Бидэнтэй нэгдэх

Шударга мэдээ

Б.Саранчимэг: Аз жаргалтай хотыг ногоон байгууламжаар нь дүгнэдэг

Огноо:

,

Зургаадугаар сарын 05-нд “Дэлхийн байгаль орчны өдөр” тохиолоо. Монгол Улс дахь Бүгд Найрамдах Энэтхэг Улсын Элчин сайдын яамнаас “Дэлхийн байгаль орчны өдөр” болон хүчирхийллийн эсрэг тэмцэгч, энх тайвныг эрхэмлэгч Махатма Гандигийн мэндэлсний 150 жил, дэлхий дээрх тав дахь том шашин болох Сикхийг үндэслэгч Гүрү Нанак Дэв жи Багичигийн мэндэлсний 550 жилийн ойг тус тус тохиолдуулан Үндэсний цэцэрлэгт хүрээлэнд мод суулгах үйл ажиллагааг өнөөдөр (2019.06.05) зохион байгууллаа.

Энэхүү арга хэмжээнд Улсын Их Хурлын гишүүн, УИХ дахь Монгол-Энэтхэгийн парламентын бүлгийн дарга Б.Ундармаа, Улсын Их Хурлын гишүүн Б.Саранчимэг, Бүгд Найрамдах Энэтхэг Улсаас Монгол Улсад суугаа Элчин сайд М.П.Сингх болон Монголын Бурханы шашинтны төв Гандантэгчэнлин хийдийн тэргүүн их хамба лам, гавж Д.Чойжамц, Зүүн хүрээ Дашчойлин хийдийн тэргүүн хамба лам Ч.Дамбажав болон Монгол Улсад ажиллаж амьдарч буй энэтхэг иргэд, Ражив Гандийн нэрэмжит Үйлдвэрлэл урлалын политехникийн коллеж, Сити дээд сургууль, Улаанбаатар Элит дунд сургуулийн оюутан, сурагчид зэрэг нийт 130 гаруй хүн оролцов.

Улс орны хөгжил тэрдундаа аз жаргалтай хотыг илэрхийлэх гол зүйлийн нэг нь ногоон байгууламж юм. Үр хойчдоо тав тухтай, эрүүл орчныг үлдээхийн тулд одооноос төрийн бүхий л шатны байгууллага, иргэд, аж ахуйн нэгжүүд анхаарах ёстой. Өнөөдрийн үйл ажиллагаа хоёр улсын найрамдалт харилцааны нэг илэрхийлэл болохын сацуу хүүхэд залууст байгаль орчноо хайрлаж хамгаалах, ногоон байгууламжийг нэмэгдүүлэхэд гар бие оролцох боломж олгож байна гэдгийг УИХ-ын гишүүн Б.Саранчимэг хэлсэн үгэндээ онцлов.

Үндэсний цэцэрлэгт хүрээлэнгийн 2 га орчим талбайд шилмүүст, бутлаг, навчит зэрэг зургаан зүйлийн 700 гаруй модыг суулгасан юм.

УИХ-ын гишүүн, УИХ дахь Монгол-Энэтхэгийн парламентын бүлгийн дарга Б.Ундармаа “Эцэг эхчүүд үр хүүхдүүдтэйгээ мод тарьж амралтын өдрөө өнгөрөөвөл хамгийн сайхан өгөөжтэй амралт болохоос гадна бидний хойч үе байгаль дэлхийтэйгээ зөв харьцах, өсөж өндийсөн газар орноо хайрлан хамгаалах сэтгэлтэй болж төлөвшинө. Дэлхийн байгаль хамгаалах өдөр тохиож байгаа энэ өдөр Үндэсний цэцэрлэгт хүрээлэнд мод суулгахаар хүүхэд, залуус олноороо ирсэн байгаад баяртай байна” гээд Монгол, Энэтхэг хоёр улсын харилцаа бүхий л салбарт эрчимтэй хөгжиж байгааг харуулсан арга хэмжээ болж буйг тэмдэглэсэн.

Дашрамд тэмдэглэхэд, 1972 онд НҮБ-ын Ерөнхий Ассeмблейн хурлаас жил бүрийн зургаадугаар сарын 05-ны өдрийг “Дэлхийн байгаль орчны өдөр” болгон тэмдэглэж байхаар тунхаглан зарлажээ.

Энэ өдөр нь байгаль орчны хамгаалах талаар дэлхий дахинд зориулсан сурталчилгааны томоохон үйл ажиллагаа бөгөөд байгаль орчинд ээлтэй үйл ажиллагаа явуулахыг уриалсан хамгийн томоохон тэмдэглэлт өдөр юм. НҮБ-ын Байгаль орчны хөтөлбөр нь энэ өдрөөр  дамжуулан байгаль орчны тулгамдсан асуудлуудад  дэлхий нийтийн анхаарлыг хандуулж, байгаль орчноо хамгаалан хайрлах нь хүн бүрийн үүрэг хариуцлага болохыг таниулах,  тогтвортой хөгжлийг дэмжих зорилго агуулдаг юм байна.

