Бидэнтэй нэгдэх

Цаг үе

Энэ долоо хоногт нийт 11.4 км авто замыг шинэчилнэ

Огноо:

1 жил 10 сар.өмнө

,

Энэ долоо хоногт дараах авто замуудын хөдөлгөөнийг хааж, шинэчилнэ. Ингэснээр нийт 11.4 км авто замыг шинэчлэх юм.

Есдүгээр сарын 24-ний өдөр

  1. “Нийслэл хүрээ” өргөн чөлөөний авто замын хэсэгчилсэн засвар, шинэчлэлт (Тэмээтэй хөшөөнөөс зүүн тийш И-Март дэлгүүрийн уулзвар хүртэл)-ийн ажлыг есдүгээр сарын 24-ний 22:00 цагаас есдүгээр сарын 29-ний 06:00 цаг хүртэл зорчих хэсгийг нэг, нэг урсгалаар нь хэсэгчлэн хааж, асфальтбетон хучилтын ажлыг гүйцэтгэнэ. Шинэчлэх зам 1,6 км.
  2. Чингэлтэйн өргөн чөлөөний авто замын хэсэгчилсэн засвар, шинэчлэлт (Долоон буудлын эцсээс Дамбын пост)-ийн ажлыг “Ди вай кэй би” ХХК есдүгээр сарын 24-ний өдрийн 23:00 цагаас есдүгээр сарын 27-ны өдрийн 06:00 цаг хүртэл хааж, асфальтбетон хучилтын ажлыг гүйцэтгэнэ. 

Есдүгээр сарын 25-ны өдөр

  1. Дандарбаатарын гудамжны авто замын засвар, шинэчлэлт (Офицеруудын ордны тойргоос Цайз захын уулзвар хүртэл)-ийн ажлыг есдүгээр сарын 25-ны өдрийн  23:00 цагаас есдүгээр сарын 27-ны өдрийн 06:00 цаг хүртэл хааж, асфальтбетон хучилт хийнэ.  
  2. Нарны замын хэсэгчилсэн засвар, шинэчлэлт (Циркийн уулзвараас Нарны гүүр хүртэл)-ийн ажлыг есдүгээр сарын 25-ны өдрийн 22:00 цагаас есдүгээр сарын 28-ны өдрийн 06:00 цаг хүртэл хааж, асфальтбетон хучилт хийнэ.
  3. Наадамчдын авто замын хэсэгчилсэн засвар, шинэчлэлт (Фүүд ситигээс Бритиш сургуулийн автобусны буудал)-ийн ажлыг есдүгээр сарын 25-ны өдрийн 23:00 цагаас есдүгээр сарын 29-ний өдрийн 06:00 цаг хүртэл нэг урсгалыг хааж, асфальтбетон хучилт хийнэ. 

Есдүгээр сарын 27-ны өдөр

  1. Чингисийн өргөн чөлөө гудамжны авто замын хэсэгчилсэн засвар шинэчлэлт (Энхтайваны гүүрнээс тэмээтэй хөшөө хүртэл)-ийн ажлыг есдүгээр сарын 27-ны өдрийн 22:00 цагаас есдүгээр сарын 30-ны өдрийн 06:00 цаг хүртэл хааж, замыг шинэчилнэ. 
  2. Архивчдын гудамжны авто замын засвар, шинэчлэлт (Нисэхийн тойргоос- Нисэхийн хурдны зам хүртэлх хойноос урагш чиглэлийн баруун талын авто замын засвар, шинэчлэлтийн ажил )-ийн ажлыг есдүгээр сарын 27-ны өдрийн 22:00 цагаас есдүгээр сарын 30-ны өдрийн 06:00 цаг хүртэл баруун талын урсгалыг хааж, замыг шинэчилнэ. 
  3. Хувьсгалчдын гудамжны авто замын засвар, шинэчлэлт (7 дугаар хорооны уулзвараас Тасганы овооны уулзвар хүртэл )-ийн ажлыг есдүгээр сарын 27-ны өдрийн 23:00 цагаас есдүгээр сарын 30-ны өдрийн 06:00 цаг хүртэл хааж, асфальтбетон хучилт хийнэ. 

Есдүгээр сарын 28-ны өдөр

  1. Богд уулын арын авто замын хэсэгчилсэн засвар, шинэчлэлт (Баянзүрхийн хуучин гүүрнээс Налайхын авто зам хүртэл)-ийн ажлыг есдүгээр сарын 28-ны өдрийн 06:00 цагаас есдүгээр сарын 29-ний өдрийн 06:00 цаг хүртэл хааж, асфальтбетон хучилт хйинэ.

