Бидэнтэй нэгдэх

Улстөр нийгэм

“COVID-ийн дараах үе, цаг уурын хямрал сэдэвт” Дэлхийн сэтгүүлчдийн Бага хурал боллоо

Огноо:

,

БНСУ-ын Сэтгүүлчдийн Нэгдсэн Холбоо анх 2013 онд Дэлхийн сэтгүүлчдийн бага хурлыг зохион байгууллага санаачлага гарган, өдгөө найм дахь жилдээ амжилттай зохион байгууллаа.

Уг Бага хуралд жил бүр дэлхийн олон орны сэтгүүлчдийг урьж, хэвлэл мэдээллийн тулгамдсан асуудлууд болон Солонгосын хойг,  дэлхийн энх тайван байдалд сэтгүүлчдийн гүйцэтгэх үүрэг гэх мэт сэдвээр хэлэлцүүлэг өрнүүлж, жилээс жилд цар хүрээгээ тэлж, ач холбогдол нь өссөөр ирсэн билээ. Энэ жил цар тахлын улмаас цахимаар “COVID-ийн дараах үе, цаг уурын хямрал” сэдвээр зохион байгуулав.

Нийтдээ 50 орны 60 орчим сэтгүүлчид цахимаар уулзаж, COVID-ийн дараах үеийн сэтгүүлзүйн үүрэг, дэлхийн дулаарлын талаар ярилцав.

Нийгэм, хүрээлэн буй орчин, дэлхийн амьдралд нөлөөлж буй уур амьсгалын өөрчлөлтийн эсрэг хамтарсан хариу арга хэмжээний талаар хэлэлцэх "Дэлхийн цаг уурын асуудлууд" хэлэлцүүлгий үеэр БНСУ-ын Ерөнхий сайд Чун Сы Кюн үг хэлэхдээ “Энэхүү бага хурал нь олон улсын хамтын нийгэмлэг тодорхой бус үед чухал асуудлуудыг шийдвэрлэхэд хэвлэл мэдээллийн үүрэг ач холбогдолтой, үнэ цэнэтэй боломжийг олгож байна” гэжээ.

Түүнчлэн "COVID-19 нь дэлхийн өнцөг булан бүрт асар их өөрчлөлт авчирсныг та бид сайн мэдэж байгаа. Өөрчлөлтийн хурд хурдацтай нэмэгдэж, хүрээ нь маш их тэлсэн. Үнэхээр тодорхойгүй байдал хамгийн их өөрчлөгдсөн эрин үе эхэллээ..,
Иймэрхүү өөрчлөлт, тодорхойгүй байдал үүсгэж байгаа асуудал бол цаг уурын өөрчлөлт юм. Энэ асуудлыг нэг улсын хүчин чармайлтаар хэзээ ч шийдэж чадахгүй. Хамтын санаачлага, хичээл зүтгэлд тулгуурлан бүх улс орнууд шийдлээ олохын тулд бүгд үзэл санаагаа нэгтгэх хэрэгтэй..." гэсэн юм.

Ерөнхий сайд мөн хэвлэл мэдээллийн байгууллагын үнэнийг хүргэх үүргийг онцлон "Бид дижитал технологийг хөгжүүлсний ачаар хэн ч хялбархан мэдээлэл үйлдвэрлэж, түгээж, хэрэглэж чаддаг шинэ ертөнцтэй нүүр тулж байна. Хүмүүс үнэнээр цангах нь улам бүр унтарч байна, сэтгүүлзүйн үнэ цэнэ улам бүр үнэлж баршгүй болж байна." Хэмээн цохон тэмдэглэсэн юм.

Чуулганы эхний өдөр сэтгүүлчид COVID-ийн дараах үед юу хүлээж байгаа, сэтгүүлзүйн гүйцэтгэх үүргийн талаар ярилцсан бөгөөд The Korea Times сонины дижитал контент редактор, БНСУ-ын Сэтгүүлчдин Холбооны олон улсын харилцааны хэлтсийн дарга Жун Мин Хо модератороор оролцов.

