Бидэнтэй нэгдэх

Улстөр нийгэм

Б.Жавхлан: Боловсрол, соёл, шинжлэх ухааны салбарт үр дүнд суурилсан санхүүжилтийн тогтолцоог нэвтрүүлнэ

Огноо:

,

УИХ-ын Боловсрол, соёл, шинжлэх ухаан, спортын байнгын хорооны 2022 оны 10 дугаар сарын 26-ны өдрийн хуралдаанаар, Монгол Улсын 2023 оны Төсвийн тухай, Нийгмийн даатгалын сангийн 2023 оны төсвийн төсөл, Эрүүл мэндийн даатгалын сангийн 2023 оны төсвийн төслийн хоёр дох хэлэлцүүлгийг хийлээ. Байнгын хорооны холбогдох салбаруудад 2023 онд 507 тэрбум төгрөгийн санхүүжилтийг улсын төсвөөс хийх төлөвлөлт байна.

Боловсролын салбарт гүйцэтгэл үр дүнд суурилсан санхүүжилтийн тогтолцоог нэвтрүүлж эхэлсэн. 2023 оноос Соёл, Шинжлэх ухааны салбарт төрийн үйлчилгээг гүйцэтгэл үр дүнд суурилан санхүүжүүлэхээр Сангийн яам төлөвлөжээ. Боловсрол, соёл, шинжлэх ухаан, спортын байнгын хорооны дарга Г.Мөнхцэцэгийн нэр дээр Соёлын яамнаас ирүүлсэн хоёр хүсэлтийг байнгын хорооны санал дүгнэлтэд тусган УИХ-ын Төсвийн байнгын хороонд хүргүүлэх боллоо.

Үүнд, Үндэсний номын сангийн Интерьер заслын ажилд шаардагдах 3.500.0 сая төгрөгийг Улсын төсвийн 2023 оны төсөвт тусгах, 2020-2023 онд ашиглалтад орсон 33 Соёлын төвүүдэд 15.0 тэрбум төгрөгийн тоног төхөөрөмжийн зардлыг 2023 оны төсвийн төсөлд тусгуулах саналууд багтсан байна.  Монгол Улсын 2023 оны төсвийн төсөлд иргэдээс санал авсан.

Ирсэн саналын 46,1 хувь нь Боловсрол, шинжлэх ухааны салбартай холбоотой ирсэнийг БСШУС-ын Байнгын хорооны дарга Г.Мөнхцэцэг гишүүдэд уншиж танилцуулсан. Байнгын хорооны эрхлэх асуудлын хүрээнд иргэдээс ирүүлсэн 368 саналын 200 гаруй нь СХД-ийн лабротори 12-р сургуулийн барилгын ажлыг дуусгах санал байсныг УИХ-ын Төсвийн байнгын хороонд нэгтгэн хүргүүллээ.  Мөн 2023 оны Төсвийн төсөлд хийсэн Аудитын дүгнэлтийг сонссон юм.

Дэлгэрэнгүй унших
сурталчилгаа

Сэтгэгдэл

Улстөр нийгэм

“Эрдэнэс Тавантолгой” ХК орон нутагт 10 шинэ худаг гаргана

Огноо:

,

“Эрдэнэс Тавантолгой” ХК-иас нийгмийн хариуцлагын хүрээнд 2024 онд Өмнөговь аймгийн Цогтцэций суманд бэлчээрийн мал усалгааны зориулалттай инженерийн хийцтэй гүн өрмийн 10 ширхэг худаг гаргаж өгөхөөр ажлаа эхлүүллээ.
 
Орон нутгаас өгсөн саналд үндэслэн говийн хүн, малын ус ундааны гол эх үүсвэр болсон худгуудтай болгох санхүүжилтийг шийдвэрлэж, өрөмдөж, тохижуулах ажлыг эхлүүлсэнд нутгийн иргэдээс талархалтай хүлээн авч байна.
 
Өнөөдөр эхний худгийг Цогтцэций сумын Билгэх багийн малчин Н.Ихбаярт хүлээлгэн өглөө. 
 