Есдүгээр сарын 29-ний өдөр

  1. Хүннүгийн гудамжны авто замын засвар, шинэчлэлт (Хоум плазагийн уулзвараас Дүнжингарав худалдааны төвийн уулзвар хүртэл)-ийн ажлыг есдүгээр сарын 29-ний өдрийн 22:00 цагаас аравдугаар сарын 2-ны өдрийн 06:00 цаг хүртэл хааж, шинэчилнэ. 

Есдүгээр сарын 30-ны өдөр

  1. Богд уулын арын авто замын хэсэгчилсэн засвар, шинэчлэлт (Налайхын авто замаас Скай ресортын уулзвар хүртэл)-ийн ажлыг есдүгээр сарын 29-ний өдрийн 06:00 цагаас есдүгээр сарын 30-ны өдрийн 06:00 цаг хүртэл хааж, шинэчилнэ. 
Уншсан:1286
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Бичил тээврийн хэрэгслийн осол хоёрхон сарын дотор 1235-д хүрчээ

Огноо:

9 цаг 37 минут

,

2026 оны зургаа болон долдугаар сарын байдлаар Гэмтэл согог судлалын үндэсний төвийн Яаралтай тусламжийн тасагт мопед, скүүтер, суррон, цахилгаан дугуй зэрэг бичил моторт тээврийн хэрэгслээс үүдэлтэй осол, гэмтлийн 1235 тохиолдол шинээр бүртгэгджээ. Энэ нь он гарснаас хойших эхний таван сарын нийт тохиолдлоос хоёр дахин их үзүүлэлттэй байна.

Тодруулбал, 2026 оны эхний таван сарын хугацаанд дээрх төрлийн тээврийн хэрэгслээс үүдэлтэй осол, гэмтлийн 754 тохиолдол бүртгэгдсэн бол зургаа, долдугаар сард 1235 тохиолдол бүртгэгджээ.
бичвэр нарын зураг байж магад

Зургаа, долдугаар сард бүртгэгдсэн тохиолдлуудаас 774 нь мопед, 136 нь скүүтер, 171 нь суррон болон цахилгаан дугуйтай холбоотой осол, гэмтэл байна. Мөн явган явж байхдаа эдгээр тээврийн хэрэгсэлд мөргүүлж гэмтсэн 154 тохиолдол бүртгэгджээ.

Нийт 1235 тохиолдлын 763 буюу 61.8 хувь нь эрэгтэй, 472 нь эмэгтэй байна.

Насны бүлгээр авч үзвэл 20-иос дээш насныхан 703 буюу 56.9 хувь, 15–19 насныхан 431 буюу 34.9 хувь, 0–14 насныхан 101 буюу 8.2 хувь эзэлжээ.

Харин оны эхний таван сард бүртгэгдсэн 754 тохиолдлын 463 буюу 61.4 хувь нь эрэгтэй, 291 буюу 38.6 хувь нь эмэгтэй байжээ. Тухайн хугацаанд 20-иос дээш насныхан 414 буюу 54.9 хувь, 15–19 насныхан 246 буюу 32.6 хувийг эзэлсэн байна.
унадаг дугуй ба бичвэр нарын зураг байж магад
Суррон, скүүтер, мопед зэрэг бичил тээврийн хэрэгслээс үүдэлтэй осол, гэмтлийн тоо сүүлийн жилүүдэд нэмэгдсэн байна. Тухайлбал,

  • 2022 онд – 50
  • 2023 онд – 305
  • 2024 онд – 532
  • 2025 онд – 2792 хүн гэмтэж, бэртжээ.

Мөн явган зорчигч эдгээр тээврийн хэрэгсэлд мөргүүлсэн тохиолдолд эмэгтэйчүүд, бусад төрлийн осол, гэмтлийн үед эрэгтэйчүүд гэмтэх нь түгээмэл байгааг Гэмтэл согог судлалын үндэсний төвийн мэдээлэл харуулж байна.

Дэлгэрэнгүй унших

Цаг үе

Сүүлийн 10 жилд усны ослоор 232 хүүхэд амь насаа алджээ

Огноо:

11 цаг 2 минут

,

Сүүлийн 10 жилийн хугацаанд усны ослын улмаас 232 бага насны хүүхэд амь насаа алдсан байна. Усанд эндсэн шалтгааны дийлэнх нь эцэг, эх, асран хамгаалагчийн хараа хяналт сул байснаас гол, нуурын эрэг дээр тоглож байхдаа хөл алдан усанд унасан зэргээс үүдэлтэй байна.