КОВИД-ын дараах нөхцөл байдлын талаарх дүр зургуудыг улс хоорондоо хуваалцаж, үнэнийг хүргэхэд хэвлэл мэдээллийн үүрэг улам бүр нэмэгдэж байгааг ярилцав. Нийтдээ 26 орны илтгэгч нар санал солилцсон бөгөөд Монгол улсаас Номадик Контент ХХК-ийн үүсгэн байгуулагч Г.Гантуяа өөрийн орны цар тахлын үеийн нөхцөл байдал, хэтийн дүр зураг болоод хэвлэл мэдээллийн хэрэгслийн үүрэг оролцооны талаар санал солилцсон юм.

Чуулганы хоёр дахь өдөр 22 илтгэгчид дэлхийн цаг уурын асуудалд олон улсын хамтын нийгэмлэгийн хамтарсан хариу арга хэмжээ, сэтгүүлзүйн үүргийн талаар хэлэлцэв. Илтгэгчид нь "Кабул Таймс" сонины орлогч эрхлэгч Фатхулбари Ахгар (Афганистан), "Daily Star" сонины сэтгүүлч асан Тавдфик Али (Бангладеш), "Сегие Илбо" хүрээлэнгийн байгаль орчны сурвалжлагч Юн Жи-ро (Солонгос), Сингапурын дарга Иван Лим нар байв.

Дашрамд дурдахад Дэлхийн Сэтгүүлчдийн Бага хурлыг санаачлан зохион байгуулагч БНСУ-ын Сэтгүүлчдийн Холбоо нь 1964 онд байгуулагдсан Солонгосын хамгийн том сэтгүүлчдийн байгууллага юм. Энэ жил 57 жилийн ойгоо тэмдэглэж байгаа бөгөөд улс орон даяар 195 хэвлэл мэдээллийн компанийн 11000 орчим гишүүнтэй болжээ.
 

Дэлгэрэнгүй унших
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Улстөр нийгэм

Засгийн газрын ээлжит хуралдаан боллоо

Огноо:

,

Засгийн газрын ээлжит хуралдаан 2022 оны наймдугаар сарын 17-нд болж, “Алсын хараа-2050” урт хугацааны хөгжлийн бодлогын баримт бичгийн эхний үе шатны хэрэгжилтийн явцад хяналт-шинжилгээ, үнэлгээ хийсэн тайланг Монгол Улсын сайд, ЗГХЭГ-ын дарга Ц.Нямдорж танилцууллаа.

Үүнтэй холбогдуулан Сангийн сайд бөгөөд Эдийн засаг, хөгжлийн сайдын үүрэг хариуцагч Б.Жавхланд баримт бичгийн 2021-2030 онд хэрэгжүүлэх үйл ажиллагааны хэрэгжилт, үр дүнг эрчимжүүлэн сайжруулахад урт, дунд, богино хугацааны бодлогын баримт бичгүүдийн хоорондын уялдаа, нэгдсэн арга зүй, удирдамжаар ханган ажиллахад анхаарч, хэрэгжилтийг жил бүр Засгийн газарт танилцуулахыг даалгалаа.

Дэлгэрэнгүй унших

Улстөр нийгэм

Засгийн газрын 2020-2024 оны үйл ажиллагааны хөтөлбөрийн хэрэгжилт 48.9 хувьтай байна

Огноо:

,

Засгийн газрын ээлжит хуралдаан 2022 оны наймдугаар сарын 17-нд болж, “Засгийн газрын 2020-2024 оны үйл ажиллагааны хөтөлбөр”, “Монгол Улсын хөгжлийн 2022 оны төлөвлөгөө”-ний хэрэгжилтийн явцыг энэ оны хагас жилийн байдлаар Монгол Улсын сайд, ЗГХЭГ-ын дарга Ц.Нямдорж Засгийн газрын гишүүдэд танилцууллаа.

