Шударга мэдээ

Түрээсийн орон сууцны бүртгэл өнөөдөр эхэлнэ

Огноо:

4 сар 19 өдөр.өмнө

2019/07/22

“Түрээсийн орон сууцны талаар авах арга хэмжээний тухай” Монгол Улсын Засгийн газрын 2019 оны 06 дугаар сарын 05-ны өдрийн 223 дугаар тогтоолын дагуу “972 айлын орон сууцанд иргэдийг хамруулах тухай” Нийслэлийн иргэдийн Төлөөлөгчдийн хурлын Тэргүүлэгчдийн 2019 оны 07 дугаар сарын 04-ний өдөр 115 дугаар тогтоол батлагдсан. Мөн тус хурлаар “Нийслэлийн орон сууцны мэдээллийн сангийн үйл ажиллагааны журам батлах тухай” 113 дугаар тогтоолыг баталсан юм.

Тогтоолын дагуу “Нийслэлийн Орон сууцны корпораци” нь Нийслэлийн зорилтот бүлгийн иргэдийг 972 айлын орон сууцанд хамруулах бүртгэлийн үйл ажиллагааг 2019 оны 07 дугаар сарын 22 буюу өнөөдрөөс 08 дугаар сарын 05-ны өдрийг хүртэл цахим хэлбэрээр явуулахаар бэлтгэл ажлыг ханган ажиллаж байна.

Бүртгэлийн үйл ажиллагааг цахим хэлбэрт шилжүүлэн ажилласнаар иргэд бүртгэлийн явцыг ил тод нээлттэй цаг тухай бүрт нь хүлээн авахаас гадна давхар хяналт тавих боломж бүрдэх юм.

Мөн цахим бүртгэлийг Энгийн түрээс болон түрээслээд өмчлөх гэсэн 2 хэлбэрээр зорилтот бүлэг буюу Ахмад настан, Төрийн албан хаагч, Залуу гэр бүл, Хувийн байгууллагын ажиллагсад болон хувиараа хөдөлмөр эрхлэгч, 18 хүртэлх насны 4 ба түүнээс дээш хүүхэдтэй гэр бүл, Хөгжлийн бэрхшээлтэй иргэн болон түүнийг халамжилдаг гэр бүл, Гамшигт аюул үзэгдлийн улмаас орон гэргүй болсон иргэд гэсэн 8 бүлгийн дагуу явуулахаар ажиллаж байна.

Цаашлаад Нийслэл Улаанбаатар хотын агаар хөрсний бохирдлыг бодитойгоор бууруулах үүднээс бүртгэлд хамрагдах иргэд нь Улаанбаатар хотын харъяалалтай байх, гэр хорооллын агаарын чанарын бүсчлэлд оршин суудаг, өөрийн өмчлөлийн орон сууцгүй байх гэх мэт үндсэн шаардлагуудыг тавьж байна.

Цахим бүртгэлд хамрагдаж байгаа иргэд эхний ээлжинд ямар нэгэн материал бүрдүүлэх шаардлагагүй зөвхөн зааврын дагуу асуулгуудыг бөглөх бөгөөд “Нийслэлийн Зорилтот бүлгийн иргэдийг түрээсийн орон сууцанд хамруулах журам”-ын дагуу шалгарсан иргэдээс нэмэлт материалыг хүлээн авна. Иргэд цахим анкетыг бөглөхдөө өөрийн мэдээллээ үнэн зөвөөр мэдээллэх шаардлагатай бөгөөд худал мэдээлэл өгсөн тохиолдолд хар жагсаалтад бүртгэгдэн сонгон шалгаруулалтад оролцох боломжгүй болох юм.

Нийслэлийн орон сууцны корпораци нь зөвхөн бүртгэлийн үйл ажиллагааг зохион байгуулах бөгөөд сонгон шалгаруулалтын ажлыг Нийслэлийн Засаг даргын захирамжаар байгуулагдсан сонгон шалгаруулах комисс зохион байгуулан ажиллана.

