохой тэжээж, хагдарч унахыг нь харах дургүй хэрнээ цэцэг тарьдаг байсан юм. Чиний сэтгэлд хайр байгаа цагт хүмүүс чамайг минь үргэлж хайрлаж байх болно. Эн эхайр чамайг хязгааргүй баян, хамгаас илүү эрх чөлөөтэй байлгана гэдэгт итгээрэй охин минь.

БИТГИЙ БУХИМД

Амьдрал дандаа инээд хөөртэй байхгүй. Алдаж болно.Битгий цөхөр. Хүмүүс дандаа чам руу харж инээмсэглэж байхгүй. Чи ч дандаа хөгжилтэй байхгүй. Уйлна, дуулна.Санаж байна уу? Ээж нь чамайг уурлахад, бас дуугаа хураахад хүртэл дургүй байсан. Уурлаж бухимдах үед чи юуг ч зөвөөр тунгааж бодож чадахгүй.Тиймээс ямар нэг шийдвэрийг бухимдсан, уурласан үедээ хэзээ ч битгий гаргаж байг гэсэн дээ хичээлээ ууртай давтаж байвал ээж нь чамайг загнаж, дэвтэр номыг чинь хураалгадаг байсан юм шүү үр минь...

НЭР ЦЭВЭР БАЙ

Охин минь үргэлж цэвэрхэн бай. Халтар болсон гарыг, хир болсон хувцсыг, загалтсан аягыг угааж болдог. Харин сэв суусан нэрийг хэзээ ч цэвэрлэж болдоггүй юм. Худалч, хулгайч, өөдгүй зальжин, өө сэв эрэгч гэдэг муу нэр болгоноос чиний нэр хол байг гэж ээж нь хүсдэг юм. Бусдын эд хөрөнгө, эдлэл хэрэглэл рүү хэзээ ч битгий шуналын нүдээр харж байг гэсэндээ ээж аав хоёр нь өдөр шөнөгүй хөдөлмөрлөж олсон жаахан мөнгөө та нарын аманд хийх амттан, бас мөрөнд углах хувцас болгон хувиргахдаа туйлын баяртай байдаг байсан. Амттан зүгээр л аманд уусаад арилдаг, өнгөлөг дэгжин хувцас ч гэсэн өгширч хувхайрдаг гэдгийг та нар сайн мэднэ.

ЧИНИЙ ХИЧЭЭЛ ЗҮТГЭЛ Л ЧАМАЙГ АВАРНА...

Ээж нь бурхан байдаг гэдэгт итгэдэг. Гэхдээ тэр бурхан миний сэтгэл зүрхэнд байдаг гэдэгт бүүр ч их итгэдэг. Намайг шантархад, намайг залхуурхад, намайг итгэл алдахад тэр бурхан дургүйцэж, өгөөмөр гараа татаж авдаг гэдэгт итгэдэг. Тиймээс өөрт оногдсон бүхнээ чин сэтгэлээсээ өөгүй цэвэрхэн хийхийг хичээдэг байсан юм. Чамд ч гэсэн ийм занг өвлүүлэх гэж дутуу угаасан аягыг чинь дахин дахин зүлгүүлж, дутуу шүүрдсэн хогийг заавал чамаар шүүрдүүлэх гэж загнадаг байсан юм. Охин минь чиний хичээл зүтгэл л чамайг аварна. Чи дарга болсон, цэрэг ч байсан хамаагүй, хамгийн гол нь юунд ч шантардаггүй, өөрийнхөө ажлыг өөлөхийн аргагүй сайн хийдэг байх хэрэгтэй. Тэр хөдөлмөрийн үр шимийг эргээд чи өөрөө л хүртэх болно.

Бяцхан үр минь нэг л өдөр ээж нь холоо явна. Ээжийнхээ хойноос уйлж шаналах огтхон ч хэрэггүй. Суварга босгож, маани, мэгзэм болж сандрах бүүр ч шаардлагагүй. Харин чи минь ээжийнхээ та нарт зориулан бичсэн цөөхөн хэдхэн өгүүлбэрийг заавал уншаарай. Энэ бол гэрээслэл юм. Үзэг, цааснаас өөр өвлүүлэх өв хөрөнгөгүй ядуу ч гэсэн үргэлж өөдрөг амьдарч, хайр, итгэл хүлээлт гурваар хөглөгдөж явсан , сэтгэлээрээ агуу баян хүний үр хүүхэддээ үлдээх өв юм. Хүн шиг хүн явж, хүн шиг амьдарч гэмээнэ чи ээждээ алтан суварга босгохоос илүү том буян үйлдэж байгаа чинь тэр юм. Тиймээс хичээнгүйлэн захисан хэдхэн үгийг минь үргэлж маани, мэгзэм мэт санаж яваарай.

Үргэлж загнадаг хэрнээ үнсэж аргаддаг байсан ижийгээ чи ихээ олон жилийн дараа, өөрөө ээж болсон тэр үе л ойлгоно. Яг тэр мөчид чи ээж нь чамд хичнээн их хайртай байсныг мэдрэх болно.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Чөлөөт цаг

Монголбанк 99.5 тэрбум төгрөгийн ипотекийн зээл шинээр олгов

Огноо:

,

Монголбанк болон арилжааны банкны санхүүжилтийн хүрээнд 2020 оны 11 дүгээр сараас 2021 оны 1 дүгээр сарын 25-ны өдрийн хооронд банкууд нийт 99.5 тэрбум төгрөгийн ипотекийн зээлийг 1,362 өрхөд олгосон байна. Үүнээс Монголбанкны эх үүсвэрээр 974 иргэнд, 62.3 тэрбум төгрөгийн ипотекийн зээл олгогдсон бол банкны эх үүсвэрийн санхүүжилтээр 388 иргэнд 37.2 тэрбум төгрөгийг олгожээ.