Засгийн газрын 2020-2024 оны үйл ажиллагааны хөтөлбөрийн хэрэгжилт эхний хагас жилийн байдлаар 48.9 хувьтай байна. Хөтөлбөрийг эрчимжүүлэх зорилгоор удирдлага, зохион байгуулалтаас хамаарч удаашралтай байгаа зорилт, арга хэмжээг энэ оны жилийн эцсийн зорилтот түвшинд хүргэх, санхүү, хөрөнгө оруулалтаас шалтгаалан удаашралтай байгаа зорилт, арга хэмжээг улсын төсвөөс гадна гадаадын зээл, тусламж, хувийн хэвшлийн хөрөнгө оруулалт татах замаар хэрэгжүүлэх боломж, нөхцөлийг судалж, шийдвэрлэхийг даалгалаа. Мөн УИХ-д 2022 онд өргөн мэдүүлэхээр заасан хууль тогтоомжийн төслүүдийг энэ онд багтаан Засгийн газрын хуралдаанаар хэлэлцүүлэн УИХ-д өргөн мэдүүлэхийг Ерөнхий сайд үүрэг болгосон юм.  

“Монгол Улсын хөгжлийн 2022 оны төлөвлөгөө” нь манай улсыг 2021-2025 онд хөгжүүлэх таван жилийн үндсэн чиглэл, Засгийн газрын 2020-2024 оны үйл ажиллагааны хөтөлбөртэй 100 хувь уялджээ. Уг төлөвлөгөө 6 бүлэг, 23 зорилго бүхий 300 төсөл, арга хэмжээтэй батлагдсан бөгөөд энэ оны эхний хагас жилийн байдлаар биелэлт 47.6 хувьтай байна. Төсөл, арга хэмжээний биелэлтийн тайланд тухайн жилийн ажлын гүйцэтгэлд зарцуулсан хөрөнгийн хэмжээ, шалгуур үзүүлэлтийг хангасан байдал, гаргасан үр дүнг тодорхой тусган бүрэн тайлагнаж байхыг Засгийн газрын гишүүд, холбогдох агентлагийн дарга нарт даалгалаа.

Дэлгэрэнгүй унших

Улстөр нийгэм

ЗГ: Үндэсний цахим шуудангийн системээр дамжуулан иргэдийн өргөдөл, гомдлыг хүлээж авна

Огноо:

,

Засгийн газрын ээлжит хуралдаан 2022 оны наймдугаар сарын 17-нд болж, Үндэсний цахим шуудангийн талаар Боловсрол, шинжлэх ухааны сайд бөгөөд Цахим хөгжил, харилцаа холбооны сайдын үүрэг хариуцагч Л.Энх-Амгалан Засгийн газрын гишүүдэд танилцууллаа.

Төрийн байгууллагууд иргэдийн гомдол, өргөдлийг биечлэн, цахим сүлжээгээр, байгууллагын албан ёсны цахим шуудан, Засгийн газрын иргэд, олон нийттэй харилцах 11-11 төв, тусгай дугааруудаар хүлээн авч байна. Эдгээр арга хэрэгсэл нь тухайн иргэнийг мөн эсэхийг таньж баталгаажуулах боломжгүй байгаагаас зарим тохиолдолд бусдын мэдээллийг ашиглан хуурамч мэдээ, мэдээлэл өгөх эрсдэл гарч буйг салбарын сайдын үүрэг хариуцагч Л.Энх-Амгалан танилцуулгадаа дурдаж байв.

Тэрбээр “Монгол Улсын үндэсний цахим шуудангийн системийг өнөөдрөөс нэвтрүүлж эхэлж байна. Тодруулбал, 16 наснаас дээш иргэд “И-Mонголиа” системээр дамжуулан и-мэйл хаягтай болж байна. Ухаалаг гар утас хэрэглэж байгаа 3.8 сая хэрэглэгч Монгол Улсад байгаагаас 1.5 сая нь “И-Mонголиа” системийг ашиглаж байна. Үндэсний цахим шуудангийн гол давуу тал нь, иргэн шууд төртэй харьцана. Төр ч иргэнтэй шууд харьцана. Өнөөдрийн байдлаар гадаад паспортын хугацаа нь дууссан 61 мянган хүн байна. Энэ хүмүүст паспортын хугацаа дууссан гэх сануулгыг и-мэйлээр өгч байгаа. Төрийн үйлчилгээг иргэдэд хүргэх цахим шуудангийн тогтолцоонд Монгол Улс албан ёсоор шилжиж байна. Заавал яам, тамгын газрын үүд сахих шаардлагагүй боллоо” гэлээ.