Дараах мэдээ

ЖДҮДС-с зээл олгох эхний ээлжийн шалгуурыг 16 аж ахуйн нэгжийн төсөл хорооны болзолыг хангажээ

Өмнөх мэдээ

"Их Хурд-8" шигшмэл хурдан морьдын уралдаанд Ц.Чимэдбавуугийн хүрэн халзан түрүүллээ

Дэлгэрэнгүй унших

сурталчилгаа

Шударга мэдээ

Угаарын хийд хордсон гэх дуудлага эрс багасчээ

Огноо:

2 өдрийн өмнө

2019/12/06

Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй, Мэргэжлийн хяналтын газрын дэд дарга С.Даваасүрэн, Агаарын бохирдолтой тэмцэх газрын мэргэжилтэн Г.Даваажаргал нар сайжруулсан шахмал түлштэй холбоотой цаг үеийн асуудлаар мэдээлэл хийлээ.

Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй “Нийслэл, дүүргийн шуурхай штабууд 24 цагаар жижүүрлэн ажиллаж байна. Үүний үр дүнд угаарын хийнд хүнд, хөнгөн хэлбэрээр хордсон гэх дуудлага үндсэндээ байхгүй болж байна. Хүйтний эрч чангарч байгаа энэ өдрүүдэд угаарын хийн дуудлага багасаж байгаа нь иргэд ахуйн хэрэглээндээ сайжруулсан шахмал түлшийг зөв хэрэглэж сурч байгаатай холбоотой гэж үзэж байна. Олон хүний ажлын үр дүнд гэр хорооллын яндантай тэмцэх ажилд тодорхой үр дүн гарлаа. Өнгөрсөн хоногийн хугацаанд Яаралтай түргэн тусламжийн төвд угаарын хийн хөнгөн, хүнд хэлбэрээр хордсон нийт дөрвөн өрхийн есөн хүн хандаж, эмнэлгийн тусламж үйлчилгээ, зөвлөмж зөвлөгөөг авснаас нэг хүүхэд Эх хүүхдийн эрүүл мэндийн үндэсний төвд хэвтэн эмчлүүлж байна” гэсэн мэдээлэл өглөө.

Нийслэлийн Мэргэжлийн хяналтын газрын дэд дарга С.Даваасүрэн “Товчоодоор орж ирж байгаа түүхий нүүрсэд мэргэжлийн хяналтын байгууллага хяналт тавин ажиллаж байна. Иргэдээс түүхий нүүрс түлж байна гэсэн мэдээлэл өнгөрсөн хугацаанд нийт 24 ирлээ. Энэ зөрчлүүдэд хяналт тавьж, зөрчлийг арилгуулахаар улсын байцаагчийн дүгнэлт гарган ажиллаж байна. Сүүлийн үед товчоодоор сайжруулсан шахмал түлш гадагшаа гарахыг завдсан зөрчлүүд илэрч байна. Үүнтэй холбогдуулан Цагдаагийн ерөнхий газрын Нийтийн хэв журам хамгаалах олон нийтийн аюулгүй байдлыг хангах алба, Нийслэлийн Мэргэжлийн хяналтын газар хамтран гаргасан шаардлагыг сайжруулсан түлш худалдаалж байгаа цэгүүдэд хүргүүлсэн” гэлээ.

Сайжруулсан шахмал түлш борлуулагч нь иргэдэд хяналтын сайн картаар, тогтоосон тоо хэмжээгээр борлуулах ёстой аж. Харин бэлэн мөнгөөр болон тогтоосон тоо хэмжээнээс илүү худалдан борлуулж болохгүй юм байна.

Дэлгэрэнгүй унших

Шударга мэдээ

Цогтцэцийн малчдад байгаль орчин, нийгмийн хариуцлагын чиглэлээр хийсэн ажлаа танилцууллаа

Огноо:

4 өдрийн өмнө

2019/12/04

“Эрдэнэс-Tавантолгой” XK-ийн Байгаль орчин, усны бодлогын хэлтсээс 2019 оны оны 11 дүгээр сарын 29-ний өдөр компанийн байгаль орчин, нийгмийн хариуцлагыг сурталчлах нээлттэй өдөрлөгийг Цогтцэций суманд зохион байгууллаа.

