Бидэнтэй нэгдэх

Улстөр нийгэм

Төрийн банк нээлттэй хувьцаат компани болох зөвшөөрлөө авлаа

Огноо:

,

Банкны тухай хуулийн шинэчилсэн найруулгын дагуу системийн нөлөө бүхий банкууд болох Төрийн банк, Хаан банк, Голомт банк, Худалдаа хөгжлийн банк, Хас банк нь 2023 оны 6 дугаар сарын 30-ны өдрийн дотор хэлбэрээ өөрчилж нээлттэй хувьцаат компани болох ёстой. Энэ хүрээнд Төрийн банк, Хаан банк, Голомт банк нь нээлттэй хувьцаат компани болох зөвшөөрлөө авахаар Монголбанк, Монголын Хөрөнгийн бирж, Санхүүгийн зохицуулах хороонд хүсэлтээ өгөөд байсан юм.

Тэгвэл Санхүүгийн зохицуулах хорооны энэ сарын 21-ний ээлжит хуралдаанаар Төрийн банкийг нээлттэй хувьцаат компани болох зөвшөөрлийг олгожээ. Ингэснээр Төрийн банк нь системийн нөлөө бүхий банкнууд олон нийтэд нээлттэй хувьцаат компани болох салхийг хагалж, төрийн өмчит компаниудаа манлайлан олон нийтийнх болох эхлэлээ тавиад байна.

Монгол орон даяар 500 орчим салбар, 4,000 гаруй ажилтан, 2.3 сая харилцагчидтай Төрийн банкны хувьд 2021 оны жилийн эцсийн байдлаар 3.7 их наяд төгрөгийн актив хөрөнгөтэй, 45.7 тэрбум төгрөгийн цэвэр ашигтай ажиллаж байсан бол 2022 оны хагас жилийн байдлаар актив хөрөнгө нь 3.9 их наяд төгрөг хүрч, цэвэр ашиг нь 69.8 тэрбум төгрөг болон нэмэгдсэн юм. 2022 оны эхний хагас жилийн байдлаар Төрийн банкны өөрийн хөрөнгийн өгөөж нь 15.6%-д хүрснээр системийн банкуудаа өгөөжийн түвшнээрээ тэргүүлжээ.

AQR буюу Активын чанарын үнэлгээгээр хамгийн сайн үнэлгээг авч чадсан Төрийн банкны хувьд энэ сарын 24-нд Улаанбаатар зочид буудлын Эвент холлд Роуд шоу буюу хувьцаааны танилцуулгаа хийхээр төлөвлөжээ. Улаанбаатар зочид буудалд 11:00 цагаас эхлэх нээлттэй арга хэмжээнд Төрийн банкны хувьцааг авч банкны эзэн болох хүсэлтэй хэн бүхэн оролцож захиалга өгөх боломжтой юм байна.

Төрийн банк ард түмний банк болох эхлэлээ ийнхүү тавьж байгаа бөгөөд . Тус банкны хувьцааг иргэд маш их сонирхож байгаа бөгөөд Төрийн банкны хувьцаа хамгийн тогтвортой, өгөөжтэй хөрөнгө оруулалт байх болно гэж хөрөнгө оруулагчид үзэж байгаа аж.

Төрийн банкны нээлттэй хувьцаат компани болох үйл ажиллагааны Үндсэн андеррайтераар “Өлзий энд Ко капитал ҮЦК” ХХК ажиллаж байгаа бол Туслах андеррайтераар “Гүүдсек ҮЦК” ХХК ажиллаж байгаа юм.

Дэлгэрэнгүй унших
сурталчилгаа

Сэтгэгдэл

Улстөр нийгэм

“Эрдэнэс Тавантолгой” ХК орон нутагт 10 шинэ худаг гаргана

Огноо:

,

“Эрдэнэс Тавантолгой” ХК-иас нийгмийн хариуцлагын хүрээнд 2024 онд Өмнөговь аймгийн Цогтцэций суманд бэлчээрийн мал усалгааны зориулалттай инженерийн хийцтэй гүн өрмийн 10 ширхэг худаг гаргаж өгөхөөр ажлаа эхлүүллээ.
 
Орон нутгаас өгсөн саналд үндэслэн говийн хүн, малын ус ундааны гол эх үүсвэр болсон худгуудтай болгох санхүүжилтийг шийдвэрлэж, өрөмдөж, тохижуулах ажлыг эхлүүлсэнд нутгийн иргэдээс талархалтай хүлээн авч байна.
 