Дэлгэрэнгүй унших

Сэтгэгдэл

Шударга мэдээ

13А маягтыг цахимд шилжүүлэх туршилтыг ирэх долоо хоногт эхлүүлнэ

Огноо:

,

Цахим хөгжил, харилцаа холбооны сайд Н.Учрал, Эрүүл мэндийн сайд С.Чинзориг болон яамдын газар хэлтсийн дарга нар, хоёр сайдын хамтарсан тушаалаар байгуулагдсан ажлын хэсгийн гишүүд эрүүл мэндийн салбарын цахим шилжилттэй холбоотой тулгамдаж буй асуудлыг шийдэх зорилгоор уулзаж, санал солилцлоо.

Эрүүл мэндийн салбарт сүүлийн 30 жилийн хугацаанд 37 программ ашиглан үйл ажиллагаа явуулж байна.  Эдгээр программ хангамж, мэдээллийн систем, мэдээллийн сангийн эх үүсвэр хооронд өгөгдлийг эрүүл мэндийн мэдээлэл солилцооны нэгдсэн платформ HIER-ээр дамжуулан нэг стандартаар солилцоход хоёр тал онцгой анхаарч ажиллаж байна.

Иргэд анхан шатны эрүүл мэндийн төвөөс лавлагаа шатлалын эмнэлэгт хандахын тулд зайлшгүй авах шаардлагатай байдаг 13А маягтыг цахим хэлбэрт шилжүүлэх ажлыг энэ сарын 30-наас туршилтын журмаар нэвтрүүлэхээр төлөвлөсөн бөгөөд туршилтын нэг сарын дараагаас бүрэн хэрэгжүүлж эхэлнэ.

Цахим хөгжил, харилцаа холбооны яамны зүгээс 13А маягтыг цахимд шилжүүлэхэд шаардлагатай дэд бүтцийг бий болгоход анхаарч тодорхой асуудлуудыг шийдвэрлэсэн. Цаашид хоёр яам хамтарч эрүүл мэндийн салбарын цахим шилжилтийг эрчимжүүлэх ажлуудыг үе шаттай хийнэ гэж Цахим хөгжил, харилцаа холбооны яамнаас мэдээллээ.

Дэлгэрэнгүй унших

Шударга мэдээ

МИАТ: Энэ сарын 30-наас эхлэн Бээжин чиглэлд тогтмол нийслэг үйлдэнэ

Огноо:

,

МИАТ ТӨХК 2023 оны нэгдүгээр сарын 30-ны өдрөөс эхлэн долоо хоног бүрийн даваа, баасан гарагт БНХАУ-ын Бээжин хотын чиглэлд тогтмол нислэг үйлдэж эхлэнэ.

Тийзийн үнэ 2023 оны нэгдүгээр сарын 25-ны өдрийн байдлаар 1.208.000 төгрөгөөс эхэлж байна гэж МИАТ ТӨХК-иас мэдээллээ.

Дэлгэрэнгүй унших

Шударга мэдээ

Ховд аймгийн 46.1 мянган толгой мал өөр аймагт отроор өвөлжиж байна

Огноо:

,

Ховд аймагт 2022 оны жилийн эцсээр нийт 3.4 сая толгой мал тоологдсон урьдчилсан дүн гарсан. Тус аймгаас нийт 69 өрхийн 46.1 мянган толгой мал өөр аймаг суманд отроор өвөлжиж байна.

Аймаг, сумын аюулгүйн нөөцөд 657.14 тонн өвс, 492.97 тонн тэжээлийн үлдэгдэлтэй байна. Улсын нөөцөөс сумдад өвс, тэжээл олгох ажлыг зохион байгуулж байна.

Өвөлжилт хүндрэлтэй байгаа Булган, Үенч, Алтай сумдад цаг үеийн нөхцөл байдалтай танилцан зохих арга хэмжээ авч ажиллажээ.

Баруун гурван сумын хувьд нийт нутгаар цастай, тал хээрийн бүсдээ цасны зузаан 20-30 см, уулархаг бүс нутгаар 60-70 см орчим зузаан байгаа бөгөөд айл өрхүүд рүү зам хаагдсан хүндрэлтэй нөхцөл байдлууд үүсээд байна. Иймд хүндрэлтэй байгаа сумдад Улсын аюулгүйн нөөцөөс 733 тонн тэжээлийг 50 хувийн хөнгөлөлттэй олгож, хүлээлгэн өгчээ.

Эх сурвалж: ХХААХҮЯ

Дэлгэрэнгүй унших

Санал болгох