Энэ үеэр компанийн 2019 оны байгаль орчны менежментийн төлөвлөгөөний хэрэгжилтийн хүрээнд хийсэн ажлаа орон нутгийн иргэдэд тайлагнасан бөгөөд “Эрдэнэс-Тавантолгой” ХК-ийн Гүйцэтгэх захирал Б.Ганхуяг, Өмнөговь аймгийн Цогтцэций сумын засаг дарга О.Бадарч, албаны хүмүүс, тус сумын дөрвөн багийн 80 гаруй малчин, компанийн ажилтнууд оролцож, асуулт хариулт өрнүүлж, санал солилцлоо.

“Эрдэнэс-Тавантолгой” ХК-ийн Байгаль орчин, усны бодлогын хэлтсийн мэргэжилтэн А.Аззаяа оролцогчдод мэдээлэл өглөө. “Эрдэнэс Тавантолгой” ХК-иас 2014-2019 онд Цогтцэций сумын нутагт 27 худаг сэргээн засварлан, усны ундаргыг нь сайжруулж, түвшнийг нь хэмжих багаж суурилуулаад байна. Түвшин хэмжигч суурилуулснаар тухайн худгийн усны зарцуулалтыг тооцон, шаардлагатай тохиолдолд ашиглахаа зогсоон, өөр талбайд худаг гаргах боломж хайх бололцоотой юм.

Компаниас “Ногоон говь” төсөл санаачлан, 10-15 га талбайд мод үржүүлэхээр төлөвлөн, урьдчилсан байдлаар 60 000 ширхгийг тарин, орчныг нь зүлэгжүүлэх ажил эхлүүлээд байна. Одоогоор 20 000 мод тарьсан бөгөөд өнгөрсөн аравдугаар сард уурхайн хамт олон 3000 орчмыг нэмж суулгасан. Түүнчлэн энэ оны зургадугаар сард 120 ам метр талбайтай өвлийн хүлэмж байгуулан, нарийн ногоо тариалж, 3-4 төрлийн, 250 орчим кг хүнсний ногоо хураан авсан нь говьд хүлэмжийн аж ахуй хөгжүүлэх загвар болж буй бөгөөд ирэх жил хүлэмжийн тоог нэмэгдүүлэн, тариалалтаа эрт эхлүүлснээр хураах ургацынхаа хэмжээг 2-3 дахин өсгөх боломжтойг танилцууллаа.

Мөн Хөдөө аж ахуйн их сургуулийн Агроэклогийн сургуулийн эрдэмтэн, багш нартай хамтран нүүрс олборлолтын явцад хөрс болон нүүрсэн давхарга хоорондын биогений гаралтай тунамал чулуулгийн хаягдал хурдсаас гумины бордоо гарган авах судалгааг эхлүүлж, бордоо хийх ашигт түүхий эд хангалттай, үйлдвэрлэх бүрэн боломжтой гэж урьдчилан дүгнэснаа танилцууллаа. Улмаар бордоо үйлдвэрлэж эхэлбэл “Ногоон говь” төслийн ажлыг эрчимжүүлэх, бэлчээрийн өвсний ургацыг сайжруулахад их дэмжлэг болох юм. Түүнчлэн байгаль орчны үнэлгээг тогтмол хийлгэн, авто замын сул шороог хусах хуваарийг мөрдүүлж эхэлснийг хэллээ.

Мөн Цогтцэций сумын төвд, хоёр га талбайг тохижуулан, 730 мод тарин, иргэд амралт, чөлөөт цагаа өнгөрүүлэх цэцэрлэгт хүрээлэн байгуулж буйгаа дуулгав. Уг цэцэрлэгт хүрээлэнг 2020 оны эхний хагаст багтаан ашиглалтад оруулах юм.