Өнөөдөр эхний худгийг Цогтцэций сумын Билгэх багийн малчин Н.Ихбаярт хүлээлгэн өглөө. 
 
Бэлчээрийн усан хангамжийг сайжруулах зорилгоор "Эрдэнэс Тавантолгой" ХК-иас малчдад гаргаж өгч буй эдгээр худгууд нь худгийн байр, мал услах онгоц, цахилгаан үүсгүүр, насос зэргээр иж бүрэн тоноглогдсон байх бөгөөд уст цэгийн хайгуул судалгаа болон өрөмдлөгийн ажлыг усны мэргэжлийн байгууллагаар гүйцэтгүүлж байна гэж “Эрдэнэс Тавантолгой” ХК-иас мэдээллээ. 
Дэлгэрэнгүй унших

Улстөр нийгэм

Мал зүйчид хяналт шалгалт хийх эрхтэй боллоо

Огноо:

,

Малын генетик нөөцийн тухай хуульд холбогдох нэмэлт өөрчлөлт орсонтой холбогдуулан сумын Хөдөө аж ахуйн тасгийн мал зүйч мэргэжилтнүүдэд улсын байцаагчийн эрх олгох, Малын генетик нөөцөд хамааралтай уламжлалт мэдлэг, өв тээгчийг бүртгэх сургалт 2 дахь өдрөө үргэлжилж байна.

Хүнс, хөдөө аж ахуй, хөнгөн үйлдвэрийн яам Хөдөө аж ахуйн их сургуультай хамтран зохион байгуулж буй тус сургалтад аймаг, нийслэлийн Хүнс, хөдөө аж ахуйн газрын Мал үржлийн албаны дарга, сумдын Хөдөө аж ахуйн тасгийн “Мал аж ахуйн үйлдвэрлэл, төлөвлөлт, менежмент, малын үржил бүртгэлийн асуудал хариуцсан мал зүйч” зэрэг нийт 150 мэргэжилтнүүд сургалтад хамрагдаж байна. Хүнс, хөдөө аж ахуй, хөнгөн үйлдвэрийн дэд сайд М.Ганхүлэг салбарт баримтлах бодлого, чиглэлийн талаар мэргэжилтнүүдэд мэдээлэл өглөө.

Хоёр дахь өдрийн сургалтын үеэр сумдад ажиллаж буй мал зүйчид анх удаа хяналт шалгалт хийх эрх бүхий улсын байцаагчийн үнэмлэхээ Хүнс, хөдөө аж ахуй, хөнгөн үйлдвэрийн дэд сайд М.Ганхүлэг, салбар яамны Салбарын хяналтын газрын дарга Б.Санчирдорж, Мал аж ахуйн бодлогын хэрэгжилтийг зохицуулах газрын дарга Г.Наранчулуун, Малын генетик нөөцийн хэлтсийн дарга Б.Цогтбаатар нараас гардан авлаа.

Малын генетик нөөцийн тухай хууль хэрэгжиж эхэлснээс хойш орон нутагт ажиллаж буй мал зүйч мэргэжилтнүүд анх удаа улсын байцаагчийн эрхтэйгээр ажиллах юм гэж ХХААХҮЯ-наас мэдээллээ. 

Дэлгэрэнгүй унших

Улстөр нийгэм

Ирэх сарын 1-ээс эхлэн АНУ-ын виз мэдүүлэх бүх хүн ярилцлагын цаг товлох шаардлагатай болно

Огноо:

,

2024 оны 5-р сарын 1-ний өдрөөс эхлэн АНУ-руу бүх виз мэдүүлэгчид заавал ярилцлагын цаг товлосон байх шаардлагатай болжээ. Үүнд 14-с доош насны хүүхдүүд хамаарна. Ярилцлагын цаг товлоогүй хүүхдийн визийн мэдүүлгийг Элчин сайдын яам хүлээн авахгүй болохыг анхаарна уу.

14-с доош насны хүүхдүүд биечлэн ярилцлагад ирэх шаардлагагүй (гэхдээ консулын зүгээс хүүхдээ биечлэн авч ирэхийг шаардах боломжтой) хэдий ч, хүүхдийн визийн мэдүүлгээ өгөхөд заавал хүүхдийн нэр дээр ярилцлагын цаг товлосон байна.

Энэхүү шинэ журам нь 2024 оны 5-р сарын 1-ний өдөр болон түүнээс хойш ярилцлагын цаг эсвэл ярилцлагагүйгээр виз мэдүүлэх хөтөлбөрийн цаг товлосон бүх виз мэдүүлэгчид үйлчилнэ.
Дэлгэрэнгүй унших

Санал болгох