Иймд:

  • Гол, нуурын эрэг дагуу аялж, амарч зугаалахдаа бага насны хүүхдийг нэг хором ч хараа хяналтгүй орхихгүй байх,
  • Гол мөрөнд ашиглах зориулалтгүй хийлдэг гудас, дугуй, хөвөгч тоглоом зэрэг хэрэгслээр хүүхдээ тоглуулахгүй байх,
  • Гол, нуурын эрэг дагуу бууж амрах, майхан барихдаа тухайн газрын усны урсгал, гүн, эргийн тогтоц зэрэг нөхцөл байдлыг урьдчилан судалж, эрсдэлээ тооцоолон аюулгүй байдлаа хангахыг зөвлөж байна
Дэлгэрэнгүй унших

Цаг үе

"Хархорум 360°" хөгжмийн фестиваль Хүннүгийн үеэс хойших түүхээр "аялуулна"

Огноо:

11 цаг 17 минут

,

"KHARKHORUM 360° visual art & music festival" төслийн талаар хэвлэлийн хурал 2026 оны наймдугаар сарын 10-ны өдөр боллоо.

Өдгөө дөрөв дэх удаагаа зохион байгуулагдаж буй тус фестиваль цаг хугацаа буюу TIME нэртэйгээр зохион байгуулагдаж байна. Өнгөрсөн хугацаанд тус төслийн хүрээнд хиртэлт буюу цаг хугацааны солбилцол, сүнс буюу дотоод ертөнц зэрэг агуулгын хүрээнд гурван бүлэг хийж, гурван жил завсарласан. Харин энэ жил үндэсний бахархалыг сэргээх, олон улсын түвшинд гарах зорилготойгоор ажиллаж буйг тодотгов.

"KHARKHORUM 360° visual art & music festival" төслийн багийнхан өнөөдөр хэвлэлийн хурал хийлээ. Өдгөө дөрөв дэх удаагаа зохион байгуулагдаж буй тус фестиваль цаг хугацаа буюу TIME нэртэйгээр зохион байгуулагдаж байна.

Өнгөрсөн хугацаанд тус төслийн хүрээнд хиртэлт буюу цаг хугацааны солбилцол, сүнс буюу дотоод ертөнц зэрэг агуулгын хүрээнд гурван бүлэг хийж, гурван жил завсарласан. Харин энэ жил үндэсний бахархалыг сэргээх, олон улсын түвшинд гарах зорилготойгоор ажиллаж буйг тодотгов.

Энэ жилийн онцлог нь Төв цэнгэлдэх хүрээлэнгийн төв тайзыг бүтэн тойрсон 12 метр өндөр, 300 метр урттай 360 градусын дэлгэц байрлуулах юм. Уран бүтээлч бүрт зориулан бүтээсэн дижитал контент тус дэлгэцээр тасралтгүй дүрслэгдэж, үзэгчид тоглолтыг зөвхөн сонсох бус, орчинд нь бүрэн автан мэдрэх боломжтой байна. Мөн дуугаралтын хувьд Cinematic Orchestral системийг ашигласнаар хөгжмийн орон зайн мэдрэмж, бүтээл бүрийн сэтгэл хөдлөлийг илүү бодитоор хүргэхээр төлөвлөжээ. Ингэснээр амьд хөгжмийн тоглолт, дижитал дүрслэл, орон зайн дуугаралт нэгэн зэрэг хослуулах юм.

Тус фестиваль наймдугаар сарын 22, 23-ны өдрүүдэд Төв цэнгэлдэх хүрээлэнд болно. Энэхүү тоглолт нь дэлхийн хамгийн сүүлийн үеийн цоо шинэ урлаг болох visual art буюу таван мэдрэхүйн урлагийн хөгжлийг гайхуулах хөгжмийн үдэшлэг юм. Энэ жил TIME буюу Хүннүгийн үеэс хойших таван томоохон үйл явдлыг дижитал урлагийн гайхамшгаар харуулж, үзэгч сонсогчдыг 2000 гаруй жилийн цаг хугацаагаар аялуулахаар төлөвлөжээ.

Мөн COP17 хурал Монгол Улсад зохион байгуулагдаж буйтай холбогдуулан "Нэг тасалбар -Нэг мод -Нэг өв" санаачилгыг эхлүүлсэн байна. Санаачилгын хүрээнд Хархорум төгөл бүтээх аж.

Фестивалийн хүрээнд нийт 12 өдрийн арга хэмжээ зохион байгуулахөөр төлөвлөсөн байна. Үүний нэг болох бүтээлч соёл, түүх, худалдаа наймааг агуулсан Bazaar төсөл маргааш буюу наймдугаар сарын 11-нд эхэлнэ. Уг арга хэмжээ Үндэсний цэцэрлэгт хүрээлэнгийн төв хаалганы дэргэд 10 өдрийн турш үргэлжилнэ. Өдөр бүр өөр агуулгатай байх аж.

Дэлгэрэнгүй унших

Санал болгох