Уузалтын үеэр малчид өвс авахад, өвөлжөөгөө тохижуулж, хашаа хороо барихад, залуусыг малжуулахад туслах, худаг бүрийг нэг айлд хариуцуулах зэрэг санал гаргаж байлаа. Мөн арга хэмжээний үеэр малчны худгуудад суурилуулсан усны автомат түвшин хэмжигчийн ач холбогдлын талаарх мэдээллийг “Гурван толгой”-н худагт очин жишээ болгож үзүүллээ. Цаашид жил бүр сумын малчид, иргэдийг дээрх арга хэмжээнд өргөн хүрээгээр оролцуулж, санал хүсэлтийг нь төлөвлөгөөнд тусган, байгаль орчны чиглэлээр тулгамдаж буй асуудлуудыг хамтран шийдвэрлэж ажиллахаар санал нэгдлээ.

Дэлгэрэнгүй унших

Шударга мэдээ

“Эрдэнэс-Тавантолгой” ХК нэмүү өртөг шингэсэн бүтээгдэхүүн экспортлох боломжтой боллоо

Огноо:

5 өдрийн өмнө

2019/12/03

“Эрдэнэс-Тавантолгой” ХК “Их говийн илч” ХХК-тай хамтран сайн чанарын нүүрс угаан баяжуулж, экспортлох боломжтой болов. Энэ дагуу нэмүү өртөг шингэсэн бүтээгдэхүүний дээж хүлээн авах үйл ажиллагааг 2019 оны 11 дүгээр сарын 29-ний өдөр “Эрдэнэс-Тавантолгой” ХК-ийн салбарт зохион байгуулсан бөгөөд уг арга хэмжээнд “Эрдэнэс-Тавантолгой” ХК-ийн гүйцэтгэх захирал Б.Ганхуяг, “Их говийн илч” ХХК-ийн гүйцэтгэх захирал Р.Мөнхбат болон компанийн ажилтнууд оролцлоо.

“Эрдэнэс-Тавантолгой” ХК-ийн гүйцэтгэх захирал Б.Ганхуяг “энэ жил манай компани улсын төсөвт 1,6 их наяд төгрөг төвлөрүүлэх төлөвлөгөөтэйгөөс одоогийн байдлаар 2,4 их наядыг төвлөрүүлж, 41 хувийн давуулан биелэлттэй ажиллаж байна. Цанхийн ордоос олборлосон исэлдсэн, коксжих, балансын бус бохирдолтой нүүрсийг тодорхой харьцааны дагуу хольж угаах ажлыг эхлүүлэн шинээр боловсруулсан бүтээгдэхүүн гаргахаар “Их говийн илч” компанитай хамтран ажилласан нь өнөөдөр ийн биелэлээ оллоо. Тодруулбал, жи индекс буюу 75-80 хувийн сайн чанарын нүүрсийг экспортлох бүрэн боломжтой болж байна. Нэмүү өртөг шингэсэн бүтээгдэхүүн дотооддоо үйлдвэрлэж, зах зээлд гаргаснаар эдийн засгийн эргэлт нэмэгдэж, гуравдагч орон руу экспортлох боломжтой болохын зэрэгцээ ажлын байр олноор бий болох давуу талтай юм” гэж ярилаа.

“Их говийн илч” ХХК анхны нэмүү өртөг шингэсэн бүтээгдэхүүнийг өнгөрсөн тавдугаар сараас үйлдвэрлэж эхэлсэн бөгөөд Өмнөговь аймгийн Цогтцэций сумын Сийрст багийн нутаг дэвсгэрт үйл ажиллагаа явуулж буй 100 хувийн дотоодын хөрөнгө оруулалттай, орон нутгийн статустай, жилд 500,000 тонн нүүрс угаах хүчин чадал бүхий нүүрс угааж, баяжуулахүйлдвэр юм. Энэхүү хамтын ажиллагаа нь цаашид төр хувийн хэвшлийн түншлэлийн сайн жишээ болохыг хоёр талаас онцоллоо.