Бэлчээрийн усан хангамжийг сайжруулах зорилгоор "Эрдэнэс Тавантолгой" ХК-иас малчдад гаргаж өгч буй эдгээр худгууд нь худгийн байр, мал услах онгоц, цахилгаан үүсгүүр, насос зэргээр иж бүрэн тоноглогдсон байх бөгөөд уст цэгийн хайгуул судалгаа болон өрөмдлөгийн ажлыг усны мэргэжлийн байгууллагаар гүйцэтгүүлж байна гэж “Эрдэнэс Тавантолгой” ХК-иас мэдээллээ. 
Дэлгэрэнгүй унших

Улстөр нийгэм

Мал зүйчид хяналт шалгалт хийх эрхтэй боллоо

Огноо:

,

Малын генетик нөөцийн тухай хуульд холбогдох нэмэлт өөрчлөлт орсонтой холбогдуулан сумын Хөдөө аж ахуйн тасгийн мал зүйч мэргэжилтнүүдэд улсын байцаагчийн эрх олгох, Малын генетик нөөцөд хамааралтай уламжлалт мэдлэг, өв тээгчийг бүртгэх сургалт 2 дахь өдрөө үргэлжилж байна.

Хүнс, хөдөө аж ахуй, хөнгөн үйлдвэрийн яам Хөдөө аж ахуйн их сургуультай хамтран зохион байгуулж буй тус сургалтад аймаг, нийслэлийн Хүнс, хөдөө аж ахуйн газрын Мал үржлийн албаны дарга, сумдын Хөдөө аж ахуйн тасгийн “Мал аж ахуйн үйлдвэрлэл, төлөвлөлт, менежмент, малын үржил бүртгэлийн асуудал хариуцсан мал зүйч” зэрэг нийт 150 мэргэжилтнүүд сургалтад хамрагдаж байна. Хүнс, хөдөө аж ахуй, хөнгөн үйлдвэрийн дэд сайд М.Ганхүлэг салбарт баримтлах бодлого, чиглэлийн талаар мэргэжилтнүүдэд мэдээлэл өглөө.

Хоёр дахь өдрийн сургалтын үеэр сумдад ажиллаж буй мал зүйчид анх удаа хяналт шалгалт хийх эрх бүхий улсын байцаагчийн үнэмлэхээ Хүнс, хөдөө аж ахуй, хөнгөн үйлдвэрийн дэд сайд М.Ганхүлэг, салбар яамны Салбарын хяналтын газрын дарга Б.Санчирдорж, Мал аж ахуйн бодлогын хэрэгжилтийг зохицуулах газрын дарга Г.Наранчулуун, Малын генетик нөөцийн хэлтсийн дарга Б.Цогтбаатар нараас гардан авлаа.

Малын генетик нөөцийн тухай хууль хэрэгжиж эхэлснээс хойш орон нутагт ажиллаж буй мал зүйч мэргэжилтнүүд анх удаа улсын байцаагчийн эрхтэйгээр ажиллах юм гэж ХХААХҮЯ-наас мэдээллээ. 

Дэлгэрэнгүй унших

Улстөр нийгэм

Ирэх сарын 1-ээс эхлэн АНУ-ын виз мэдүүлэх бүх хүн ярилцлагын цаг товлох шаардлагатай болно

Огноо:

,

2024 оны 5-р сарын 1-ний өдрөөс эхлэн АНУ-руу бүх виз мэдүүлэгчид заавал ярилцлагын цаг товлосон байх шаардлагатай болжээ. Үүнд 14-с доош насны хүүхдүүд хамаарна. Ярилцлагын цаг товлоогүй хүүхдийн визийн мэдүүлгийг Элчин сайдын яам хүлээн авахгүй болохыг анхаарна уу.

14-с доош насны хүүхдүүд биечлэн ярилцлагад ирэх шаардлагагүй (гэхдээ консулын зүгээс хүүхдээ биечлэн авч ирэхийг шаардах боломжтой) хэдий ч, хүүхдийн визийн мэдүүлгээ өгөхөд заавал хүүхдийн нэр дээр ярилцлагын цаг товлосон байна.

Энэхүү шинэ журам нь 2024 оны 5-р сарын 1-ний өдөр болон түүнээс хойш ярилцлагын цаг эсвэл ярилцлагагүйгээр виз мэдүүлэх хөтөлбөрийн цаг товлосон бүх виз мэдүүлэгчид үйлчилнэ.
Дэлгэрэнгүй унших

Санал болгох