Нийтийн мэдээллийн ил тод байдлын тухай хуулийн 23.3-т “иргэн, хуулийн этгээдэд иргэний хуулийн этгээдийн бүртгэлийн дугаараар үндэсний цахим шуудангийн хаягийг үүсгэнэ” гэж заажээ. Өнөөдрийн байдлаар танилт, нэвтрэлтийн системд бүртгэлтэй 1,600,000 гаруй иргэнд тус системийг ашиглан төрөл бүрийн мэдээлэл, мэдэгдлийг төрийн үйлчилгээний нэгдсэн “И-Монголиа”  системээр дамжуулан хүргэх, иргэнийг таньж баталгаажуулсан үндэсний цахим шуудангийн хаягаас өргөдөл, гомдол хүлээн авах, хариу хүргүүлэх боломж бүрдээд байна.  Тодруулбал, иргэд төрийн байгууллагад өргөдөл, гомдол гаргахдаа заавал биечлэн эсхүл утсаар өгдөг байсан бол энэхүү системээр дамжуулан төрийн байгууллагад өргөдөл, гомдол гаргах, хариуг хүлээн авах боломжтой болсон гэсэн үг.

Үүнтэй холбогдуулан энэ системээр дамжуулан чиг үүргийн хүрээнд иргэдэд шаардлагатай мэдээлэл, мэдэгдэл хүргүүлэх, өргөдөл, гомдлыг хүлээн авч хариу хүргүүлэх арга хэмжээ авч ажиллахыг Засгийн газрын гишүүд, хууль хяналтын байгууллагын удирдлага, Засгийн газрын агентлагийн дарга, аймаг, нийслэлийн Засаг дарга нарт, уг үйлчилгээнд дэмжлэг үзүүлж ажиллахыг Цахим хөгжил, харилцаа холбооны сайдын үүрэг хариуцагч Л.Энх-Амгаланд даалгалаа.

Дэлгэрэнгүй унших
сурталчилгаа
Чөлөөт цаг12 цаг 15 минут

ОХУ-ын ажлын хэсэг хамтарсан сургууль байгуулах асуудлаар манай улса...

Урлаг спорт12 цаг 17 минут

“Чингис хаан” хаад язгууртны музейг есдүгээр сард нээнэ

Үзэл бодол12 цаг 21 минут

Геодези, зураг зүйн тухай хуулийн шинэчилсэн найруулгын төслийг УИХ-...

Улстөр нийгэм12 цаг 23 минут

Засгийн газрын ээлжит хуралдаан боллоо

Чөлөөт цаг12 цаг 25 минут

Үер, усны аюулаас сэрэмжтэй байхыг анхааруулж байна

Улстөр нийгэм12 цаг 27 минут

Засгийн газрын 2020-2024 оны үйл ажиллагааны хөтөлбөрийн хэрэгжилт 4...

Шударга мэдээ12 цаг 30 минут

Ховд аймгийн Засаг дарга Б.Дүгэржавыг огцруулах шийдвэрийг гаргажээ

Улстөр нийгэм12 цаг 32 минут

ЗГ: Үндэсний цахим шуудангийн системээр дамжуулан иргэдийн өргөдөл, ...

Улстөр нийгэм12 цаг 37 минут

УИХ-ын ээлжит бус чуулган ирэх долоо хоногт чуулна

Чөлөөт цаг12 цаг 40 минут

Алтан намар-2022: 17 байршилд хүнсний ногооны үзэсгэлэн худалдааг га...

Санал болгох