Улстөр нийгэм
МЗХ-ноос 2022 оныг “Залуучуудын хөдөлмөр эрхлэлтийг дэмжих жил” болгон зарлалаа
Монголын Залуучуудын холбооны Удирдах хорооны 6 дугаар хурал өнгөрсөн амралтын өдрүүдэд болж өнгөрчээ. Тус хурлыг МЗХ-ны Ерөнхийлөгч О.Гэрэлт-Од даргалан явуулсан бөгөөд Удирдах хороо, Хариуцлагын хороо, Гүйцэтгэх хорооны гишүүдийн төлөөлөл оролцож, холбооны үндсэн дүрмийг дагаж гарах зарим журмууд болон Гүйцэтгэх хорооны 2022 оны үйл ажиллагааны төлөвлөгөөг хэлэлцэн баталжээ. Мөн холбооны дэргэдэх байгууллагуудын үйл ажиллагааны чиглэл, салбар нэгжүүдийн хуралдааны хуваарь болон өмч ашиглалтын нөхцөл байдал, төсөв санхүүгийн асуудлаар Ажлын хэсгийн дүгнэлтийг хэлэлцэн шийдвэрлэжээ.
МЗХ-ны Гүйцэтгэх хорооны 2022 оны үйл ажиллагааны төлөвлөгөөг “Хөдөлмөрч монгол залуус”, “Эрүүл монгол залуус”, “Манлайлагч монгол залуус”, “Идэвхтэй монгол залуус”, “Эко монгол залуус” зэрэг 6 дэд бүлэг, 68 багц ажлыг 177 төрийн болон төрийн бус байгууллагатай хамтран хэрэгжүүлэхээр төлөвлөж хэлэлцэн батласан бөгөөд 2022 оныг “Залуучуудын хөдөлмөр эрхлэлтийг дэмжих жил” болгон зарлажээ.
“Залуучуудын хөдөлмөр эрхлэлтийг дэмжих жил”-ийн хүрээнд Монголын Залуучуудын холбооны төв байранд “Залуучуудын хөдөлмөр эрхлэлтийг дэмжих төв”, “Залуучуудын гарааны бизнесийг дэмжих төв”, “Залуучуудын хөгжлийн хүрээлэн”, “Залуучуудыг дэмжих сан” зэргийг нээж ажиллуулахаар төлөвлөсний зэрэгцээ “Залуучуудын хөдөлмөр эрхлэлтийг дэмжих нь” сэдэвт төрийн болон төрийн бус байгууллагуудын зөвлөлдөх уулзалтыг улсын хэмжээнд зохион байгуулах, “Хөдөлмөр зуслан”, “Илгээлтийн эзэн” зэрэг олон төсөл, хөтөлбөрүүдийг хэрэгжүүлэхээр төлөвлөжээ. 
Эх сурвалж: Монголын Залуучуудын холбооны Гүйцэтгэх хороо
Улстөр нийгэм
“Эрдэнэс Тавантолгой” ХК орон нутагт 10 шинэ худаг гаргана
Улстөр нийгэм
Мал зүйчид хяналт шалгалт хийх эрхтэй боллоо
Хүнс, хөдөө аж ахуй, хөнгөн үйлдвэрийн яам Хөдөө аж ахуйн их сургуультай хамтран зохион байгуулж буй тус сургалтад аймаг, нийслэлийн Хүнс, хөдөө аж ахуйн газрын Мал үржлийн албаны дарга, сумдын Хөдөө аж ахуйн тасгийн “Мал аж ахуйн үйлдвэрлэл, төлөвлөлт, менежмент, малын үржил бүртгэлийн асуудал хариуцсан мал зүйч” зэрэг нийт 150 мэргэжилтнүүд сургалтад хамрагдаж байна. Хүнс, хөдөө аж ахуй, хөнгөн үйлдвэрийн дэд сайд М.Ганхүлэг салбарт баримтлах бодлого, чиглэлийн талаар мэргэжилтнүүдэд мэдээлэл өглөө.
Хоёр дахь өдрийн сургалтын үеэр сумдад ажиллаж буй мал зүйчид анх удаа хяналт шалгалт хийх эрх бүхий улсын байцаагчийн үнэмлэхээ Хүнс, хөдөө аж ахуй, хөнгөн үйлдвэрийн дэд сайд М.Ганхүлэг, салбар яамны Салбарын хяналтын газрын дарга Б.Санчирдорж, Мал аж ахуйн бодлогын хэрэгжилтийг зохицуулах газрын дарга Г.Наранчулуун, Малын генетик нөөцийн хэлтсийн дарга Б.Цогтбаатар нараас гардан авлаа.
Малын генетик нөөцийн тухай хууль хэрэгжиж эхэлснээс хойш орон нутагт ажиллаж буй мал зүйч мэргэжилтнүүд анх удаа улсын байцаагчийн эрхтэйгээр ажиллах юм гэж ХХААХҮЯ-наас мэдээллээ.
Улстөр нийгэм
Ирэх сарын 1-ээс эхлэн АНУ-ын виз мэдүүлэх бүх хүн ярилцлагын цаг товлох шаардлагатай болно
14-с доош насны хүүхдүүд биечлэн ярилцлагад ирэх шаардлагагүй (гэхдээ консулын зүгээс хүүхдээ биечлэн авч ирэхийг шаардах боломжтой) хэдий ч, хүүхдийн визийн мэдүүлгээ өгөхөд заавал хүүхдийн нэр дээр ярилцлагын цаг товлосон байна.
Энэхүү шинэ журам нь 2024 оны 5-р сарын 1-ний өдөр болон түүнээс хойш ярилцлагын цаг эсвэл ярилцлагагүйгээр виз мэдүүлэх хөтөлбөрийн цаг товлосон бүх виз мэдүүлэгчид үйлчилнэ.
Сэтгэгдэл