Түүнчлэн коронавируст цар тахлын хүндрэлтэй холбоотойгоор банкууд орон сууцны ипотекийн зээлийн төлөлтийг хойшлуулах хүсэлтийг иргэдээс хүлээн авч шийдвэрлэж буй бөгөөд 1 дүгээр сарын 22-ны байдлаар нийт 53180 зээлдэгч хүсэлт гаргаснаас 52384 хүсэлтийг буюу 99 орчим хувийг бүрэн шийдвэрлэж, зээлийн эргэн төлөлтийг хойшлуулсан байна. Банкууд нэгдүгээр сарын 30-ны өдрийг дуустал иргэдээс ипотекийн зээлийг хойшлуулах талаар хүсэлтийг цахимаар хүлээн авч буй юм гэж Монголбанкнаас мэдээлллээ.

Дэлгэрэнгүй унших

Чөлөөт цаг

Тусгай үүргийн нислэгт хамрагдах иргэдийн анхааралд

Огноо:

,

Улсын Онцгой комиссын шийдвэрийн дагуу ирэх хоёрдугаар сард БНСУ руу хоёр, Япон, Индонез руу тус бүр нэг удаа буюу нийт дөрвөн удаагийн тусгай үүргийн нислэг үйлдэхээр болсон. Сөүлээс ирэх нислэгийн хувьд 11 дүгээр сард нислэг нь цуцлагдсан болон эрүүл мэндийн шалтгаантай иргэдийг хамруулна.

Истанбул, Сөүл /2021.02.26/ чиглэлээр тухайн улсаас нутаг буцах хүсэлтэй иргэд болон цөөн тооны транзит зорчигч хамруулна. Харин Улаанбаатараас шууд болон гурав дахь орон руу зорчих, тухайн улсын хүчинтэй визтэй иргэд miat.com цахим хуудасны нислэгийн хүлээх хуудсанд бүртгүүлэх бөгөөд тухайн зорчигчийн нэр нислэгт багтсан тохиолдолд “Миат” ТӨХК-аас зорчигчтой холбогдож тийз бичнэ гэж УОК-ын Шуурхай штабаас мэдээллээ.



Дэлгэрэнгүй унших

Чөлөөт цаг

Завхан аймгийн зарим сумдад хөл хорио тогтоолоо

Огноо:

,

Завхан аймаг Улаанбаатар хотоос татан авсан иргэдээс түргэвчилсэн оношлуураар шинжилгээ хийхэд Улиастай сумын Богдын гол багийн 1 иргэн, Жинст багийн 1 иргэн, Баянтэс суманд 1 иргэний шинжилгээний хариу эeрэг гарсан. 

Иймд сорьцыг Улаанбаатар хот руу явуулж, PCR шинжилгээний хариу гартал буюу 2021 оны 01 дүгээр сарын 27-ны өдрийн 19:00 цагаас 2021 оны 01 дүгээр сарын 28-ны өдрийн 21:00 цаг хүртэл Улиастай, Баянтэс  сум руу орох, гарах хөдөлгөөнийг хязгаарлалаа.

Мөн сум доторх тээврийн хэрэгслийн болон иргэдийн хөдөлгөөнийг түр хязгаарлахаар шийдвэрлэлээ гэж Завхан аймгийн Шуурхай штабаас мэдээллээ.

Дэлгэрэнгүй унших
сурталчилгаа
Шударга мэдээ5 цаг 33 минут

Хоёрдугаар сард үйлдэх тусгай үүргийн нислэгийн хуваарь гарлаа

Улстөр нийгэм5 цаг 39 минут

ЗГ: Нэг сая 500 гаруй мянган хүнд “Ковид-19”-ийн шинжилг...

Чөлөөт цаг5 цаг 43 минут

Монголбанк 99.5 тэрбум төгрөгийн ипотекийн зээл шинээр олгов

Чөлөөт цаг5 цаг 46 минут

Тусгай үүргийн нислэгт хамрагдах иргэдийн анхааралд

Чөлөөт цаг5 цаг 52 минут

Завхан аймгийн зарим сумдад хөл хорио тогтоолоо

Улстөр нийгэм5 цаг 56 минут

Монгол Улсын Ерөнхийлөгч Халтмаагийн Баттулгад Ерөнхий сайд Л.Оюун-Э...

Улстөр нийгэм5 цаг 59 минут

Монгол Улсын Ерөнхий сайд Л.Оюун-Эрдэнэ УИХ-ын дарга Г.Занданшатарт ...

Улстөр нийгэм6 цаг 3 минут

Шүүхийн тухай хуульд хэсэгчлэн тавьсан Ерөнхийлөгчийн хоригийг хүлээ...

Чөлөөт цаг6 цаг 18 минут

Улаанбаатарт өдөртөө 16 хэм хүйтэн

Улстөр нийгэм6 цаг 30 минут

Авлигын эсрэг хуульд өөрчлөлт оруулах тухай хуульд тавьсан Ерөнхийлө...

Санал болгох